Pula vezën apo veza pulën? Shkenca e ka një përgjigje më në fund!

Një nga pyetjet më të vjetra filozofike – “Kush erdhi më parë, veza apo pula?” – duket se më në fund ka marrë një përgjigje përfundimtare nga shkenca. Sipas një studimi të realizuar nga studiuesit në Universitetin e Sheffield dhe atë të Warwick në Mbretërinë e Bashkuar, pula ka ardhur para vezës.

Zbulimi u bë falë një proteine të quajtur ovocleidin-17 (OC-17), e cila luan një rol kyç në formimin e guaskës së vezës. Kjo proteinë gjendet vetëm në vezoret e pulës dhe është përgjegjëse për katalizimin e procesit ku karbonati i kalciumit kristalizohet për të formuar guaskën e fortë të vezës.

Pa praninë e kësaj proteine, guaska nuk mund të formohet – që do të thotë se veza nuk mund të ekzistojë pa pulën që e prodhon këtë proteinë. Pra, sipas kësaj logjike shkencore, veza nuk ka si të ketë ardhur para pulës, pasi është vetë trupi i pulës që ka aftësinë ta krijojë atë.

Ky zbulim mbështet fuqishëm idenë se pula duhet të ketë ekzistuar më parë, për të qenë në gjendje të prodhojë vezën e parë me guaskë të plotë – duke i dhënë fund kështu një debati që ka intriguar mendjet njerëzore për shekuj me radhë. Nëse deri më sot e ke parë këtë dilemë si një mister pa përgjigje, shkenca sapo të dha një: pula erdhi e para.

Transformimi i Eglit pas frizerkës – ‘e gatshme për sytë e vjehrrës’ dhe zemrën e Gjestit!

Finalistja e edicionit të tretë të “Big Brother VIP Albania”, Egli Tako, ka tërhequr vëmendjen e fansave me një postim të fundit në rrjete sociale.

E njohur për stilin e saj të veçantë dhe praninë karizmatike gjatë qëndrimit në shtëpinë më të famshme në Shqipëri, Egli ka ndarë me ndjekësit një foto të realizuar në një sallon bukurie, ku duket më në formë se kurrë.

Në imazhin e publikuar në Instagramin e saj, Egli shfaqet me një bluzë të bardhë të shkurtër që thekson linjat trupore dhe një palë xhinse të gjera me bel të ulët.

Ajo mban telefonin në dorë dhe pozon para pasqyrës me vetëbesim dhe një buzëqeshje të lehtë, ndërsa ambienti modern i sallonit dhe ndriçimi i zbehtë e shtojnë elegancën e fotografisë.

Vlen të theksohet se tatuazhet e saj diskrete në krah dhe bark janë gjithashtu të dukshme, duke i dhënë edhe më shumë karakter paraqitjes së saj.

Pavarësisht se postimi i saj është komentuar gjerësisht për paraqitjen fizike dhe stilin e saj minimalist por atraktiv, ajo që ka zgjuar më shumë interes është pikërisht heshtja e saj për statusin e marrëdhënies me Besart Kelmendin, i njohur ndryshe si Gjesti – gjithashtu finalist në BBVA3.

Egli Tako në Kosovë, takon prindërit e Gjestit?

Çifti kishte krijuar një lidhje brenda shtëpisë së Big Brother, që u cilësua si një nga dinamikat më të veçanta të këtij sezoni, por pas përfundimit të spektaklit, dyshimet për një ndarje të mundshme kanë nisur të qarkullojnë.

Egli nuk ka ndarë asnjë foto apo video të përbashkët me Gjestin që prej përfundimit të spektaklit, ashtu si edhe ai.

Kjo heshtje në rrjete sociale ka ndezur spekulime mes fansave, të cilët vazhdimisht pyesin në komente për fatin e lidhjes së tyre.

Deri më tani, asnjëri prej tyre nuk ka bërë një deklaratë zyrtare që të sqarojë nëse janë ende bashkë apo i kanë dhënë fund romancës së tyre pas daljes nga shtëpia.

Ndërkohë, Egli duket se po i përkushtohet pamjes së saj dhe jetës personale jashtë vëmendjes mediatike.

Postimet e saj të fundit reflektojnë qetësi, kujdes për veten dhe një lloj pavarësie që ndoshta mund të jetë edhe sinjal për një kapitull të ri në jetën e saj.

Përtej çdo dyshimi, një gjë mbetet e sigurt: Egli Tako vazhdon të jetë një nga figurat më të ndjekura dhe më të diskutueshme të BBVA3, dhe çdo lëvizje e saj është nën vëzhgimin e fansave të shumtë që mezi presin të mësojnë më shumë për të ardhmen e saj – si në jetën personale, ashtu edhe në atë profesionale.

Zbulohet arsyeja e vizitës misterioze të Eglit në Prishtinë – ja pse erdhi!

Mjaftoi vetëm një fotografi në Prishtinë, që Egli Tako të bëhej sërish qendër e vëmendjes gjatë javës që po lëmë pas.

Sigurisht që mendimi i vetëm i ndjekësve ishte se ardhja e saj në Kosovë lidhej me Gjestin.

Por, Egli nuk zbuloi asgjë më shumë përveç këtij “ngacmimi”, që ndezi kureshtjen në rrjete sociale.

Egli Tako në Kosovë, takon prindërit e Gjestit?

 

Megjithatë, e vërteta qëndron krejtësisht ndryshe. Vizita e Eglit në Prishtinë nuk kishte të bëjë me jetën personale, por me projekte profesionale.

Burime të Prive By Liberta Spahiu bëjnë të ditur se këngëtarja ndodhej në Kosovë për arsye profesionale, dhe është në përgatitje të një bashkëpunimi muzikor.

Se me kë ka zgjedhur të bashkojë forcat Egli në këtë projekt të ri muzikor, e mësoni në materialin më poshtë.

Zgjedhjet në Shqipëri, deklarohet partia e Edi Ramës

Partia Socialiste ka reaguar mbi procesin zgjedhor, duke vënë akuza ndaj KQZ-së për vendimin për Vorën dhe Njësinë 10-të.

Në deklaratën e saj, PS shpall fitoren e saj pavarësisht vendimit të KQZ-së.

”Mosnxjerrja e rezultateve të Vorës dhe Njësisë 10 nga KQZ, me një vendim arbitrar që bie ndesh me logjikën e votimit elektronik, me traditën e shpalljes menjëherë të rezultatit, si edhe me vetë arsyen e investimit jo të vogël që është bërë për infrastrukturën elektronike, është një vendim arbitrar, i gabuar dhe zhgënjyes për rolin e KQZ si garant i Sovranit popull, e jo i nevojave taktike të partive politike.

Jemi të keqardhur për këtë dhe u bëjmë thirrje Partisë Socialiste të Vorës si edhe mbështetësve tanë në Vorë të ruajnë qetësinë.

Rezultati është në kuti dhe mos kini asnjë dyshim se asgjë dhe askush nuk e ndryshon dot atë. Ju jeni dallandyshja e parë e një fitoreje që do të jetë e paharrueshme në historinë e Partisë Socialiste.Urime, urime, urime!

Të gjithë socialistët e përfshirë në proces në të gjithë Shqipërinë duhet të ruajnë qetësinë, t’u shmangen provokimeve dhe të nxjerrin me durim fitoren nga kutitë ku populli Sovran ka kyçur vendimin e tij historik”.

Vdekja në rrethana tragjike e 24-vjeçarit në Prizren, Policia zbardhë detajet e fundit për rastin

Një ngjarje tronditëse ka ndodhur pasditen e së dielës në zonën malore mes fshatrave Lubizhdë dhe Skorrobisht të Prizrenit, ku një i ri ka humbur jetën në rrethana që kanë tronditur familjarët dhe komunitetin lokal.

Sipas burimeve të Gazetës Sinjali, viktima është identifikuar si Anton Tunaj, 24 vjeç, i cili dyshohet se ka ndërruar jetë pasi është qëlluar me një armë zjarri që po e provonte për ta blerë nga njëri prej shokëve të tij.

Policia ka konfirmuar ngjarjen, deklarata e tyre:

“Sot me datë 11.05.2025 rreth orës 18:20 në Stacionit Policor Prizren- Veri, dy persona njeri 24 dhe tjetri 23 vjeçar kane raportuar në se derisa janë takuar me një person të tret- viktimën A.T. 24 vjeçar dhe ia kanë dhënë një pistoletë, për të ia shitur”.

“Viktima posa e ka marr armën ka shkrepur me armë në drejtim të vetes së tij. Patrulla policore menjëherë është nis në drejtim të vendit të ngjarjes. Është njoftuar emergjenca dhe njësitet përgjegjëse gjithashtu. Në vendngjarje mjeku ka konstatuar vdekjen e viktimës. Me urdhër të Prokurorin trupi i pa jetë dërgohet për ekzaminim në IML”, thuhet në njoftimin e Policisë.

E rëndë sa s’ka më: Kosova nuk po gjenë qetësi, 24-vjeçari e qëlloi vetën me armë aksidentalisht

Përfundimi i zgjedhjeve në Shqipëri, të gjithë po çuditen me një gjë

Kanë kaluar tashmë mbi dy orë nga mbyllja e vendvotimeve në Shqipëri, atje ku qytetarët sot votuan në zgjedhjet parlamentare.

Ndërkohë, gazetarët shqiptarë në shumicën e televizioneve raportojnë për një situatë shumë të qetë në selitë e të gjitha partive, transmeton Nacionale.

Lëvizje shumë të vogla janë parë para dy partive më të mëdha, Partisë Socialiste dhe Partisë Demokratike.

Ndërkohë, deri më tani është publikuar një Exit Poll i gazetarit Baton Haxhiu.

Rezultatet sipas Exit Pollit si vijon:

Mandatet e fituara si ne vijim:

51.8% apo 79 mandate, Partia Socialiste

38% apo 54 mandate, Partia Demokratike

1.80 apo 0 mandate, Shqipëria e Bashkuar

3.60% apo 2 mandate, Partia Mundësia

2.20% apo 3 mandate, PSD

1.20% apo 1 mandat, LB

1.40% apo 1 mandat, KE

‘Çka po zihet?’ – Xheneta dhe G Bani në qendër të vëmendjes në ditëlindjen e Loredanës!

Ish-banorja e Big Brother VIP Kosova, Xheneta, po vazhdon të jetë aktive në ekran edhe pas përfundimit të formatit.

Përveç angazhimeve televizive, Xheneta ishte e pranishme edhe në festën e ditëlindjes së ish banores së “BBVA”, Loredana Brati.

Ajo u vu re për prezencën e saj elegante.

Xheneta është parë më e afërt me G Banin.

E rëndë sa s’ka më: Kosova nuk po gjenë qetësi, 24-vjeçari e qëlloi vetën me armë aksidentalisht

Një ngjarje tronditëse ka ndodhur pasditen e së dielës në zonën malore mes fshatrave Lubizhdë dhe Skorrobisht të Prizrenit, ku një i ri ka humbur jetën në rrethana që kanë tronditur familjarët dhe komunitetin lokal.

Sipas burimeve të Gazetës Sinjali, viktima është identifikuar si Anton Tunaj, 24 vjeç, i cili dyshohet se ka ndërruar jetë pasi është qëlluar me një armë zjarri që po e provonte për ta blerë nga njëri prej shokëve të tij.

Ngjarja dyshohet të ketë ndodhur rreth orës 17:30, kur dy të rinj – S. J. dhe D. B. – së bashku me viktimën, ishin ngjitur në një zonë pyjore për të testuar një armë të tipit revole.

Siç merr vesh Gazeta Sinjali, ata kanë deklaruar para hetuesve se se Tunaj kishte shfaqur interesim për ta blerë armën.

Sipas versionit të tyre, pasi Tunaj kishte shkrepur tri herë në tokë për ta testuar armën, papritmas kishte drejtuar revolen nga koka dhe kishte shtënë mbi veten. Të tronditur, ata janë larguar me shpejtësi nga vendi i ngjarjes dhe janë paraqitur në polici për të raportuar rastin.

Menjëherë pas pranimit të informacionit, njësitet policore kanë shkuar në vendin e ngjarjes dhe kanë siguruar perimetrin. Ekipi mjekësor nga Qendra Emergjente ka konfirmuar vdekjen e të riut në vendngjarje.

Ndërkohë, njësitet e hetimeve dhe forenzikës, nën drejtimin e Prokurorit të Shtetit, janë duke kryer veprimet hetimore për të ndriçuar të gjitha rrethanat e kësaj ngjarjeje, përfshirë origjinën e armës dhe qëllimin e saktë të takimit.

Të dy të rinjtë janë momentalisht të shoqëruar dhe nën mbikëqyrje policore, ndërsa rasti është duke u trajtuar nga Sektori Rajonal i Hetimeve në koordinim të plotë me Prokurorinë.

Kjo ngjarje e rëndë, e cila përfundoi me humbjen e jetës së një të riu, ka lënë pas pikëllim të thellë dhe shumë pikëpyetje që autoritetet pritet t’i ndriçojnë në ditët në vijim.

Eksperti heq dyshimet e El Clasicos: Katër momentet që ndezën debatin mes Barcelonës dhe Real Madridit

Përballja e shumëpritur mes Barcelonës dhe Real Madridit në “El Clasico” dhuroi si gjithmonë emocione të mëdha, gola spektakolarë dhe disa momente të diskutueshme.

Ish-gjyqtari Alfonso Pérez Burrull, në emisionin Marcador, analizoi situatat më të debatueshme të ndeshjes që u drejtua nga Alejandro Hernández Hernández.

Penalltia ndaj Mbappé dhe vendimi pas rishikimit me VAR

Momenti i parë i madh i tensionit ndodhi që në minutat e para. Në minutën e 2-të, portieri i Barcelonës, Szczesny, rrëzoi Kylian Mbappé brenda zonës, duke shkaktuar protesta të ashpra nga pankina katalanase.  Pas një rishikimi të gjatë për të verifikuar një pozicion të mundshëm jashtë loje, gjyqtari Hernández Hernández akordoi penallti.

“Një penallti e pastër. Portieri i Barcelonës vrapon drejt sulmuesit të Real Madridit dhe nuk ka pozicion jashtë loje,” tha Pérez Burrull. Mbappé realizoi penalltinë, duke shënuar golin e tij të 25-të në kampionat.

Barazimi dhe dyshimet për prekje me dorë nga Frenkie de Jong

Në minutën e 32-të, Barcelona barazoi rezultatin falë një aksioni të nisur nga Frenkie de Jong. Pamjet e përsëritura ngritën dyshime për një prekje të mundshme me dorë të mesfushorit holandez gjatë kontrollit të topit.

Sipas Burrullit, nuk kishte arsye për anulimin e golit: “Topi prek më shumë gjoksin sesa krahun. Nuk ka gabim të qartë e të dukshëm, prandaj VAR nuk ndërhyri dhe goli u pranua.”

Ndërhyrja e Tchouaméni ndaj Ferran Torres

Një tjetër moment i diskutueshëm ndodhi në minutën e 36-të, kur Aurélien Tchouaméni ndali Ferran Torres si mbrojtësi i fundit. Barcelona kërkoi karton të kuq, por gjyqtari dha vetëm një të verdhë.

“Ndërhyrja është për karton të verdhë. Ferran nuk kishte kontrollin e topit dhe aksioni nuk ishte një rast i qartë për gol”, sqaroi Burrull. VAR-i konfirmoi vendimin e gjyqtarit.

Prekja me dorë e Tchouaméni në zonë

Rasti i fundit i polemikave ndodhi në minutën e 81-të, kur një goditje e Ferran Torres u përplas në krahun e Tchouaménit. Tifozët e Barcelonës kërkuan penallti, por pas konsultimit me VAR-in, gjyqtari vendosi të mos e akordojë.

“Dora ishte në pozicion natyral, shumë afër goditjes dhe pa qëllim. Nuk është penallti,” përfundoi Burrull.

Alfonso Pérez Burrull, i lindur në Comillas më 1965, ishte gjyqtar i La Ligës për më shumë se një dekadë. Ai debutoi në vitin 1997 dhe në 2007 fitoi çmimin si gjyqtari më i mirë i vitit.

Dramë në ‘Ferma VIP’: Alba i zë Lim Hotin dhe Nennën të zhveshur në shtrat!

Lim Hoti dhe Alba Pollozhani në Ferma VIP 2 nisën një lidhje dashurie, ku u panë shpesh edhe në çaste intime.

Por me hyrjen e fermeres së re, Nenna, duket se ka ndërruar çdo gjë në këtë format.

Reperi siç shihet tani ka harruar Albën, derisa kohëve të fundit u pa shumë i afërt me Nenna.
E së fundmi, Alba shkoi dhe i zuri të përqafuar në shtrat, ndonëse ishin të zhveshur.

Situata agravoi kur fermerja ia hoqi jorganin duke i lënë të zbuluar, për t’i parë të gjithë.

“Për çfarë të dhashë besën. Më shiko në sy dhe më thuaj për çfarë ta dhashë besën. Kujtoj fjalët e tua”, tha ajo me tone të larta.

E Limi në anën tjetër iu drejtua se nuk kanë zënë besë me njëri-tjetrin për asgjë.

Alba e zhgënjyer nga e gjithë kjo u largua nga dhoma, duke i lënë sërish vetëm.