Caktohet data, mësohet kur dhe ku do të mbahet debati i madh për Prishtinën

Adriatik Kelmendi, autor dhe moderatori i emisionit Rubikon, ka bërë të ditur se ka marrë konfirmimin nga të gjithë kandidatët për kryetar të Prishtinës, për debat.

Kelmendi bëri të ditur se debati i madh për Prishtinën do të mbahet më 6 tetor.

“Ballafaqimi i parë i Madh për Prishtinën: më datë 6 tetor, në Rubikon. Kryetari aktual, Përparim Rama, sonte live e dha premtimin se pranon të vijë në debat me të gjithë kundërkandidatët në Rubikon. Ballafaqimin e ka konfirmuar në Rubikon dhe kandidati i PDK-së, Uran Ismaili. Kandidati i LVV-së, Hajrulla Çeku, publikisht është zotuar se merr pjesë në ballafaqim “në cilëndo ditë në cilëndo studio”. Edhe Bekë Berisha i AAK-së dhe Besa Shahini e PSD-së tashmë e kanë konfirmuar debatin në Rubikon.
Le të fitojë më i miri. Shihemi më 6 tetor!”, thuhet né postimin e tij.

Në garë për Prishtinën janë: Përparim Rama, Uran Ismaili, Hajrulla Çeku, Bekë Berisha e Besa Shahini.

Adriatik Kelmendi, autor dhe moderatori i emisionit Rubikon, ka bërë të ditur se ka marrë konfirmimin nga të gjithë kandidatët për kryetar të Prishtinës, për debat.

Kelmendi bëri të ditur se debati i madh për Prishtinën do të mbahet më 6 tetor.

“Ballafaqimi i parë i Madh për Prishtinën: më datë 6 tetor, në Rubikon. Kryetari aktual, Përparim Rama, sonte live e dha premtimin se pranon të vijë në debat me të gjithë kundërkandidatët në Rubikon. Ballafaqimin e ka konfirmuar në Rubikon dhe kandidati i PDK-së, Uran Ismaili. Kandidati i LVV-së, Hajrulla Çeku, publikisht është zotuar se merr pjesë në ballafaqim “në cilëndo ditë në cilëndo studio”. Edhe Bekë Berisha i AAK-së dhe Besa Shahini e PSD-së tashmë e kanë konfirmuar debatin në Rubikon.
Le të fitojë më i miri. Shihemi më 6 tetor!”, thuhet né postimin e tij.

Në garë për Prishtinën janë: Përparim Rama, Uran Ismaili, Hajrulla Çeku, Bekë Berisha e Besa Shahini.

Dronë të dyshuar serbë mbi qiellin e Kosovës

Serbia po vazhdon provokimet ndaj shtetit të Kosovës.

Alarmi është ngritur ditë më parë nga ministri i Punëve të Brendshme, Xhelal Sveçla i cili tha se Beogradi zyrtar ka shkelur hapësirën ajrore të Republikës së Kosovës me disa dronë.

E Tëvë1 ka mësuar ekskluzivisht se tash e dy ditë, dronët që dyshohet se janë nga Serbia, kanë vëzhguar pikat kufitare Jarinje dhe Bërnjak në pjesën veriore të vendit.

Këtë aktivitet të kundërligjshëm e kanë vërejtur Policia e Kosovës të cilët më pas kanë njoftuar pjesëtarë të KFOR-it amerikan.

Tëvë1 i ka parë edhe pamjet e këtyre dronëve, të cilët janë vërejtur natën e së mërkurës, mbi hapësirën ajrore në pikën kufitare të Jarinjes.

Zëvendësdrejtori i Policisë për rajonin e veriut, Veton Elshani konfirmon se këto informacione i kanë ndarë me KFOR-in amerikan, të cilët janë duke u marrë me rastin.

“Ajo çfarë unë kom për të thënë është se kemi një bashkëpunim shumë të mirë me KFOR-in, KFOR-i amerikan është përgjegjës për veriun e vendit. Cdo informacion që ne e kemi, e shpërndajmë me ta edhe cdo gjë që ka nevojë të ndahet e ndajmë me ta. siguria është në nivel, a ka mundësi të jemi më mirë, gjithmonë ka mundësi me qenë më mirë. Ne konsiderojmë që në cdo pjesë të veriut, mund të ndërhyjmë. Kemi bashkëpunim me partnerët tanë për cdo rreziqe tjera”, ka thënë Elshani.

Tëvë1 ka dërguar pyetje në KFOR, por të njëjtit nuk kanë kthyer përgjigje.

Poashtu Tëvë1 ka raportuar edhe më herët për disa dyshime se dronë të Serbisë që kanë operuar mbi infrastrukturën kritike në disa zona përfshirë, liqenin e Batllavës dhe kazermën e FSK-së në Podujevë, për cka KFOR kishte thënë se janë duke monitoruar situatën.

“Javët e ardhshme hapet Rruga A, projekti më i madh i pasluftës”

Kryetari i Prishtinës, Përparim Rama, ka thënë se para katër vitesh Prishtina ishte në gjumë.

Rama theksoi se para katër vitesh, theksoi se i duhen 8 vjet për transformimin e kryeqytetit. E sipas tij, transformimi po ndodh.

“Prej mendësisë depresive, në mendësi që beson se transformimi ndodh, po ndodh, Prishtina ka filluar të transformohet me atë vizion para katër vitesh. Unë kam thënë që Prishtinës I duhen 8 vite, më duhen 8 vite, dhe kam prezantuar vizionin tim për transformimin e kryeqytetit. Të gjitha projektet kanë filluar, disa kanë përfunduar, disa janë në përfundim e sipër, disa ende nuk kanë fillu se është projekt 8-vjeçar”, tha Rama Klan Kosova.

Rama ka zbuluar se në javët e ardhshme do të hapet edhe Rruga A.

Ai ka thënë se ky është projekti më i madh në Prishtinën e pasluftës.

“Rruga A është projekt madhor, projekti më i madh i pasluftës. Jo vetëm qe e sheh, por e ndjen. Kundërmimi që ka qenë më nuk ekziston. Lidhja e Rrugës A me rrugën B, javët e ardhshme në vijim do ta hapim. Po e lidhim Veternikun me Rrugën A dhe Rrugën B. Ka zgjidh problem të madh në aspektin shëndetësor. Nuk e ke kundërmimin, investim i madh. Askush nuk ka besu që do të bëhet. Po vazhdojmë me këtë projekt. Brenda javësh hapet”, tha Rama.

 

Uran Ismaili ‘i’a pren’ Sami Lushtakut: Askush s’ka me mujt mu përzi në udhëheqjen e Prishtinës

Kandidati për kryetar të Prishtinës, Uran Ismaili I është rikthyer debatit për Sami Lushtakun duke thënë se “propaganda e tillë rikthehet në kohë zgjedhjesh”. Ai ka thënë se të gjitha vendimet do ti marrë vetë siç e ka bërë gjatë tërë karrierës së tij politike. Madje ai e cilësoi sërish si gabim deklaratën e tij në një paraqitje televizive.

Të njëjtat tema janë rikthyer edhe gjatë kohës si ministër i Shëndetësisë, por nuk ka hezituar e as frikësuar për të marrë vendime që kanë bazë ligjore dhe për interes të shëndetësisë së Kosovës.

Më tej, ai ka thënë se karrierën e tij dhe bagazhin politikë jetësor kurrë nuk do ta rrezikojë me idenë që të lejoj dikë tjetër ti ndërhyjë në udhëheqjen dhe vendimmarrjen për Prishtinën.

Të vetmen përgjegjësi e llogari, ka thënë Ismaili, do ta jap vetëm para qytetarëve të Kosovës.

Urani i bindur: Unë do të jem i pari në Prishtinë

Kandidati i PDK-së për kryetar të Prishtinës, Uran Ismaili, ka shprehur besimin e tij të plotë për fitoren në garën zgjedhore për kryeqytetin.

Në Debat Plus, ai ka thënë se ndjesia që merr nga terreni i jep siguri të palëkundur për rezultatin.

“E kam një ndjesi të asaj çka e shoh në terren. Dhe po më lejohet me paragjyku që jam mëse i sigurt që në këtë garë do të dal fitues.

Dhe mendoj që ata që e kërkoj është një mbështetje qytetare dhe jo një mbështetje prej një partie të caktuar”, ka thënë Ismaili.

Operacion policor në Mitrovicë, ka të arrestuar

Policia e Kosovës ka zhvilluar një operacion në Mitrovicën e Jugut, ku ka sekuestruar disa armë dhe sasi të konsiderueshme fishekësh gjatë një bastisjeje në shtëpinë e një të dyshuari.

Bastisja u krye nga hetuesit policorë të Stacionit Policor Jugu, pas hetimeve të zgjeruara që lidhen me një rast dhune në familje dhe dyshime për posedim të paligjshëm të armëve.

Sipas policisë, gjatë kontrollit u gjetën dhe u sekuestruan:

Pesë armë të gjata;

Një pistoletë me katër karikatorë;

447 fishekë të kalibrave të ndryshëm.

I dyshuari, mashkull kosovar, është intervistuar dhe me aktvendim të prokurorit i është shqiptuar masa e ndalimit policor prej 48 orësh.

Ndaj tij janë iniciuar procedura për veprat penale “Mbajtje në pronësi, kontroll ose posedim i paautorizuar i armëve” dhe “Dhunë në familje”.

Vuçiqi paralajmëron çnjohje të pavarësisë së Kosovës nga shtete afrikane

Presidenti serb Alleksandar Vuçiq tha sot se po punon që më shumë vende afrikane të çnjohin pavarësinë e Kosovë, duke shtuar se më shumë informacione rreth kësaj do të jetë i disponueshëm në tetor.

Ai e tha këtë në Nju Jork, ku po merr pjesë në seancën e Asamblesë së Përgjithshme të OKB-së, duke iu përgjigjur pyetjes së një gazetari nëse më shumë vende afrikane po punojnë për të çnjohur pavarësinë e Kosovës, raporton “Tanjug”.

“Po punoj për këtë. Do të keni informacione të reja shumë shpejt në tetor. Veçse kemi realizuar diçka”, tha Vuçiqi.

Presidenti serb tha se Sekretari i Përgjithshëm i OKB-së, Antonio Guterres, e njeh mirë situatën në të cilën gjenden serbët në Kosovë, sipas raporteve të UNMIK-ut.

Gjesti kunja ndaj Eglit, reagimi që nuk pritej!

Romanca e dikurshme mes Egli Takos dhe Gjesti-t, e cila nisi brenda shtëpisë së Big Brother Albania, po rikthehet sërish në qendër të vëmendjes pas deklaratave të fundit dhe reagimeve të dy protagonistëve.

Dy ditë më parë, e ftuar në “The Dalina Show”, Egli foli hapur për raportin që pati me Gjesti-n gjatë kohës së tyre në reality show.

Ajo theksoi se lidhja nuk kishte qenë kurrë dashuri e vërtetë, por një afrim i krijuar nga rrethanat.

“Je aty brenda 24 orë në ditë, lidhjet bëhen më të ngushta dhe më intensive. Por kjo nuk ka lidhje me ndjenja të thella romantike. Ishte më shumë lojë, një person i duhur në vendin e duhur. Unë isha personazhi i gabuar në vendin e duhur,” tha Egli.

Ajo pranoi gjithashtu se për një moment kishte rënë në “deluzion”:

“Ndoshta edhe unë për një periudhë e kam jetuar këtë gjë, por sot e shoh ndryshe. Nuk më frymëzonte si person në kuptimin e madh, më bënte të qeshja, kalonim mirë, por kaq. Dua ta mbaj mend si një shok të asaj kohe,” u shpreh Egli.

Këto fjalë duket se nuk kanë kaluar pa reagim nga Gjesti.

Ditën e sotme, ai publikoi një Instastory teksa ishte në makinë, duke dëgjuar një këngë me tekst të ngjashëm me fjalët që i kishte thënë Eglit brenda shtëpisë:

“Ajo që e ndjen ti nuk është dashuri, por obsesion, një iluzion në mendjen tënde.”

Ky reagim është parë nga ndjekësit si një përgjigje e drejtpërdrejtë ndaj deklaratave të Eglit, duke rikthyer në qendër të debatit një histori që dikur u komentua gjerësisht nga publiku i Big Brother Albania.

Mbetet për t’u parë nëse kjo “lojë me deklarata” do të vazhdojë dhe nëse Egli do të japë një reagim tjetër, por një gjë është e sigurt: marrëdhënia mes tyre vazhdon të ngjallë interes edhe jashtë shtëpisë më të famshme në Shqipëri. /Prive By Liberta Spahiu

Lajm i tmerrshëm: Ish-sulmuesi i Arsenalit ndërron jetë në moshë të re

Bota e futbollit është tronditur nga një ngjarje e rëndë. Ish-sulmuesi i të rinjve të Arsenalit, Billy Vigar, ka ndërruar jetë vetëm 21-vjeç, pasi pësoi një dëmtim fatal në tru gjatë një ndeshjeje me skuadrën e tij aktuale, Chichester City.

Vigar u përplas me një mur anës fushës fundjavën e kaluar dhe, pavarësisht ndihmës së menjëhershme mjekësore, nuk arriti të mbijetonte.

TË NGJASHME: 

Tragjike: Vdes sulmuesi i Liverpoolit

Pse banorëve të Evropës po u këshillohet të mbajnë 100 euro në shtëpi?

Paratë e letrës po përdoren gjithnjë e më pak, prandaj pse banorët në të gjithë Evropën po këshillohen nga Banka Qendrore Evropiane të mbajnë midis 70 dhe 100 euro në para të gatshme në shtëpi?

BQE-ja sugjeroi që evropianët të mbajnë midis 70 dhe 100 euro në shtëpi, sipas studimit të saj të ri të publikuar këtë javë.

Studimi i bankës me titull “Qetësohuni dhe mbani para të gatshme” mbulon rolin e parave të gatshme gjatë katër krizave të fundit në të gjithë Evropën. Studimi zbuloi se pavarësisht krizës, qoftë financiare, ushtarake – siç është lufta në Ukrainë apo shëndeti publik, siç është pandemia e Covid-it, përdorimi dhe kërkesa për para të gatshme u rritën.

“Shfaqja e krizave të papritura – siç janë trazirat financiare të vitit 2008, kriza e borxhit sovran 2014-15 në Greqi, shpërthimi i pandemisë COVID-19 ose pushtimi i pajustifikuar në shkallë të plotë i Ukrainës nga Rusia në vitin 2022 – shkaktuan rritje të menjëhershme dhe ekstreme të blerjes së parave të gatshme nga publiku”, vuri në dukje studimi, transmeton albinfo.ch.

Si rezultat, BQE-ja ka sugjeruar ruajtjen e disa kartëmonedhave shtesë në shtëpi në rast se sistemet e pagesave elektronike dështojnë.

Me fjalë të tjera, shumica e njerëzve në të gjithë Evropën janë mësuar të paguajnë me kartat e tyre bankare ose nëpërmjet aplikacioneve telefonike, por nëse këto dështojnë në një krizë, atëherë paratë e gatshme do të jenë jetike, thotë banka.

‘Mjaftueshëm për të mbuluar nevojat për 72 orë’

BQE-ja thotë se të kesh para të gatshme në shtëpi mund të të mbrojë nga dështimi i sistemit të pagesave elektronike, gjë që ka ndodhur në të kaluarën. Në rast të një ndërprerjeje të madhe të energjisë elektrike si ajo në Spanjë prillin e kaluar, një sulmi masiv kibernetik ose një pandemie, paratë e gatshme ofrojnë një “mbrojtje me kosto të ulët kundër paqëndrueshmërisë së madhe sistemike”, thuhet në dokument.

Për shembull, studimi citon se autoritetet në Holandë, Austri dhe Finlandë sugjerojnë mbajtjen e afërsisht 70 deri në 100 euro për person në shtëpi ose “të mjaftueshme për të mbuluar nevojat thelbësore për rreth 72 orë”.

“Kjo përputhet me kuptimin se monedha fizike jo vetëm që shërben për të përmbushur nevojat individuale, por gjithashtu kontribuon në rezistencën më të gjerë sistemike”, thotë BQE-ja.

Sipas bankës, paratë e gatshme janë një “komponent kritik i përgatitjes kombëtare për kriza”.

Përveç nxitjes së qytetarëve që të jenë të përgatitur, banka qendrore e Evropës inkurajon gjithashtu qeveritë dhe bankat që të marrin masa për t’u përballur me rritjen e kërkesës për para të gatshme të shkaktuar nga “ngjarjet ekstreme dhe të rralla”. Finlanda, për shembull, aktualisht po zhvillon ATM që do të jenë plotësisht imune ndaj ndërprerjeve dhe sulmeve kibernetike.

Siç paralajmëroi BQE-ja se asnjë sistem nuk është “i pagabueshëm”, është më mirë të jeni të përgatitur.

Ruaj edhe ushqim dhe ilaçe

Kjo është pjesë e përpjekjeve të vazhdueshme të autoriteteve evropiane për të përgatitur qytetarët për çdo lloj krize. Në mars të këtij viti, Komisioni Evropian i këshilloi njerëzit të grumbullojnë ushqim, ujë dhe ilaçe për 72 orë në rast të një krize që prish shërbimet publike.

“Ne duhet të përgatitemi për incidente dhe kriza në shkallë të gjerë, ndërsektoriale, duke përfshirë mundësinë e agresionit të armatosur, që prekin një ose më shumë shtete anëtare”, thuhej në dokument.

Strategjia e “gatishmërisë” – dhe në veçanti paketa e mbijetesës – u mbështet në rekomandimet e një raporti të paraqitur Komisionit Evropian nga ish-presidenti i Finlandës, Sauli Niinisto, në fund të vitit 2024.

Gjithashtu, ajo mori frymëzim nga shembulli i Skandinavisë, ku Finlanda, Suedia dhe Danimarka kanë shtuar përpjekjet për të përgatitur familjet për mundësinë e një krize ose konflikti në të ardhmen – ndërsa Ukraina lufton pushtimin e ashpër trevjeçar rus.

Faqja e internetit e qeverisë franceze sugjeron përgatitjen e një “pakete emergjence 72-orëshe” që përfshin gjashtë litra ujë, ushqime që nuk prishen (përfshirë edhe për kafshët tuaja shtëpiake!) dhe fotokopje të dokumenteve të identifikimit në një qese të papërshkueshme nga uji.