Fitorja e Kosovës ndaj Suedisë, reagon Kurti

Pas fitores së madhe të Kosovës ndaj Suedisë në kuadër të ndeshjeve kualifikuese për Kupën e Botës 2026, ka reaguar edhe Kryeministri i Kosovës, Albin Kurti.

Në një postim në rrjetet sociale, Kurti e ka cilësuar këtë si rezultatin më të mirë që Kosova ka arritur ndonjëherë kundër Suedisë dhe si një ndër fitoret më të rëndësishme pas asaj ndaj Zvicrës.

“Rezultati më i mirë që kemi pasur ndonjëherë ndaj Suedisë, e më i miri i mundshëm pas ndeshjes me Zvicrën. Kosova jonë me një fitore të jashtëzakonshme, që nuk vonoi shumë në këto ndeshje kualifikuese për Kupën e Botës 2026. Jemi të dytët në grup. Gëzuar!”, ka shkruar Kurti.

Kombëtarja e Kosovës tani pozicionohet e dyta në grupin kualifikues, duke shtuar gjasat për një kualifikim historik në Kampionatin Botëror.

Disa detaje të rëndësishme për motin gjatë kësaj jave në Kosovë dhe rajon

Gjatë kësaj jave do të kemi të ndryshueshëm ku priten temperaturat të larta, por edhe jo-stabilitete atmosferike dhe reshje lokale shiu të cilat në shumë rajone do të jenë në formë të rrebesheve dhe stuhive lokale me vetëtima dhe bubullimë.

Nxehtësi verore me jo-stabilitete të dobëta lokale-fillimi i javës.

Tri ditët e para të javës do të na shoqërojë moti mjaft i nxehtë, por asgjë ekstreme. Përpos rrezeve të shumta diellore do të ketë edhe vranësira të cilat orëve të pasdites në zonat kryesisht malore do të marrin karakter zhvillimi konvektiv duke krijuar kushte për ndonjë rrebesh lokal shiu me vetëtima dhe bubullimë, megjithatë në shumicën absolute të territoreve tona tri ditët e para të javës nuk priten reshje.

Temperaturat do të jenë mjaft të larta në Kosovë deri në 33 gradë Celsius apo ndoshta 34 mund të shkojë maksimalja të Mërkurën.

Përderisa para frontit rriten temperaturat në viset tona të mërkurën një ciklon dhe fronti i fuqishëm afrohen nga veriperëndimi dhe Italia duke sjellur kushte për destabilizim të fuqishëm ditën e Enjte.

Në bregdet të Enjten priten rrebeshe dhe stuhi të fuqishme lokale me vetëtima dhe bubullimë, por ashtu edhe në viset kontinentale priten reshje shiu dhe rrebeshe lokale, por ende nuk mund të themi se reshjet do të kapin gjithë territorin. Temperaturat do të shënojnë ulje normalisht për shkak të vranësirave dhe reshjeve që priten.

Të Premten cikloni largohet (thellë në lindje dhe veri të Evropës) së bashku me frontin e ftohtë, por ende mbeten kushte për reshje lokale shiu dhe rrebeshe lokale shiu me vetëtima dhe bubullimë kryesisht në zonat kontinentale të Kosovës dhe Maqedonisë së Veriut.

Fundjava vjen më e qetë në fillim. Sipas ecurive aktuale sinoptike e shtuna vjen jo tërësisht stabile. Fillimisht do duket qetë, por pasdite në disa zona priten zhvillime të rrebesheve lokale të shiut me vetëtima dhe bubullimë, ndërsa po ashtu edhe të dielën pas një moti relativisht të nxehtë parashihet destabilizim i atmosferës me zhvillime të rrebesheve lokale të shiut me vetëtima dhe bubullimë orëve të pasdite.

Ishte ky parashikimi i motit për këtë javë. Pritet mot më dinamik në pjesën e dytë të javës. Për shkak të dinamikes së atmosferës ndryshime në parashikim mund të ketë nga e Enjta e tutje. Deri atëherë mot stabil dhe mjaft i nxehtë me destabilizime të izoluara. Të Enjten destabilizim i përgjithshëm. E Premjta dhe fundjava me alternime vranësirash, intervalesh të gjata kohore me diell dhe rrebesheve të izoluara të shiut me vetëtima dhe bubullimë./MeteoBallkan

Vraşja që tronditi qytetin, dalin pamjet kur i dyshuari…

Ragil Gila është i dyshuari i atentatit në Shkondër paraditen e së hënës, ku mbetën të vrarë dy persona dhe dy të tjerë u plagosën.

Pas krimit, autori Ragip Gila nga lagjja “Serreq” dlargohet në drejtim të lagjes Skënderbeg, me mjetin tip BMW që ia ka marrë me forcë një qytetari pasi kreu krimin në Shkodër.

Top Channel raporton se makina duket se është e aksidentuar në pjesën para pasi ishte përplasur me një automjet tjetër gjatë tentativës për t’u arratisur nga vendi i ngjarjes

Pasi ka mbërritur në afërsi të lumit Kir dhe i ndjekur nga forcat e policisë, ai ka lënë makinën dhe ka tentuar të largohet në këmbë, por më pas është prangosur.

Momenti kur Osmani dhe Kurti përqafohen pas golit të parë të Kosovës ndaj Suedisë

Presidentja e Republikës së Kosovës, Vjosa Osmani dhe Kryeministri në detyrë, Albin Kurti janë të pranishëm në ndeshjen e kombëtares së Kosovës ndaj Suedisë.

Kosova po fiton 2-0 ndaj Suedisë në “Fadil Vokrri”, me golat e Rexhbeçajt dhe Muriqit.

Te goli i parë i Rexhbeçajt, Presidentja Osmani dhe Kryeministri në detyrë, Kurti u panë duke festuar së bashku, madje duke u përqafuar.

 

Vrasja e argjentinases në Fushë Kosovë: Viktima s’ka mundur ta nxjerrë vetë dritaren me kornizë

Në seancën e së hënës në Gjykatën Themelore në Prishtinë, në rastin ku Endrit Nika po akuzohet për vrasjen e shtetases argjentinase (të dashurës së tij) në Fushë-Kosovë, u dëgjua eksperti i inxhinierisë mekanike prof. Naser Lajqi, i cili tha se grupi i ekspertëve testoi dritaren në vendin e ngjarjes dhe del se 84.09 kilogramë forcë e ushtruar në dritare rezultoi me një zhvendosje të vogël të dritares prej rreth tre milimetra në pjesën e poshtme.

Fillimisht, kryetari i trupit gjykues, gjyqtari Gazmend Bahtiri njoftoi për ndërrimin e anëtares së trupit gjykues Medie Bytyqi me gjyqtarin Gëzim Ademi. Tha se gjyqtarja Bytyqi që nga 1 shtatori 2025 është avancuar në Departamentin Special, kështu gjykimi filloi rishtazi, raporton “Betimi për Drejtësi”.

Eksperti Lajqi dha sqarime lidhur me ekspertizën e punuar nga grupi i ekspertëve të inxhinierisë mekanike.

Në elaborimin e ekspertizës, Lajqi theksoi se fillimisht xhami ishte thyer si pasojë e goditjes së dritares kur kishte rënë në tokë, siç u shpreh ai, thyerja e xhamit nuk ka ndodhur në dhomën 403 të hotelit, por kur ka rënë në tokë.

Ndërsa, për pajisjet që ishin përdorur për ta matur këtë forcë, eksperti Lajqi theksoi se të gjitha janë të paraqitura përmes fotografive në ekspertizën e punuar nga ky grup i ekspertëve. Po ashtu, tha se në janar të 2025-ës në vendin e ngjarjes kishin dalë tre herë.

“Më datën 15 kemi bërë matjen e forcës horizontale për shtytje të dritares më qëllim që të shohim se me forcë deri në 820Nj (Njutona) apo 84.09kg (kilogramë) forcë shtytëse. Ka rezultuar me një zhvendosje të vogël prej rreth 3 milimetra në pjesën e poshtme, por me këtë forcë dritarja statike nuk është larguar prej grepave, respektivisht konstruksionit mbajtës të saj”, tha eksperti Lajqi.

Ndërsa, i pyetur nga prokurori Armend Hamiti lidhur me atë nëse dritarja mund të nxirrej nga një person që është duke fjet dhe bie nga shtrati me atë forcë apo nevojitet forcë shtytëse për ta zhvendos dritaren, eksperti tha se opsioni nga shtrati nuk mund të ndodhte dhe se dy persona me peshë 120 kilogramë (testimi i ekspertëve) kishin ushtruar forcë horizontale 84.09 kg.

“Paraprakisht, gjatë testimeve të bëra përmes forcës së këmbës dhe ndihmës së ekspertit me dorë që e ka shtytë, nuk kemi mujt me realizu forcë më të madhe se 84.09 kg dhe atë me këmbë nuk kanë arrit të nxjerrim dritaren nga grepat e saj, por ka pasur një zhvendosje të vogël në pjesën e poshtme prej rreth 3 milimetra. Sa i përket pyetjes prej shtratit, përgjigja është jo”, tha Lajqi.

Mbrojtësi i të akuzuarit Nika, avokati Drilon Imeri e pyeti ekspertin nëse kishte qenë e nevojshme që përgjatë dyshemesë ku ishin vendosur xhamat statik të kishte rrethojë mbrojtëse.

“Nga aspekti i mbrojtjes dhe sigurisë në punë, si ekspert i saj, askund nuk kam gjet që vendoset ndonjë mbrojtëse jashtë ose brenda për ta penguar kontaktin me xhamin, sepse prodhuesi që e dizajnon këtë e ka për obligim me i dizajnu dhe prodhu sikur ne që i kemi matë forcat”, u përgjigj eksperti.

Eksperti Lajqi më tutje dha sqarime në raport me pozicionin prej nga kishte rënë viktima dhe pozicioni përfundimtar i saj në platon e betonit, që siç e përshkroi ai, kishte një forcë shtytëse.

“Nga ana tjetër, është evidentuar se pozicioni përfundimtar i saj nga muri i dritares ka qenë rreth 3 metra, ndërsa lartësia prej ku ka rënë 16.23 metra, lë me kuptu se ka pas një forcë shtytëse edhe horizontale edhe vertikale sepse kemi hudhje të pjerrtë”, tha eksperti Lajqi.

Në anën tjetër, i akuzuari Nika e pyeti ekspertin se a kishin qenë të vendosur si duhej xhamat statik, e që Lajqi konfirmoi se montuesi u ishte përgjigjur vizatimeve të prodhuesit.

“Bazuar në vizatimet e prodhuesit, montuesi ju ka përmbajtur vizatimit të prodhuesit, sa i përket masave shtesë, nga ana e prodhuesit nuk janë paraparë masa të tjera shtesë”, tha Lajqi.

Në fund, kryetari i trupit gjykues, gjyqtari Gazmend Bahtiri, duke u bazuar në shkresat e lëndës pyeti konkretisht ekspertin nëse tani e ndjera ka pasur mundësi vetë ta nxjerrë atë dritare, ndërsa eksperti e mohoi një gjë të tillë.

“Për mua është jo”, tha eksperti.

Sipas planifikimit të kësaj gjykate, në radhë për tu dëgjuar në cilësinë e ekspertit ishte eksperti mjeko-ligjor Arsim Gërxhaliu, mirëpo gjyqtari njoftoi se nga ai ishin njoftuar se gjendet jashtë vendit.

Avokati Imeri i cili kishte propozuar dëgjimin e Gërxhaliut, u tërhoq nga ky propozim.  Mirëpo, trupi gjykues vlerësoi me interes dëgjimin e tij, andaj sipas detyrës zyrtare gjykata do ta ftojë ekspertin për dëshmi.

Pasi që seanca e radhës ishte caktuar për nesër, në pamundësi të pranisë se ekspertit Gërxhaliu, gjyqtari Bahtiri njoftoi se ajo seancë anulohet, ndërkaq të radhës e caktoi për në tetor.

Në seancën e 28 majit 2025, i akuzuari u deklarua i pafajshëm.

Sipas aktakuzës së ngritur më 11 shkurt 2025 nga Prokuroria Themelore në Prishtinë, Endrit Nika akuzohet se më 1 gusht 2023 në një hotel në Fushë-Kosovë, pas një mosmarrëveshje paraprake me të dashurën e tij- tani të ndjerën M.K-U., të cilën paraprakisht e godet në vazhdimësi dhe tenton ta shkelë me veturë tek parkingu jashtë hotelit, dhe pasi që hyjnë në hotel- në dhomën ku ishin duke qëndruar, i pandehuri Nika me dashje që ta privojë nga jeta tani të ndjerën M.K-U ka vazhduar përleshjen dhe goditjet ndaj të dëmtuarës, duke e dërguar në qoshe të dhomës nga ku nuk ka pasur mundësi të largohet dhe nga goditjet dhe shtyrjet që i ka bërë tani të ndjerës M. K-U., e ka nxjerrë kornizën e dritares duke e hedhur të ndjerën nga dritarja e dhomës së hotelit nga kati i gjashtë. Me ç’rast, tani e ndjera si pasojë e lëndimeve edhe përkundër trajtimit mjekësor ka ndërruar jetë në QKUK.

Me këtë, i akuzuari Endrit Nika akuzohet se ka kryer veprën penale “Vrasje e rëndë” nga neni 173, par.1, pika 1.3 të Kodit Penal.

U shkarkua nga Bedri Hamza, flet për herë të parë drejtori: Ishte një gabim teknik me vlerë 6500 euro

Kryetari i Komunës së Mitrovicës, Bedri Hamza, ka shkarkuar nga pozita e Drejtorit të Kulturës Fahri Jasharin.

Ai dyshohet për keqpërdorim të detyrës zyrtare, thuhet në vendimin e shkarkimit.

Lidhur me këtë për Indeksonline ka folur vetë ish-drejtori për Kulturë, Rini dhe Sport, Fahri Jashari.

Ai thotë se ka të bëjë me një gabim tenik që ka ndodhur më rastin e lidhjes së një kontrate.

“Realisht e vërteta qëndron në atë që në një kontratë e kemi bërë një gabim teknik, pra kemi vendosur të holla më shumë, mirëpo me palën jemi dakordu dhe të hollat janë rikthyer”, ka thënë fillmisht Jashari.

Jashari thotë se bëhet fjalë për një çmim prej 6 mijë e 500 eurove.

“Vlera e shtuar ka qenë në shumën prej 6 mijë e 500 eurove, totali është 10 mijë ndërsa 3 mijë e 50 kanë qenë me projektë dhe gjatë procesit kemi lëshu ndonjë gabim, por kur e kemi marrë një raport prej zyrës së financave e kemi vrejtë gabimin’’, ka thënë Jashari.

Më tutje Jashari thotë se për këtë çështje ka folur edhe me kryetarin Hamza mirëpo që tashmë vendimi është marrë nga ana e tij.

Sipas njoftimit, hetimet janë në fazën fillestare, ndërsa besohet se me ndërhyrjen e hershme është parandaluar një dëm i mundshëm financiar ndaj Komunës së Mitrovicës.

Izraeli paralajmëron “uragan” sulmesh mbi Gazën

Ministri izraelit i Mbrojtjes, Israel Katz, ka paralajmëruar se një “uragan i fuqishëm” do të godasë qiellin e Qytetit të Gazës më vonë të hënën, ndërsa ushtria po zgjeron ofensivën e saj ajrore në qytetin më të madh të enklavës.

Katz e përshkroi këtë sulm si një “paralajmërim të fundit për vrasësit dhe përdhunuesit e Hamasit në Gaza dhe në hotelet luksoze jashtë vendit”, duke kërkuar lirimin e pengjeve dhe dorëzimin e armëve përndryshe, paralajmëroi që “Gaza do të shkatërrohet dhe ju do të shfaroseni”, shkruan Reuters.

Sulmet ajrore janë intensifikuar kohët e fundit, me dëmtimin e dhjetra ndërtesave dhe rrafshimin e disa lagjeve, në përgatitje të një ofensivë tokësore të paralajmëruar prej kohësh.

LAJMI I FUNDIT: Dy të vrarë dhe një vajzë 25 vjeçare e plagosur

Dy të vrarë dhe dy të plagosur është bilanci nga një atentat mafioz i ndodhur mëngjesin e kësaj të hëne në një lokal në qendër të Shkodrës.

Viktimë ka mbetur Armando Pali, ish- këshilltar bashkiak pranë bashkisë së Shkodrës, si dhe i riu Gredion Kraja, shoqërues i Eugen Vasos.

Një person me skafandër është arrestuar në zonën e njohur si “Zalli i Kirit” disa kilometra larg vendit të ngjarjes. Ai dyshohet se është autori i ngjarjes. Pas krimit është larguar nga lokali me një makine tip “BMW”. Rrugës ka bërë një aksident me një makine tjetër dhe ka tërhequr vëmendjen e policisë pasi ishte ende me skafandër.

Policia i është vënë në ndjekje dhe në zonën e lumit të Kirit ka lënë makinën për t’u larguar në këmbë bashkë më armën në krahë. Pas rrethimit personi është dorëzuar./TopChannel/

Moment i papritur: Diola pa rroba, Erolldi i dërgon tortën në shtrat

Ditën e sotme, Diola Dosti feston ditëlindjen.

Urimi i parë dhe më i ndjerë erdhi nga i dashuri i saj, Erolld Belegu, shkruan Indeksonline.

Ai kujdeset që t’i dërgojë tortë tek shtrati, duke kapur një moment të veçantë dhe të sikletshëm për Diolën.

E shtrirë në shtrat dhe pa rroba, Diola u shfaq e buzëqeshur dhe e plotësuar nga kjo befasi e dashur.

VIDEO

Reagon ashpër babai i Xhakës: O ju të mjerë, a prisnit që Graniti t’ua falte lojën a?

Babai i Granit dhe Taulant Xhakës, Ragipi ka reaguar ashpër ndaj akuzave të bëra ndaj paraqitjes së Xhakës për ndeshjen me Kosovës.

Ragipi ka qenë me plot kritika për ata që thonin se Graniti dha maksimimun në ndeshjen ndaj Kosovës.

Reagimi i plotë:

“Reagim ndaj shpifjeve e fyerjeve ndaj familjes Xhaka – veçanërisht ndaj Granitit

Edhe pse zakonisht nuk ndërhyj në komente apo polemika që nuk më përkasin drejtpërdrejt, këtë herë ndjej detyrë morale të reagoj. I drejtohem të gjithëve atyre që shkruajnë e flasin në mënyrë të ulët ndaj vëllezërve Xhaka – e në veçanti ndaj Granitit.

O ju të mjerë, të verbër në zemër dhe në mendje – kur tentoni ta njollosni Granitin, në fakt po e njollosni veten tuaj. Kur e shani, po e tregoni vetëm ligësinë, zilia dhe neverinë që keni brenda vetes.

Pse, prisnit që Graniti t’jua falte lojën? Pse nuk e doni suksesin e dikujt që ka ngritur flamurin kuqezi me krenari, që ka mbrojtur nderin e shqiptarëve në fushën e gjelbër dhe në çdo dalje publike?
A harruat se Serbia ishte ajo që na vrau, na dhunoi dhe na dëboi nga trojet tona – dhe sot, në vend që të sulmoni ata që na nderojnë, po sulmoni një shqiptar që kurrë nuk e mohoi prejardhjen e tij?
A harruat se kur Taulanti, me shokë, dilte ballë për ballë me tifozët serbë në Beograd për të mbrojtur flamurin kombëtar, ju ishit krenarë?

A harruat se Graniti ngriti shqiponjën në zemër të Rusisë, në një botëror ku gjithë bota po e shihte?
A harruat se sa herë e ka ngritur zërin për Kosovën, për Shqipërinë, për nënat shqiptare dhe për të drejtën tonë për ekzistencë?

Vëllezërit Xhaka – dhe shumë sportistë të tjerë shqiptarë në diasporë – e kanë ngritur lart imazhin e shqiptarëve në Zvicër, në Evropë dhe në gjithë botën. Ata kurrë nuk e kanë mohuar se janë shqiptarë. Përkundrazi – çdo intervistë, çdo dalje publike, çdo ndeshje është dëshmi e krenarisë së tyre kombëtare.
Zvicra ka qenë ndër vendet e para që e ka njohur Kosovën. Ajo na ka strehuar në kohët më të vështira dhe na ka dhënë mundësinë të ndërtojmë jetë më të mirë. Dhe sot, kur njerëz si Graniti i kthejnë Zvicrës kontribut me krenari, ju i thoni “zvicra-zvicra” me përbuzje?

O të shitur, o të paditur, turp t’ju vijë!

Kur e shani Granitin, nuk po shani vetëm një futbollist. Po shani familjen tuaj, po shani një emblemë krenarie shqiptare. Sepse Xhakat kurrë nuk janë gjunjëzuar – dhe nuk kanë për t’u gjunjëzuar” shkruan Ragip Xhaka në reagim.