Mori katër plumba në trup, ky është zyrtari i plagosur i BDI’së

I plagosuri nga të shtënat e sotme në rrugën “Dimitrija Tucakovic” në Kumanovë është jashtë rrezikut për jetën. Pas kryerjes së ekzaminimeve në Spitalin e Përgjithshëm, ai është dërguar në Shkup, informoi për MIA-n drejtori i Spitalit të Përgjithshëm të Kumanovës, Sasho Stosevski.

“Personi është pranuar me katër plagë nga arma e zjarrit në zonën e parakrahut të majtë dhe gjurit të djathtë. Të gjitha ekzaminimet janë kryer nga ana jonë – rëntgen, kompjuterik. Personi është jashtë rrezikut për jetën. Ai është transportuar në klinikat në Shkup me një automjet nga Spitali i Përgjithshëm i Kumanovës”, tha drejtori Stosevski.

Ndërkohë, nga Qendra e Emergjencës në TOARILUC konfirmuan për MIA-n se personi i lënduar nga të shtënat në qendër të Kumanovës është sjellë tek ata. Ata gjithashtu do të njoftojnë më shumë informacion në lidhje me personin e lënduar.

I plagosuri është Zekirja Shaini, funksionar në BDI.

Një zyrtar i BDI-së plagoset në Kumanovë

BDI sot ka reaguar lidhur me incidentin e armatosur në Kumanovë, në të cilin u plagos një person.

Nga BDI thonë se janë të shqetësuar nga sulmi i armatosur ndaj kandidatit të tyre dhe bartësit të listës në komunën e Likovës, i cili u qëllua nga persona me maska.

Nga BDI bëjnë të ditur se jeta e tij është jashtë rrezikut dhe ai po merr kujdesin e nevojshëm mjekësor.

“Ne dënojmë ashpër këtë akt barbar dhune dhe kërkojmë nga Ministria e Punëve të Brendshme dhe Prokuroria Publike të reagojnë menjëherë, me transparencë të plotë dhe me vendosmëri, për të identifikuar, arrestuar dhe sjellë para drejtësisë autorët e këtij atentati.

U bëjmë thirrje të gjithë mbështetësve tanë, simpatizantëve dhe qytetarëve në përgjithësi që të ruajnë qetësinë, të mos bien pre e provokimeve dhe të tregojnë maturinë që gjithmonë e ka karakterizuar lëvizjen tonë.

Në shenjë solidariteti me të plagosurin dhe për të theksuar seriozitetin e ngjarjes, partia jonë vendos të pezullojë aktivitetet e ditës sotme, ndërsa institucionet të ndërmarrin hapa konkretë për rikthimin e besimit publik dhe sigurisë në terren”, thuhet në reagimin e BDI-së.

Memli Krasniqi: Studentët nuk blihen me 100 euro! Të dielën le ta ndëshkojnë me votë!

Në një deklaratë të sotme, kryetari i PDK-së, Memli Krasniqi, akuzoi kryeministrin në largim për një tentativë të hapur blerjeje vote, pas shpërndarjes së 26 milionë eurove — 100 euro për student — vetëm pesë ditë para zgjedhjeve.

Krasniqi e përshkroi vendimin si shenjë paniku nga “humbja e madhe që e pret të dielën” dhe e konsideroi si një përpjekje për të manipuluar zgjedhjet pas katër vitesh, që sipas tij janë karakterizuar nga dështime në qeverisje dhe degradim i sistemit arsimor.

“I ftoj studentët që t’i marrin ato mjete — të cilat janë taksat e familjeve të tyre — por të dielën ta përdorin votën për ta ndëshkuar një kryeministër që ka rrezikuar të ardhmen e tyre dhe të shtetit,” tha Krasniqi, duke shtuar se studentët “as nuk blihen e as nuk shiten”.

PDK-ja dhe kreu i saj theksuan se ndihmat e fundit janë më shumë një manovër elektorale sesa një politikë e sinqertë sociale, dhe apeluan që vota e qytetarëve të jetë instrumenti për të dënuar atë që e quajtën “qeverisje e dështuar”.

Nuredin “Drenica” me mesazh të ashpër për Kurtin: “Për Samiun je bubrrec!”

Nuredin Selmani, i njohur me nofkën “Drenica”, ka reaguar ashpër ndaj kryeministrit në detyrë, Albin Kurti, pasi ky i fundit e quajti Sami Lushtakun “multi-milioner” gjatë një fjalimi publik në Skenderaj.

Në një status të publikuar në rrjete sociale, Drenica ka shpërthyer me tone të forta kundër Kurtit dhe mbështetësve të tij, duke e akuzuar për qëndrime kundër vlerave të UÇK-së dhe për provokime ndaj Drenicës.

“KJO FOTO SHKON PËR INATI TË #KURTOVIČIT DHE ATYNE QË JANË ME TA! NË SKENDERAJ NUK KA VEND LËVIZJA JOTE ANTI-UÇK DHE MOS LUAJ ME NDJENJAT E DRENICASVE SE TA BAJN SHURREN UFULL! TI PËR SAMI LUSHTAKUN JE BUBRREC — KUJDES SE SAMIU NUK ASHT RAMIZ!”,

– ka shkruar ai në Facebook.

Ky reagim i ashpër i Nuredin Selmanit vjen pas debatit që u shkaktua nga fjalimi i Kurtit, ku kryeministri në detyrë kritikoi figurat e ish-komandantëve të UÇK-së, duke aluduar në pasurinë e tyre dhe në mënyrën si përdorin ndikimin në politikën lokale.

Postimi i “Drenicës” është shpërndarë gjerësisht në rrjetet sociale dhe ka ngjallur reagime të shumta, sidomos nga simpatizantët e zonës së Drenicës, të cilët e kanë interpretuar si mbrojtje të figurës së Sami Lushtakut.

Nëse e shihni personin neë foto, lajmërone policinë menjëherë

Policia e Kosovës ka lëshuar një njoftim për publikun duke kërkuar ndihmën e qytetarëve për arrestimin e një personi të dyshuar për veprimtari të paligjshme me substanca narkotike, shkruan Gazeta Sinjali.

I dyshuari është: Fazli (Shaip) Nrecaj, i lindur më 08.04.1979, banues në fshatin Maqitev – Suharekë, me numër personal 1007968457, shqiptar, shtetas i Republikës së Kosovës.

I njëjti kërkohet për përfshirje në veprat penale si më poshtë:

Kultivimi i bimës së hashashit, shkurres së kokainës ose bimëve të kanabisit – sipas nenit 272 të Kodit Penal të Kosovës (KPK)

Blerja, posedimi, shpërndarja dhe shitja e paautorizuar e substancave psikotrope dhe analoge – sipas nenit 267 të KPK-së

Mbajtja në pronësi, kontroll ose posedim të paautorizuar të armëve – sipas nenit 366 të KPK-së

“Me qëllim të ndriçimit të rastit nga Prokuroria Themelore në Prizren, kemi marr Autorizimin në pajtim dispozitave të nenit 76 prag 2 të KPPRK-së, për publikimin e fotografive të dyshuarit në mediume televizive dhe media sociale, ku kërkohet bashkëpunim-ndihmë që do të na ndihmonte në arrestimin e të dyshuarit. Andaj kërkojmë bashkëpunim nga të gjithë qytetarët, që nëse kane çfarëdo informate apo din diçka për vendndodhjen e të dyshuarit në foto, të raportojnë policinë në Prizren në numrin 192, në rrjetet sociale, në faqen zyrtare të Facebook-ut të policisë apo në cilin do stacion të policisë në Kosovë.”,thuhet në njoftimin e PK-së.

100 € për studentë, Ymeri kritikon Kurtin: Asgjë, veç marketing politik

Ish-kryetari i Lëvizjes Vetëvendosje, Visar Ymeri e ka kritikuar qeverinë në detyrë për ndarjen e 100 eurove për studentë në kohë fushate elektorale.

Ymeri, i cili udhëheq Institutin Musine Kokalari që promovon vlera sociale dhe demokratike, tha se ndihma financiare ndaj studentëve, pensionistëve dhe grupeve të tjera shoqërore, “në parim do të kishte qenë e mirë”.

“Në fund të fundit këtë do të duhej ta bënte një qeveri social demokrate”, tha Ymeri.

Mirëpo, sipas tij, politikat rishpërndarëse “duhet të jenë të mirëmenduara, transparente, të parashikueshme e në përputhje me parimet e drejtësisë sociale”.

“Kur këto ndihma vijnë në prag të zgjedhjeve (në këtë rast lokale) ato e humb kuptimin. Çka do të duhej të trajtohej si e drejtë e qytetarëve shndërrohet në favor nga politikani (në këtë rast Albin Kurti)”, tha Ymeri.

Ai e quajti këtë vendim të qeverisë “veç marketing politik”.

‘Lujta’, ‘Chat GDP’ Vërshon TikTok-u me perlat e Lladrovcit duke e bërë meme në rrjet

Çfarë ndodh kur një debat politik shndërrohet në një fenomen viral në rrjetet sociale?

Kjo është pikërisht ajo që ndodhi mbrëmë kur Ramiz Lladrovci, kryetari i Drenasit, u përball me gazetarin Lirim Mehmetaj në emisionin Debat Plus. Një përballje që filloi me akuza dhe përgjime, por përfundoi me një mori shprehjesh që bënë xhiron e TikTokut.

Debati u fokusua në disa përgjime të publikuara nga Vox Kosova, ku Lladrovci akuzohej për keqpërdorim të pronave. Ai e quajti këtë një montazh, duke pretenduar se bisedat ishin të prera dhe nuk pasqyronin të vërtetën e plotë. Kjo situatë tensionuese krijoi një atmosferë të fortë, por gjithashtu hapi mundësi për humor dhe ironinë që shpesh ndodhet në politikë.

Ndërsa debati vazhdonte, Lladrovci u shfaq me disa shprehje që shpejt u bënë virale.

Fjalët si “Lujta”, “Chat GDP” dhe “Lepri” u shndërruan në meme dhe komente të shumta në TikTok, duke e bërë debatin më shumë një atraksion argëtues sesa një diskutim serioz mbi akuzat. Kjo tregon se si politika dhe kultura e internetit shpesh ndërthuren në mënyra të papritura.

Shprehjet e Lladrocit, të cilat në fillim mund të duken të thjeshta, morën një dimension tjetër kur u shpërndanë në rrjetet sociale. Kjo fenomenologji e fjalëve të tij tregon se si një moment i vetëm mund të transformohet në një valë të madhe reagimesh dhe interpretimesh. Kjo është fuqia e mediave sociale në epokën moderne.

Reagimet në TikTok ishin të shumta, me përdoruesit që krijonin video dhe komente mbi shprehjet e Lladrocit. Kjo ka bërë që shumë të harrojnë thelbin e debatit dhe të përqendrohen në humorin që ofronte situata. Një situatë që tregon se ndonjëherë, në vend që të merremi me çështjet serioze, ne zgjedhim të argëtohemi me fjalët e politikanëve.

Ndërsa debati përfundoi, mbetet për t’u parë se si do të ndikojnë këto shprehje në imazhin e Lladrocit dhe në perceptimin e tij nga publiku. A do të jetë kjo një mundësi për të rritur popullaritetin e tij, apo do të ndikojë negativisht në besueshmërinë e tij? Kjo është një pyetje që do të mbetet e hapur për t’u diskutuar.

Si rrallë herë, Haradinaj shihet i përlotur, kjo është arsyeja

Ish-komandanti Ramush Haradinaj është shfaqur i emocionuar dhe i përlotur gjatë ceremonisë së përurimit të bustit të Yll Morinës, ish-bashkëluftëtarit të tij në kohët më të vështira.

Ngjarja u mbajt me pjesëmarrjen e familjarëve, veteranëve të luftës dhe qytetarëve, të cilët nderuan kujtimin e Morinës dhe kontributin e tij gjatë luftës.

“Duke qenë ndër të parët që u rreshtua në radhët e Ushtrisë Çlirimtare të Kosovës, Yll Morina u bë shpejt frymëzim për shumë të rinj e të reja të Gjakovës, të cilët iu bashkuan luftës kundër armikut dhe e çuan deri në fund idealin e popullit për liri”, ka shkruar Haradinaj.

Petkoviq: Beogradi nuk përzihet në zgjedhjet në Kosovë, sepse Kosova është Serbi

Drejtori i zyrës serbe për propagandë kundër Kosovës, Petar Petkoviq, kësaj here e ka tejkaluar edhe veten në arrogancën e tij kur ka deklaruar se Beogradi “nuk përzihet në zgjedhjet në Kosovë, sepse Kosova është Serbi!!!”, dhe ka vazhduar se “Lista Serbe  do të rikthejë katër komunat në veri dhe do të konfirmojë fitoren në jug të Ibrit”.

Petkoviq ka treguar haptas se Lista Serbe ka mbështetjen e plotë të presidentit të Serbisë, Aleksandar Vuçiq.

“Beogradi nuk përzihet në zgjedhjet në Kosovë, sepse Kosova është Serbi. Ai që po përzihet dhe po mbështet haptazi dhunën e bllokuesve në Beograd është Kurti, i cili është shumë nervoz sepse e di që Lista Serbe do t’i rikthejë katër komunat në veri dhe do ta konfirmojë fitoren në jug të Ibrit. Dhe serbët nga Kosova gjithmonë do ta kenë mbështetjen e presidentit të Serbisë, Aleksandar Vuçiq. Deri në fitoren e Listës Serbe”, ka deklaruar Petkoviq.

Kryeministri i Kosovës në detyrë, Albin Kurti, ka reaguar ndaj deklaratës së presidentit të Serbisë, Aleksandar Vuçiq, i cili premtoi 400 vende pune për serbët në Kosovë, duke e cilësuar këtë si ndërhyrje në zgjedhjet lokale të Kosovës të caktuara për 12 tetor.

Tjetër vendim i rëndësishëm i Qeverisë – i subvencionon këto familje…

Me kthimin e stinës së dimrit, është rikthyer edhe masa e mbështetjes për familjet e cenueshme për energjinë elektrike.

Qeveria në detyrë e Kosovës e ka miratuar sot fillimin e zbatimit të masës, e cila do t’i ndihmojë familjet e cenueshme me pagesa të faturave të energjisë elektrike.

Për t’i plotësuar kushtet për subvencionimin e faturave të energjisë elektrike, ekonomitë familjare duhet të kenë të ardhura më të ulëta sesa 150 euro për person.

“Rikthehet edhe masa e mbështetjes, pra e konsumatorëve të cenueshëm, për energjinë elektrike. Është programi që subvencionon faturën e plotë ose të pjesshme për të gjitha ato familje që të ardhurat mesatare për anëtarë të familjes i kanë më të ulëta se 150 euro në muaj”, tha ministri në detyrë i Financave, Hekuran Murati.

“Pra, nëse një familje katër anëtarëshe ka më pak se 600 euro në muaj i bie të kualifikohet për këtë program”, shpjegoi ai.

Vitin e kaluar, Murati tha se ka pasur rreth 80 mijë familje përfituese nga kjo masë.