Sot, në familjen e Ermal Fejzullahut ka festë.
Vajza e tij ka ditëlindjen dhe këngëtari emocionoi me urimin, shkruan Indeksonline.
Në orët e para pas mesnate ai ndau një fotografi duke ia uruar 6-vjetorin.
“HBD Ana, u bofsh 100 vjeçe çika jem e bukra te ka babi ma tmiren, #6”, shkroi krahas postimit.
Shumë urime./Indeksonline/
Kryeministri në detyrë i Republikës së Kosovës, Albin Kurti, ka udhëtuar për në New York të Shteteve të Bashkuara të Amerikës, ku do të zhvillojë takime bilaterale me liderë në kuadër të Javës së Nivelit të Lartë të Sesionit të 80-të të Asamblesë së Përgjithshme të Kombeve të Bashkuara.
Gjatë qëndrimit atje, gjithashtu do të takojë pjesëtarë të komunitetit shqiptar në SHBA dhe përfaqësues të shoqatave të diasporës.
Përmes pjesëmarrjes në Javën e Nivelit të Lartë dhe takimeve të parapara synohet thellimi i raporteve bilaterale me vende partnere, fuqizimi i mëtejmë i subjektivitetit ndërkombëtar të shtetit tonë në raport me vendet mosnjohëse dhe prezantimi i mundësive dhe përparësive që Republika e Kosovës ofron për investitorë të huaj.
Një rast i rëndë dhune në familje është raportuar dje në fshatin Gllamnik – Podujevë, ku një grua është sulmuar nga djali i saj, mëson ekskluzivisht Gazeta Sinjali.
Sipas burimeve të Sinjalit, ngjarja ka ndodhur rreth orës 13:30, kur Xh. E. ka deklaruar para policisë se është sulmuar me duar dhe shqelma nga djali i saj, H. E., përdorues i substancave narkotike. Konflikti kishte shpërthyer pasi i dyshuari i kishte kërkuar para dhe, në shenjë revolte, e kishte goditur nënën e tij.
I dyshuari është arrestuar dhe pas procedurave policore është intervistuar në prani të zyrtarëve përkatës. Me urdhër të prokurores kujdestare, atij i është caktuar masa e ndalimit prej 48 orësh, ndërsa rasti është iniciuar për veprën penale “Dhunë në familje”.
Ndërkohë, viktima ka refuzuar tretmanin mjekësor, ashtu siç ka refuzuar edhe urdhrin mbrojtës dhe strehimoren.
Hetimet për rastin janë duke vazhduar.
Pas përfundimit të debatit mes kandidatëve për kryetar të Komunës së Deçanit, nuk munguan as tensionet mes konkurrentëve politikë. Dy nga kandidatët, që gjatë fushatës kanë pasur përplasje të ashpra, u përballën edhe pas debatit.
Kryetari aktual i Deçanit, Bashkim Ramosaj, i zgjati dorën kundërkandidates nga PSD, Natyra Kuqi. Gjatë këtij momenti, ai i tha asaj: “Mbaje veten.”
Reagimi i Kuqit ishte i menjëhershëm dhe me ton të ngritur: “Mbaje veten ti!” – iu kthye ajo.
Momentin mund ta ndiqni në videon më poshtë:
Kandidati i Lidhjes Demokratike të Kosovës për kryetar të Rahovecit, Burim Krasniqi, ka shpalosur plan-programin e kësaj partie që synon marrjen e drejtimit në këtë komunë.
Krasniqi tha se plan-programi i LDK-së në Rahovec përbëhet nga 12 zotime kryesore që sipas tij, ka të bëjë me 12 sektorët kryesorë në këtë komunal.
“Plan-programin e kemi me 12 zotime kryesore që kanë të bëjnë me 12 sektorët kryesorë që kanë të bëjnë me agroturizëm, shëndetësi, e kemi qendrën e vjetër të qytetit, ridizajnimin e sheshit kryesor, subvencionimin e lehonave te pjesa e shëndetësisë”.
“Për arsimin ndër të tjera është edhe pjesa e inteligjencës artificiale e cila do të fillojë nga klasa e pestë. Te bujqësia, 24 orë ujë dhe kanalizim, që nuk do të jetë temë më që do të diskutohet më në zgjedhjet e tjera”, tha Krasniqi në Edicionin Special në Klan Kosova.
Për sa i përket shëndetësisë, Krasniqi premtoi ndërtimin e parkingut nëntokësor tek Qendra Kryesore e Mjekësisë Familjare në Rahovec, teksa shtoi se të gjitha ambulantat do të jetën funksionale.
“Tek pjesa e shëndetësisë, do të ketë parking nëntokësor tek QMF-ja. Të gjitha ambulantet do të jenë funksionale si dhe një sos-buton që do të jetë risi për t’i ardhur në ndihmë shpejt të moshuarve dhe atyre me sëmundje kronike”, tha ai, njofton Klankosova.tv.
Krasniqi më tej premtoi edhe ndarjen e nga 500 eurove për nënat lehonat por edhe rritje të sigurisë në shkolla.
“Nënat lehona do të kenë nga 500 euro kudo që lind dhe kudo që jeton në komunën e Rahovecit. Te shkollat do të ketë rritje të përgjegjësisë, siguri në shkolla, transport publik falas në mënyrë që prindërit të jenë të sigurt”, tha ai.
Gjilani është goditur nga një lajm i rëndë, pasi ka ndërruar jetë në moshë të re Enes Ajeti, një qytetar i njohur dhe i respektuar nga bashkëqytetarët.
Ajeti kishte shërbyer për shumë vite në institucionet bankare të qytetit, duke lënë pas një karrierë të suksesshme dhe një imazh të ndritur si punëtor i dalluar dhe i përkushtuar. Ai njihej si një djalë i edukuar, me vlera të larta familjare dhe shok i dashur për rrethin e tij.
Familjarët, miqtë dhe kolegët e përshkruajnë të ndjerin si një njeri të jashtëzakonshëm, kujtimi i të cilit do të mbetet gjithmonë i gjallë në zemrat e tyre.
Sipas njoftimit të familjes, varrimi i Enes Ajetit do të bëhet sot pas namazit të Ikindisë.
