Paga minimale, Hekuran Murati del me njoftim të ri

Ministri në detyrë i Financave, Hekuran Murati, ka reaguar ndaj disa portaleve dhe analistëve që, sipas tij, kanë keqinterpretuar një deklaratë të tij të para tre viteve për pagën minimale.

Murati ka theksuar se nuk ekziston asnjë kundërthënie mes qëndrimit të tij të atëhershëm dhe propozimit aktual, pasi kushtet ekonomike kanë ndryshuar ndjeshëm. Ai ka sqaruar se në vitin 2021 kërkesa për pagë minimale 500 euro ishte e papërballueshme dhe mbi pagën mesatare të tregut, ndërsa sot propozimi për rritjen graduale – nga 350 në 425 e më pas në 500 euro deri në vitin 2026 – është i arsyeshëm, i qëndrueshëm dhe në përputhje me fuqinë aktuale të ekonomisë, përcjell “Bota sot”.

Postimi i plotë

Disa analistë e portale qenkan ngazëllyer se paskan gjetur një deklaratë timen të para 3 viteve ku them se nuk mund të propozohet pagë minimale 500 euro, sepse kjo është kapërcim i papërballueshëm dhe në shpërputhje me tregun. Dhe përmes kësaj qenkan munduar të gjejnë kundërthënie me propozimin e tanishëm për pagë minimale prej 500 euro në vitin 2026.

Normalisht që edhe kësaj here ia kanë huqur, sikurse çdo herë.

Ajo çfarë po harrojnë ta përmendin këta është se kur nga disa deputetë kërkohej që paga minimale të bëhej 500 euro para 3 viteve, paga minimale në fuqi ishte 170 euro, ndërsa paga mesatare e publikuar nga Agjencia e Statistikave ishte ajo e vitit 2021 në nivel prej 484 euro.

Pra atëherë kërkohej të caktohej një pagë minimale që ishte më e lartë sesa vetë paga mesatare (500 vs 484), që përbënte shkarje logjike, dhe që ishte 3-fish më lartë sesa ajo ekzistuesja, gjë që do të përbënte kapërcim të papërballueshëm për bizneset.

Kurse tash kur ne kemi propozuar pagën minimale prej 500 euro, të zbatueshme në dy faza, paga mesatare është 639 euro, ndërsa rritja nga niveli aktual prej 350 euro fillimisht në 425 euro paraqet rritje prej 21%, dhe faza tjetër nga 425 në 500 paraqet rritje prej 17%.

Pra propozimi i tashëm nuk është shkarje logjike sepse nuk është mbi pagën mesatare (500 vs 639), dhe se rritja është graduale nga 350 në 425 e pastaj në 500, e jo 3-fishim përnjëherë.

Djali e rrah nënën, e bën për spital

Një rast i dhunës në familje ka ndodhur mëngjesin e së shtunës në Malishevë.

Atje, dyshohet se një person (mashkull) ka ushtruar dhunë psikike dhe fizike ndaj nënës së tij.

Sipas raportit 24 orësh të policisë, viktima ka pranuar tretman mjekësor, transmeton Klankosova.tv.

Me vendim të prokurorit i dyshuari është dërguar në mbajtje.

Për rastin kanë filluar hetimet dhe po cilësohet si “Dhunë në familje”.

Vrasja e djeshme në Drenas, IPK suspendon dy policë, kjo është arsyeja

Inspektorati Policor i Kosovës ka suspenduar dy zyrtarë policorë të stacionit në Drenas të cilët dyshohet se kanë treguar neglizhencë gjatë realizimit të detyrës, shkruan Reporteri.net.

Rasti ka të bëjë me vrasjen mesditen e së shtunës në fshatin Fushticë e Poshtme në Drenas.

“Inspektorati Policor i Kosovës i ka rekomanduar Policisë së Kosovës suspendimin e dy zyrtarëve policorë të Stacionit Policor në Drenas. Hetuesit e IPK-së kanë filluar të ndërmarrin veprime fillestare hetimore me autorizim të Prokurorisë Themelore në Prishtinë. Nga të dhënat e mbledhura deri më tani gjatë hetimeve të IPK-së dyshohet se zyrtarët policorë kanë treguar neglizhencë gjatë realizimit të detyrës zyrtare dhe ndërmarrjes së veprimeve lidhur me një vrasje që është raportuar dje në orët e pasdites në fshatin Fushticë e Poshtme të Drenasit”, thuhet në komunikatë.

“Bazuar në hetimet fillestare dhe në autorizimet ligjore të IPK-së, me qëllim të ruajtjes së integritetit të procesit hetimor dhe parandalimit të ndonjë ndikimi të mundshëm në prova apo dëshmitarë , është rekomanduar suspendimi i zyrtarëve në fjalë”.

Policia përmes raportit 24 orësh sot bëri të ditur se i dyshuari për vrasjen tashmë është arrestuar. Madje policia kishte sekuestruar një pistoletë, një fishekë dhe një gëzhojë.

“Është arrestuar i dyshuari mashkull kosovar, nën dyshimin se kishte qëlluar me armë zjarri për vdekje viktimën mashkull kosovar. Është sekuestruar pistoleta, një gëzhojë dhe një fishek. Me vendim të prokurorit i dyshuari është dërguar në mbajtje, ndërsa trupi i pa jetë i viktimës është dërguar në IML për obduksion”, thuhej në raportin e policisë.

AAK dhe LDK bëhen bashkë kundër Vetëvendosjes – beteja e madhe në këtë komunë

Ardian Gjini i AAK-së ka arritur marrëveshje me Shefqet Shehun e LDK-së për balotazhin që zhvillohet sot një javë.

Gjini ka konfirmuar për IndeksOnline se ka një dakordim për të bashkëpunuar me LDK-në dega në Gjakovë për të ecur përpara bashkërisht.

Detajet ka thënë se do t’i shpalosin ditëve në vijim.

Kujtojmë se kryetari aktual i Gjakovës ndodhet në balotazh me Ardian Golën e Vetëvendosjes.

Policia e Kosovës arreston një zyrtar policisë serbe, u kap…

Policia ka njoftuar se në pikëkalimin kufitar në Jarinje është arrestuar një pjesëtar i policisë së Serbisë.

Në veturën e tij janë gjetur dhe konfiskuar 51 fishekë, 9 mijë e 900 euro, 26 mije dinarë serbë.

Ai është dërguar në mbajtje.

“IMPORTI, EKSPORTI, FURNIZIMI, TRANSPORTI, PRODHIMI, KËMBIMI, NDËRMJETËSIMI OSE SHITJA E PAAUTORIZUAR E ARMËVE APO MATERIALEVE PLASËSE- PKK Jarinje / 01.11.2025 – 10:02. Në vendkalimin kufitar në hyrje është arrestuar i dyshuari mashkull kosovar pjesëtar i policisë së Serbisë, për shkak se në veturën me targa të Beogradit të cilën ishte duke e drejtuar gjatë kontrollit në bagazhi janë gjetur dhe konfiskuar 51 fishek, 9.900 euro para të gatshme dhe 26.000 dinar serb. Nga i dyshuari janë sekuestruar dokumente personale si kartela e identifikimit së bashku me distinktivin e policisë së Serbisë, kartelën e sindikatës së policisë serbe, letërnjoftimi i Serbisë dhe Kosovës, pasaporta e Serbisë, një palë spaleta të uniformës, një palë dorëza dhe një USB. Me vendim të prokurorit i dyshuari është dërguar në mbajtje. Rasti është duke u hetuar.”

S’ia doli të mbijetojë plagëve: Ky është personi që vdiq pasi u qëllua me armë

Gazeta Sinjali ka raportuar për një ngjarje të rëndë që ka tronditur pasditen e së shtunës fshatin Fushticë të Poshtme në Gllogoc, ku një person ka humbur jetën pasi është qëlluar me armë zjarri.

Siç raportoi Sinjali, rasti ka ndodhur rreth orës 13:35 në garazhin e oborrit të shtëpisë së viktimës, një 68-vjeçar, është gjetur pa shenja jete dhe është dërguar në QMF-Komoran, ku mjekët kanë konstatuar vdekjen e tij.

Sinjali mëson se viktima është Ragip Shala.

Po ashtu, në vendin e ngjarjes kanë dalë njësitet e hetimeve, forenzika dhe prokurori kujdestar. Gjatë ekzaminimit janë sekuestruar një fishek, një gëzhojë dhe një armë zjarri e llojit ZORAKI 917-T, e cila ishte gjetur në një shtëpi afër vendbanimit të viktimës.

Sinjali po ashtu, raportoi ekskluzivisht se për këtë ngjarje të rëndë është arrestuar i dyshuari, i cili është identifikuar si Vehbi Plakaj, 76-vjeçar, i cili në prani të avokatit mbrojtës ka pranuar kryerjen e veprës.

Sipas të dhënave fillestare, Prokuroria Themelore ka iniciuar rastin si “Vrasje” me elemente të mundshme të manipulimit të provave, ndërsa i dyshuari është dërguar në mbajtje për 48 orë.

 

 

Trupi i pajetë i viktimës është dërguar në Institutin e Mjekësisë Ligjore në Prishtinë për obduksion, ndërsa hetimet po vazhdojnë për ndriçimin e plotë të rrethanave të rastit

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.

Ky është 76-vjeçari i dyshuar për vrasjen në Drenas, e qëlloi viktimën në oborrin e shtëpisë

Një ngjarje e rëndë ka tronditur pasditen e së shtunës fshatin Fushticë të Poshtme në Gllogoc, ku një person ka humbur jetën pasi është qëlluar me armë zjarri.

Sipas informacioneve nga strukturat e afërta me hetimin, rasti ka ndodhur rreth orës 13:35 në garazhin e oborrit të shtëpisë së viktimës, R.Sh., 68-vjeçar, i cili është gjetur pa shenja jete dhe është dërguar në QMF-Komoran, ku mjekët kanë konstatuar vdekjen e tij.

Në vendin e ngjarjes kanë dalë njësitet e hetimeve, forenzika dhe prokurori kujdestar. Gjatë ekzaminimit janë sekuestruar një fishek, një gëzhojë dhe një armë zjarri e llojit ZORAKI 917-T, e cila ishte gjetur në një shtëpi afër vendbanimit të viktimës.

Pas veprimeve të para hetimore, është arrestuar i dyshuari Vehbi Plakaj, 76-vjeçar, i cili në prani të avokatit mbrojtës ka pranuar kryerjen e veprës.

Sipas të dhënave fillestare, Prokuroria Themelore ka iniciuar rastin si “Vrasje” me elemente të mundshme të manipulimit të provave, ndërsa i dyshuari është dërguar në mbajtje për 48 orë.

Trupi i pajetë i viktimës është dërguar në Institutin e Mjekësisë Ligjore në Prishtinë për obduksion, ndërsa hetimet po vazhdojnë për ndriçimin e plotë të rrethanave të rastit.

Arrestohet i dyshuari për vrasjen në Drenas

Një person është qëlluar për vdekje mesditen e së shtunës në fshatin Fushticë në Drenas.

Tashmë është arrestuar edhe i dyshuari për rastin.

Policia ka bërë të ditur se i është sekuestruar pistoleta, një gëzhojë dhe një fishek.

Njoftimi:

VRASJE

Fushticë e Poshtme, Gllogoc / 01.11.2025 – 13:35. Është arrestuar i dyshuari mashkull kosovar, nën dyshimin se kishte qëlluar me armë zjarri për vdekje viktimën mashkull kosovar. Është sekuestruar pistoleta, një gëzhojë dhe një fishek. Me vendim të prokurorit i dyshuari është dërguar në mbajtje, ndërsa trupi i pa jetë i viktimës është dërguar në IML për obduksion.

Arrestohet polici i serbisë në Jarinje

Një pjesëtar i policisë së Serbisë, është arrestuar në hyrje të pikës kufitare në Jarinje.

Gjatë kontrollit, në veturën e tij me tabela të Beogradit, janë gjetur dhe konfiskuar 51 fishekë, dhe para të gatshme në vlerë prej 9.900 eurosh si dhe 26 mijë dinarë serb.

Ai po dyshohet për veprën penale “Importi, eksporti, furnizimi, transporti, prodhimi, këmbimi, ndërmjetësimi ose shitja e paautorizuar e armëve apo materialeve plasëse”.

“Nga i dyshuari janë sekuestruar dokumente personale si kartela e identifikimit së bashku me distinktivin e policisë së Serbisë, kartelën e sindikatës së policisë serbe, letërnjoftimi i Serbisë dhe Kosovës, pasaporta e Serbisë, një palë spaleta të uniformës, një palë dorëza dhe një USB. Me vendim të prokurorit i dyshuari është dërguar në mbajtje”, thuhet në njoftimin e policisë.

Lidhur me rastin tashmë kanë nisur edhe hetimet nga organet e rendit.

Raporti i plotë i policisë, pa ndërhyrje:

IMPORTI, EKSPORTI, FURNIZIMI, TRANSPORTI, PRODHIMI, KËMBIMI, NDËRMJETËSIMI OSE SHITJA E PAAUTORIZUAR E ARMËVE APO MATERIALEVE PLASËSE

PKK Jarinje / 01.11.2025 – 10:02. Në vendkalimin kufitar në hyrje është arrestuar i dyshuari mashkull kosovar pjesëtar i policisë së Serbisë, për shkak se në veturën me targa të Beogradit të cilën ishte duke e drejtuar gjatë kontrollit në bagazhi janë gjetur dhe konfiskuar 51 fishek, 9.900 euro para të gatshme dhe 26.000 dinar serb. Nga i dyshuari janë sekuestruar dokumente personale si kartela e identifikimit së bashku me distinktivin e policisë së Serbisë, kartelën e sindikatës së policisë serbe, letërnjoftimi i Serbisë dhe Kosovës, pasaporta e Serbisë, një palë spaleta të uniformës, një palë dorëza dhe një USB. Me vendim të prokurorit i dyshuari është dërguar në mbajtje. Rasti është duke u hetuar.

Zhvillime dramatike në VV – Ky është vendimi i fundit për mandatarin për kryeministër

Gazetari dhe analisti i njohur, Fidan Rama në emisionin “Politiko” ka bërë një deklaratë sa i përket formimit të qeverisë.

Rama tha se posedon informacionin që Glauk Konjufca ka refuzuar të marrë mandatarin për t’u propozuar për kryeministër në Kuvendin e Kosovës, transmeton lajmi.net.

“Çka është informacion ri, po e japi tash, Glauk Konjufca ka refuzu me marrë mandatarin, ani pse i është ofruar”, tha Rama.

VIDEO: