Borë, rrebeshe shiu e rrufe – parashikimi i motit për nesër

Të martën parashikohet të kemi depërtimin e një fronti të ftohtë në orët e para të mëngjesit, i cili do të sjellë reshje shiu, lokalisht në formë të rrebesheve, të shoqëruara me disa shkarkesa rrufesh. Në zonat e larta malore reshje bore.

Të reshurat do të ndërpriten menjëherë paradite, ndërsa më pas do të mbizotërojnë vranësira të pjesshme, përpara se të tërhiqen gradualisht gjatë pasditës.

Era do të fryjë kryesisht nga veriu, e cila gjatë kalimit të frontit të ftohtë pritet të jetë mjaft e fuqishme lokalisht, me shpejtësi prej 15-55 km/h.

Temperaturat minimale do të lëvizin prej 6 deri në 9°C, ndërsa ato maksimale prej 11 deri në 15°C. /MeteoKosova/

Sara dhe Bardhi së shpejti prindër për herë të dytë? Modelja shuan dilemat

Modelja Sara Gjordeni dhe këngëtari Bardhi, janë prindër të një vajze të cilën e emëruan, Nea.

Sara në rrjetet e saj sociale, iu është përgjigjur disa pyetje të cilat ndjekësit e saj ia bënë, shkruan IndeksOnline.

Në njërën prej tyre ishte pyetur se a është sërish shtatëzënë.

E modelja është përgjigjur me ironi, duke mos e mohuar as konfirmuar.

”Jeni te papare pzz”, ka shkruar ajo.

Ndahet papritmas nga jeta regjisori i njohur ferizajas

Tërmet i fuqishëm në Turqi, kaq ishte magnituda

Një tërmet i fuqishëm me magnitudë 6.1 shkallë ka ndodhur në Turqi, raporton CNN edicioni turk.

Tërmeti ka ndodhur në Belikesir, por është ndjerë edhe në qytetet përreth, përfshirë Stambollin, Izmirin dhe Bursën. Deri tani nuk raportohet për viktima.

Disa minuta pas tërmetit prej 6.1 ballësh, në të njëjtën zonë ka ndodhur edhe një tjetër tërmet me magnitudë 4.2.

Tërmeti, i cili është ndjerë në shumë qytete të rajoneve Marmara dhe Egje – veçanërisht në Stamboll dhe Izmir – ka ndodhur në një thellësi prej 5.99 kilometrash.

A ka vend për Ramiz Lladrovcin në PDK? Memli Krasniqi befason me përgjigjen

Kryetari i PDK-së, Memli Krasniqi, në Rubikon me Adriatik Kelmendin në Klan Kosova, ka folur edhe për Ramiz Lladrovcin dhe fitoren e tij në Drenas, ku kandidati i partisë së tij nuk ia doli të triumfojë.

Krasniqi tha se gara nuk ka qenë e lehtë, por që pas rezultateve, ia ka uruar fitoren Lladrovcit.

“Ka qenë një garë aspak e lehtë për neve, sepse ka pasur të bëjë me një komunë qe PDK-në e ka nderu me votë, pa kushte. Sfidimi në nivel të degës nuk ka  qenë i mirëseardhur me mu. Nuk kam dashur të jem arbitrar për me pamundësu garën brenda partisë. Rezultati është i qartë. Ramiz Lladrovci ka fitu. Ia kam dhënë urimet prej selisë së PDK-së dhe shpresoj që e vazhdon punën në të mirën e qytetarëve të Drenasit.“

Por, a ka vend për Ramiz Lladrovcin në PDK?

Krasniqi ishte i shkurt në përgjigjen e tij se  “Zoti Lladrovci nuk është përjashtu, ka dalë vet.”/Klankosova.tv

Arrestohet Xhemajl Nuhiu i dyshuari për vrasjen e Muhamed Matoshit në Prishtinë

Ka marrë fund arratisja e Xhemail Nuhiut, i akuzuar për vrasjen e Muhamet Matoshit në Hajvali të Prishtinës.

Top Channel, duke iu referuar dokumenteve të gjykatës së ekstradimeve në Londër, thotë se përpara kësaj gjykate ka dalë Xhemail Nuhiu, 47 vjeç.

Ai është shpallur në kërkim nga policia e Kosovës pasi akuzohet se më 11-8-2025 ka vrarë Muhamet Matoshin në Hajvali të Prishtinës.

Nuhiu është arrestuar nga skuadra e gjurmimit të të kërkuare në policinë Metropolitane në Londër.

Njësia e Hetimeve të Përgjithshme, që vepron në kuadër të Drejtorisë Rajonale të Policisë në Prishtinë, me autorizim të prokurorisë kompetente, kishte shpallur në kërkim Xhamail Nuhiun.

Gazetari shqiptar: Liburn Aliu ka pasur lidhje të drejtpërdrejta me Serbinë në qeverinë Kurti!

Gazetari nga Shqipëria, Gazmend Saiti, ka komentuar për “Kosova Live” emërimin e ish-ministrit të Mjedisit, Planifikimit Hapësinor dhe Infrastrukturës të Kosovës, Liburn Aliu, në postin e drejtorit të Portit të Durrësit.

Sipas Saitit, ky emërim ka më shumë prapavijë politike se sa profesionale, dhe shihet si pjesë e një përpjekjeje të vazhdueshme të kryeministrit shqiptar, Edi Rama, për të pasur qasje më të thellë në informacionet që lidhen me qeverisjen e Albin Kurtit.

“Tentativa ka qenë gjithmonë e vazhdueshme nga ana e Ramës për të marrë sa më shumë informacione në lidhje me qeverisjen e Albin Kurtit. Në rastin konkret me Liburn Aliun, ndoshta nuk do të ketë shumë informacione, por nga disa burime thuhet se ai ka qenë personi kyç që ka pasur marrëdhënie të drejtpërdrejta me Serbinë në kuadër të qeverisë së Kurtit,” ka deklaruar Saiti.

Sipas tij, për Ramën kjo është një mënyrë për të qenë më i informuar dhe për të ruajtur ndikim rajonal, përfshirë edhe përmes figurave që kanë qenë pjesë e afërt e qeverisë së Kosovës.

“Njëjtë siç veproi më herët me rastin e Vlorë Hysenit, tani po ndodh e njëjta gjë me Liburn Aliun,” ka shtuar Saiti, duke theksuar se emërimi i tij në Portin e Durrësit ka karakter politik.

“Pozita kishte një drejtor aktual. Ndryshimi është bërë vetëm për ta goditur politikisht kryeministrin Albin Kurti,” tha ai.

Deliu-Kodra: Kurti bashkëpunon me Sërpskan, madje edhe për pagat e veteranëve

Deputetja e Partisë Demokratike të Kosovës, Blerta Deliu-Kodra ka thënë se kryeministri në detyrë, Albin Kurtit, bashkëpunon me Listën Serbe, madje sipas saj, edhe për pagën e veteranëve të UÇK-së.

Përmes një postimi në Facebook, Deliu-Kodra thotë se për këtë shkak, Kurti ka avancuar Mimoza Kusari-Lilën në ministre, transmeton Klankosova.tv.

“Albin, Themeluesit dhe emrat e PDK e kane sulmuar dhe luftuar me arme Serbinë. Siç u tha edhe sot ne Hage”.

“Me Listen Serbe bashkepunon ti, madje edhe per pagen e veteraneve te UCK. Prandaj edhe e avancon Mimozen ne Ministre si kundershperblim per bashkepunimin me Millan Radojciqin”, ka shkruar Deliu-Kodra.

Influencerët shqiptarë bëhen prindër për herë të parë, ky është emri unik i bebit

Elona dhe Lirimi, dy nga figurat më të njohura të rrjeteve sociale në Shqipëri, kanë nisur një kapitull të ri në jetën e tyre si prindër.

Me ardhjen e djalit të tyre, Ayden, ata kanë përjetuar një lumturi të papërshkrueshme. Kjo ngjarje e veçantë ka sjellë një ndjesi të re në jetën e tyre, duke i bërë ata të ndihen më të plotësuar se kurrë më parë.

Çifti ka ndarë emocionet e tyre me ndjekësit, duke shprehur falënderime të thella për këtë dhuratë të çmuar. “Mirë se erdhe në këtë botë, Ayden! Më 26/10/2025, Zoti na bekoi me dhuratën më të çmuar, djalin tonë të dashur. Zemrat tona janë më të plota se kurrë,” kanë shkruar ata në postimet e tyre.

Ardhja e Aydenit ka sjellë një atmosferë të ngrohtë në shtëpinë e çiftit, duke i bërë ata të ndihen të lumtur dhe të bekuar. Çdo moment me të është një mrekulli, dhe ata po e shijojnë çdo sekondë të kësaj aventure të re.

Me këtë ngjarje, Elona dhe Lirimi po tregojnë se si jeta mund të ndryshojë në një çast. Ata janë të përkushtuar të ofrojnë dashuri dhe mbështetje për djalin e tyre, duke e bërë atë pjesë të pandashme të jetës së tyre.

Me ardhjen e vogëlushit, ata po jetojnë ditët më të bukura të jetës. Çdo moment me të është një mundësi për të mësuar dhe për të rritur dashurinë e tyre si çift dhe si prindër.

Elona dhe Lirimi janë shembuj të shkëlqyer se si dashuria dhe familja janë thelbësore për një jetë të plotë. Ata shpresojnë që historia e tyre të inspirojë të tjerët që të ndjekin ëndrrat e tyre dhe të krijojnë një familje të lumtur.

Vdesin tre persona duke ikur nga Policia në Gjermani, dy kroatë dhe një serb

Tre persona kanë vdekur pasi u aksidentuan, teksa po iknin nga Policia në Gjermani.

Shoferi i një BMW me targa të Mynihut të Gjermanisë, në autostradën A2 injoroi shenjën e ndalimit të policisë dhe u largua me shpejtësi, duke rënë kështu me veturë në Kanalin Mittelland.

Siç raportojnë mediat gjermane, dy nga viktimat ishin nga Kroacia, kurse njëri nga Serbia, i cili besohej se e drejtonte automjetin, transmeton Klankosova.tv

Pasagjerët nga Kroacia ishin të moshës 25  dhe një 31-vjeçar.

Makina që shkaktoi aksidentin u nxor nga kanali gjatë fundjavës dhe u sekuestrua për ekzaminim mjeko-ligjor.

Ecuria e saktë e aksidentit, si dhe arsyeja pse shoferi iku nga policia, mbeten të panjohura. /Klankosova.tv