Përditësohen rezultatet, befasi në Prishtinë: Ndryshon lista e të parëve për Asamble

Komisioni Qendror i Zgjedhjeve ka përditësuar rezultatet e kandidatëve për Kuvendin Komunal të Prishtinës.

LDK renditet si parti e parë me 30.81 përqind, VV e dyta me 21.46 përqind, PDK me 21.28 përqind dhe AAK me 10.14 përqind. Deri tani janë numëruar 31 vendvotime, shkruan Reporteri.net.

Në listën e LDK i pari është Përparim Rama, si bartës liste me 2 mijë e 924 vota. Pas tij renditen Bujar Gashi me 187 vota, Bekim gashi me 148, Milazim Vitija me 137 dhe Fadil Aliu me 115.

Tek VV e para është Mrika Limani Myrtaj, si bartëse liste, me 2 mijë e 37 vota, e ndjekur nga Gëzim Sveçla me 144, Jeta Bujari me 119, Feim Osmani me 92 dhe Avni Osmani me 91.

Tek PDK prin Uran Ismaili si bartës liste me 2 mijë e 20 vota. Agron Canolli është i dyti me 109 vota, Besianë Masmurati me 108, Leutrim Retkoceri 78 vota dhe Ilirim Musliu me 74 vota./Reporteri.net

“Big Brother Vip Kosova” po vjen, Olsa Muhameti ndan detajet e fundit…

“Big Brother Vip Kosova” do të nisë brenda pak ditësh.

Producentja e këtij spektakli televiziv, Olsa Muhameti me anë të një paraqitje ka zbuluar se përgatitjet e fundit po vazhdojnë, transmeton IndeksOnline.

Është përfolur për disa emra se do të jenë banorë të “BBVK”-së, por ende nuk ka ndonjë konfirmim zyrtar/ IndeksOnline/

Vazhdon numërimi i votave për Asamblistë në Prishtinë, këto janë rezultatet e deritashme

Komisioni Qendror i Zgjedhjeve po vazhdon publikimin e rezultateve për kandidatët e Asamblesë së Komunës së Prishtinës.

Deri tani janë procesuar rezultatet për 24 vendvotime. LDK ka deri tash 2,067 vota, e ndjekur nga VV me 1,424   dhe PDK me 1,417 Vota.

Votat që kanë marrë kandidatët mund t’i gjeni në këtë link.

Nga Lidhja Demokratike e Kosovës i pari renditet Përparim Rama me 2,067 vota vota si bartës liste, pasuar nga Bujar Gashi me 138 vota, pastaj Bekim Gashi me 133 vota, Milazim Vitija me 118 vota, e të tjerë.

Nga VV i pari renditet Mrika Limani Myrtaj si bartëse liste me 1,424 vota. Pas saj është Gëzim Sveçla me 99 vota, Egzon Azemi me 57, e të tjerë.

Nga PDK, i pari renditet Uran Ismaili si bartës liste me 1,417, pasuar nga Besianë Musmurati me 69, Agron Canolli me 57 vota, Yll Muriqi 50 vota e të tjerë.

Bekë Berisha i AAK-së, si bartës liste, ka 663 vota.

Dalin rezultatet e para për Asamblistë në Podujevë, kandidatët më të votuar nëpër parti

Komisioni Qendror i Zgjedhjeve ka filluar publikimin e rezultateve të para nga gara për asamble ne Komunën e Podujevës.

Në këtë komunë, VV renditet si parti e parë me 40.17 përqind, e pasuar nga LDK’ja me 38.17 përqind dhe PDK’ja me 10.15 përqind.

Nga numërimi i 11 vendvotimeve, në listën e VV’së më i votuari është Shpejtim Bulliqi, që ka qenë edhe bartës liste. Pas tij renditen, Adelina Stublla, Avni Fetahu, Florent Hasani dhe Bahri Selimi, shkruan Reporteri.net.

Nga lista e LDK’së, i pari është bartësi i listës Ekrem Hyseni, i pasuar nga Enis Shabani, Florent Blakçori, Valdet Restelica dhe Blerta Azemi Berisha.

Tek PDK, kandidatët më të votuar janë Isak Shabani, si bartës liste, ndjekur nga Lulzim Pollomi, Afrim Avdiu, Hilmi Hoxha dhe Avni Ajeti.

Janë edhe 102 vendvotime pa numëruar.

Në këtë komunë nuk do të ketë balotazh. Sipas rezultateve preliminare të KQZ’së, Shpejtim Bulliqi e ka fituar garën për të parin e komunës me 50.70 përqind të votave.

Ish-kryeministri, Sali Berisha sot feston ditëlindjen, ja sa vite mbushi

Kryetari i Partisë Demokratike, Sali Berisha sot feston 81-vjetorin e lindjes.

Vetë kryedemokrati ka ndarë një foto me bashkëshorten e tij, Liri Berishën në rrjetet sociale, ndërsa shprehet mirënjohës për familjen, bashkëpunëtorëve, dashamirësve që e bëjnë vjeshtën, stinën e kurorës së jetës së tij.

“Sot 81 vjeç!

Mirënjohje të pakufishme Zotit të Madh, familjes time, miqve, bashkëpunëtorëve, dashamirësve dhe mbështetësve të betejave të mia që me dashurinë, ndihmën, guximin e përkushtimin e tyre ma bëjnë vjeshtën, stinën kurorë të jetës time!”, shprehet Berisha.

Rrahje masive mes nxënësve, njëri nga ta përfundon me hundë të thyer

Një përleshje masive ka ndodhur dje para objektit të shkollës “Bajram Curri” në Prizren.

Në incident janë përfshirë tetë të mitur, nxënës të kësaj shkolle, si dhe të tri shkollave të tjera gjimnazit “Remzi Ademaj”, “Gjon Buzuku” dhe shkollës së mesme “Imer Prizreni”.

Si pasojë e rrahjes, njëri nga nxënësit ka pësuar thyerje në hundë, raportoi gazetari korrespondent Nuhi Salihu, në emisionin “Ora 7”.

Policia ka dalë në vendngjarje dhe ka nisur hetimet, ndërsa personat e përfshirë janë intervistuar lidhur me rastin.

KQZ vazhdon publikimin e rezultateve për Asamblenë e Prishtinës- Këto janë të rejat

Komisioni Qendror i Zgjedhjeve po vazhdon me publikimin e rezultateve preliminare për kandidatët e Asamblesë Komunale të Prishtinës.

Sipas të dhënave të deritanishme, janë procesuar rezultatet nga 24 vendvotime.

Nga rezultatet e publikuara, Lidhja Demokratike e Kosovës kryeson me 2,067 vota, e ndjekur nga Lëvizja Vetëvendosje me 1,424 vota, ndërsa në vend të tretë renditet Partia Demokratike e Kosovës me 1,417 vota.

Brenda listës së LDK-së, më së shumti vota deri tani ka marrë bartësi i listës, Përparim Rama, me 2,067 vota. Pas tij renditen Bujar Bashi me 138 vota, Bekim Gashi me 133 vota, dhe Milazim Vitija me 118 vota, ndërsa kandidatët tjerë vijojnë me më pak mbështetje.

PAMJE: Një familje shqiptare sulmohet nga serbët

Një familje shqiptare u sulmua në Zurich të Zvicrës të shtunën mbrëma, pas ndeshjes eliminatore për Botërorin 2026 mes Serbisë dhe Shqipërisë, e cila u mbyll me fitore të Shqipërisë 1:0 në Leskovc.

Familja shqiptare, që kishte dalë për të festuar fitoren, u sulmua nga tifozë serbë, raporton ““Blick””.

Donika J. kishte udhëtuar me bashkëshortin dhe vajzën 10-vjeçare dhe në veturën e saj Mercedes kishte vendosur flamurin shqiptar.

Në Schwamendingen, pranë një bari, papritmas vetura u përplas me një turmë tifozësh serbë.

“Papritmas, një i ri vrapoi drejt makinës sonë dhe na theu xhamin e përparmë me një objekt të fortë, ndoshta ishte zinxhir apo rrip. Copëzat e xhamit fluturuan në ulësen e pasme, ku ishte vajza jonë”, tregoi Donika. Ajo shtoi se ishte ulur në ulësen e pasagjerit dhe sulmuesi goditi xhamin në lartësinë e kokës.

Incidenti e tronditi rëndë familjen.

“Shpërthimi ishte aq i fortë sa të gjithë u tronditëm,” tha Donika, duke filluar të qajë.

“Se kisha imagjinuar se diçka e tillë do të mund të ndodhte në Zvicër. Ende s’mund ta mendoj se diçka aq e tmerrshme ndodhi.”

Ajo lajmëroi menjëherë policinë, e cila konfirmoi se mori të paktën një raportim për një veturë të dëmtuar. Gjatë të shtunës mbrëma pati disa raportime për trazira në qytet. Nuk është hera e parë që policia u thirr në Ueberlandstrasse për shkak të incidenteve; gjatë ndeshjes së parë mes Shqipërisë dhe Serbisë në qershor pati gjithashtu raportime për trazira, ndeshje që përfundoi pa gola.

Edhe në Luzern, të shtunën, u raportuan provokime dhe dhunë fizike mes grupeve pas ndeshjes. Tifozët shkaktuan ndërprerje të konsiderueshme të trafikut, disa rrugë u mbyllën përkohësisht.

“U lëshuan gjithsej 50 gjoba dhe disa persona u ndëshkuan për shkelje të ndryshme të ligjit të trafikut,” njoftoi të hënën Policia e Luzernit. Ndërprerje trafiku shkaktuan shoferët festues edhe në Wil.

Armend Muja “xhiron filma”: Na sulmuan militantët e PDK-së, kishin armë

Kryetari i degës së VV-së në Mitrovicë, Armend Muja, doli sonte në një studio televizive pas zgjedhjeve lokale të dielën, ku Faton Peci doli i dyti në këtë komunë.

Sigurisht, edhe në këtë paraqitje, ai luftën e kishte me PDK-në, e cila me Arian Tahirin nuk e lejoi Pecin të fitojë pa balotazh, ashtu siç priste koalicioni VV-Guxo-Alternativa.

Muja, i cili edhe natën e zgjedhjeve u pa në siklet të madh para selisë së VV-së duke u fjalosur me dikë, tha se atë natë u sulmuan nga militantët e PDK-së.

“Ata erdhën për të na sulmuar, njerëz të PDK-së”, tha Muja në ATV

“Tentoi të nxjerrë një pistoletë”, tha më tej për një person.

Faton Peci i VV-Guxo do të ndeshet edhe një herë me Arian Tahirin e PDK-së në balotazh, pas rezultatit të ngushtë në Mitrovicë, ku madje po hetohet edhe për keqpërdorim të votës.