LAJM I FUNDIT: Vdes veterani i UÇK-së, dhe i burgosuri politik

Ka vdekur i burgosur politik dhe veteran i UÇK-së,Ilmi Ramadani.

lajmi u bë i njohur nga të afërmit e të ndjerit.

“Ilmi Ramadani, i burgosur politik, luftëtar lirie, hero i heshtur i shtetit të Kosovës, na ka lënë sot. Ngushëllime familjes, bashkëluftëtarëve të tij dhe gjithë atyre që e kanë njohur këtë njeri të veçantë.

Baca Ilmi, na e bëre me hile. Kafen që na e premtove para disa ditësh mua e Rilindit, na e mbete borxh.

I lutem Zotit me tërë qenien time që të mëshirojë. Je hero i madh; kur të rriten fëmijët e mi, do t’u tregoj se të kam njohur.

Pusho në altarin e heronjve, emrat e të cilëve do të mbesin gjithmonë në themelet e lirisë sonë!”, thuhet në njoftim.

Asambleisti i VV-së denoncon sulmin ndaj një vajze në Prishtinë: Të rinjtë e sulmuan me ujë, policia s’bën asgjë

Një incident i pazakontë ka ndodhur mbrëmë pranë Xhamisë së Llapit në Prishtinë, aty ku qytetarët presin taksi. Një grup të rinjsh që gjendeshin në një veturë, hapën dritaren dhe hodhën ujë me një lodër drejt një vajze që po priste në radhë.

Rasti është denoncuar nga asambleisti i Lëvizjes Vetëvendosje në Podujevë, Xhevdet Maloku, i cili përmes një postimi publik tha se reagimi i policisë ka qenë i papranueshëm.

“Sapo u njoftua policia, por përgjigja e tyre ishte e habitshme – ‘shpërndaje ku të duash, portal apo ku të duash, por ne nuk mund të bëjmë asgjë’,” ka shkruar Maloku në facebook.

Ai shton se pamjet e kamerave të sigurisë së zonës ekzistojnë dhe se ky është një shembull i qartë i mungesës së reagimit institucional ndaj rasteve që cenojnë qytetarët.

Përmes një reagimi në facebook, asambleisti Maloku kërkoi dhe mendimin e qytetarëve.

Piloti kroat i KFOR-it dhe e dashura e tij nga Kosova arrestohen nën dyshimin për spiunazh te Lista Serbe

Një serbe e Mitrovicës dhe partneri i saj, anëtar i Forcave Ajrore kroate, janë arrestuar në Vis të Kroacisë nën dyshimin se kanë spiunuar për Serbinë.

Përveç policisë kroate, në hetimin ndaj tyre është përfshirë edhe Europoli. Dyshimet janë që piloti kroat i ka dhënë sekrete të dashurës së tij, e ajo ia ka përcjellë Listës Serbe.

Sipas burimeve të medias kroate “Index”, të dy të dyshuarit janë intervistuar të mërkurën dhe tash pritet vendimi ndaj tyre.

Sipas informacioneve, piloti kroat ishte i angazhuar edhe në KFOR në Kosovë dhe ai dyshohet se i ka dhënë të dashurës së tij serbe informacione konfidenciale për t’ia përcjellë më pas pjesëtarëve të Listës Serbe. Sipas “Indexit”, i dyshuari i dha informacione partneres së tij mbi lëvizjet e serbëve në veri të Kosovës që nga fundi i vitit 2022 deri këtë vit, ashtu si edhe për lëvizjet e trupave të KFOR-it.

Mes tjerash, hetuesit dyshojnë se ai i zbuloi asaj informacione të rëndësishme lidhur me Zubin-Potokun, një prej komunave problematike mes serbëve e shqiptarëve të Kosovës në veri.

Zubin-Potoku ka qenë vend bllokadash, protestash e konflikti mes serbëve lokalë dhe autoriteteve të Kosovës, ashtu si edhe forcave ndërkombëtare, KFOR e EULEX.

Të dy po ashtu akuzohen për shkëmbim informacionesh lidhur me transportin e serbit të arrestuar Dejan Pantiq, ish-polic i Kosovës, i cili akuzohet për pjesëmarrje në sulmet ndaj  zyrave të KQZ-së në Mitrovicën e Veriut.

Arrestimi i tij në dhjetor 2022 pati nxitur tensione nga serbët e Kosovës në komunat veriore  – me barrikada të vendosura në Jarinje e Bërnjak që zgjatën për gati tri javë, me kërkesën e vetme: lirimin ose transferimin e Pantiqit nga burgu.

Meqë Kosova nuk ka helikopterë, Ministria e Brendshme kërkoi ndihmën e KFOR-it për transferimin e Pantiqit nga baza policore afër Jarinjës në një burg tjetër. Pas gati 19 ditësh, gjykata pati vendosur ta çonte në arrest shtëpiak. Dejan Pantiq është dënuar me dy vjet burgim për huliganizëm, por masa e tij e sigurisë është dorëzania prej 30.000 eurosh.

Sipas medias kroate, serbja e dyshuar ka punuar për një kompani të huaj në Serbi dhe në gazetari njihej si reportere nga Mitrovica.

Ata janë arrestuar më 25 korrik këtë vit. Piloti kroat është dërguar në paraburgim, kurse ndaj të dyshuarës ishte marrë vendimi për dëbim nga Kroacia dhe ishte vendosur në qendrën për të huaj në Trilje. “Index” raportoi se hetuesit kanë gjetur komunikime në telefonat e tyre përmes të cilave konkluduan se ishin pjesë të aktiviteteve të spiunazhit.

Edhe disa ditë shtrenjtohet rruga për deti, 5 euro pagesë një drejtim në tunel

Më herët u njoftua se qarkullimi në këtë vepër infrastrukturore do të ishte pa tarifë deri në fund të sezonit turistik. Parashikimet janë deri në datën 15 shtator, më pas do të nisë aplikimin tarifa 10 euro vajtje-ardhje për makinë.

Tuneli i Llogarasë ka një gjatësi prej 5.9 kilometra dhe rruga nga Dukati drejt Palasës përshkohet për 7 minuta, nga 45 që nevojitej nga Qafa e Llogarasë.

Projekti ka dy tunele, ku njëri prej tyre është i emergjencës. Parashikimet janë që në rast të rritjes së fluksit të turistëve, të dy tunelet do të vihen në funksion të qarkullimit.

Menaxhimi i vetëpagesave për këtë vepër publike do të bëhet nga shoqëria aksionere e krijuar për këtë qëllim që njihet me emrin Enti Kombëtar i Operimit Rrugorë, shkruan Syrinet, transmeton Klankosova.tv

Kompania është me kapital shtetëror dhe përfaqësohet nga ministria Infrastrukturës dhe Energjisë. Sipas të dhënave kjo shoqëri do të ofrojë shërbimin e operimit, mirëmbajtjes së portave automatike, sistemin e tarifimit, shpërndarjen e biletave si dhe aboneve mujore për përdoruesit.

Aktualisht tri janë segmentet rrugore që aplikojnë pagesë, rruga Milot-Morinë, Thumanë-Kashar, si dhe Dukat-Palasë.

Kurti e zëvendëson shpejt Liburnin, ja kush emërohet ushtrues detyre në ministri të Infrastrukturës

Pas dorëheqjes së Liburn Aliut, kryeministri në detyrë, Albin Kurti, e ka emëruar Hysen Durmishin si ushtrues të detyrës së ministrit të Mjedisit, Planifikimit Hapësinor dhe Infrastrukturës.

Liburn Aliu dha dorëheqje gjatë ditës nga posti i ministrit, pasi tha se nuk ishte i kënaqur me zgjedhjen e Dimal Bashës si kryetar kuvendi.

Dorëheqjen e Aliut e ka komentuar gjatë ditës Durmishi, por që ishte i rezervuar, teksa tha se Aliu nuk është deputet, s’ka qenë kandidat për deputet dhe nuk është anëtar kryesie në VV.

“Nuk e di, pyetni Liburn Aliun për këtë çështje. Liburn Aliu nuk është deputet. Nuk ka qenë as kandidat për deputet. Nuk është anëtar Kryesie në Vetëvendosje. Do të thotë vendimet në Lëvizjen Vetëvendosje merren në strukturat e Lëvizjes Vetëvendosje”.

Është mënyra se si funksionon një organizatë politike. Ne mundemi me pas herë pas herë mospajtime për çështje të ndryshme, të cilat diskutohen në Këshill të Përgjithshëm, mandej në Kryesi. Por, kur merren vendimet me shumicë ato janë vendime demokratike të cilat respektohen pavarësisht ndonjë mospajtimi që mund ta ketë dikush”, tha Durmishi për KALLXO.com.

Dimal Basha është zgjedhur dje kryetar i kuvendit, por që konstituimi ka ngecur në zgjedhjen e nënkryetarit nga pakica serbe.

Tragjike: 58-vjeçari vdes pasi ra nga ashensori duke tentuar ta shpëtojë bashkëshorten

Një ngjarje e rëndë ka ndodhur sot në Ferizaj, ku një burrë ka humbur jetën në mënyrë tragjike.

Sinjali mëson se mëngjesin e 27 gushtit, rreth orës 09:30, në rrugën “Sadik Bega”, tek ndërtesat e kompleksit “D-Nuhaj”, është gjetur i vdekur Bekim Kamberi rreth 58-vjeçar. Ai u gjet pa shenja jete në hapësirën e ashensorit, në bodrumin e ndërtesës, me lëndime të rënda trupore.

Sipas hetimeve fillestare dhe dëshmive të familjarëve, bashkëshortja e tij kishte mbetur e bllokuar në ashensor, pasi ishte ndalur rryma elektrike. Viktima kishte tentuar ta ndihmonte duke hapur derën, por dyshohet se ra nga kati i tretë ose i katërt, duke gjetur vdekjen e menjëhershme.

Në vendngjarje kanë dalë njësitë e policisë, hetuesit rajonalë, forenzika dhe prokurori i krimeve të rënda, i cili ka urdhëruar që trupi të dërgohet për obduksion.

Hetimet rreth rrethanave të plota të kësaj tragjedie janë duke vazhduar.

Kurti merr vendim, ja kush emërohet ushtrues detyrë i Ministrit të Drejtësisë pasi Haxhiu u zgjodh nënkryetare

Kryeministri në detyrë i Republikës së Kosovës, Albin Kurti, ka caktuar sot zëvendësministrin e deritanishëm të Drejtësisë, Blerim Sallahu, ushtrues të detyrës së Ministrit të Drejtësisë.

Vendimi vjen pas zgjedhjes së Albulena Haxhiut në pozitën e nënkryetares së Kuvendit të Republikës së Kosovës.

Kryeministri Kurti e uroi Sallahun për përgjegjësinë e re dhe i dëshiroj suksese në përmbushjen e detyrave.

Dha dorëheqje shkaku i tij, zbulohet përplasja mes Liburn Aliut dhe Dimal Bashës në Kuvend

Ministri në detyrë i Infrastrukturës, Liburn Aliu ka dhënë dorëheqje sot nga ky post, krejt kjo për shkak të zgjedhjes së Dimal Bashës Kryeparlamentar. Por, në vitin 2022 mes tyre në Kuvend kishte pasur edhe një përplasje për Ligjin për trajtimin e ndërtimeve pa leje ku Basha e akuzonte atë kohë ministrin Aliu se me atë ligj po amnistonte mafinë e betonit.

Në seancën e 8 dhjetorit të vitit 2022 , Basha në foltoren e Kuvendit kishte kritikuar ministrin Aliut se ajo çfarë po bënte ishte nismë jo parimore.

“Tash ky ligj ndryshohet edhe i ndërrohet edhe hyrja në fuqi. Që ta zëmë, ky ligj hyn në fuqi në mars 2023, legalizohen të gjitha ndërtimet deri në mars 2023… Pra, e bëjmë legalizimin e të gjitha ndërtimeve pa leje, sidomos ndërtesat”.

“Cili është interesi që një ndërtimtar ta legalizojë ndërtesën? Mendoj që qikjo s’është parimore, dhe kjo s’duhet me shku përpara. Puna kryesore e këtij ligji, mendoj unë është se e bën amnistimin e këtyre keqpërdoruesve që ndonjëherë janë quajtur edhe “mafi e betonit”. Këta jo që nuk dënohen por legalizohen”, i kishte thënë Basha-Aliut.

E për këto deklarata të deputetit atë kohë, Dimal Bashës, i ishte përgjigjur vetë Aliu, duke i thënë se kur të flas duhet të thotë të vërtetën, dhe se ai projektligj kishte qenë i domosdoshëm.

“E para po filloj nga çështja a ka ndryshuar Liburni. Ky ligj në leximin e parë është votu nga Lëvizja Vetëvendosje. Në leximin e dytë, as LVV e LDK nuk e ka votu, për shkak se e ka bojkotuar asokohe PAN-in. Prandaj kur të folni, thuajeni të vërtetën e saktë. Unë kërkoj prej deputetit Basha, po ta përmendi emrin që me mujtë me repliku. Pra ju sapo thatë që Liburni ka deklaruar ndryshe, e po deklaron sot ndryshe. Atë ditë kam deklaru njëjtë sikurse sot, pra viti 2018, njëjtë e deklaroj edhe sot. Projektligj i padrejtë, por i domosdoshëm”, kishte qenë reagimi i ministrit Aliu ndaj Bashës.

Zjarr në restorantin e dasmave në pronësi këngëtarit të njohur shqiptar

Këngëtari Zef Beka ka reaguar për zjarrin e rënë një ditë më parë restorantin e dasmave ”Orkidea Palace” në Lezhë.

Reagimi i plotë:

Të nderuar miq, familjarë dhe mbështetës të muzikës sime, edhe te lokalit tim Orkidea Palace Weddingsevents

Dua t’ju informoj se, për shkak të një shkëndije elektrike, kuzhina e restorantit “Orkidea Palace” u përfshi nga flakët. Fatmirësisht, situata u vu menjëherë nën kontroll dhe nuk pati rrezik për pjesën tjetër të lokalit apo për jetën e askujt.

Aktualisht jemi mirë dhe po marrim të gjitha masat që çdo gjë t’i kthehet sa më shpejt normalitetit.

Me respekt,

Zef Beka

Rrihet ‘live’ personazhi i njohur në TikTok/Pamje

Një incident i pazakontë ka ndodhur së fundmi në rrjetet sociale, ku personazhi i njohur në “TikTok” me emrin “Diamanti Blu” është sulmuar fizikisht gjatë një transmetimi live.

Nga pamjet e publikuara shihet se ngjarja ka ndodhur brenda një lokali, ku në sfond dëgjohet edhe muzika, ndërsa disa persona shfaqen duke e goditur atë.

Edhe pse shkaqet e këtij sulmi nuk dihen ende, dyshohet se konfliktet kanë nisur pas disa fyerjeve të bëra nga vetë “Diamanti Blu”, që më pas kanë nxitur reagimin e ashpër.