“I tham hajde, pushkën e ki këtu”, Sami Lushtaku: Albin Kurti refuzoi të bëhej pjesëtar i UÇK-së

Ish-gjenerali i UÇK-së, Sami Lushtaku ka shpalosur histori nga lufta.

Lushtaku tha se kryetari i Vetëvendosjes, Albin Kurti nuk ka qenë asnjëherë pjesëtar i Ushtrisë Çlirimtare të Kosovës, duke treguar edhe momentin kur i kishin bërë ftesë që të bëhej pjesë e tyre, por Kurti refuzoi ta merrte pushkën në dorë.

“Kurrë, kurrë s’ka qenë. Unë e mbaj mend kur ka ardhë një herë në Likovc dhe i kemi thanë hajde, uniformën e ki kurdush, pushkën e ki hajde udhëro. Ai nuk ka pranu me qenë pjesëtar i UÇK-së. Ai ka qenë me Adem Demaçin dhe mbaj mend që ai nuk ka pranu me kanë pjesëtar i UÇK-së”, tha Lushtaku në Periskopi.

Kërcënimi rus po rritet: Paralajmërim për sulme të reja nga Putini edhe jashtë Ukrainës

Ish-ministri britanik për Evropën Denis MacShane, foli nga Londra live për emisionin Balkan Talks.

Duke komentuar mbi ecurinë e negociatave SHBA-Rusi për një mundësi të përfundimi të luftës në Ukrainë, ai tha se Trump është i moshuar dhe ato që thotë sot mund t’i ndryshojë në ditët në vijim.

Ndërkohë, vuri në dukje shqetësimin se, sipas tij, Putin mund të përpiqet të sulmojë vende të tjera fqinje.

“Putin mund të sulmojë dhe të përpiqet të aneksojë vende të tjera fqinje, ashtu siç u nda Polonia gjatë Luftës së Dytë Botërore. Ne duhet ta marrim Putinin seriozisht dhe të shqyrtojmë se çfarë duhet të bëjmë për të shpëtuar demokracinë evropiane. Shpresoj që Serbia do të zgjedhë Evropën si të ardhmen e saj, dhe jo të vazhdojë të jetë ndihmëse e presidentit rus Putin”, tha ish-ministri britanik.

“Deputetët serbë në Kuvend: Betimi për sovranitetin, një manovër për të ndezur përplasje”

Deputetët serbë në Kuvendin e Kosovës kanë firmosur tekstin e betimit si pjesë e legjislaturës së nëntë të Kuvendit të Republikës së Kosovës, raporton Gazeta Sinjali.

Në dokumentin që kanë nënshkruar, ata zotohen për mbrojtjen e sovranitetit të Kosovës – një akt që ka ngjallur reagime, përfshirë edhe nga avokati serb Çedomir Stojkoviq. Ky i fundit ka publikuar dokumentet në rrjetin social X, duke e cilësuar këtë si një “lojë trefishe” të presidentit të Serbisë, Aleksandër Vuçiq.

“Në njërën anë nxit tensione dhe përplasje të armatosura, siç ndodhi në Banjskë më 2023, nga ana tjetër përpiqet ta bindë opinionin publik serb dhe Kishën Ortodokse se po e mbron Kosovën si pjesë të Serbisë. Ndërkohë, deputetët që kontrollon betohen në institucionet e Kosovës për të ruajtur pavarësinë e saj. Kjo lojë e dyfishtë, madje trefishtë, ka prodhuar vetëm urrejtje, manipulim dhe përplasje të dhunshme – duke nxitur përçarje ndërmjet komuniteteve dhe viktima të pafajshme, në një kohë kur paqja mund të ishte zgjedhja më e thjeshtë dhe më e drejtë”, shkroi Stojkoviq.

Betimi u bë më 19 prill, gjatë tentimit të tretë për konstituimin e legjislaturës së re të Kuvendit. Deri më tani janë mbajtur 10 vazhdime të seancës konstituive, por procesi ende nuk ka përfunduar.

Nuk zmbrapsen izraelitët: Vraşįn 40 persona për 24 orë në Gaza

Sulmet ajrore izraelite kanë vrarë të paktën 40 persona në të gjithë Gazën gjatë 24 orëve të fundit, thanë zyrtarët e mbrojtjes civile në territorin e shkatërruar palestinez, ndërsa qeveria e Izraelit përgatitej të urdhëronte zgjerimin e ofensivës së saj ushtarake.

Nëntë persona u vranë kur një sulm goditi një shtëpi në kampin e refugjatëve Bureij në Gazën qendrore; gjashtë persona të tjerë vdiqën në një sulm të ndarë që kishte në cak një shtëpi familjare në qytetin verior të Beit Lahiya; gjashtë të tjerë vdiqën në një sulm në një kuzhinë të përbashkët në qytetin e Gazës, dhe një sulm gjatë natës në kampin e refugjatëve Khan Younis vrau të paktën 11 persona, përfshirë tre foshnje deri në një vjeç, thanë zyrtarët, raporton The Guardian.

I pyetur për të komentuar mbi sulmet, një zëdhënës i Forcave të Mbrojtjes së Izraelit (IDF) tha se ushtria “merr masa paraprake të mundshme për të zbutur dëmin ndaj civilëve”.

Izraeli rifilloi fushatën e bombardimeve në Gaza më 18 mars, duke i dhënë fund një armëpushimi të brishtë.

“60 milionë euro dëm”: Mehmetaj nxjerr kontratën ilegale të Faton Pecit me një kopmani private

Dje njërin e shtynë, sot 7 rojet e Kurtit e bën edhe këtë veprim ndaj gazetarëve

Ish-kryeministri, Albin Kurti, arriti të shtunën në Kuvendin e Kosovës i shoqëruar nga shtatë zyrtarë të mbrojtjes së afërt dhe tre automjete zyrtare. Edhe kësaj radhe ai nuk u ndal për të folur me gazetarët, shkruan Insajderi.

Një nga rojet e tij u drejtua prerazi ndaj mediave: “Mos u afroni”, tha ai, vetëm një ditë pasi një gazetar u shty nga sigurimi i Kurtit në një incident të mëparshëm.

Kjo ndodhi vjen në një moment kur situata e lirisë së medias në Kosovë është në fokus të kritikave. Të premten, organizata Reporterët pa Kufij publikoi raportin e saj vjetor, sipas të cilit Kosova ka shënuar rënien më të madhe në 15 vitet e fundit në Indeksin e Lirisë së Shtypit – duke rënë për 24 pozita.

Vrįtet me thiķë kosovari në zvicër

Sipas raportimeve të para, një burrë 56-vjeçar nga Uganda dyshohet se ka kryer krimin. Ai u arrestua pak më vonë në stacionin e trenit Dietikon

Një burrë është goditur me thikë dhe është plagosur për vdekje në një apartament në Dietikon, Cyrih, të premten në mbrëmje. Policia ka arrestuar një të dyshuar.

Viktima e njoftoi vetë policinë kantonale të Cyrihut pak pas orës 23:00, ka njoftuar policia, të shtunën, transmeton albinfo.ch.

Policët që u dërguan në vendngjarje e gjetën 43-vjeçarin të plagosur rëndë në apartamentin e tij.

Përkundër ndihmës së menjëhershme, kosovari ndërroi jetë nga plagët e marra, shkruan sda.ch.

Sipas raportimeve, një burrë 56-vjeçar nga Uganda dyshohet se ka kryer krimin. Ai u arrestua pak më vonë në stacionin e trenit Dietikon.

Rrethanat e sakta të krimit dhe motivi janë aktualisht të paqarta. Policia Kantonale e Cyrihut dhe Zyra e Prokurorit Publik i për Krime të Dhunshme kanë filluar hetimet.

Përveç policisë kantonale, në detyrë ishin edhe policia e qytetit Dietikon, shërbimet e shpëtimit, mjekët e urgjencës, Instituti i Mjekësisë Ligjore i Cyrihut dhe Instituti i Mjekësisë Ligjore i Universitetit të Cyrihut.

Gjesti nuk ndalet, ja ku do e shihni së shpejti!

Gjesti ka vendosur të mos pushojë nga eksperienca e tij në dy Big Brother-at, duke nisur menjëherë koncertet.

Izolimi duket se nuk i ka ndikuar fare artistit nga Peja, i cili me të fituar “BBVA” u kthye kah koncertet dhe bashkëpunimet e ndryshme, shkruan IndeksOnline.

Nga 9 maji, Gjesti do të mbajë koncerte në Evropë, pranë diasporës, duke nisur në Austri, Gjermani, Zvicër e Belgjikë.

Datat e eventeve ku do të përformojë, ai i ka postuar në “Instagram Story”:

Ultimatumi i frikshëm nga Moska – Ukraina paralajmërohet për pasoja shkatërruese, nëse bën këtë veprim

Nënkryetari i Këshillit të Sigurisë së Rusisë, Dmitry Medvedev, ka lëshuar një paralajmërim të ashpër ndaj Ukrainës, duke thënë se nëse Kievi sulmon Moskën gjatë festimeve të 9 majit, “askush nuk mund të garantojë që kryeqyteti ukrainas do të mbijetojë deri më 10 maj”

Deklarata e tij vjen në përgjigje të refuzimit të Presidentit ukrainas Volodymyr Zelenskyy për një armëpushim tre-ditor të shpallur nga Presidenti rus Vladimir Putin, me rastin e 80-vjetorit të fitores së Bashkimit Sovjetik dhe aleatëve në Luftën e Dytë Botërore.

Putin shpalli një armëpushim nga 8 deri më 10 maj, gjatë të cilit do të presë liderë ndërkombëtarë në Moskë, përfshirë Presidentin kinez Xi Jinping, për ceremonitë zyrtare të Ditës së Fitores më 9 maj.

Por Zelenskyy tha se një ndalesë 3-ditore është e pamjaftueshme dhe kërkoi një armëpushim prej të paktën 30 ditësh, propozim që Moska e ka përjashtuar.

Duke komentuar refuzimin e armëpushimit dhe deklaratat e Zelenskyyt për sigurinë e liderëve që mund të marrin pjesë në Moskë, Medvedev e quajti qëndrimin e tij një “provokim verbal” dhe shtoi:

“Askush nuk ka kërkuar garanci sigurie nga Kievi për festimet e 9 majit. Por nëse ndodh një provokim i vërtetë gjatë Ditës së Fitores, askush nuk mund të garantojë që Kievi do të jetojë deri më 10 maj.”

Zelenskyy kishte deklaruar më herët se Ukraina nuk mund të jetë përgjegjëse për atë që ndodh në territorin e Federatës Ruse, duke theksuar se siguria e të ftuarve ndërkombëtarë është përgjegjësi e Moskës.

Zemra e Vuçiqit jep alarmin – Kjo është gjendja shëndetësore e Presidentit serb

Kardiologu Dragan Dinçiq, i cili, sipas fjalëve të tij, prej vitesh është pjesë e ekipit që kujdeset për presidentin serb Aleksandar Vuçiq, ka bërë të ditur se ky i fundit është kthyer papritur nga Shtetet e Bashkuara pasi që ka pasur dhimbje të forta në kraharor që, sipas vetë Vuçiqit, kanë zgjatur  disa sekonda.

Megjithatë, sipas dëshmive të të pranishmëve në atë moment, siç tha Dinčić, dhimbja ka zgjatur disi më gjatë.

Sipas Dinčićit, dhimbja kishte lidhje me tensionin e lartë të gjakut të Vuçiqit, i cili, pasi kishte marrë një terapi të caktuar, 45 minuta më pas kishte tension 165 me 98. Kardiologu shtoi se ka gjasa që para marrjes së terapisë, tensioni të ketë qenë shumë më i lartë.

Ai shtoi gjithashtu se Vuçiq, gjatë më shumë se 10 viteve të fundit, ka pasur tri episode të ngjashme, të cilat kanë qenë kryesisht të lidhura me vlera jashtëzakonisht të larta të tensionit të gjakut, raporton Danas.

“Presidenti mori një terapi shtesë mjaft intensive dhe, pas 45 minutash, kur mbërriti ekipi mjekësor nga Amerika, u matën vlerat e tensionit 165 me 98, gjë që tregon qartë se tensioni para marrjes së terapisë ishte ndjeshëm më i lartë. Mjekët amerikanë, në mënyrë shumë profesionale, kryen të gjitha ekzaminimet e nevojshme, por presidenti, përkundër rekomandimeve të tyre, vendosi të kthehej në vend. Ai u kthye me avion dhe gjatë udhëtimit, ashtu edhe gjatë ekzaminimeve në VMA ku mbërriti rreth orës 13:00 sot, nuk pati shqetësime dhe ndihej mirë,” deklaroi Dinčić.

Ai shtoi se, pas ekzaminimeve dhe analizave të nevojshme, konsulta mjekësore në VMA konstatoi se gjendja shëndetësore aktuale e Vuçiqit është stabile dhe e kënaqshme.

“Konsulta përshtati terapinë, këshilloi ndjekjen e rregullt mjekësore dhe vazhdimin e trajtimit. Pritet që brenda një ore (rreth orës 17:00) presidenti të largohet nga Akademia Ushtarako-Mjekësore, por në çdo rast nuk është realiste të pritet që ai të kthehet plotësisht në aktivitetet e tij të zakonshme brenda disa ditëve të ardhshme,” tha Dinčić.