Moderatori i Klan Kosovës zbulon datën e nisjes së ‘Big Brother Vip Kosova’

Edicioni i katërt i ‘Big Brother VIP Kosova’ pritet të nisë shumë shpejt, dhe fansat janë në pritje të madhe.

Në një video live të fundit, moderatori i njohur Kron Sadiku ka zbuluar datën e mundshme të fillimit të këtij reality show të njohur, duke ngjallur entuziazëm te ndjekësit e programit.

“Big Brother VIP Kosova fillon më 31 tetor, qashtu po flitet,” ka thënë ai, duke i dhënë një shpresë të madhe fansave të këtij formati që ka bërë bujë në Kosovë dhe më gjerë.

Edhe pse data e shpallur nga Sadiku ende nuk është konfirmuar zyrtarisht nga produksioni, kjo deklaratë ka shkaktuar një valë entuziazmi, duke bërë që fansat të fillojnë numërimin mbrapsht për ditën e madhe.

Interesi për ‘Big Brother VIP Kosova’ është rritur ndjeshëm pas suksesit të edicioneve të kaluara, ku shumë nga banorët e përzgjedhur janë bërë figura publike të njohura.

Me një format që përfshin sfida, drama dhe marrëdhënie të ndryshme mes banorëve, ky edicion pritet të sjellë më shumë surpriza dhe momente emocionuese.

Fansat e këtij reality show janë të etur për të parë se kush do të jetë pjesë e këtij edicioni dhe si do të zhvillohen ngjarjet brenda shtëpisë, duke e bërë këtë një nga ngjarjet më të pritura të vitit.

Me datën e fillimit që po afrohet, emocionet janë në maksimum, dhe të gjithë janë të gatshëm për të përjetuar përsëri magjinë e ‘Big Brother VIP Kosova’.

Kjo është gjendja e të lënduarit në aksidentin ku humbi jetën vëllai i Gjestit

Ngjarja e rëndë që i mori jetën Eldionit, vëllait të artistit të njohur Gjesti, tronditi të gjithë. Përveç viktimës, në aksident ka mbetur i plagosur edhe një mik i tij, i cili ndodhej si pasagjer.

Emisioni “Kosova Live” në T7 ka kontaktuar Spitalin e Përgjithshëm të Pejës për të mësuar më shumë mbi gjendjen e të plagosurit. Në një përgjigje me shkrim, nga ky institucion kanë deklaruar:

“Një pacient pas një aksidenti është duke u trajtuar në Spitalin e Përgjithshëm në Pejë, ku po merr trajtimin e nevojshëm. Për shkak të respektimit të privatësisë së pacientit, nuk mund të japim më shumë detaje, mirëpo gjendja e tij aktualisht është stabile.”

Zbardhet vrasja tronditëse në Shqipëri: Biznesmeni i njohur ekzekutohet për një sherr banal, ky është autori i dyshuar

Gazetarja e Top Channel Dorjana Bezat bën me dije se grupi hetimor ka gjetur provat e krimit dhe ka identifikuar autorit, i identifikuar si Kamber Sulçaj, i cili punon si çoban.

Ata dyshohet se janë konfliktuar verbalisht për dritat e gjata të makinës, dhe më pas 48-vjeçari e ka qëlluar me armë.

Njoftimi i policisë:

Salari, Tepelenë/Hetimet e shpejta dhe profesionale çojnë në zbardhjen e autorësisë dhe dinamikës së vrasjes së shtetasit E. S., trupi i pajetë i të cilit u gjet në vendin e quajtur “Qafa e Dilanit”, pas mesnatës së datës 26.09.2025.

Identifikohet dhe shpallet në kërkim një 48-vjeçar, autori i dyshuar i vrasjes.

Nga hetimet dyshohet se 48-vjeçari, pas një konflikti për motive të dobëta, ka qëlluar me armë, drejt shtetasit E. S., shtetasve që e shoqëronin atë dhe automjeve të tyre të ndaluara.

Nga të shtënat humbi jetën shtetasi E. S..

Sekuestrohen nga vendngjarja, automjetet e shtetasit E. S. dhe shoqëruesve të tij, si dhe 2 armë gjahu.

Gjithashtu, sekuestrohen automjeti dhe veshjet e përdorura gjatë krimit, si dhe 2 500 000 lekë (në valutat lekë dhe euro), 3 armë gjahu, municion për armë gjahu me saçme, municion për armë me vjaska, 450 fara të dyshuara Cannabisi dhe 2 kasaforta.

Si rezultat i hetimeve intensive të kryera nga grupi i posaçëm hetimor, i përbërë nga ekspertë të strukturave hetimore të Drejtorisë Vendore të Policisë Gjirokastër dhe nga ekspertë të Departamentit të Policisë Kriminale të DPPSh-së, të drejtuar nga Prokuroria e Gjirokastrës, ngritur menjëherë pas ngjarjes së ndodhur rreth mesnatës së datës 26.09.2025, në aksin rrugor “Nivicë-Salari”, ku u vra shtetasi italian E. S., 44 vjeç, u mundësua zbardhja e autorësisë dhe rrethanave të rastit.

Konkretisht, u identifikua autori i dyshuar i vrasjes, shtetasi K. S., 48 vjeç banues në fshatin Mesaplik, Vlorë, i cili u shpall në kërkim për veprat penale “Vrasja në rrethana të tjera cilësuese”, në mënyrë të rrezikshme për jetën e shumë personave, “Mbajtja pa leje dhe prodhimi i armëve, armëve shpërthyese dhe i municionit” dhe “Prodhimi dhe shitja e narkotikëve”.

Nga hetimet dyshohet se 48-vjeçari, fillimisht është konfliktuar verbalisht, për motive të dobëta, me shtetasin E. S. dhe me shtetasit që shoqëronin këtë të fundit. Më pas shtetasi K. S. dyshohet se ka qëlluar me armë me vjaska, në drejtim të këtyre shtetasve dhe automjeteve të tyre, në aksin “Nivicë-Salari”, ku si pasojë e të shtënave, humbi jetën 44-vjeçari.

-Gjatë veprimeve procedurale u sekuestruan nga vendngjarja, automjetet e përdorura nga shtetasi E. S. dhe shoqëruesit e tij, si dhe 2 armë gjahu.

-Gjatë kontrolleve, shërbimet e Policisë gjetën të fshehura në një stan në një zonë të thellë malore midis fshatrave Nivicë dhe Bolenë, automjetin dhe veshjet që dyshohet se ka përdorur 48-vjeçari, gjatë kryerjes së krimit.
Gjithashtu në këtë zonë, u gjet e hedhur në shkurre, një çantë, në të cilën ishin 1 palë dylbi me rreze infra, 1 palë dylbi termike, 1 mbajtëse arme dhe 1 elektrik dore.

-Më tej, gjatë kontrolleve të kryera në bashkëpunim me shërbimet e Policisë së Vlorës, në banesën e 48-vjeçarit dhe në banesat e familjarëve të tij, në fshatin Mesaplik dhe në Vlorë, u gjetën rreth 2 500 000 lekë (në valutat lekë dhe euro), 3 armë gjahu me municion luftarak (saçme dhe vjaska), 450 fara të dyshuara Cannabisi dhe 2 kasaforta (të mbyllura).

Vijon puna intensive, në bashkëpunim me Policinë e Vlorës dhe me Departamentin e Policisë Kriminale në DPPSh, me qëllim kapjen e shtetasit K. S..

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.

Tragjedia e papritur në dasmë: Dhëndri humb jetën në mes të festës

Një ngjarje e rëndë ka tronditur opinionin publik në Egjipt, ku një dasmë është kthyer në tragjedi.

Ngjarja e papritur ndodhi gjatë një feste të gëzueshme, kur Ashraf Abu Hakam, dhëndri, ishte duke kërcyer me nusen e tij, i rrethuar nga familjarë dhe miq.

Atmosfera ishte e mbushur me gëzim dhe emocion, por gjithçka ndryshoi në një moment të vetëm.

Papritur, Ashraf është rrëzuar në tokë, duke shkaktuar panik mes të pranishmëve.

Të ftuarit e tjerë janë përpjekur të ndihmojnë menjëherë, duke u munduar të kuptojnë se çfarë kishte ndodhur, por përpjekjet e tyre për të rikthyer gjendjen në normalitet ishin të kota.

Edhe pse mjekët mbërritën shpejt në vendngjarje, ata konfirmuan se Ashraf kishte ndërruar jetë.

Sipas autoriteteve shëndetësore, shkaku i vdekjes ishte një atak kardiak, një ngjarje e papritur për një të ri që sapo kishte filluar jetën e tij të re.

Tragjedia ka lënë të tronditur jo vetëm familjarët e të ndjerit, por gjithashtu ka prekur thellësisht komunitetin lokal.

Të gjithë ata që ishin të pranishëm në dasmë ndihen të shokuar nga humbja e papritur e një njeriu të ri dhe të dashur.

Videot e momentit tragjik janë shpërndarë gjerësisht në rrjetet sociale, duke rritur edhe më shumë shqetësimin dhe tronditjen në mesin e publikut.

Kjo ngjarje ka nxitur diskutime mbi shëndetin kardiovaskular dhe rëndësinë e kontrollit të rregullt shëndetësor, sidomos për të rinjtë.

Familja e Ashrafit ka kërkuar që të bëhet një hetim mbi shkaqet e vdekjes së tij, duke shpresuar që kjo tragjedi të ndihmojë në rritjen e vetëdijes për shëndetin dhe sigurinë e të rinjve.

Ata shprehin dhimbjen e tyre dhe kërkojnë mbështetje nga komuniteti në këtë kohë të vështirë.

Ngjarja e rëndë shërben si një kujtesë për të gjithë ne mbi rëndësinë e shëndetit dhe nevojën për të qenë të vetëdijshëm për shenjat e mundshme të problemeve shëndetësore.

Të gjithë duhet të kujdesemi për veten dhe të bëjmë kontrolle të rregullta për të parandaluar tragjedi të tilla në të ardhmen

Mjeku kosovar i arrestuar për përndjekjen e moderatores është psikiatër i fëmijëve në QKUK

Mjeku kosovar Behar Kamberi ka përfunduar në prangat e Policisë së Shtetit në Shqipëri, nën dyshimin se është përfshirë në një veprimtari të kundërligjshme. 42-vjeçari u arrestua nën akuzën e përndjekjes së moderatores sportive, Albana Bejko.

Kamberi, emri i të cilit doli në të gjitha mediat shqiptare është psikiatër i fëmijëve dhe adoloshentëve në Qendrën Klinike Universitare të Kosovës (QKUK), ka njoftuar gazetarja Saranda Ramaj, në profilin e saj në Facebook.

Siç u raportua nga mediat në Shqipëri, psikiatri ka ndjekur vazhdimisht viktimën, duke u shfaqur në mënyrë të përsëritur pranë banesës së saj, gjë që ka shkaktuar shqetësim të thellë te ajo – derisa ia bëri ‘gropën’ për ta kapur Policia.

Bazuar në informacionet e para, moderatorja ka bashkëpunuar me policinë për të organizuar një takim në një zonë të Tiranës, ku mjeku ishte ftuar. Në momentin që ai ka mbërritur në vendin e caktuar, oficerët kanë ndërhyrë dhe kanë kryer arrestimin e tij.

Behar Kamberi ndodhet aktualisht në paraburgim në ambientet e burgut “Mine Peza”, ndërsa ndaj tij rëndon akuza për veprën penale të përndjekjes.

Dogji kishën në SHBA dhe vrau katër persona, autori vritet nga policia

Autori i sulmit tragjik në kishën “Kisha e Jezu Krishtit e Shenjtorëve të Ditëve të Mëvonshme” në qytetin Grand Blanc është kapur dhe është asimiluar nga forcat e rendit.

Ngjarja ndodhi gjatë një shërbese të dielën, ku qindra besimtarë ishin të pranishëm.

Sulmuesi, i identifikuar si Thomas Jacob Sanford, 40 vjeç, nga qyteti Burton i Michigan-it, fillimisht përplasi automjetin e tij në ndërtesën e kishës, hapi zjarr mbi besimtarët dhe më pas i vuri flakën objektit.

Si pasojë e sulmit, të paktën katër persona humbën jetën dhe tetë të tjerë mbetën të plagosur. Pas ndërhyrjes së menjëhershme të policisë, autori u përball me forcat e rendit në parkingun e kishës, ku dhe u qëllua për vdekje.

Autoritetet po e trajtojnë ngjarjen si një “akt dhune i qëllimshëm”, ndonëse motivet e autorit mbeten ende të paqarta. Hetimet janë në vazhdim.

Gjendet pa shenja jete një grua në hotel

Nga kjo javë pritet të bjerë bora e parë, paralajmërohen edhe vërshime

Pas verës me temperatura ekstreme, situata ka ndryshuar përfundimisht që nga fundjava që e lamë pas, e cila u karakterizua me ulje të theksueshme të temperaturave dhe reshje lokale shiu.

Gjatë kësaj jave, në ditët e fundit të shtatorit, moti do të mbetet i ndryshueshëm. Të hënën pritet të mbajë me vranësira dhe intervale me diell, ndërsa lokalisht mund të ketë edhe reshje të izoluara shiu.

Të martën, pas mëngjesit kryesisht të vranët, gjatë ditës do të ketë intervale të gjata me diell. Temperaturat do të lëvizin rreth 20° C.

Ditët e para të tetorit do të ndikohen nga kushte të paqëndrueshme dhe masa të ftohta ajrore nga Rusia, të cilat do të fuqizohen të enjten dhe të premten, kur edhe pritet kulmi i tyre.

Paralelisht, një ciklon i fuqishëm nga Deti Mesdhe do të lëvizë drejt Greqisë, duke sjellë reshje të dendura në Ballkanin Lindor dhe Qendror, përfshirë Kosovën, Maqedoninë e Veriut, Greqinë, Bullgarinë, Rumaninë, Serbinë dhe pjesërisht Shqipërinë.

Të mërkurën moti do të dominohet nga vranësirat dhe intervalet kohore me diell, me mundësi për reshje të izoluara. Në mbrëmje parashihet shtim i vranësirave dhe intensifikim i reshjeve. Temperaturat do të pësojnë ulje graduale.

Të enjten dhe të premten pritet mot i vranët dhe me reshje të dendura shiu dhe bore. Fillimisht bora do të shfaqet në zonat malore, ndërsa gjatë ditës së enjte ose të premten pritet të shtrihet edhe në disa zona të ulëta, sidomos në Rrafshin e Kosovës. Temperaturat do të mbesin pak mbi vlerat pozitive.

Si pasojë e reshjeve të dendura të enjten dhe të premten, priten edhe vërshime lokale.

Edhe dita e shtunë do të sjellë mot kryesisht të vranët dhe reshje lokale, të cilat do të ndërpriten në pjesën e parë të ditës. Temperaturat do të shënojnë një ngritje të lehtë.

Të dielën parashihet mot me diell dhe vranësira, ku temperaturat do të arrijnë mbi 10° C.

Era do të fryjë kryesisht nga drejtimi i veriut, ndërsa nga mesi i javës herë pas here do të forcohet me shpejtësi prej 20–50 km/h, e në zona të veçanta edhe deri në 70 km/h.

Temperaturat minimale do të lëvizin prej 1 deri në 11° C, ndërsa ato maksimale prej 2 deri në 20° C. Vlerat më të ulëta pritet të regjistrohen të enjten dhe të premten. /MeteoKosova

Rusia kërcënon përsëri Europën: Nuk mund të përballoni një luftë me Rusinë

Ish-presidenti rus Dmitry Medvedev tha sot se Evropa nuk mund të përballojë dot një luftë kundër Rusisë.

“Ata thjesht nuk mund ta përballojnë një luftë me Rusinë”, tha Medvedev për fuqitë evropiane, duke shtuar se “gjithmonë ekziston mundësia e një gabimi fatal”.

Sipas tij nëse udhëheqësit e saj bëjnë gabimin të fillojnë një luftë, ajo mund të përshkallëzohet në një konflikt me armë të shkatërrimit në masë. “Rusia”, tha Medvedev nëpërmjet Telegramit, “nuk ka nevojë për një luftë të tillë”.

“Dhe një konflikt i tillë ka rrezikun absolutisht real të përshkallëzimit në një luftë me përdorimin e armëve të shkatërrimit në masë”, nënvizoi Medvedev, i cili tani është nënkryetar i Këshillit të Sigurisë Ruse.

Të shtënat në kufi me Malin e Zi, Podgorica reagon ashpër!

Ministria e Punëve të Jashtme e Malit të Zi i ka dërguar të hënën notë proteste Ambasadës së Kosovës në Podgoricë, lidhur me të shtënat me armë zjarri që dyshohet se u erdhën nga pjesa e Kosovës në zonën pranë qendrës malazeze të skijimit, Hajlla-Shtedim, afër kufirin mes dy shteteve.

“Nga organet kompetente të Republikës së Kosovës është kërkuar që t’i identifikojnë dhe t’i procedojnë autorët e këtyre incidenteve, si dhe të njoftojnë Malin e Zi për të gjitha masat dhe veprimet e ndërmarra”, thuhet në njoftimin e Ministrisë së Malit të Zi, për Radion Evropa e Lirë (REL).

Nga dikasteri i udhëhequr nga Ervin Ibrahimoviq vlerësojnë se bëhet fjalë për incidente të izoluara.

Të paktën në dy raste janë regjistruar dëmtime në infrastrukturën e qendrës së skijimit Hajlla-Shtedim në Mal të Zi, e cila ndodhet rreth një kilometër e gjysmë nga kufiri me Kosovën.

Në të dyja rastet, organet kompetente malazeze dyshojnë se të shtënat janë shkrepur nga territori i Kosovës.

Incidenti i parë ndodhi në korrik të vitit të kaluar, kur u vërejtën dëmtime në kabinën e qendrës së skijimit. Prokuroria e Rozhajës ka hapur lëndë për këtë rast.

Ndërsa, incidenti i dytë ndodhi më 24 gusht të këtij viti, kur pati të shtëna në drejtim të një objekti të qendrës së skijimit. Prokuroria pritet të hapë lëndë pas përfundimit të hetimeve të Policisë.

Nota e protestës është dërguar pas incidenteve të përsëritura që janë regjistruar nga Policia në Rozhajë, njoftoi Ministria e Punëve të Jashtme e Malit të Zi, e cila shton se për incidentet u njoftua më 22 shtator edhe ambasadorja e Kosovës.

“Besojmë se rastet e izoluara nuk e reflektojnë përkushtimin e qartë të dy shteteve tona për forcimin e bashkëpunimit rajonal dhe përmirësimin e mëtejmë të marrëdhënieve bilaterale”, thuhet në përgjigjen e Ministrisë për REL.

Po ashtu, theksohet se palës kosovare i është tërhequr veçanërisht vëmendja për rëndësinë e zbatimit të tri marrëveshjeve ndërmjet shtetesh – për kufirin shtetëror ndërmjet Malit të Zi dhe Kosovës, hapjen e pikës së përbashkët kufitare Kotlovi–Kuqishtë dhe rregullimin e regjimit të qarkullimit kufitar.

Fadil Gashi nga Policia e Kosovës për rajonin e Pejës i tha Radios Evropa e Lirë se nuk ka asnjë informacion për incidente të sigurisë në kufirin me Malin e Zi, duke theksuar se policia rajonale është më shumë e angazhuar “për ruajtjen e rendit dhe qetësisë publike”, e jo për incidente ndërkombëtare.

Radio Evropa e Lirë i është drejtuar edhe drejtorisë qendrore të Policisë së Kosovës me pyetjen nëse kanë ndonjë informacion lidhur me rastin dhe është në pritje të përgjigjes. Për të njëjtën çështje, përgjigje pritet edhe nga Qeveria e Kosovës.

Mali i Zi dhe Kosova në vitin 2015 e nënshkruan Marrëveshjen për demarkacionin. Mali i Zi e ratifikoi atë në të njëjtin vit, ndërsa Kuvendi i Kosovës tre vjet më vonë.