Tronditëse: Vrașja e 36-vjeçares shqiptare nga burri, tre fëmijët u gjetën mbi trupin e pajętë të nënës

Komuniteti lokal i Volosit është i tronditur nga vrasja brutale e 36-vjeçares shqiptare Marjeta Nakolecinga bashkëshorti i saj të premten në mëngjes.

Sipas informacioneve, pak para orës 11:00, vajza e çiftit telefonoi Qendrën e Reagimit ndaj Emergjencave duke kërkuar ndihmë dhe duke thënë se babai i saj e kishte therur nënën e saj në apartamentin e familjes në rrugën Konstanta.

Oficerët e policisë që nxituan në vendngjarje gjetën trupin e pajetë të gruas në hyrje të pallatit, me lëndime në qafë dhe brinjë. Pranë saj ishin tre fëmijë të familjes, dy vajza të moshës 16 dhe 6 vjeç dhe një djalë 13 vjeç. Sipas dëshmive të tyre, prindërit kishin debatuar intensivisht që nga mëngjesi.

Kur 36-vjeçarja vendosi të largohej nga shtëpia, burri i saj Panteli Nakoleci e ndoqi duke mbajtur një mjet të mprehtë që dyshohet se vinte nga një set barbekjuje. Ai e arriti në hyrje të pallatit dhe e goditi disa herë. Gruaja, nënë e katër fëmijëve të moshës 18, 16, 13 dhe 6 vjeç, ra e vdekur vetëm pak metra larg derës së shtëpisë së saj.

Bashkëshorti i viktimës ka një të kaluar të rëndë kriminale dhe psikiatrike. Siç rezulton, më 28 qershor 2025, ai u transferua nga oficerët e policisë në Departamentin Psikiatrik të Spitalit të Përgjithshëm të Volosit për një ekzaminim të pavullnetshëm, pas një tentative vetëvrasjeje. Mjekët asokohe kishin vendosur se ai kishte nevojë për shtrim në spital.

Dosja e tij penale është gjithashtu e rëndë. Në nëntor 2024, ai u arrestua për dëbim administrativ, ndërsa në vitin 2019 ishte arrestuar dy herë nga policia për posedim droge. Më parë, në vitin 2018, ai ishte dënuar me një vit burg për dëshmi të rreme, ndërsa në vitin 2020 vuajti një dënim me katër vjet e gjysmë burg për pjesëmarrje në një organizatë kriminale dhe trafik droge. Aktiviteti i tij kriminal është gjurmuar që nga viti 2013, kur ai u arrestua për falsifikim dhe hyrje të paligjshme në vend, me gjykatën që e shpalli atë një të huaj të padëshiruar.

Vrasja e tmerrshme para syve të fëmijëve të mitur ka tronditur shoqërinë e Volosit, ndërsa autoritetet vazhdojnë hetimet e tyre për ta gjetur atë. /A2 CNN

Ky është moti për nesër

Nesër parashikohet mot me vranësira dhe intervale me diell, ndërsa kryesisht rreth zonave malore mund të ketë ndonjë reshje të izoluar.

Era do të fryjë nga verilindja, e cila herë pas here pritet të jetë e fuqishme, me shpejtësi prej 15-44 km/h.

Temperaturat minimale do të sillen prej 13 deri në 15°C, ndërsa ato maksimale prej 24 deri në 27°C.

Udhëheqësit e Listës Serbe ankohen në Serbi për moscertifikimin në Kosovë

Udhëheqësit e Listës Serbe kanë zhvilluar një takim në Rashkë të Serbisë me Petar Petkoviqin, drejtor i Zyrës për Kosovën në Qeverinë e Serbisë, një ditë pas vendimit të Komisionit Qendror të Zgjedhjeve (KQZ) për të mos e certifikuar këtë parti për pjesëmarrje në zgjedhjet lokale të 12 tetorit.

Në një postim në X, Petkoviq ka thënë se gjatë takimit me liderët e partisë më të madhe serbe në Kosovë janë diskutuar çështjet politike, ekonomike dhe të sigurisë për komunitetin serb.

“Takim në Rashkë me liderët e Listës Serbe pas tentimit të Kurtit për t’i ndaluar nga pjesëmarrja në zgjedhjet lokale. Kemi diskutuar për situatën politike, të sigurisë dhe ekonomike në komunitetet serbe dhe për hapat e mëtejmë dhe mbështetjen për interesat e popullit serb në Kosovë”, ka shkruar ai.

Vendimi i KQZ-së për të mos certifikuar Listën Serbe u mor me dy vota për, dy kundër dhe shtatë abstenime, pasi anëtarët e Lëvizjes Vetëvendosje në KQZ publikuan dokumente që tregojnë se disa kandidatë të Listës Serbe për kryetarë komunash apo asamblistë mbajnë pozita në organet paralele të Serbisë në Kosovë. Të premten, partia njoftoi se do të parashtrojë ankesë në Panelin Zgjedhor për Ankesa dhe Parashtresa (PZAP)

Ky vendim ka shkaktuar reagime ndërkombëtare. Shtetet e QUINT-it dhe Bashkimi Evropian kanë shprehur shqetësim, duke e cilësuar pengimin e partive të komuniteteve pakicë nga pjesëmarrja në zgjedhjet lokale si një minim të parimeve të demokracisë.

“Çdo veprim i tillë për t’i përjashtuar disa komunitete minon parimet demokratike dhe dëmton besimin ndaj institucioneve të Kosovës”, thuhet në reagim.

QUINT ka theksuar se pret që Qeveria në largim dhe partitë tjera të përmbahen nga hapat e mëtejmë që pengojnë regjistrimin e partive, si dhe u ka bërë thirrje partive të prekura nga vendimet që të ankohen në Panelin Zgjedhor për Ankesa dhe Parashtresa.

Kështu po duket Labinot Tahiri me bashkëshorten, sonte në fejesën e djalit të tyre (Foto)

Sonte këngëtari i njohur Labinot Tahiri po fejon djalin.

Në rrjet janë publikuar pamje të shumta nga festa.

Labinot Tahiri dhe baskëshortja e tij shihen të lumtur që po fejojnë djalin.

Ndërsa po shkëlqejnë me pamjen/InfoKosova/

Quni i përgjigjet Donika Gërvalles: Me të besu ty, është sikur t’i besoja një ushtari të dezertuar

Deputeti i LDK-së, Anton Quni, i është përgjigjur deputetes Donika Gërvalla, e cila e akuzoi atë dhe disa bashkëpartiakë të tij se u bënë bashkë me Listën Srpska dhe s’ia dhanë votën asaj për kryeparlamentare.

Quni tha se e ka “standard thelbësor” besnikërinë në politikë dhe tha se nuk mund t’ia besojë një post të rëndësishëm “një personi që ka ndryshuar anë dhe ka braktisur njësinë”.

“Kjo është njësoj sikur të avancosh në detyrë një ushtar që ka dezertuar një ditë më parë”, ka shkruar Quni në Facebook.

“Pse është e rëndësishme besnikëria në politikë? Për mua, besimi është themeli i çdo marrëdhënieje. Kjo vlen edhe për politikën. E dëgjova ankesën e deputetes Donika Gërvalla-Schëarz që nuk e votova për kryetare të Kuvendit. Kjo më bëri të reflektoj mbi një standard që unë e kam thelbësor: besnikërinë. Kam një parim të palëkundur, si në jetë, ashtu edhe në punë: nuk mund t’ia besoj një post të rëndësishëm një personi që ka ndryshuar anë dhe ka braktisur njësinë. Kjo është njësoj sikur të avancosh në detyrë një ushtar që ka dezertuar një ditë më parë. Unë besoj vetëm tek ata që qëndrojnë besnikë edhe kur gjërat vështirësohen. Është kjo besnikëri që ndërton besim dhe bën të mundur punën e vërtetë, atë që është në shërbim të qytetarëve”, ka thënë Quni.

E dhimbshme: Ndahet nga jeta 25-vjeçari nga Kosova, ishte asamblist në Jokkmokk të Suedisë

Komuna e Drenasit ka bërë të ditur se ka ndërruar jetë Lirigzon Kataqica, 25-vjeçar nga fshati Gallanasellë, i cili jetonte në Suedi.

Kryetari i Drenasit, Ramiz Lladrovci, në faqen zyrtare të komunës në Facebook ka shprehur ngushëllimet e tij për familjen e të ndjerit.

“Largimi i parakohshëm i Lirigzonit është dhimbje e madhe për familjen dhe komunën tonë. Ngushëllime të sinqerta dhe lutemi që Zoti t’u japë forcë familjarëve për ta përballuar këtë humbje të papritur. Ngushëllime të sinqerta për familjen Karaqica”, ka thënë Lladrovci.

Liridon Kataqica ishte magjistër i shkencave politike dhe kandidat për doktoraturë, si dhe ushtroi detyrën e asamblistit në Kuvendin Komunal të Jokkmokkut në Suedi.

Fejohet djali i Labinot Tahirit, publikohen foto kështu duket çifti

Këngëtari Labinot Tahiri sonte po fejon djalin.

Djali i tij Elton Tahiri po fejohet me bukuroshen Ina Behluli.

Ai ka organizuar një aheng unik ku sipas pamjeve shihen të ftuar të shumta.

Pak më parë dolën edhe disa foto të ciftit, ku të dy duken mahnitës.

Mikaile Tmusic i Trepçës konvertohet në mysliman

Basketbollisti i njohur i Trepçës, Mikaile Tmušić, ka marrë vëmendjen e opinionit publik jo për lojën në parket, por për një hap të madh personal.

Sot, media lokale Mitropol publikoi pamje të tij duke falur namazin e xhumasë në një xhami në Mitrovicë, duke ngritur pyetjen nëse ai është konvertuar në Islam.

Burime të sigurta për Prive by Liberta Spahiu bëjnë të ditur se lajmi është i saktë.

Konvertimi i sportistit ka ndodhur këtë vit dhe ai tashmë ka përqafuar fenë islame. Ky vendim i Tmušić, një emër me ndikim në sportin kosovar, e ka bërë edhe më të madh interesimin publik, duke e kthyer momentin e tij shpirtëror në një temë të diskutuar në rrjete sociale.

Në një kohë kur figurat publike rrallë e ndajnë hapur jetën fetare, ky hap i Mikaile Tmušić është parë si një vendim personal i guximshëm dhe i sinqertë, që do të komentet gjatë në opinion. /Prive By Liberta Spahiu

E dhimbshme: Vdes zyrtarja e Shërbimit të Gjendjes Civile në Pejë

Ka vdekur zyrtarja e Shërbimit të Gjendjes Civile në Komunën e Pejës, Luljeta Cena.

Lajmin e ka bërë të ditur Drejtoria për Administratë në këtë komunë, ku u tha se atë do ta kujtojnë gjithmonë për veprat e saj.

“Lule,ike e bekuar duke lënë pas një staf që te donin dhe i doje aq shumë,duke na lënë vepra të rralla për ne që gjithmonë do t’i mbajmë në mendjet dhe zemrat tona”, thuhet në reagimin e Drejtorisë për Administratë.

Nuk është bërë e ditur nëse zyrtarja e Shërbimit Civil ishte duke vuajtur nga ndonjë sëmundje.

Edhe FFK-ja shtrenjton çmimet, 100 euro një biletë për ta parë Kosovën

100 euro do të kushtojë një biletë në zonën VIP të stadiumit “Fadil Vokrri” për të parë nga afër Kombëtaren e Kosovës në futboll.

Të premten, Federata e Futbollit e Kosovës njoftoi se ka nisur shitja e biletave për ndeshje kualifikuese mes Kosovës e Suedisë.

Në njoftimin e FFK-së bien në sy ndryshimet në çmimoren e biletave.

Federata ka vendosur që të shtrenjtojë çmimet e biletave për 100% në disa zona.

Në sektorin e anës veriore dhe jugore të stadiumit “Fadil Vokrri” janë rritur dyfish. Nga 5 euro, një biletë në këto zonë tashmë do të kushtojë 10 euro.

Bileta në lindje do të kushtojë 20 euro nga 10 sa ka kushtuar në ndeshjet e kaluara, ndërkaq për ta parë një ndeshje nga perëndimi duhet të paguhet 30 euro.

Bileta më e shtrenjtë mbetet ajo në sektorin VIP, ku për të siguruar një ulëse në këtë zonë duhet të paguhet 100 euro.

FFK-ja ka ndjekur një praktikë të gabuar duke vendosur çmime standarde për të gjitha ndeshje pa marrë parasysh kundërshtarin apo kompeticionin.

Ndeshja mes Kosovës e Suedisë është e vlefshme për kualifikimet e Evropianit të 2026 do të zhvillohet më 8 shtator në stadiumin “Fadil Vokrri” në Prishtinë.

Shitja e biletave do të bëhet online në https://eu.ebileta.al/biglietteria/listaEventiPub.do.

Kosova bën pjesë në Grupin B së bashku me Slloveninë, Suedinë dhe Zvicrën.