E dhimbshme: I vdekuri në aksidentin në afërsi të Badovcit ishte zyrtar policor

Një person vdiq sot më 24.06.2025 në një aksident trafiku në rrugën Prishtinë – Gjilan, ku u lënduan edhe 2 të tjerë.

Siç mëson KALLXO.com nga burime brenda institucioneve të sigurisë, i vdekur nga aksidenti është zyrtar policor.

Ngjarja ka ndodhur këtë të martë, rreth orës 12:00 në afërsi të Badovcit, ku u përfshinë tri automjete – dy vetura dhe një kamion.

Zëdhënësja e Policisë për rajonin e Prishtinës, Flora Ahmeti, më parë konfirmoi se një person ka humbur jetën dhe dy të tjerë janë lënduar.

“Sot rreth orës 12:00 në rrugën Prishtinë–Gjilan, ka ndodhur një aksident trafiku në mes të tri automjeteve (dy vetura dhe një kamion)”- tha Ahmeti.

“Si pasojë e aksidentit në vendin e ngjarjes ka humbur jetën një person dhe janë lënduar dy të tjerë të cilët janë dërguar për tretman mjekësor. Vdekjen e viktimës e ka konstatuar ekipi mjekësor në vendngjarje,”- shtoi ajo.

Sipas burimeve të KALLXO.com, polici që humbi jetën nuk ishte në detyrë në momentin e aksidentit dhe po udhëtonte drejt Aeroportit të Prishtinës.

Me rastin është duke u marrë Njësia Rajonale e Trafikut, ndërsa hetimet janë në zhvillim për të sqaruar shkaqet e sakta të aksidentit.

Aksident i rëndë në rrugën problematike Prishtinë-Gjilan, ky është 63-vjeçari që humbi jetën

Një aksident trafiku ka ndodhur në magjistralen Gjilan–Prishtinë, afër liqenit të Badovcit, raporton Gazeta Sinjali.

Si pasojë e tij, një person ka humbur jetën.

Burime të besueshme nga terreni kanë konfirmuar për Gazetën Sinjali se viktima është Shyqeri Mahmuti, rreth 63 vjeç, i cili ka qenë njëri nga drejtuesit e automjeteve të përfshira në aksident.

Përveç viktimës, janë raportuar edhe dy persona të tjerë të lënduar rëndë – shoferët e automjeteve të tjera – të cilët janë dërguar me urgjencë për trajtim mjekësor.

Lajmin e ka konfirmuar Flora Ahmeti, zëdhënësja e policisë për rajonin e Prishtinës.

“Sot rreth orës 12:00 në rrugën Prishtinë-Gjilan, ka ndodhur një aksident trafiku në mes të tri automjeteve (dy vetura dhe një kamion)”.

“Si pasojë e aksidentit në vendin e ngjarjes ka humbur jetën një person dhe janë lënduar dy të tjerë të cilët janë dërguar për tretman mjekësor. Vdekjen e viktimës e ka konstatuar ekipi mjekësor në vendngjarje. Me rastin po merret njësiti i trafikut rajonal”, tha Ahmeti.

Njësitet përkatëse të Policisë së Kosovës, përfshirë ato të trafikut dhe hetimeve, kanë dalë menjëherë në vendin e ngjarjes dhe po punojnë në zbardhjen e plotë të shkaqeve që çuan në këtë aksident fatal.

Me urdhër të Prokurorit të Shtetit, rasti është cilësuar si “Aksident komunikacioni me pasoja fatale” dhe mbetet nën hetim.

Në rrugën e njëjtë, aksidentet janë të shpeshta dhe shpesh fatkeqësisht janë fatale.

Vjen paralajmërimi: Rusia mund të sulmojë një anëtar të NATO-s, ja kur do të ndodhë

Volodymyr Zelensky thotë se Rusia mund të sulmojë një vend të NATO-s brenda pesë viteve për të vënë në provë aleancën.

Në një intervistë për Sky News, presidenti ukrainas u pyet nëse Rusia mund të sulmonte brenda disa muajsh, Zelensky tha se nuk “besonte se Putini është gati”.

Zelensky tha gjithashtu se planet për anëtarët e NATO-s për të rritur shpenzimet e mbrojtjes në 5% të PBB-së deri në vitin 2035 janë “shumë të ngadalta” – duke shtuar se “Ne besojmë se, duke filluar nga viti 2030, Putini mund të ketë aftësi dukshëm më të mëdha. Sot, Ukraina po e pengon, ai nuk ka kohë të stërvitë ushtrinë”

Më tej ai vazhdoi duke thënë “Ushtarët rusë po shkatërrohen dhe shfarosen në fushën e betejës. Sidoqoftë, Putinit i duhet një pauzë, atij i duhet që të hiqen sanksionet, i duhet një ushtri e stërvitur”.

Pezullohet vendimi i ZRRE-së për treg të hapur

Gjykata Komerciale ka marrë vendim për pezullim të vendimit të Zyrës së Rregullatorit të Energjisë (ZRRE) për treg të hapur deri në një vendim të gjykatës.

Lajm i hidhur: Vdes në moshë të re, Dalina Grainca

Ka ndërruar jetë në moshë të re, Dalina Grainca.

Lajmin për vdekjen e saj e kanë dhënë familjarët.

Më poshtë njoftimi:

Me zemra të thyera dhe me lot në sy, njoftojmë ndarjen nga jeta të mbesës sonë të dashur Dalinës (Dalina Bashkim-Hidajete Grainca) e cila u nda nga ne papritur, duke na lënë boshllëk të madh në zemër e shpirt

Një dritë që ndriçonte çdo vend ku shkonte, një buzëqeshje që nuk do të harrohet kurrë. Dashuria, ngrohtësia dhe mirësia e saj do të jetojnë përgjithmonë në kujtimet tona.

Do t’i harroni papilomat për një javë! Merreni dy herë në ditë!

Na ike shumë herët, por në zemrat tona do të jetosh përjetë.

Irani mohon se ka sulmuar Izraelin pas shpalljes së armëpushimit

Autoritetet iraniane kanë mohuar akuzat e Izraelit për një sulm të ri me raketa, pas shpalljes së armëpushimit mes dy vendeve, raporton BBC, përcjell Insajderi.

Sipas mediave shtetërore iraniane, Teherani ka hedhur poshtë raportimet se ka lëshuar raketa drejt territorit izraelit, duke i cilësuar ato si të pavërteta.

Reagimi i Iranit vjen menjëherë pas deklaratës së ushtrisë izraelite, e cila pretendoi se kishte identifikuar raketa të lëshuara nga Irani dhe kishte aktivizuar sistemet e mbrojtjes ajrore në përgjigje të kërcënimit.

Ministri izraelit thotë se Irani e shkeli armëpushimin, e urdhëron ushtrinë për kundërpërgjigje “me forcë”

Ministri i Mbrojtjes i Izraelit, Israel Katz, ka thënë se e ka udhëzuar ushtrinë që të “kundërpërgjigjet me forcë ndaj shkeljes së armëpushimit nga Irani, me sulme intensive kundër caqeve të regjimit në zemër të Teheranit”, raporton gazeta “The Times of Israel”.

Dy raketa balistike u hodhën nga Irani drejt Izraelit pas kohës kur supozohej të hynte në fuqi një armëpushim i njoftuar nga presidenti amerikan, Donald Trump. Të dyja raketat u penguan.

Ushtria izraelit tha se ka identifikuar raketa të hedhura nga Irani dhe se sistemet e mbrojtjes ajrore janë “duke operuar për ta penguar rrezikun”. Njerëzit u këshilluan që të shkonin në strehimore dhe të qëndronin aty deri në një njoftim të ri.

Më vonë, ushtria izraelite tha se njerëzit mund të dilnin nga strehimoret në pjesën veriore të Izraelit.

Shërbimi ambulantor “Magen David Adom” tha se nuk kishte pranuar ndonjë thirrje për viktima ose të lënduar, përpos një burri që u lëndua gjatë rrugës për në strehimore.

Prishet armëpushimi? – Irani lëshon “breshëri raketash” në Izrael

Ushtria izraelite ka njoftuar se janë identifikuar raketa të lëshuara nga territori iranian. Sipas njoftimit zyrtar, sistemet e mbrojtjes ajrore janë aktivizuar dhe po përpiqen të ndalojnë kërcënimin.

Autoritetet izraelite u kanë bërë thirrje qytetarëve që të futen në strehimore dhe të qëndrojnë aty derisa të jepet një njoftim i dytë, raporton BBC, përcjell Insajderi.

Ende nuk ka një konfirmim zyrtar nga ana e Iranit lidhur me sulmin e raportuar. Ky zhvillim ndodh në një kohë kur Izraeli kishte deklaruar më herët se ka rënë dakord për një armëpushim.

 

Ndërkohë, ministri i Jashtëm i Iranit kishte theksuar më herët se vendi i tij do të ndalonte sulmet vetëm nëse Izraeli ndalonte veprimet ushtarake.

 

Bien çmimet e naftës

Donald Trump ka njoftuar mbrëmë armëpushimin mes Iranit dhe Izraelit. Ky vendim ka ndikuar që menjëherë të bien në bursë çmimet e naftës

Çmimet e naftës së papërpunuar ranë me 3.82 dollarë, ose 5.3%, në 67.66 dollarë për fuçi në orën 08:45 me kohën tonë lokale.

Nafta e papërpunuar e SHBA-së, West Texas Intermediate, ra me 3.75 dollarë, ose 5.5%, në 64.76 dollarë për fuçi.

Tragjike në Prishtinë: Gruaja 51-vjeçare gjendet pa shenja jete në dhomën e saj – babai i saj nuk pranoi obduksionin

Një rast i rëndë është regjistruar mbrëmjen e së hënës në rrugën “Anton Harapi” në Prishtinë, ku një grua është gjetur pa shenja jete në banesën e saj.

Burime të Gazetës Sinjali brenda Policisë bëjnë me dije se rreth orës 19:00 të datës 23 qershor, viktima Ilire Demaj, 51-vjeçare, është gjetur pa jetë nga babai i saj, B.D., i cili menjëherë ka alarmuar autoritetet.

Në vendin e ngjarjes kanë dalë njësitet relevante të Policisë si dhe ekipi mjekësor i QKUK-së, i cili ka konstatuar vdekjen.

Sipas deklarimit të babait të viktimës, ajo kishte probleme shëndetësore dhe vdekja dyshohet të ketë ndodhur për shkaqe natyrale. Për këtë arsye, familja ka refuzuar procedurat e obduksionit, duke e konsideruar të panevojshme.