Dështimi i formimit të Qeverisë, reagon Isa Mustafa

Nënkryetari i Lëvizjes Vetëvendosje, Glauk Konjufca, nuk i siguroi votat e nevojshme për të formuar Qeverinë e re të Kosovës. Moszgjedhja e Qeverisë për herë të dytë, bën që të hapet rruga drejt zgjedhjeve të reja.

Ish-kryeministri i Kosovës, Isa Mustafa, në një prononcim për GazetaBlic, thotë se që nga fillimi kur Vetëvendosje doli e para në zgjedhje e që nuk tregoi asnjëherë interesim të konstituojë Kuvendin dhe të formojë qeverinë, është parë se epilogu është zgjedhjet e reja.

Ai gjithashtu kritikoi edhe partitë ish opozitare, të cilat sipas tij nuk arritën të kenë një gjuhë të përbashkët për një zgjedhje të tyre, e cila nuk do të qonte në zgjedhje.

“Që nga fillimi, kur partia e cila doli e para në zgjedhje, e që nuk tregoi asnjëherë interesim të konstituojë Kuvendin dhe të formojë qeverinë, është parë se epilogu është zgjedhjet e reja. Njëjtë është parë edhe nga paritë që më parë ishin në opozitë, të cilat po ashtu asnjëherë nuk arritën të kenë gjuhë të përbashkët për një zgjidhje të tyre, e cila nuk do të qonte në zgjedhje”, vlerësoi ai.

Mustafa u shpreh se salla e Parlamentit është shndërruar në “teatër me shfaqje herë tragjike për shtetin e herë komike për popullistët”, duke i cilësuar veprimet e deputetëve si të papërgjegjshme dhe të padinjitetshme për shumicën e qytetarëve.

“Salla e Parlamentit shërbeu si teatër për shfaqje herë tragjike për shtetin e herë komike për popullistët nga aktorët që morën vota të qytetarëve, jo për vendime në dobi të qytrtarëve. Vlerësoj se ishin shfaqje të papërgjegjshm e të padinjitetshme për shumicën e qytetarëve të Kosovës”, tha ai.

Sipas tij, situata nuk mund të zvarritet më tej dhe vendi duhet të shkojë në zgjedhje menjëhrë “jo nga nesër, por nga sot”.

Ai theksoi se mbetet të shihet nëse qytetarët “do të vazhdojnë të besojnë përrallave populiste apo interesit politik e social të shtetit”

“Prandaj zgjidhje e vetme është që, jo nga nesër por, nga sot të shkojmë në zgjedhje të reja. Efektet nuk mund të parashikohen, nëse akoma do të ketë qytetarë të cilët i duan dhe u besojnë më shumë përrallave populliste sesa interesit politik dhe social të shtetit”, theksoi ai.

Ai tutje thekson se zgjidhja është në përgjegjësinë e çdo votuesi për votën e tij.

“Zgjidhja është në përgjegjësinë e çdo votuesi për votën e tij. Prandaj duhet të sfidohemi me ndërgjegjen tonë, me guximin, me besimin në njëritjetrin por edhe me riskun, si pjese të pandashme të çdo vendimmarrjeje”, përfundoi ai.

Bajrami: Fillimi i fundit politik të Albin Kurtit ka nisur më 9 shkurt

Deputetja e PDK-së, Hykmete Bajrami, ka reaguar pas seancës së sotme të Kuvendit, ku sipas saj u bë i qart mashtrimi dhe përbuzja e vullnetit të qytetarëve nga Albin Kurti që doli i pari në zgjedhjet e fundit dhe mori 48 deputetë.

Edhe pse mungoi në seancë për shkaqe shëndetësore, Bajrami theksoi se ajo që ndodhi në Kuvend vetëm e vërtetoi paralajmërimin e bërë që nga 9 shkurti: se Albin Kurti nuk i ka pasur kurrë numrat për të formuar Qeverinë dhe se vendi ka humbur vite të tëra nën keqqeverisje, korrupsion dhe mashtrim politik.

Postimi i plotë i Bajramit:

Sot nuk isha në seancën e Kuvendit ku u pa qartë mashtrimi dhe përbuzja e vullnetit të qytetarëve nga ai që doli i pari në zgjedhjet e fundit dhe mori 48 deputetë.

Kam munguar sot në Kuvend për shkaqe shëndetësore, të cilat shpresoj t’i kaloj shpejt.Po kthehemi te dita e sotme në Kuvend, kur e ku u pa dhe u vërtetua atë që e kemi thënë nga dita e parë pas zgjedhjeve të 9 shkurtit.

U vërtetua mashtrimi i madh i atij që prej shkurtit ka thënë se i ka numrat për të themeluar Qeverinë; të atij që i ka humbur Kosovës muaj e vite me keqqeverisje, korrupsion, masa ndëshkuese, varfërim të qytetarëve dhe ikje nga vendi si zgjidhja e fundit në përballje me të këqijat e përmendura.

S’kam asnjë dyshim: votuesit do ta ndëshkojnë Vetëvendosjen dhe z. Kurti, që mashtruan dhe abuzuan gjatë me besimin e qytetarëve.Qytetarët do ta ndëshkojnë arrogancën e z. Kurtit, që insistoi dhjetëra herë të votohej një emër i vetëm për kryetare të Parlamentit.Do ta ndëshkojnë z. Kurti dhe Vetëvendosjen që dështuan të lidhin koalicion me cilëndo parti shqiptare për të shmangur zgjedhjet.

Do ta ndëshkojnë edhe humbjen e 15 ditëve të tjera, pasi dështoj të marrë votat për vete për kryeministër duke dalë me mandatar z. Konjufca për kryeministër ku paraprakisht dihej se po e bënte t’i humbte edhe 15 ditë tjera.

E sot na flisnin për humbje të kohës, humbje finanaciare!Thënë troç kjo kastë politike ja humbi Kosovës plotë 5 vjet, por fituan shumë ata dhe rrethi i tyre, fituan nga keqpërdorimi i të gjitha resurseve shtetërore në kurriz të qytetarëve për të cilat një ditë do të japin përgjegjësi.

Albin Kurti dhe Lëvizja Vetëvendosje do të mbahen mend si pushteti i pazareve dhe korrupsionit në energji, si pushteti që rriti çmimet e çdo produkti bazë, që nuk mbajti asnjë premtim – asnjë të vetëm, që nuk përfundoi asnjë rrugë lokale a rajonale, që rrënoi ekonominë, arsimin dhe shëndetësinë; si pushteti që u përpoq të blinte vota me skema të korrupsionit publik.

Fillimi i fundit politik të Albin Kurtit ka nisur më 9 shkurt. Vula e këtij fundi do të jetë dita e zgjedhjeve të reja.

Vendim i rëndësishëm: Prokuroria dhe Mbrojtja vendosin datën vendimtare për krerët e UÇK-së

Prokuroria dhe Mbrojtja e krerëve të UÇK-së kanë theksuar se duan që dosjet përfundimtare të dorëzohen deri më 30 janar.

“Siç kemi parashikuar është kërkuar afat 30 janar 2026. Kjo kërkesë është e arsyeshme, gjatë gjithë procesit gjyqësor janë pranuar provat e zgjidhur problemet, duke pasur parasysh se palët do të bëjnë parashtrime në përfundim të procesit. Dosjet përfundimtare na japin këtë mundësi. Duhet parashikuar një kohë e konsiderueshme për përpunimin e dosjeve përfundimtare gjyqësore”, tha prokurori Pache.

Me këtë deklaratë të prokurorit, u pajtuan edhe avokatët.

Si rezultat, u theksua se fjalët finale do të mbahen 45 ditë pas dorëzimit të dosjeve finale.

I bie që fjalët finale të thuhen deri në mars.

“Kjo është paraprake, sa i takon deklaratave përmbyllëse është 20 ditë pas dosjes përfudimtare, duke pasur parasysh kompleksitetin e çështjes, nëse ka pasur apo ajo përgjigje me shkrim, propozojmë që deklaratat përmbyllëse t’i mbajmë jo më vonë se 45 ditë nga dorëzimi i dosjet përfundimtare”, tha Pache më tutje.

Njëjtë u shpreh edhe avokati Misetiq.

“Prioriteti duhet të jetë dorëzimi i dosjes përfundimtare. Do të kërkojmë një seancë të plotë për mbrojtjen e Thaçit për të paraqitur parashtrimet e fundit përfundimtare”, tha Misetiq.

Përplasje në shkallët e Kuvendit, Haxhiu ‘përballet’ me Uranin: Çfarë kryetar komune ti

Ish-ministrja e Drejtësisë, Albulena Haxhiu, duket se tashmë është aktivizuar për fushatë kundër partive ish-opozitare, pas dështimit të emrit të Glauk Konjufcës si i mandatuar i dytë nga presidentja.

Pasi ka fotografuar deputetët e PDK-së dhe ata të Listës Serbe brenda sallës së Kuvedit të Kosovës në momentin kur kanë votuar kundër Konjfucës, Haxhiu ka shkuar edhe një hap më tej, duke u përplasur me Uran Ismailin në shkallët e Kuvendit.

Pasi kanë dalë nga seanca, Haxhiu e Ismaili dëgjohen teksa shkëmbejnë fjalë me njëri-tjetrin.

“Ani kryetar komune, po çfarë kryetari komunës ti”, dëgjohet teksa i thotë Haxhiu-Ismailit.

Haxhiu publikon fotografi të deputetëve të PDK-së dhe Listës Serbe gjatë votimit: Në harmoni të plotë

Deputetja e Kuvendit të Kosovës ka reaguar pasi Glauk Konjufca dështoi të zgjidhet Kryeministër. Sikurse Albin Kurti, Konjufca mori vetëm 56 vota për e s’ishte as afër atyre mininmale që u duheshin.

Pas kësaj Albulena Haxhiu si nënkryetare e Kuvendit publikoi një fotografi nga momenti i votimit, të deputetëve të PDK-së dhe të Listës Serbe që votuan kundër Konjufcës.

Haxhiu krahas fotografisë ka shkruar “në harmoni të plotë”.

“Shumë afër i ke robtë e tu, hynju ren”, Zemaj ‘kapet’ me një komentues

Deputeti Armend Zemaj komentoi në rrjetin social “Facebook”, dështimin e krijimit të Qeverisë Konjufca, shkruan Demos.

Teksa një komentues i shkoi Zemajt se “Kena me ti q* robt në zgjedhje as pragun s’keni me e kalu”.

Zemaj iu kundërpërgjigj ashpër komentuesit.

PAMJE:

Kosova ngjitet edhe për katër pozita në ranglistën e FIFA-s

Rritja e Kosovës është konfirmuar edhe në ranglistën e re të FIFA-s të publikuar të mërkurën. Kosova me renditjen e re të FIFA-s tani zë pozitën e 80-të, katër pozita më lartë se që ishte në renditjen e publikuar më 17 tetor.

Vendi i 84-t ishte historik në muajin e kaluar. Tjetër histori në renditje në renditjen e FIFA-s është shkruar të mërkurën dhe kjo është arritur pas suksesit historik nga Kosova. Në ndeshjet e fundit të muajit nëntor, Kosova fitoi në udhëtim te Sllovenia me rezultatin 2:0 në stadiumin “Stozhice” në Lubjanë më 15 nëntor, kurse më 18 nëntor, barazoi 1:1 me Zvicrën.

Kosova Grupin B kualifikues të Botërorit 2026 në Kanada, Meksikë dhe SHBA e mbylli në pozitën e dytë me 11 pikë, duke lënë prapa Slloveninë me katër pikë dhe Suedinë me dy pikë.

Zvicra e fitoi grupin me 14 pikë. Shqipëria është ngjitur për pesë pozita në këtë muaj në ranglistën e re të publikuar nga shtëpia botërore e futbollit. Shqipëria tani është në pozitën e 61-të. Shqipëria e pati një fitore 1:0 në udhëtim tek Andorra më 13 nëntor, ndërsa më 16 nëntor në “Air Albania” në Tiranë, u mposht 2:0 nga Anglia.

Si Kosova ashtu edhe Shqipëria kanë avancuar në plejofin e Botërorit 2026 dhe është sukses historik, pasi më parë nuk është arritur një arritje e tillë. Të enjten, Kosova dhe Shqipëria, që janë në vazon e tretë, do të mësojnë kundërshtarët e plejofit të Botërorit të vitit të ardhshëm.

Ndeshjet gjysmëfinale të plejofit luhen më 26 mars, ndërsa finalet luhen më 31 mars.

Abdixhiku krahason Kurtin me Don Kishotin: Jeton në realitet paralel

Kryetari i Lidhjes Demokratike të Kosovës, Lumir Abdixhiku e ka quajtur Albin Kurtin, Don Kishot, e ku tha se ai pret tension, përplasje e konflikt.

Ai ka thënë se seanca e sotme është për elektoral e jo për zgjidhje.

“Dua t’i drejtohem kësaj salle me një pamje shumë të thjesht por ironikisht e fatkeqësisht shumë domethënëse për realitetin politike të Kosovë atë të Don Kishtotit, jo si figurë e letërsisë por si një metaforë politike sepse për fat të keq shteti ynë, shoqëria e republika jonë ka një kohë që po udhëhiqet  jo nga arsyeja por nga një realitet paralel që e sheh vetëm një njeri politik në vend, Albin Kurtin. Për ju të pushtetit që bërtisni teksa flasim ne këtu që leximin nuk e keni pasur as dëshirë e as qëllim, e duket e as obligim, Don Kishoti ëshë një nga personazhet më të famshme të letërsisë botërore, një figurë komplekse, idealiste, tragjike, shpeshherë e thellësisht komike. Pra, një figurë tragjikomike. Sikur Don Kishoti edhe Albin Kurti i Vetëvendosjes zgjohet çdo ditë në një botë që e ka krijuar vetë, dhe në atë botë Albin Kurti i Vetëvendosjes sheh dhe krijojnë vec kundërshtarë. Kundërshtarë që duan ta kthejnë Serbinë në Kosovë. Edhe ty gjeneral Hadërgjonaj, edhe ty Ramush, Fatmir e juve burra e gra që keni lufut për lirinë e Kosovës, pra gjithë ju e ne duhet ta kthejnë realitetin e Albin Kurti Serbinë në Kosovës. Kundërshtarët që duan ta bllokojnë Kosovën, vendin tonë, vendin kur prej dallim prej teje ne fëmijët i rrisim këtu”, tha ai.

Dështon edhe Konjufca, nuk i ka numrat për Qeveri – u hapet rrugë zgjedhjeve të reja

Kuvendi i Kosovës ka dështuar ta votojë Qeverinë e re në krye me Glauk Konjufcën, si mandatar i dytë nga VV.

Pro ishin vetëm 56 vota, 53 kundër dhe katër abstenime, teksa të nevojshme për formimin e Qeverisë janë 61, shkruan Reporteri.net.

Pas dështimit edhe të mandatarit të dytë, u hapet rrugë zgjedhjeve të reja.

Kryeparlamentari Dimal Basha i mbylli punimet e seancës.

Çfarë po paralajmëron Haradinaj pak para votimit të Qeverisë Konjufca

Kryetari i AAK-së, Ramush Haradinaj ka thënë se Glauk Konjufca si mandatar i dytë për kryeministër duhet të kërkoj falje që i vonoi qytetarët edhe për dy javë.

Ai tha se sot është dita e kthesës.

“Besoj që sot është dita e kthesës dhe nga sot fillon me numëru koha ndryshu, dhe jam optimist se zgjidhja do të jenë zgjedhjet dhe nuk duhet të humbasim kohë. U kërkoj falje qytetarëve të vendit, e sidomos atyre që janë prekë më shumë. Kemi qenë çdoherë në kërkim të zgjidhjes në kohë por ka qenë e pamundur  të arrihet një zgjidhje e duhur pa ata që kishin fituar një shumicë më të madhe të votave”, theksoi Haradinaj teksa u përgjigj edhe në atë nëse dikush nga AAK do ta votojë Konjufcën e pa çka tha se Aleanca i ka të qëndrueshme qëndrimet e veta.