Arbër Rexhaj lavdëron Albin Kurtin: E do Kosovën më shumë se veten

Deputeti i VV-së thekson se përkushtimi i Kurtit për vendin siguron fitore për Kosovën.

Deputeti i Vetëvendosjes, Arbër Rexhaj, ka vlerësuar publikisht udhëheqësin e partisë, Albin Kurti, duke thënë se ai e do Kosovën më shumë se veten. Sipas Rexhajt, kjo pasqyron përkushtimin e Kurtit për të vendosur interesin e vendit mbi interesin personal.

“Prandaj, kështu veç Kosova fiton,” ka theksuar Rexhaj, duke shtuar se vendosmëria e liderit të VV-së garanton përparim dhe stabilitet për qytetarët e vendit. Deklarata e tij vjen në një kohë kur çështjet e zhvillimit dhe politikave qeverisëse janë në fokus të opinionit publik, duke nxjerrë në pah figurën e Kurtit si një lider që prioritizon shtetin mbi gjithçka tjetër.

Pas vdekjes tragjike në Tetovë, babai i Daorsës përcjell mesazhin më të dhimbshëm

Ka reaguar me dhimbje babai i studentes 25-vjeçare, Daorsa Spahija nga Gjakova e cila u gjet e vdekur mbrëmë në Tetovë.

Përmes një postimi me fotografi të së ndjerës, Arbër Spahija shkruan: “Pusho e qetë në Parajsë, dritë e syve të mi”.

E reja do të varroset nesër në varrezat e qytetit të Gjakovës me fillim nga ora 14:00.

Lidhur me rastin, gjatë ditës së sotme Prokuroria Themelore në Tetovë ka njoftuar se janë intensifikuar hetimet dhe do të ndërmerren të gjitha masat deri në zbardhjen e plotë të rastit, ku shtuan se të dhënat e para nuk japin indikacione për vepër penale.

E konfirmon KFOR-i: Xhandarmëria serbe hyri në Kosovë

Misioni i KFOR-it ka konfirmuar se disa pjesëtarë të xhandarmërisë serbe janë futur në territorin e Kosovës në tetor të këtij viti.

Përmes një përgjigje, KFOR-i ka konfirmuar se individë të xhandarmërisë serbe e kanë kaluar Vijën Kufitare Administrative në Metergoc në Podujevë.

Ngjarja kishte ndodhur më 15 tetor të këtij viti.

“Ne jemi në dijeni të kësaj ngjarjeje më 15 tetor. Ne ishim në kontakt me Forcat e Armatosura Serbe. Bazuar në informacionin e tyre, personeli i xhandarmërisë serbe po ndiqte individë të përfshirë në aktivitete të paligjshme të prerjes së pyjeve. Sapo kuptuan se kishin kaluar Vijën Kufitare Administrative (ABL), ata u kthyen menjëherë në anën e Vijës Kufitare Administrative të Serbisë”, thuhet në përgjigjen e KFOR-it për KlanKosovën.

Në rrjetet sociale ka qarkulluar një video ku shihen pjesëtarë të xhandarmërisë serbe në territorin e Kosovës.

Përpos më 15 tetor, anëtarë të xhandarmërisë serbe dyshohet se u futën në Kosovë edhe më 1 nëntor.

Në pikën zero në Leposaviq, xhandarmëria serbe dyshohet se plagosi dhe rrëmbeu shtetasin e Kosovës, Millosh Vukashinoviq.

Publikohen pamjet: Ushtarët serbë hynë në Kosovë

E reja që u gjet e vdekur në Tetovë do të varroset nesër në Gjakovë

Nesër i jepet lamtumira e fundit studentes së mjekësisë Daorsa Spahija, e cila u gjet e vdekur mbrëmë në Tetovë.

Ky medium raporton se e ndjera ishte në “në përfundim të studimeve dhe e gatshme për t’u kthyer në vendin e saj për të dhënë kontribut në shërbim të shëndetësisë”.

Varrimi i të ndjerës do të bëhet nesër (e premte), në orën 14:00, në varrezat e qytetit në Gjakovë.

“Gjysma e zemrës sime sot shkoi me ty…” – postimi prekës i bashkëshortes së Driton Morinës, i cili sot u vra në Malishevë nga dhëndri i tij

Një ngjarje e rëndë ka tronditur sot komunën e Malishevës, ku dy vëllezër kanë mbetur të vrarë nga dhëndri i tyre.

Ngjarja tragjike ka ndodhur pas një konflikti familjar, ku dhëndri, Astrit Isufi nga Sankoci i Drenasit dyshohet se ka shtënë me armë zjarri në drejtim të vëllezërve Driton dhe Naim Morina, duke u marrë jetën atyre në vendngjarje.

Tragjedia ka lënë të shokuar familjarët, të afërmit dhe gjithë qytetarët

Në rrjete sociale, bashkëshortja e Driton Morinës, Arjeta Morina, ka ndarë një mesazh që ka prekur zemrat e shumë njerëzve.

Ajo ka publikuar një fotografi të bashkëshortit të ndjerë, të cilin e ka shoqëruar me fjalët: “Gjysma e zemrës tem shkoi bashkë me ty sot. O jeta jem bre.”

Krasniqi: Kurti i harroi studentët për pesë vite, tani po përpiqet t’i mashtrojë me 100 euro

Kryetari i PDK-së, Memli Krasniqi, ka kritikuar ashpër kryeministrin në detyrë Albin Kurti duke thënë se për pesë vite qeverisje i ka harruar studentët, ndërsa tri ditë para zgjedhjeve ka tentuar “t’i mashtrojë me 100 euro”.

Por Krasniqi thotë se studentët nuk mashtrohen kaq lehtë, “ata bashkë me familjet e tyre që i edukojnë me sakrificë, më 9 nëntor do ta kthejnë përgjigjen e tyre meritore – me dinjitet, me votë dhe me vetëdije!”, shprehet ai.

Reagimi i tij i plotë

Një kryeministër mashtrues që i ka harruar studentët për pesë vite, tani kinse po kujtohet për ta tri ditë para zgjedhjeve – jo për t’i ndihmuar, por duke dashur t’i mashtroj me nga një mesazh propagandistik dhe 100 euro në llogari.

Por studentët nuk mashtrohen kaq lehtë. Ata e dinë se kjo nuk është ndihmë, por hipokrizi me llogari elektorale.

Prandaj, ata, bashkë me familjet e tyre që i edukojnë me sakrificë, më 9 nëntor do ta kthejnë përgjigjen e tyre meritore – me dinjitet, me votë dhe me vetëdije!

Gjyshja që do të futet në Big Brother VIP Kosova ka një kërkesë të veçant për produksionin – e çuditshme

Sezoni i ri i reality shoë-t të shumëpërfolur “Big Brother” pritet të sjellë më shumë diversitet se kurrë më parë, duke përfshirë një përzierje të gjerë të karaktereve, profesionistëve dhe personaliteteve publike që do të bëjnë bashkëjetesën brenda shtëpisë më të famshme në vend edhe më interesante.

Sipas informacioneve të publikuara nga “Kosovarja”, organizatorët e këtij edicioni kanë përgatitur një format të pasur me përmbajtje, ku secili banor do të sjellë një histori, një mënyrë jetese dhe një perspektivë unike, duke premtuar kështu shumë dinamika të reja për publikun.

Një nga emrat që përflitet të jetë pjesë e kastit të ri është Igballe Huduti, një figurë që tashmë ka tërhequr vëmendjen e opinionit publik për personalitetin e saj dhe qëndrimet e qarta që ka shprehur në rrjete sociale dhe media.

Burime të afërta me produksionin bëjnë të ditur se Huduti ka paraqitur një kërkesë të veçantë përpara hyrjes së mundshme në shtëpi.

Ajo raportohet se ka kërkuar të ketë një dhomë të ndarë nga banorët e tjerë, për shkak të bindjeve dhe praktikave të saj fetare, pasi mban mbulesë dhe dëshiron të ruajë privatësinë dhe respektin për vlerat personale që e karakterizojnë.

Kërkesa e saj, sipas burimeve të njëjta, është marrë seriozisht nga produksioni i “Big Brother”, i cili po shqyrton mundësinë e krijimit të një hapësire të përshtatshme që do t’i mundësonte asaj të ndihet rehat dhe e respektuar gjatë qëndrimit në shtëpi.

Ky veprim shihet si një hap i rëndësishëm drejt përfshirjes dhe respektimit të diversitetit kulturor e fetar brenda formatit, i cili gjithmonë ka synuar të përfaqësojë pjesë të ndryshme të shoqërisë në një ambient të përbashkët.

Nëse kjo kërkesë pranohet dhe Huduti bëhet pjesë e zyrtarizuar e “Big Brother”-it, ajo do të jetë një ndër konkurrentet më të veçanta të këtij edicioni, duke sjellë një dimension të ri në mënyrën si perceptohet bashkëjetesa dhe respekti për dallimet individuale.

Një pjesë e publikut e ka përshëndetur këtë nismë, duke e cilësuar si një shembull pozitiv të bashkëjetesës harmonike, ndërsa të tjerë janë kuriozë të shohin se si do të realizohet kjo në praktikë brenda shtëpisë, që dihet për natyrën e saj të hapur dhe sfidat që vendos mes banorëve.

Produksioni i “Big Brother” ka treguar ndër vite se është i gatshëm të përshtatet me rrethana të ndryshme dhe të ruajë balancën mes spektaklit dhe respektit për identitetet personale të pjesëmarrësve.
Kështu, nëse informacionet rezultojnë të sakta, hyrja e Igballe Hudutit do të shënonte një hap të ri për emisionin, duke e bërë këtë sezon jo vetëm më të larmishëm në aspekte sociale dhe kulturore, por edhe më të ndjeshëm ndaj përfshirjes dhe tolerancës.

Ndërkohë, publiku tashmë po pret me padurim zbulimin e plotë të listës së konkurrentëve, ndërsa rrjetet sociale janë mbushur me diskutime, hamendësime dhe komente për personazhet që mund të bëhen pjesë e këtij formati.

Pavarësisht se ende nuk ka një konfirmim zyrtar nga produksioni, fakti që emri i Igballe Hudutit përmendet në këtë kontekst ka ngjallur interes të madh dhe ka shtuar pritshmëritë për një sezon që duket se do të jetë më ndryshe dhe më përfaqësues se kurrë më parë.

E konfirmon VV-ja: Konjufca e bën qeverinë

Albulena Haxhiu, nënkryetare e Kuvendit të Kosovës dhe një prej zërave më të afërt të Albin Kurtit, ka folur në Ditar nga Pandi Gjata në A2 CNN mbi zhvillimet e fundit politike në Prishtinë, duke konfirmuar se mandati për krijimin e qeverisë i është dhënë Glauk Konjufcës, ndërsa ka hedhur akuza të forta ndaj opozitës për bllokimin e institucioneve dhe për urrejtje ndaj Vetëvendosjes e Kurtit personalisht.

“Konjufca është person unifikues, i dytë më i votuari në vend, dhe propozimi ynë ka ardhur për të shmangur një krizë të re politike. Ne kërkojmë votimin e buxhetit dhe një qeveri të përkohshme, para se vendi të shkojë sërish në zgjedhje”, tha Haxhiu, duke theksuar se opozita, sipas saj, po e mban peng shtetin “nga inati me Albin Kurtin”.

Ajo shtoi se “LDK-ja është shkëputur nga elektorati i saj”, ndërsa për Fatmir Limajn tha se negociatat dështuan sepse “kërkoi më shumë se sa ia dha populli”.

Sipas saj, Vetëvendosja nuk pranon pazare për poste, ambasada apo tenderë. Duke folur për mandatin e dytë të Konjufcës, Haxhiu u shpreh optimiste se votat mund të sigurohen, “nëse deputetët do të ishin të lirë nga presionet e kryetarëve të partive”.

Ajo gjithashtu vlerësoi rolin e presidentes Osmani, e cila “ka vepruar në përputhje me Kushtetutën” për të shmangur zgjedhjet e menjëhershme.

Haxhiu foli edhe për çështjen e ish-drejtuesve të UÇK-së në Hagë, duke zbuluar se qeveria ka bërë përpjekje të vazhdueshme për lirimin e tyre nga paraburgimi. “Ne kemi dhënë garanci për kthimin e tyre në Kosovë dhe respektimin e vendimeve të gjykatës. Ata mbahen padrejtësisht, dhe pas përfundimit të dëshmive të prokurorisë nuk ka më asnjë arsye që të qëndrojnë në paraburgim”, theksoi ajo, duke shtuar se “Kosova ka paguar mbi 33 milionë euro për mbrojtjen e tyre”.

Haxhiu tha se përpjekjet e qeverisë janë bërë “në heshtje, sepse puna e mirë bëhet pa zhurmë”, ndërsa akuzat e opozitës i quajti “të pabaza”.

Ajo vlerësoi edhe fitoret e kandidatëve shqiptarë në Maqedoninë e Veriut dhe deklaroi besim të plotë në suksesin e Vetëvendosjes në balotazhin e së dielës, veçanërisht në Prishtinë, Mitrovicë e Prizren.

Specialja i ishte përgjigjur letrës së Kurtit, zbulohet se çfarë i kishte thënë Trëndafilova

Zëdhënësi i Dhomave të Specializuara të Kosovës (DhSK) në Hagë, Michael Doyle ka treguar se letrës së kryeministrit në detyrë, Albin Kurtit i ishte përgjigjur kryetarja e Gjykatës Speciale, Ekaterina Trëndafilova.

Doyle ka thënë se në letrën e saj, Trëndafilova ka thënë se vendimet në rastet gjyqësore- specifikisht për paraburgimet, merren nga gjyqtarët në rastet përkatëse dhe jo nga vetë ajo si kryetare e DhSK-së, raporton “Betimi për Drejtësi“.

“Një letër nga Kryeministër Kurti i është dërguar kryetares në shtator 2022 dhe ajo iu përgjigj kësaj letre. Kryetarja në përgjithësi ka theksuar në përgjigje se DHSK-ja dhe gjykatësit janë të pavarur në punën e tyre dhe se ata po zhvillojnë gjykimet sipas kornizës ligjore të DHSK-së dhe standardeve më të larta të të drejtave të njeriut. Ajo gjithashtu ka theksuar se vendimet në lidhje me paraburgimet merren nga trupat gjykues kompetentë në çdo çështje gjyqësore, dhe jo nga kryetarja”, ka thënë Doyle.

Ndryshe, duke folur për proceset gjyqësore në këtë Gjykatë, Doyle ka treguar se në rastin ndaj ish-krerëve të UÇK-së, gjykimi do të vazhdojë të hënën nga ora 14:00 deri në orën 17:00 duke mos llogaritur 45 minutat vonesë në transmetim.

Sipas Doyles, mbrojtja e Hashim Thaçit, synon që të thërrasë edhe tre dëshmitarë të tjerë në këtë proces. Ndërsa, në pasditen e 18 nëntorit pritet të fillojë dëshminë Wesley Clark i cili është dëshmitari i fundit që kjo mbrojtje synon që ta thërrasë.

Ai tregoi se këtij rasti iu shtua edhe një seancë më 21 nëntor 2025, në mënyrë që Clark të përfundojë me dëshminë e tij.

Veç kësaj, se fundi thuhet se është marrë edhe një vendim ndaj ankesës së mbrojtjes së Prokuroria s’ka nxjerrë me kohë materialet për mbrojtjen. Kërkesa u hodh poshtë pasi nuk u vërtetuan pretendimet e mbrojtjes.

“Trupi Gjykues vuri në dukje se “respektimi i plotë dhe në kohë nga Prokuroria i detyrimit të saj për nxjerrjen e materialeve është element dhe garanci e rëndësishme për drejtësinë e procesit dhe barazinë midis palëve, ZPS-së dhe Mbrojtjes”. Trupi gjykues konstatoi se ZPS-ja nuk i kishte dhënë mbrojtjes njoftim të hollësishëm për disa materiale dhe prova në posedim të saj dhe gjykatësit i kujtuan ZPS-së rëndësinë e përfshirjes së materialeve në njoftimin sipas Rregullës 102 (3). Njëkohësisht, trupi gjykues konstatoi se materialet ishin nxjerrë pa vonesë dhe nuk i kishin shkaktuar dëm mbrojtjes, dhe e hodhi poshtë kërkesën”, tha ai.

E rëndë: Dy vëllezërit Morina u vranë në sy të motrës dhe mbesës së tyre

Detaje të reja kanë dalë në dritë lidhur me vrasjen e dyfishtë që tronditi sot Malishevën.

Klankosova.tv ka mësuar se i dyshuari Astrit Isufi (dhëndër i familjes) u mori jetën vëllezërve Driton dhe Naim Morina, në prani të motrës së tyre.

Burimet kanë treguar për redaksinë se motra e viktimave ka qenë në veturë bashkë me vajzën, kur i dyshuari kreu vrasjen.

“I dyshuari ka ardh me marrë gruan e tij e cila ka qenë tek familja e saj, përkatësisht tek viktimat. Incidenti ka ndodh pasi kanë dalë nga shtëpia dhe janë nis, pas disa metrave i dyshuari është ndalë ka dalë nga vetura dhe e ka kryer veprën ndërkohë që gruaja(motra e viktimave) dhe vajza e tij kanë qenë në veturë”.

Redaksia po ashtu ka mësuar se Astrit Isufi i cili aktualisht gjendet në arrati, është emër i njohur për organet e rendit.

I njëjti i ka qenë i dyshuar për dy vepra penale, ‘Dhunë në familje’ dhe ‘Kanosje’.

Në anën tjetër, lidhur me rastin është deklaruar edhe Prokuroria Themelore në Gjakovë, e cila tha se po ndërmerren të gjitha veprimet e nevojshme me qëllim të lokalizimit dhe arrestimit të personi që vrau vëllezërit në fshatin Gollubovc të Malishevës.