Vazhdon numërimi i votave për asambletë komunale, kjo është tabela për Prishtinën

Nëpër Qendrat Komunale të Numërimit tashmë ka vazhduar procesi i numërimit të votave të kandidatëve për asamble.

Sipas përditësimit të fundit të KQZ-së, në disa komuna është duke vazhduar procesimi i votave nga vendvotimet, e në disa të tjera ka përfunduar.

Në Prishtinë janë procesuar votat nga 254 vendvotime, prej 268 sa janë gjithsej.

Sipas tabelës aktuale, Lidhja Demokratike e Kosovës është e para me 27 mijë e 102 vota, Partia Demokratike e dyta me 21 mijë e 116 vota, pasuar nga VV-ja me 20 mijë e 169 vota.

Tragjedi në Zvicër: Humb jetën 17-vjeçari nga Peja, Astrit Dautaj

Një ngjarje e rëndë ka tronditur komunitetin shqiptar në Zvicër dhe më gjerë. Më 11 tetor 2025, ka ndërruar jetë tragjikisht i riu Astrit Dautaj, në moshën vetëm 17-vjeçare.

Lajmi i hidhur është bërë i ditur nga familja Dautaj, të cilët me pikëllim të thellë kanë njoftuar për ndarjen nga jeta të djalit të tyre të dashur. Ngjarja ka lënë të tronditur jo vetëm familjarët dhe të afërmit, por edhe të gjithë ata që e kanë njohur Astritin si një të ri të qetë, të dashur dhe plot jetë.

Varrimi i të ndjerit do të bëhet më 14 tetor 2025, në varrezat e qytetit të Pejës, duke filluar nga ora 16:00.