Gjejnë ‘ujdi’ AAK dhe VV, lidhin marrëveshje edhe në këtë komunë, e treta vetëm sot

Seanca e jashtëzakonshme për formimin e qeverisë mund të ketë përplasur ashpër Ramush Haradinajn dhe Albin Kurtin

Por, LVV-ja dhe AAK-ja janë më të afërta se kurrë në nivelin lokal, shkruan IndeksOnline.

Vetëm dje dhe sot, këto dy parti kanë lidhur jo një, jo dy, por tri koalicione në tri qytete.

Pas koalicionit mes LVV-së dhe AAK-së në Fushë-Kosovë dhe Junik, radhën e pati qyteti i Prizrenit.

Oferta për koalicion u nis nga LVV-ja në adresën e AAK-së në Pejë, po ashtu.

Kryetari i AAK-së në Prizren, Besnik Krasniqi, ka njoftuar lidhjen e koalicionit me Artan Abrahsin, duke thënë se mbeten të përkushtuara të jenë pranë qytetarëve dhe në shërbim të tyre.

Ky është njoftimi i plotë i tij:

Në bazë të vendimit të Kryesisë së Degës së AAK-së në Prizren dhe në pajtueshmëri me Statutin e Aleancës për Ardhmërinë e Kosovës,

sot kemi nënshkruar marrëveshje te koalicionit qeverisës me z. Artan Abrashi, kandidat nga radhët e Lëvizjes Vetëvendosje.

Aleanca, dega në Prizren, mbetet e përkushtuar që, në përputhje me programin tonë politik e zhvillimor, të jetë gjithmonë pranë qytetarit dhe në shërbim të tij.

Ne zotëhemi se do të përfaqësojmë me dinjitet interesat e qytetarëve tanë në çdo nivel të qeverisjes lokale dhe se do të punojmë me përkushtim për një Prizren të drejtë, të zhvilluar dhe të bashkuar.

Limaj: Me Kurtin u dakorduam për kryetarin e Kuvendit, madje i cakërruam gotat

Kreu i Nismës Socialdemokrate, Fatmir Limaj, në emisionin “Rubikon”, ka treguar detaje nga marrëveshja e tij me kryeministrin në detyrë, Albin Kurti, duke thënë se kishin arritur dakordim për pozitën e kryetarit të Kuvendit dhe se madje kishin “cakërruar gotat”.

Limaj tha se para seancës së parë të Kuvendit i kishte thënë Kurtit se tri votat e Nismës i kishte të sigurta, duke sqaruar se nuk ishte i interesuar për të qenë pjesë e qeverisjes.

“Në qeverisje nuk marrë pjesë sepse i kam arsyet e mia. Krejt çka mundem me bë partneritet është në Kuvend. Për qëndrimin tonë e meritoj korrektësinë. Në ditën e dytë, tha se ‘për besë s’kam mendu për këtë, por për qeverisje’. U befasuan për këtë. Të nesërmen e kemi pasur dakordimin gojor dhe i kemi cakërruar gotat. Ai ka mbet me shku me bisedu me grupin parlamentar, unë në mëngjes e kam thirrë kryesinë time”, deklaroi Limaj.

Ai shtoi se Nismës nuk i konvenon të shkojë në zgjedhje dhe se partia e tij nuk ka provokuar zgjedhje të reja.

“Edhe nëse shkojmë në zgjedhje, gajle e madhe. Lehtë është me i mëshu të voglit”, u shpreh Limaj.

Buzhala: Thaçi lirohet në pranverë, partia e tij fiton 50% të votave

Gazetari Berat Buzhala ka komentuar zhvillimet e fundit poltike në vend, shkruan DEMOS.

Ai tregoi edhe skenarin që sipas tij është i vetmi që e shpëton këtë vend.

“Thaçi lirohet në pranverë, partia e tij fiton 51% të votave në zgjedhjet e treta”, tha ai.

I plotë:

Pra, do te kemi zgjedhje te pergjithshme ne dhjetor, te cilat nuk prodhojne kurrgjo te re.

Ne pranveren e hershme lirohet Hashim Thaci. Ne nderkohe kriza politike ne vend do te vazhdoje.

Presidentes i skadon mandati dhe nuk ekzistojne numrat per me e zgjedhe as Presidenten, as Kryetarin e Kuvendit, as kryeministrin.

Qytetaret jane frustru tej mase me kete klase te paafte politike dhe syte i kthejne kah Thaçi, i cili ne nderkohe e ka fillu turneun falenderues anekend Kosoves per mbeshtetjen qe ia kane dhene keto pese vjet e kusur.

Mesazhet e Thaçit jane per unitet, per bashkejetese, per integrim ne Bashkim Evropian dhe raporte te ngushta me SHBA’re, per lidhje speciale me Shqiperine.

Thaci shkon per vizite ne Amerike, ku takohet me JD Vance dhe me figura te rendesishme politike atje.

Behet e qarte qe zgjedhjet e treta jane zgjidhja e vetme per vendin, i cili eshte buze humneres.

Hashim Thaci e ka filluar dialogun e gjere me shoqerine civile, me eksperte, me aktere politike nga i gjithe spektri, per nje vizion te ri, per nje Kosove te re, te qete, pa tensione, pa vulgaritet.

Jemi ne maj, ngerçi institucional thellohet, kurse palet mezi dakordohen per zgjedhje ne fillim te qershorit.

Levizja e re politike e Thacit, Kosova e Shekullit 21, arrine t’i fitoje mbi 50 perqind te votave.

P.S

Ky eshte skenari i vetem qe e shpeton kete vend.

“Po e largoj Dimalin…”, Limaj zbulon ofertën e minutave të fundit që Kurti i bëri të dielën

Kreu i NISMA-s, Fatmir Limaj, ka treguar për ofertën e minutave të fundit të Albin Kurtit në këmbim të votave të partisë së tij për Qeverinë e re. 

Limaj ka treguar se të dielën kur ishte caktuar seanca për votimin e Qeverisë, ka zhvilluar një takim 10 minutësh me Kurtin, ku ky i fundit i ka treguar se ka gatishmëri për ta larguar Dimal Bashën nga kryetari i Kuvendit dhe për ta zhvendosur në ministri.

Kreu i NISMA-s ka treguar në Klan Kosova se që nga zgjedhja e Dimal Bashës kryetar i Kuvendit të Kosovës s’kanë pasur kurrfarë komunikimi me Kurtin dhe se janë takuar vetëm të dielën në ambientet e Kuvendit.

Megjithatë Limaj ka treguar se s’ka pranuar, meqë qëndrimi i tij është se Dimal Basha s’duhet të jetë në asnjë pozitë pas shkrimit për UÇK-në.

Murati reagon pas vendimit të Supremes: “Ky udhëzim nuk është i Qeverisë Kurti”

Ministri në detyrë i Financave, Punës dhe Transfereve, Hekuran Murati, ka reaguar pasi Supremja sot shfuqizoi një nen të udhëzimit administrativ për veteranët e UÇK-së.

Murati thotë se udhëzimi administrativ  ishte miratuar në vitin 2015 dhe jo në qeverinë Kurti, teksa ka ftuar mediat të mos e prezantojnë si vendim të qeverisë aktuale.

“Në fakt, ishte pikërisht kryeministri Kurti ai që paralajmëroi se kufizimi i punësimit për veteranët e luftës së UÇK-së do të hiqet.

Çka parashihte neni i kontestuar i Udhëzimit Administrativ?

Ai nen parashihte që për të aplikuar për benefitin e veteranit të UÇK-së, ndër tjera duhej dorëzuar edhe dëshminë nga ATK që veterani nuk ishte i punësuar” u shpreh Murati.

Ky është postimi i plotë i tij:

Gjykata Supreme sot ka publikuar Aktgjykimin për shfuqizimin e një neni të një Udhëzimi Administrativ për Veteranët e Luftës së UÇK-së, udhëzim ky i miratuar në vitin 2015 në kohën e Qeverisë së përbërë nga koalicioni PDK-LDK.

Pra nuk bëhet fjalë për shfuqizim të ndonjë Udhëzimi Administrativ të miratuar përgjatë mandatit të Qeverisë Kurti.

Prandaj ftoj edhe mediat të përmbahen nga raportimet tendencioze që gabimisht tentojnë ta prezantojnë këtë si vendim të Gjykatës që shfuqizon ndonjë akt nënligjor të Qeverisë Kurti.

Në fakt, ishte pikërisht Kryeministri Kurti ai që paralajmëroi se kufizimi i punësimit për Veteranët e Luftës së UÇK-së do të hiqet.

Çka parashihte neni i kontestuar i Udhëzimit Administrativ?

Ai nen parashihte që për të aplikuar për benefitin e Veteranit të UÇK-së, ndër tjera duhej dorëzuar edhe dëshminë nga ATK që Veterani nuk ishte i punësuar.

Pse e shfuqizoi Gjykata Supreme këtë nen të Udhëzimit Administrativ?

Sepse Gjykata e konsideroi që bie ndesh me Nenin 16A të Ligjit të ndryshuar/plotësuar për Veteranët e Luftës së UÇK-së. Ky ndryshim/plotësim ishte bërë në vitin 2017, poashtu gjatë kohës kur vendi qeverisej nga koalicioni PDK-LDK.

Neni 16A parashihte kategorizimin e Veteranëve në tri kategori, sipas periudhës së pjesëmarrjes në luftë, dhe pas përfundimit të këtij kategorizimi parashihte edhe mundësinë që Veteranët që punonin jashtë sektorit publik të mund të përfitojnë 50% të shumës së benefitit sipas kategorisë përkatëse.

Interpretimi mbizotërues i deritanishëm në lidhje me këtë paragraf që mundëson përfitimin e benefitit edhe për ata që punojnë jashtë sektorit publik ka qenë që, parakusht i zbatimit të këtij paragrafi është përmbyllja e kategorizimit të Veteranëve sipas paragrafit 4 të nenit në fjalë.

Ne do të analizojmë me zyrën ligjore në MFPT nëse Aktgjykimi i sotëm i Supremes është i mjaftueshëm që t’u mundësohet përfitimi i benefitit edhe Veteranëve të UÇK-së që punojnë jashtë sektorit publik, edhepse kategorizimi i paraparë sipas Nenit 16A nuk është bërë deri më tani, apo nëse ka nevojë për ndryshime ligjore shtesë të cilat edhe ashtu kanë qenë në plan.

Sido që të jetë, Kryeministri Kurti tashmë e ka dhënë zotimin publik, dhe ne do të punojmë për ta jetësuar atë zotim sa më parë.

Burri akuzon gruan: Iki te një burrë tjetër, m’i la 5 fëmijët, nuk po mi jep shtesat e tyre

Pasditja nuk e gjen asnjëherë Gafurr Rexhepin në shtëpi.

28-vjeçari nga Fushë-Kosova, mes punës e halleve, po mundohet të mbajë gjallë pesë fëmijë të vegjël.

Të njëjtën ditë kur duhej të siguronte bukën e gojës, ai u detyrua ta lërë punën për të shkuar në gjykatë. Në duar, Gafurri mban një copë letre nga Gjykata në Fushë-Kosovë, aty ku më 20 tetor, për herë të parë pas tri vjetësh, u përball me ish-gruan, Selvete Kadriajn.

Sipas Gafurrit, ajo kishte ikur nga shtëpia për t’u martuar me dikë tjetër, duke braktisur pesë fëmijët e tyre.

“Nuk na ka thirrë asnjëherë, as me pa si janë fëmijët. Asnjë telefonatë s’ka bo”.

Por ajo që e dhemb më shumë, thotë Gafurri, nuk është vetëm mungesa e nënës.

Janë edhe paratë e fëmijëve, shtesat që ndante Qeveria e Kosovës çdo muaj, të cilat për tre vjet përfunduan në xhirollogarinë e Selvetes.

“I mori krejt paratë e fëmijëve. 990 euro gjithsej, e asnjë cent s’ua ka dhanë.”

Si shkak i kësaj, djali i madh thotë se ka lënë edhe shkollën.

Në oborr luajnë tre prej fëmijëve, ndërsa dy të tjerët ndihmojnë babain me punët e shtëpisë.

E rëndë: Nusja i jep fund jetës pasi familja e burrit e kritikoi për vellon e hapur

Një rast i rëndë ndodhi në Mingachevir të Azerbajxhanit, ku një nuse i dha fund jetës pasi familja e burrit të saj e kritikoi fustanin e saj të nusërisë si ‘shumë zbulues’ dhe ‘provokues’.

Lyaman Mammadli, 19 vjeçare, u akuzua se dukej ‘lakuriq’ pasi supet e saj ishin lënë të zbuluara. 

Babai i saj, Murad Bayramov, tha se ajo ishte tronditur nga kritikat dhe i mori jetën vetes në kopshtin e shtëpisë së familjes së saj.

Ai e mohoi se vajza e tij mund të jetë ndjerë e detyruar të martohet me një burrë më të madh në moshë, Elnur Mamedli, 33 vjeç.

Bëhet e ditur se, burri i saj i ri shkoi në funeral, por babai i shqetësuar tha se “nuk pranoi t’i linte të qëndronin” dhe “i nxori jashtë”.

Policia po e heton rastin nëse duhet të nisë një çështje penale për “ngacmimin” e nuses para vdekjes së saj tragjike. /Klankosova.tv 

Në Shqipëri ndodh edhe kjo: Pronari i kalit e vrau turistin në sy të fëmijëve dhe bashëshortes, veç pse s’e pagoi foton

Mospranimi i vajzës në punë, eskalon Osman Musliu – përmend vetëgjyqësinë e gjyqtarin që u vra në Tiranë

Imami nga Drenica, Osman Musliu, në një intervistë në FRONTAL të T7 ka shprehur zhgënjimin e tij për faktin se vajza e tij s’po arrin të punësohet në institucionet e shtetit. Ai ka akuzuar zyrtar brenda Ministrisë së Mbrojtjes se “ia kanë fshehur” dokumentacionet e saj kur ka aplikuar dhe ka paralajmëruar se do t’i shkojë deri në fund këtij rasti.

Në një moment gjatë intervistës, imami nga Drenica ka thënë se “nuk e ka ndërmend të luftoj”, por ka shtuar se nuk përjashton asgjë, duke përmendur edhe vetëgjyqësinë dhe rastin e vrasjes së gjyqtarit në Tiranë.

Ai ka thënë se kur njeriu bllokohet “s’përjashtohet asgjë”.

“Unë, menden me luftu s’e kam, por nuk përjashtoj kurgjo. Se kur e vrajtën atë gjykatësin në Tiranë, shumë media qysh.. unë e di që është keq me vetëgjyësu, por kur bllokohet njeri s’përjashtohet kurgjo, bllokohet. E di që s’është vepër e mirë”, ka thënë ai në FRONTAL.

“Vajza jem mem thanë, cila është arsyeja bab me nejt në Kosovë. Një vajzë e tillë me thanë cila është arsyeja me nejt në Kosovë, e Prokurori me lujt me dinjitetin e familjes e vajzës time e me u end shlirë”, ka shtuar tutje Osman Musliu./Express/

Netanyahu e urdhëron ushtrinë të kryejë sulme të menjëhershme në Gazë

Kryeministri i Izraelit, Benjamin Netanyahu, e ka urdhëruar ushtrinë  të kryejë sulme “të fuqishme” në Rripin e Gazës, raporton BBC, përcjell Reporteri.net.

Ai e akuzoi Hamasin për shkelje të armëpushimit të ndërmjetësuar nga Shtetet e Bashkuara.

“Pas konsultimeve rreth sigurisë, kryeministri Netanyahu udhëzoi ushtrinë që menjëherë të kryejë sulme të fuqishme në Rripin e Gazës”, tha zyra e Netanyahut pa dhënë hollësi të tjera.

Ky zhvillim vjen pasi Hamas dërgoi në Izrael mbetje të të njëjtit trup.

Armëpushimi mes Izraelit dhe Hamasit – i ndërmjetësuar nga SHBA – hyri në fuqi më 10 tetor, por të dyja palët kanë akuzuar njëra-tjetrën për shkelje.