Mori vetëm 9 vota, eskalon kandidatja për asamble: “Mesuesja Shqipe ta q… nanen… More qen i biri qenit!”

Vetëm nëntë vota mori mësuesja Shqipe Muja nga Istogu, e cila në zgjedhjet e 12 tetorit provoi fatin si kandidate e pavarur për Asamblenë Komunale.

Muja, e cila gjatë fushatës kishte premtuar përmirësime në fushën e arsimit, nuk arriti të sigurojë as 1 për qind të votave në komunën e saj.

Pas publikimit të rezultateve, ajo reagoi ashpër në rrjete sociale, pasi një faqe lokale raportoi për rezultatin e saj të dobët. Në një postim plot gabime gjuhësore, mësuesja përdori edhe fjalë fyese dhe ofendime të rënda.

“Mesuesja Shqipe ta q… nanen… More qen i biri qenit!”, shkroi ajo, duke akuzuar faqen ‘Istogu sot’ për “blerje votash” dhe përhapje dezinformatash.

Bie në Ujman një automjet i dy të rinjve

Një veturë në të cilën ishin dy të rinj, ka rënë sot në liqenin e Ujmanit.

Rasti është konfirmuar fillimisht për klankosova.tv, nga zëvendës drejtori i policisë për veriun, Veton Elshani.

Prokuroria vihet në lëvizje pas dyshimeve për blerje dhe vjedhje të votës në Shipol të Mitrovicës

Dyshimet për blerje dhe vjedhje të votës në Shipol të Mitrovicës kanë vënë në lëvizje Prokurorinë Themelore të Mitrovicës.

Zëdhënësi i Prokurorisë Themelore të Mitrovicës, Valon Preteni, ka thënë për Gazetën Online Reporteri.net se Prokuroria ka nisur të grumbullojnë informacione lidhur me këto pretendime.

“Janë duke u grumbulluar informata lidhur me pretendimet për keqpërdorim të votave në këtë lokacion.” tha ai për Reporteri.net.

Nga rezultatet zyrtare të KQZ-së, Komuna e Mitrovicës ka shkuar në balotazh mes PDK-së dhe VV-së.

Ndryshe nga këto rezultatet, tri Exit Poll-et e realizuara nga tri kompani të ndryshme, të publikuara menjëherë pas mbylljes së vendvotimeve të dielën e 12 tetorit, nxirrnin fituese në këtë komunë, Partinë Demokratike të Kosovës.

Gjykata Speciale merr vendim për Thaçin dhe të tjerët

Dhomat e Specializuara të Kosovës (DhSK) në Hagë kanë vendosur ta vazhdojnë masën e paraburgimit ndaj ish-presidentit të Kosovës, Hashim Thaçi, i cili po gjykohet bashkë me Kadri Veselin, Rexhep Selimin dhe Jakup Krasniqin për krime lufte dhe krime kundër njerëzimit.

Vendimi është marrë më 10 tetor 2025 nga kryetari i trupit gjykues, Charles Smith III. Sipas arsyetimit të gjykatës, edhe pse nuk ka prova që Thaçi do të arratisej në rast lirimi, trupi gjykues është bindur se ai mund të pengojë procedurat gjyqësore ose të ndikojë te dëshmitarët që kanë dëshmuar apo mund të dëshmojnë në të ardhmen.

Gjykata ka theksuar se “asnjë masë tjetër alternative” nuk do të mund t’i zbusë rreziqet që lidhen me lirimin e mundshëm të Thaçit, duke vlerësuar se paraburgimi mbetet “i nevojshëm dhe i arsyeshëm” për të paktën edhe dy muaj.

 

 

Ndërkohë, procesi gjyqësor ka hyrë në fazën e paraqitjes së provave nga mbrojtja, e cila ka filluar më 15 shtator. Deri më tani kanë dëshmuar disa figura ndërkombëtare, përfshirë ish-ndihmësin e Sekretarit Amerikan të Shtetit, James Rubin, ish-këshilltarin ligjor të delegacionit shqiptar në Rambuje, Paul Williams, si dhe ish-këshilltarin politik të komandantit të lartë të NATO-s, John Stewart Duncan.

Sipas planit të DhSK-së, përfundimi i paraqitjes së provave nga mbrojtja është caktuar për 14 nëntor 2025, ndërsa parashtresat përfundimtare dhe deklaratat mbi ndikimin e krimeve të pretenduara pritet të dorëzohen deri më 22 dhjetor 2025

Këtu mund t’i ndiqni LIVE rezultatet e kandidatëve për Asamble Komunale

Komisioni Qendror i Zgjedhjeve, ka publikuar edhe linkun ku mund të ndiqen në kohë reale rezultatet e kandidatëve për Asambletë Komunale.

KQZ ka bërë të ditur se publikimi i këtyre rezultateve bëhet në platformën e tyre, duke klikuar në këtë link: https://resultslocal2025.kqz-ks.org

Në këtë platformë mund të gjendet edhe rezultatet për kryetarë të komunave; dhe, rezultatet e subjekteve politike për Kuvendet Komunale.

AAK-ja pjesë e qeverisë Kurti 3, vjen lajmi i fundit

Deputetja e AAK-së, Time Kadrijaj, ka qartësuar edhe një herë qëndrimin e kësaj partia në raport me bashkëpunimin e mundshëm me VV-në.

Ajo ka bërë me dije se kjo parti nuk ka ndryshim qëndrim për këtë çështje.

Sipas saj, AAK-ja nuk do ë bëhet pjesë e qeverisë Kurti 3.

“Jo, nuk do të bëhemi pjesë e Qeverisë Kurti 3”, ka deklaruar për Arbresh.info.

“Tik, tak…”, Qeveria Kurti 3 po vjen…

Ditën e djeshme Kryeministri në detyrë Albin Kurti në një konferencë për foli për krijimin e qeverisë së re.

Kurti ka thënë se më se largu më 26 tetor, në një senacë të kuvendit, do ta prezantojë kabinetin e ri qeveritar.

Por a i ka numërat për formimin e Qeverisë, Kurti?

Indeksonline ka kontaktuar Mimoza Kusari-Lilën për të marrë një qëndrimin lidhur me krijimin e Qeverisë.

 

 

Sipas Kusari-Lilës, Vetëvendosja nuk do të bashkëpunojë me dy parti, në këtë rast PDK-në dhe Listën Serbe.

‘’Gjatë javës kemi me filluar bisedat për formimin e Qeverisë, ka pasur bisedime fillestare por jo diçka specifike. Sa i përket bashkëpunimit me subjektet tjera politike, kemi qëndrimin se nuk bashkëpunojmë me dy parti në këtë rast, bëhet fjalë për PDK-në dhe Listën Serbe, ndërsa me të tjerët mbetet me shiquar a ka vullnet për bashkëpunim apo jo. Sa i përket ftesave, për LDK-në dhe të tjerët duhet të flasë dhe të vendosë vetë Kurti dhe LVV-ja si mandatar për formimin e Qeverisë’’, thotë Kusari-Lila për Indeksonline.

Por a janë të gatshëm për zgjedhje, si VV e Alternativë në rast se nuk krijohet Qeveria Kurti 3?

Sipas Kusarit, zgjedhjet e reja janë zgjidhja më e mirë.

‘’Unë mund të flasë në emër të Aleternativës, unë them se zgjidhja më e mirë janë zgjedhjet e reja sepse tashmë është bërë një periudhë e gjatë prej kohës së mbajtjes së zgjedhjeve dhe ka pasur disa ndryshime të cilat kërkojnë ri konfirmim të besimit të qytetarëve por natyrisht për zgjedhje gjithmonë jemi gati’’, vazhdon tutje Kusari-Lila.

Si e ka parë procesin zgjedhor Kusari-Lila që u zhvillua të dielën e 12 tetorit?

‘’Procesi zgjedhor në tërsi ka shkuar shumë mirë, sa i përket Aleternativës ne kemi pasur sfidat tona për arsye se kemi pasur tash e gjashtë vite bashkëpunim me VV-në dhe çështje të subjektivitetit ka pasur paksa huti sidomos në Komunën e Gjakovës pasi që listat e ndara për kandidatë për Asamble shpeshherë herë kanë rezultuar me votë ku është votuar LVV-ja duke menduar Alternativën. Ndërsa sa i përket kandidatëve për kryetar besoj se kemi mundur të dalin pak më mirë por ka qenë vonë momenti i prezantimit të kandidatëve dhe përgatitjet për nivelin lokal duhet të fillojnë më herët bashkë me aktivitetin politik’, shprehet Kusari-Lila për Indeksonline.

Procesi i balotazhit në vendin tonë mbahet me 9 nëntor ku në balotazh janë 17 komuna.

Çmimet s’ndalen, ja produktet që u shtrenjtuan sërish!

Sipas të dhënave të publikuara nga Agjencia e Statistikave të Kosovës (ASK), indeksi i tërësishëm i harmonizuar i çmimeve të konsumit (IHÇK) ishte më i lartë për 4.7% në shtator 2025, krahasuar me të njëjtën periudhë të vitit paraprak, pra gusht të vitit të kaluar.

Ndërkohë, inflacioni mujor shënoi një rënie prej -0.2% në krahasim me gushtin 2025. Rritja vjetore e çmimeve është ndikuar kryesisht nga shtrenjtimit në disa kategori të mallrave dhe shërbimeve.

Ndër to, çmimet e pushimeve të organizuara u rritën me 23.1%, biletat e fluturimeve me 22.5%, energjia elektrike me 17.4%, kafeja, çaji dhe kakaoja me 14.2%, si dhe pemët me 13.0%.

Rritje të ndjeshme kanë pasur edhe mishi (12.1%), qumështi, djathi dhe vezët (8.8%), shërbimet hoteliere (8.3%), dhe vajrat e yndyrat (6.8%).

Këto nëngrupe kanë pasur ndikimin më të madh në inflacionin vjetor, me një efekt të përbashkët prej 4.9 për qind në IHÇK.

Në anën tjetër, rënie e çmimeve është regjistruar te karburantet dhe lubrifikantët për pajisjet e transportit personal, me -3.1%, duke ndikuar me -0.2 për qind në indeksin e përgjithshëm. Në krahasim me muajin gusht 2025, çmimet mesatare të konsumit në shtator ranë për 0.2%.

Kjo rënie mujore është shpjeguar me uljen e çmimeve te karburantet dhe lubrifikantët (-3.6%), pemët (-2.8%), biletat e fluturimeve (-1.6%), dhe energjinë elektrike (-1.2%).

Megjithatë, disa kategori shënuan ngritje, përfshirë lëndët djegëse të ngurta si druri e peletët (1.4%), qumështin, djathin dhe vezët (1.1%), blerjen e automjeteve (0.6%) dhe shërbimet hoteliere (0.4%). ASK bën të ditur se këto luhatje të çmimeve ndikojnë drejtpërdrejt në normën mujore dhe vjetore të inflacionit, e cila matet përmes indeksit të harmonizuar të çmimeve të konsumit (IHÇK).

LAJM I FUNDIT: Kjo parti i hap rrugën formimit të qeverisë Kurti 3: “Do t’i përgjigjemi pozitivisht”

Nisma Socialdemokrate do t’i përgjigjet pozitivisht çfarëdo ftese të Lëvizjes Vetëvendosje për të diskutuar për formim të qeverisë së re.

Derisa kanë mbetur edhe dymbëdhjetë ditë kohë për formim të qeverisë nga Lëvizja Vetëvendosje, si partia e parë në zgjedhjet e 9 shkurtit, deputetja e Nisma-s, Xhevahire Izmaku, thotë për KosovaPress se partia e saj “ka një përgjegjshmëri politike dhe s’ka asnjë arsye mos me qenë në tavolinë të diskutimit me LVV-në”.

Ajo thekson se nëse formimi i qeverisë së re varet vetëm nga tri votat e Nisma Socialdemokrate, “atëherë në raport me krijimin e institucioneve të reja nuk do të ketë kushte”.

Megjithatë, Izmaku nënvizon nevojën që të “sqarohet pozita e kryetarit të Kuvendit”, pasi sipas saj, legjislativi nuk duhet të funksionojë me një figurë e cila ka krijuar përçarje.

Kryetari i LVV-së, Albin Kurti, është mandatuar për kryeministër nga presidentja, Vjosa Osmani më 11 tetor. Kurti dje tha se gjatë kësaj fundjave dhe pas analizës për zgjedhjet lokale do të nis bisedimet për formimin e qeverisë së re.

Si mund të shkojë Kosova në Botëror përmes “play-off”-it?

Kombëtarja e Kosovës e regjistroi mbrëmë një fitore madhështore në Suedi duke e “gozhduar” pozitën e dytë në tabelë.

Dardanët i kanë 7 pikë, tri më pak se liderja Zvicra.

E realisht, pozita e dytë është më e kapshme dhe më e logjikshme për ekipin e Franco Fodës

Por, si mund të shkojë Kosova në Botëror përmes “play-off”-it?

Në fazën e grupeve, 12 skuadrat që përfundojnë në vendin e dytë kualifikohen në barazh, në këtë rast edhe ekipi i jonë kombëtar.

Përveç këtyre 12 Kombëtareve, 4 skuadra shtesë do të zgjidhen nga ato që kanë qenë fitues grupesh në UEFA Nations League 2024/25, por që nuk arritën të përfundojnë në vendin e parë apo të dytë në grupin e kualifikimeve.

Këto 16 skuadra (12 vendet e dyta + 4 nga Liga e Kombeve) do të ndahen në 4 rrugë në play-off, secila rrugë me nga 4 skuadra.

Në çdo rrugë të barazhit do të luhen nga dy raunde (nga një ndeshje): gjysmëfinale dhe finale.

Fituesi i finales në atë rrugë do ta presë biletën për në Botëror.

Pra, nga çdo rrugë e “play-off”-it në Botëror shkon nga një Kombëtare dhe në total 4 ekipe do të kualifikohen përmes “play-off”-it nga Evropa.