Ish-ministri i jashtëm serb: Serbia duhet të njohë realitetin e Kosovës

Ish-politikani serb dhe ish-ministri i Jashtëm, Vuk Drashkoviq, ka deklaruar se presidenti aktual i Serbisë, Aleksandar Vuçiq, ka ndryshuar rrënjësisht që nga fillimi i karrierës së tij si lider shtetëror.

Në një intervistë për gazetën malazeze Pobjeda, Drashkoviq ka thënë se Vuçiqi i viteve 2012, 2013 dhe 2014 nuk ka lidhje me atë që është sot.

“Ai është një njeri tjetër. Në atë kohë besoja se ai donte vërtet një kthesë,” tha Drashkoviq, duke kujtuar një artikull të Vuçiqit të publikuar në gazetën Danas, ku ky i fundit e pranonte se politika e viteve ’90 ishte e gabuar dhe e verbër, dhe se udhëheqja e atëhershme nuk kishte kuptuar ndryshimet pas rënies së Murit të Berlinit.

Drashkoviq tha se kishte mbështetur angazhimin e Vuçiqit për evropianizimin e Serbisë, për integrimin euroatlantik dhe normalizimin e marrëdhënieve me Kosovën – përfshirë nënshkrimin e Marrëveshjes së Brukselit më 2013.

Por, sipas tij, këto përpjekje u sabotuan jo nga pushteti, por nga vetë opozita dhe kisha serbe.

“Tre peshkopë të Kishës Ortodokse Serbe mbajtën një ceremoni përkujtimore për nënshkruesit e gjallë të Marrëveshjes së Brukselit. Opozita e qëlloi me gurë në vend që ta përkrahte. Nga viti 2014 e këndej, unë kam qenë opozita e vetme ndaj Vuçiqit, në shumë drejtime.”

Ai shtoi se ka qenë zëri i vetëm që ka kërkuar publikisht që Kosova të pranohet në Këshillin e Evropës dhe në Interpol, si dhe që Serbia të anëtarësohet në NATO.

“Kam paralajmëruar Vuçiqin të mos mashtrojë popullin me rrugë, spitale e shkolla, sepse nuk jetojmë vetëm me bukë, por edhe me frymë. E kam krahasuar këtë me tundimin e Krishtit nga djalli në shkretëtirë.”

Sipas Drashkoviqit, sot Serbia po përjeton një rënie të thellë morale dhe kulturore.

“Asnjëherë më parë fryma, morali dhe arsyeja e shëndoshë nuk kanë qenë kaq të varrosura. Gjuha është në rrezik, kultura mungon. Dhe çdo mbrëmje, nga goja e vetë presidentit e deri te bashkëpunëtorët e tij, dëgjojmë se qytetarët që protestojnë janë ustashë, nazistë, plehra, spiunë të huaj. Kjo është rënia më e madhe e Serbisë”, përfundoi ai.

Zbulohet identiteti i shqiptarit dhe serbit që u përfshin në rrahjen në Veri – i riu shqiptar ndalohet në Polici

Gazeta Sinjali ka siguruar identitetin e të dyshuarit që u përfshi në një përplasje fizike në Mitrovicën e Veriut, e cila përfundoi me ndërhyrje të policisë dhe ndalim të një personi.

I dyshuari është Mustafë Cerani, 22-vjeçare, i cili sipas burimeve të sigurta u konfliktua me Stefan Veljkoviqin, 34-vjeçar në rrugën “Serdara Janka Vukotica”, në lagjen Kodra e Minatorëve.

Pas përleshjes, të dy janë dërguar fillimisht në Stacionin Policor, pastaj në Spitalin Rajonal të Mitrovicës, ku kanë marrë trajtim mjekësor për lëndime trupore.

Prokurori i Shtetit ka cilësuar rastin si “Lëndim i lehtë trupor” dhe ka urdhëruar që Mustafë C. të mbahet në ndalim për 48 orë, ndërsa rasti është në fazë hetimore.

Të akuzuarit për sulmin në Banjskë shfaqen në Beograd – ruajnë Presidencën e Serbisë gjatë protestës masive

Një protestë masive është mbajtur dje në Beograd, ku sipas të dhënave preliminare të Arkivit të Tubimeve Publike, janë mbledhur 140.000 persona.

Ministria e Brendshme serbe i ka minimizuar ato duke thënë se në protestë kanë marrë pjesë 36.000 persona.

Presidenti i Serbisë, Aleksandar Vuçiq i ka akuzuar të dielën studentët protestues se kanë bërë “thirrje të drejtpërdrejtë për konflikt civil dhe sulme ndaj policisë”, si referencë për zhvillimet në fund të një proteste të mbajtur në sheshin Sllavija të Beogradit më 28 qershor.

Në një konferencë të përbashkët me ministrin e Brendshëm serb, Ivica Daçiq, ai ka kërkuar nga zyrat kompetente të prokurorisë që “të bëjnë punën e tyre” dhe “të mos sillen si të paaftë dhe naivë.

Por, Vuçiq si duket përveç organeve shtetërore është kujdesur edhe për “sigurim” tjetër.

Për ta siguruar Presidencën e Serbisë janë angazhuar edhe persona të angazhuar në sulmin e 24 shtatorit në Banjskë.

Sipas fotografive të siguruara për t’i ofruar siguri Vuçiqit janë angazguar Milorad Jevtic, me nofkën “Micko, Zarko Cvetkovic (që shihet me radio-lidhje), Vladimir Vucetic dhe Vukasin Jaredic, vëlla i Ugljesa Jaredic

Milorad Jevtic (Micko) është ”anëtar i organizates terroriste “Mbrojtja Civile” dhe pjesëmarrës në sulmin terrorist në fshatin Banjskë të Zveçanit.

Letërnjoftimi i tij është sekuestruar nga Policia e Kosovës dhe një automjet i përdorur gjatë sulmit terrorist, ka qenë i regjistruar në emër të tij.

Në fotografi ai shihet i kamufluar si punonjës i “Kryqit të kuq”.

Tragjedi në Durrës: Një pushues gjendet i vdekur në det

Një ngjarje tragjike ka ndodhur mesditën e sotme në Durrës, ku një pushues është gjetur i vdekur në det, shkruan Gazeta Sinjali.

Ngjarja u regjistrua në plazhin e Sektorit Rinia, pak minuta më parë. Shkaqet e vdekjes ende nuk janë konfirmuar zyrtarisht, por dyshohet për atak kardiak ose mbytje në ujë.

Autoritetet janë duke hetuar rastin.

Drilon Rama mposhi një “boksier amator” që kishte 28 humbje radhazi

Boksieri kosovar, Drilon Rama u rikthye pas një kohe në ring, ku mbrëmë në Londër fitoi ndaj boksierit nga Bjellorusia, Dzmitry Atrokhau

Por pikërisht kundërshtari i tij mori vëmendjen, pasi ai u ndryshua brenda një kohe prej 11 ditësh.

Rama kur paralajmëroi rikthimin, më 17 qershor, zbuloi se kundërshtari i tij do të jetë Kelvin Ngedere, i cili kishte një rekord prej 7 fitore dhe 0 humbje.

Por dje, Driloni u përball me Dzmitry Atrokhau, një boksier me 16 fitore dhe plot 28 humbje në karrierën e tij.

Ajo që e bën më të pazakontë këtë zëvendësim është fakti se Atrokhau kishte pësuar 24 humbje radhazi dhe fitoren e fundit e kishte regjistruar që në vitin 2018.

Madje, Drilon Rama pavarësisht fitores, pati vështirësi në këtë meç, ku njoftoi se e ka thyer edhe dorën.

Lumbardhi ‘kapet mat’ në një moment intim me këngëtaren e njohur

Ish fituesi i ‘Big Brother VIP Kosova’ Lumbardh Salihu kohës fundit është mjaftë I rezervuar për jetën e tij private.

Sipas pamjeve që ka siguruar Prive, Lumbardhi shihet tejet i afërt me këngëtaren Semi Japuaj.

Ata janë kapur duke kaluar momente të ngrohta së bashku, çka ka bërë që ndjekësit të aludojnë për një romancë në zhvillim mes tyre. Edhe pse asnjëri prej tyre nuk ka reaguar ende publikisht, pamjet flasin vetë dhe kanë ndezur rrjetin, shkruan “Kosovarja”.


A është kjo një lidhje e re në showbizin shqiptar? Mbetet për t’u parë në ditët në vijim.

Përleshja fizike mes shqiptarëve e serbëve në veri, Policia: Një i lënduar, dy të tjerë po intervistohen

Një person ka pësuar lëndime pas përleshjes fizike që pasoi sot në veri të Mitrovicës.

Mbi rastin ka konfirmuar zëvendësdrejtori i policisë për veriun, Veton Elshani, i cili tha se dy persona janë dërguar në stacion për intervistim.

Derisa i lënduari, sipas Elshanit, është duke pranuar trajtim mjekësor si pasojë e lëndimeve.

Përleshje mes shqiptarëve e serbëve në veri të Mitrovicës

Ishte për pushime me familjen, 23-vjeçari nga Kosova vdes në Lezhë

Një 23-vjeçar nga Kosova ka humbur jetën këtë të shtunë në Lezhë, teksa ndodhej me pushime me familjen.

Sipas policisë atje, rreth orës 09:00 të datës 28.06.2025, Drejtoria Vendore e Policisë Lezhë është njoftuar nga Urgjenca e Spitalit Rajonal se ka mbërritur pa shenja jete shtetasi G. S., 23 vjeç, banues në Ferizaj, Kosovë.

Sipas deklarimeve të familjarëve, i riu kishte probleme shëndetësore që në fëmijëri. Nga të dhënat paraprake, dyshohet se vdekja ka ardhur nga shkaqe natyrale, raporton Top Channel

Përleshje mes shqiptarëve e serbëve në veri të Mitrovicës

Një incident me përleshje fizike ka ndodhur të dielën në veri të Mitrovicës, ku janë përfshirë disa të rinj shqiptarë dhe serbë. Ngjarja, e cila ndodhi në një nga rrugicat e këtij qyteti të ndjeshëm etnikisht, ka rritur tensionet në zonë, shkruan Gazeta Sinjali.

Sipas pamjeve të publikuara nga portali “Jepi Zë”, incidenti nisi pasi një i ri që po udhëtonte me një automjet me targa të Republikës së Kosovës u konfrontua me një tjetër person që po e incizonte me telefon gjatë lëvizjes së tij.

Arianit Koci i del kundër Kurtit: Tashmë s’ka dilemë, Albin Kurti është fajtori kryesor për ngërçin politik

Pas takimit të thirrur nga deputeti i Lëvizjes Vetëvendosje, Albin Kurti, me liderët e partive opozitare – takim ky që përfundoi pa ndonjë rezultat konkret – ka reaguar me tone të ashpra avokati i njohur Arianit Koci.

Përmes një postimi në Facebook, Koci e ka kritikuar ashpër Kurtin, duke e quajtur atë si përgjegjësin kryesor për ngërçin aktual politik në vend.

Reagimi:

Turp për Albin Kurtin.

E thërret takimin – dhe del pa reflektim.

Mendon që mundet me na hedhë të gjithëve me truqe të lira.

Kjo nuk është më bindje politike.

Është lojë me Kosovën.

Lojë me popullin. Lojë me durimin.

Tashmë nuk ka dilemë: ai është fajtori kryesor për ngërçin politik.

Një Kosovë e tërë – po don me ia pa sherrin.