Prishtina ka nisur të zbardhet nga reshjet e para të borës.
Në disa imazhe të publikuara nga qytetarët shihet se flluskat e para të borës kanë arritur në kryeqytet.
Ndërsa meteorologët kanë parashikuar mot të ftohtë dhe me reshje shiu dhe borë.
Ndërsa Komuna e Prishtinës ka paralajmëruar kujdes rreth mundësisë së vërshimeve për shkak të reshjeve të pandërprera të shiut.
Katër persona humbën jetën në një aksident të rëndë trafiku që ndodhi sot pranë Senjit, kur një veturë ra në det, njoftoi Departamenti i Policisë Lika-Senj.
Aksidenti ndodhi rreth orës 16:30 në vendbanimin Bunica. Shërbimet e emergjencës u dërguan menjëherë në vendngjarje dhe zhytësit e HGSS u përfshinë gjithashtu në kërkim.
Policia njoftoi se trupat e dy grave dhe dy burrave u nxorën nga automjeti, raporton KosovaPress.
Do të kryhet një hetim në vendngjarje për të përcaktuar rrethanat e aksidentit, ndërsa trupat u transportuan në Institutin e Mjekësisë Ligjore në Rjekë.
Kreu i AAK-së, Ramush Haradinaj, u shpreh i habitur se si askush nga “ekzekutivi nuk ia dha dorën Kurtit”, gjatë vizitës së tij në SHBA. Haradinaj duke komentuar tutje këtë vizitë, tha “imagjinoni me hy kryeministri në shtet dhe asnjë zyrtar mos me ta qitë me ja dhanë dorën”.
Prandaj, sipas Haradinajt, kjo situatë përçon mesazhe “poshtërimi e refuzimi”.
“Mungesa e një takimi qoftë edhe për foto, që çohet në këmbë me ja jap dorën dikujna nga ekzekutivi, kjo është shumë konkrete. Në të gjitha ato hapësira ku ka qëllu, ka pas njerëz të ekzekutivit por mungesa e të paktën një shtrëngimi të dorës nënkupton diçka”, tha Haradinaj në Pressing.
“Nuk e ki një situatë që ky (kryeministri në detyrë), që ia jep dorën dikujna të Qeverisë (amerikane)”, tha Haradinaj.
Sipas Haradinaj, kjo është “më keq se gjithçka tjetër, mos me ta jep dorën kerkush”.
Detaje të reja kanë dalë lidhur me vrasjen në Tiranë në zonën e “Babrrusë”.
Sipas ABC News, 40-vjeçari Hajdar Ismailgeci u godit me thikë pas një sherri duke mbetur i plagosur, e më pas humbi jetën si pasojë e hemorragjisë.
Turpi i viktimës do të dërgohet në morg për të përcaktuar shkakun e vdekjes.
Reshjet të dendura dëbore parashihet të përfshinë edhe pjesë të ulëta të vendit gjatë natës, duke vazhduar orëve të mëngjesit të ditës së premtë. Deri në 10 e 15cm shtresë bore mund të formohet në disa pjesë të ulëta të vendit, kryesisht nga rrafshi i Kosovës. Më pas, ditën intenziteti i reshjeve pritet të dobësohet gradualisht, e me rritje të temperaturave, reshjet e borës shndërrohen në të shiut apo sqotës. Temperaturat minimale zbresin deri në 1C, e ato maksimale luhaten ndërmjet 2C e 5C. Frynë erë mesatare e mesatarisht e fuqishme veriore 6-12m/s. Pjesëve malore, sidomos nga Istogu me hove prej 25m/s (90km/h).
Reshjet pushojnë ditën e shtunë, mirëpo vransirat dominojnë pjesën më të madhe të vendit. Temperaturat shënojnë një rritje të lehtë në 6C e 8C. Të dielen parashihen intervale më të gjata me diell, me temperatura maksimale deri në 13C e 15C.
Gjatë mbrëmjes vransirat shtohen, e orëve të hershme të mëngjesit të ditës së hënë shfaqen kushte edhe për reshje të dobëta shiu. Temperaturat sërish pësojnë një rënie të lehtë në 10C. Nga dita e martë, pritet përmirësim i situatës meteorologjike, me më shumë intervale me diell, ndërkohë që temperaturat maksimale shënojnë rritje deri në 15C e 17C, me tendencë të rikthehen mbi 20C, në pjesën e dytë të javës. Erërat frynë kryesisht nga krahu verior, të lehta dhe mesatare 3-9m/s.
Pjesëtarëve të Njësive Elitare të Policisë së Kosovës që shërbejnë në veri të vendit, nga data 4 tetor do t’u ofrohet vetëm një shujtë ushqimi gjatë orarit 12-orësh të punës.
Sipas informacioneve që ka siguruar teve1.info, vendimi është marrë nga Drejtori i Departamentit të Shërbimeve Mbështetëse të Policisë së Kosovës.
Ky ndryshim nuk është pritur mirë nga pjesëtarët e njësive policore. Ata theksojnë se, përveç turneve të rregullta prej 12 orësh, shpesh detyrohen të qëndrojnë më gjatë në terren për shkak të rrethanave të sigurisë.
Për më tepër, shumë prej tyre udhëtojnë mbi 4 orë për të arritur në vendin e shërbimit, çka do të thotë se shpesh kalojnë mbi 16 orë me vetëm një shujtë ushqimi.
Kujtojmë se vitin e kaluar pjesëtarët e Njësive Speciale kishin protestuar dy herë duke kërkuar rritje të pagës dhe kushte më të mira pune.
Sipas kësaj organizate në këtë flotë ishte edhe aktivistja shqiptare, Albulena Fazliu.
“Ndër aktivistët/et nga 40 vende të botës që kanë mësyrë të hapin koridor humanitar, është edhe Albulena Fazliu”, thuhet në postim.
Kolektivi për Mendim dhe Veprim Feminist ka kërkuar nga shteti i Kosovës që të kërkojë menjëherë nga Izraeli lirimin e saj.
“Shteti i Kosovës duhet të kërkojë menjëherë që Izraeli ta lirojë Albulenën dhe aktivistet e aktivistët tjerë”, thuhet në reagim.
Njësiti i Hetimeve i stacionit policor në Graçanicë, me autorizim nga prokuroria kompetente, kërkon ndihmë nga qytetarët në ofrimin e informatave, të cilat do të ndihmonin në identifikimin e personave që shihen në fotografi. Personat e dyshuar kërkohen për përfshirje veprën- vjedhje.
“Të nderuar, për çdo informatë që mund të çojë në identifikimin e tyre, ju lusim të kontaktoni policinë në numrin e telefonit: 192 ose përmes emailit: info@kosovopolice.com.”, thuhet në njoftim.
Një tërmet me magnitudë 5 i shkallës rihter ka tronditur këtë të enjte Turqinë Perëndimore, duke u regjistruar në 14:55 me orën lokale.
Epiqendra e lëkundjeve është lokalizuar 42 km në juglindje të Tekirdağ dhe rreth 21 km në jug të Marmara Ereğlisi, në një thellësi prej 14 kilometrash. Qytetarët, në qytetin me 120 mijë banorë, kanë dalë me shpejtësi jashtë banesave të tyre të tmerruar.
Deri tani nuk raportohet për dëme materiale të konsiderueshme apo të lënduar, shkruan A2 CNN.
Lëkundja e sotme ka ndodhur në një zonë me aktivitet të lartë sizmik , ku shpesh regjistrohen tërmete të forta, për shkak të përplasjeve të pllakave tektonike në Detin Marmara.
Kryeministri në detyrë, Albin Kurti, nga përurimi i çerdhes së re në fshatin Godanc të Shtimes, premtoi se në mandatin e ardhshëm të udhëhequr nga ai, Qeveria do të japë mbështetje financiare për gjyshërit dhe gjyshet që kujdesen për nipërit dhe mbesat e tyre, me nga 100 euro mbi pensionin bazë që ata marrin.
Kurti tha se kjo është pjesë e një programi më të gjerë të qeverisë për të përmirësuar mirëqenien e familjeve në Kosovë dhe për të forcuar kujdesin për fëmijët.
“Shtesat për fëmijë, shtesat për nënat lehona, mbështetja financiare për gratë, për familjet në përgjithësi. Në mandatin e ardhshëm ju e dini që përveç që do të ndërtojmë çerdhe e do të vazhdojmë të përmirësojmë mirëqenien e familjeve, në të njëjtën kohë do të japim mbështetje për gjyshërit dhe për gjyshet të cilët do të kujdesen për nipërit dhe mbesat – 100 euro mbi pension bazë që ata marrin. Meqenëse të gjithë fëmijët nuk janë vetëm anëtarë të familjeve por edhe qytetarë të Republikës, për të cilët shteti jonë, Kosova me qeverinë tonë, do t’u dalë përherë në ndihmë dhe atë gjithnjë e më shumë. Mungesa e kujdesit shëndetësor, e përkujdesjes institucionale për fëmijët dhe e mbështetjes për familjet është diçka që ne po e korrigjojmë hap pas hapi”, tha Kurti.
Ai foli edhe për rëndësinë e inaugurimit të çerdhes në Godanc, duke theksuar se ky investim është dëshmi e përkushtimit të qeverisë për të investuar në arsim dhe edukim të hershëm.
Kurti bëri të ditur se çerdhja kap vlerën e investimit prej 440 mijë eurosh.
“Kemi qenë këtu me 20 tetor 2023 kur e kemi vendosur gurthemelin dhe dy vjet minus 18 ditë e bëmë përurimin e një pune të realizuar me sukses, me standarde të larta dhe kushte moderne”, tha Kurti.
Ministrja në detyrë e Arsimit, Arbërie Nagavci, u shpreh se ky institucion arsimor është i një rëndësie të madhe për komunitetin, pasi u ofron mundësi më shumë se 70 fëmijëve të këtij fshati dhe familjeve të tyre.
“Jam e lumtur që po e inaugurojmë këtë objekt që do të ofrojë mundësi për më shumë se 70 fëmijë dhe familje që do të fillojnë hapat e tyre të parë në rrugën e gjatë drejt dijes. Në përmirësim të infrastrukturës arsimore, Qeveria e Kosovës në këtë mandat të kryetarit Aliu ka investuar 8 milionë euro duke ndërtuar çerdhe të reja, salla të edukatës fizike, kabinete laboratorike dhe duke krijuar mundësi më të mira për edukimin dhe arsimimin e fëmijëve”, tha Nagavci.
