2 May, 2025 - 09:24 - Page 2 of 2 -

Gazeta Imazhi LAJME

Ardian Kastrati largohet nga PDK

Ish-deputeti i Kuvendit të Kosovës, Ardian Kastrati, ka thënë se më nuk është pjesë e Partisë Demokratike të Kosovës.

Kështu deklaroi ai gjatë një interviste në Klan Kosova, transmeton Telegrafi.

“Nuk jam më në PDK”, tha Kastrati, derisa kritikoi kreun e PDK-së, Memli Krasniqi për takimin që ka pasur me kryeministrin në detyrë Albin Kurti.

“Nuk është në moralin e PDK-së me u taku me njerëz që e kanë sha UÇK-në”, theksoi ai.

Ai po ashtu pohoi se kjo është hera e dytë që Memli Krasniqi i bën favor Albin Kurtit.

“Me një Memli Krasniqi në krye të PDK-së, edhe 1 mijë vjet Albin Kurti duhet mos me qenë i shqetësuar, a po e sheh se çfarë favoresh i bën. Ideja në garën politike është me i fitu zgjedhjet, jo me dalë i dyti”, pohoi ai.

Kastrati po ashtu tha se në PDK kishte hyrë për Hashim Thaçin dhe Kadrin Veselin, duke shtuar se po ta dinte që Memli Krasniqi do ta udhëhiqte PDK-në, nuk do të hynte fare në këtë parti.

Gazeta Imazhi LAJME

“Dy deputete të LDK-së janë gati të votojnë Qeverinë Kurti”

Analisti politik, Azdren Shala ka thënë se dy deputete të Lidhjes Demokratike të Kosovës janë të gatshme të votojnë Qeverinë Kurti.

Kështu u shpreh ai në emisionin “Rubikon”.

Ai shton se votimi i fshehtë që u propozua sot në seancën e nëntë konstituive të Kuvendit të Kosovës, i mbron ato të mos linçohen publikisht.

“Sipas një burimi të besueshëm që unë e kam, s’e di se a është krejt i saktë, por është shumë i besueshëm, dy deputete të LDK-së janë gati ta votojnë Qeverinë Kurti. Votimi i fshehtë i tyre i mbron nga linçimi publik”, u shpreh ai.