Mushkolaj: Këto 100 euro s’janë për studentët, po për zgjedhjet e së dielës

Analisti politik Imer Mushkolaj kritikoi vendimin e qeverisë në detyrë për ndarjen e 26 milionë eurove për studentët, vetëm pesë ditë para mbajtjes së zgjedhjeve lokale, duke e cilësuar këtë si një veprim me motive të qarta elektorale.

Në Debat Plus, Mushkolaj ka thënë se vendimi nuk ka të bëjë me mbështetjen e sinqertë për studentët, por me përpjekjen e qeverisë për të ndikuar në rezultatin zgjedhor.

“Këto 100 euro s’janë nda fare pse ka filluar viti akademik, po janë nda për arsye të zgjedhjeve që mbahen të dielën”, tha ai.

“Unë mundem me kuptu këtë përpjekjen për ta ngjyrosur me ngjyra tjera këtë vendim, por është e qartë pse janë nda këto pare…”, tha më tej Mushkolaj.

Skemë të reja të subvencioneve për qytetarët: “300 Euro për çdo lindje, 400 euro për varrime”

‘Shqiptarët do të paguhen si kurrë më parë’: Rritje historike – 500 euro paga minimale, 1,000 euro mesatarja!

Shehu ka theksuar se komuna është e qytetarëve dhe duhet të jetë pranë tyre në çdo moment, duke bërë të ditura masat që do të zbatohen gjatë mandatit të ardhshëm:

300 euro për çdo lindje, në mbështetje të nënave lehona;

400 euro për mbulimin e shpenzimeve të procedurave të varrimit;

Mbështetje për të sëmurët kronik për të mbuluar shpenzimet e shërbimit;

Subvencione për fermerët me pajisje moderne bujqësore;

Bursa për nxënësit dhe studentët;

Mbështetje për OJQ-të dhe sportistët e Junikut.

 

 

“Komuna e Junikut është e qytetarëve dhe do të vazhdojë të jetë pranë tyre në çdo moment. Vazhdojmë +4, pa balotazh,” ka deklaruar Shehu.

 

Daçiq: Kemi arrestuar një shtetas të Shqipërisë, kishte rekuizita me simbole të UÇK

Zëvendëskryeministri i Serbisë, Ivica Daçiq, ka njoftuar se kanë arrestuar një shtetas të Shqipërisë, 53 vjeçar në pikën kufitare në Merdare.

Sipas Daçiq, policia gjatë kontrollit në Merdare të një furgoni të markës ‘Mercedes’, që drejtohej nga i njëjti person nga drejtimi i Kosovës, ka gjetur pesë çanta ku ndodheshin 22 bluza, 244 flamuj dhe 86 kapele me mbishkrimin UÇK, 65 bluza sportive me figurën e Agim Ramadanit, 58 shalla me stemën e Shqipërisë, si dhe 92 plisa.

Dyshohet se këto materiale dhe veshje ishin planifikuar të përdoreshin dhe të ekspozoheshin në ndeshjen e ardhshme në Leskovc, ndërmjet Shqipërisë dhe Serbisë.

Shtetasit shqiptar i është caktuar masa e ndalimit prej 48 orësh.

Ndodh edhe kjo në Kosovë: 13-vjeçari shkoi me armë zjarri në shkollë

Një nxënës i mitur, 13-vjeçar, është parë me një armë zjarri brenda hapësirave të një shkolle në Ferizaj.

Lidhur me rastin ka folur zëdhënësi i Policisë së Kosovës për rajonin e Ferizajt, Kanun Veseli, i cili ka konfirmuar se sot, rreth orës 12:30, njësiti i planit operativ “Siguria në shkolla” nga stacioni policor i Ferizajt është njoftuar për rastin në fjalë.

“Policia ka reaguar menjëherë dhe gjatë kontrollit ka gjetur armën (pistoletë) pa fishekë,”ka deklaruar Veseli.

“Arma ishte në pronësi të prindit të nxënësit, që posedonte leje të rregullt për mbajtje të armës, arma e zjarrit dhe municioni janë konfiskuar nga prindi me proces të rregullt policor. I mituri, për shkak të moshës, nuk është intervistuar, në përputhje me ligjin”, tha zëdhënësi.

“Për rastin është njoftuar Prokurori i Shtetit – Departamenti për të Mitur, i cili ka iniciuar shënim zyrtar, nën kompetencë të prokurorit për veprime tjera”, tha ai.

Policia Rajonale e Ferizajt apelon tek të gjithë poseduesit e armëve me leje, e veçanërisht prindërit, që të sigurojnë armët e tyre në mënyrë të sigurt, duke parandaluar qasjen e fëmijëve apo personave të paautorizuar, me qëllim të ruajtjes së jetës dhe sigurisë publike.

Milaim Zeka rastisi të jetë dëshmitar i arrestimit të Shehollit: Ja si ndodhi

Gazetari Milaim Zeka tha se ndodhej sot në restorantin e hotelit ku Fatmir Sheholli u arrestua për spiunazh.

Zeka, në një deklarim për portalin Indeksonline, tha se po pinte kafene me disa miq të tij në momentin e arrestimit nga policia të të dyshuarit për spiunazh.

“Unë jom dal me pi kafe, Fatmiri u kanë qaty në hotel. Unë jam kanë me dikë, me miq të mi edhe erdhën e arrestuan. Kaq”, tha fillimisht Zeka.

“Kurrëfar verisoni tjetër s’ka. T’u pi kafe kam qenë.. ne kolegë jemi me Fatmiri e tanë gazetarët njihemi”, vazhdoi ai.

Zeka, i cili rastisi të ishte dëshmitar i rastit të vendosjes së prangave të Shehollit, rrëfeu momentin e arrestimit.

“[Policia] ju drejtuan atij – i thanë ‘z. Sheholli, je i arrestum për spiunazh”, tregoi Zeka.

Ai tha se akuza për spiunazh është “shumë e rëndë” për këdo.

“Habia më e madhe për mua është që ministri i Brendshëm doli në deklaratë teksa ende njeriut sapo i ishin lidhur duart”, tha gazetari, derisa aludoi në ndërhyrjen e politikës në punën e organeve të drejtësisë.

Skandaloze: Polici shqiptar kapet duke parë filma +18 në orar të punës (VIDEO)

Një ngjarje skandaloze ka ndodhur te vendi i quajtur Ura e Shkozetit në Durrës.

Aty, një pjesëtar i Policisë Rrugore është kapur duke parë filma +18 në orarin e punës brenda veturës së forcave të rendit.

Sipas videos së publikuar nga JOQ Albania, zyrtari policor shihet teksa ka ndaluar veturën poshtë urës për “ta shijuar momentin”.

Një i ri, i cili e ka xhiruar momentin nuk ka ngurruar të ironizonte me ngjarjen teksa dëgjohet duke thënë: “Ja çfarë bën shteti jonë në orar të punës”.

Foda e konfirmon mungesën e madhe të Kosovës nesër ndaj Sllovenisë

Përzgjedhësi i Kombëtarës së Kosovës, Franco Foda dhe portieri Aro Muric u paraqitën sot në konferencën zyrtare për media para ndeshjes ndaj Sllovenisë.

Përzgjedhësi Foda e konfirmoi mungesën e Lumbardh Dellovës nesër.

Dellova fatkeqësisht është i lënduar dhe nuk do të luajë nesër ndaj Sllovenisë, tha Foda.

Kosova përballet me Slloveninë nesër me fillim nga ora 20:45 në stadiumin “Fadil Vokrri” në Prishtinë.

Nis aplikimi për 100 eurot…

Ministri në detyrë i Financave, Hekuran Murati ka njoftuar se ka nisur sot aplimi për mbështetjen e studentëve për shtesa e njëhershme prej 100 eurove.

Murati ka njoftuar se të drejtë aplikimi kanë studentët aktivë të të gjitha niveleve që studiojnë në ndonjërin nga universitetet e akredituara në Kosovë, publike dhe private.

Afati për aplikim është deri në fund të muajit tetor, kurse pagesat do të kryhet me grupe, sipas radhës së aplikimit.

Njoftimi i plotë:

Arrestimi për spiunazh, Fatmir Sheholli mund të dënohet me kaq vite burgim

Prokuroria Speciale, në bashkëpunim me Agjencinë Kosovare të Inteligjencës dhe Policinë e Kosovës, ka zhvilluar sot një tjetër operacion, pas disa muajsh hetimesh intensive, që rezultoi me arrestimin e Fatmir Shehollit.

I dyshuari është arrestuar nën dyshimin e bazuar se ka kryer veprën penale të “Spiunazhit”, sipas nenit 124, paragrafi 3 të Kodit Penal të Republikës së Kosovës.

Çka thotë neni 124 i KPRK-së?

Pamje nga momenti i arrestimit të Fatmir Shehollit, i dyshuar për spiunazh

Fatmir Sheholli është arrestuar si i dyshuar për përfshirje në spiunazh mëngjesin e së enjtes.

Lajmin e ka bërë të ditur ministri në detyrë i Punëve të Brendshme, Xhelal Sveçla.

“Policia e Kosovës në bashkëpunim të ngushtë me AKI-në dhe prokurorinë ka arrestuar sot Fatmir Shehollin, me dyshimet e bazuara për përfshirje në spiunazh. Pres trajtim institucional me seriozitet të lartë të këtij rasti, i cili përbën një nga aktet më të rënda ndaj sigurisë dhe rendit kushtetues të Republikës së Kosovës”, ka thënë ndër të tjera Sveçla.

Prokuroria Speciale ka bërë të ditur se ndaj të dyshuarit është caktuar masa 48-orëshe dhe ka njoftuar për bastisje në shtëpinë e tij.

Mediumi RTV Dukagjini ka siguruar pamje nga momenti i arrestimit të Shehollit: