Kurti: Rritja mesatare ekonomike 6%, prandaj s’ka protesta të qytetarëve, por vetëm ankesa të opozitarëve

Kryeministri në detyrë, Albin Kurti në seancën për buxhetin dhe marrëveshjet ndërkombëtare, ku nuk po marrin pjesë partitë tjera përveç VV-së, në fjalën e tij tha se janë katër Komisione parlamentare që janë të përhershme dhe janë kyçe për situatat e zakonshme apo jo të zakonshme, shkruan Reporteri.net.

Ai tha se gjendja tani është esenciale për Republikën e që temat esenciale përkojnë pikërisht me fushëveprimtarinë e këtyre Komisioneve, Buxheti për 2026, për RTk, për 2025 për Komunat, Plani i rritjes së BE-së dhe marrëveshjet ndërkombëtare me Bankën Botërore”.

Kryeministri në detyrë tha se buxheti për vitin 2025 është më i madhi ndonjëherë, ndërsa këtu përmendi shtesat për fëmijët e lehonat, pensionet si dhe pagën e 13, ndërsa shtoi se sa i përket RTK-së përgjegjës për financimin e këtij institucioni është Kuvendi si themelues i tij, dhe se qeveria ka dhënë një herë një “over draft” për RTK dhe nuk mund të jam një të tillë mbi të.

“Buxheti për vitin 2026 më i madhi ndonjëherë, në vlerë katër miliardë euro. Risi është dhënia e pagës së 13 për sektorin publik. Gjithashtu është i përfshirë edhe zbatimi i rritjes së pagës bazë me 0.5% për çdo vit pune. Buxheti që kemi sjell në Kuvend për 2026 përfshin edhe rritjen e pensioneve, shtesave për lehona, fëmijë, pagesa për të ri dhe gra në Super Puna,e shumë mbështetje tjera për familjet anë e mbanë Kosovës. Me këtë buxhet rritet mbështetja për barna esenciale dhe për Kulturën e Sportin, për bujqit dhe investime në infrastrukturë publike. Sigurohet qëndrueshmëria e shtetit dhe e zhvillimit të tij”, tha Kurti.

“RTK është në rend dite, është institucion publik i themeluar nga Kuvendi dhe Kuvendi është përgjegjës për financim. Buxheti për RTK nuk varet nga Qeveria. Interaksioni i vetëm i RTK është me Kuvendin. Te rasti i RTK kemi lidhje direkte të Komisionit për Buxhet me therasin e shtetit që ndodhet në kuadër të MF. Pra as nuk ka propozim e as miratim nga Qeveria. Krejt çka bëhet është brenda Kuvendit duke themeluar Komisionin për Buxhet”

“Nëse opozita paska brenda për qeverinë në detyrë kjo nuk ekziston për RTK-në pasi financimi nuk ka të bëjë me qeverinë”.

“Në gusht të këtij viti, në mungesë ne si qeveri morëm vendimin për zgjidhje të përkohshme, një “over draft”, e cila do të mbulonte nevojat deri në konstituimin e Kuvendit. Por tash Kuvendi është i konstitutuar dhe uk ka arsye të refuuzohet miratimi i buxhetit, ndërsa qeveria e ka të pamundur të pfrojë over draft mbi over draftin, kur vet Kuvendi refuzon të alokojë buxhetin”, tha Kurti.

Në fund, Kryeministri në detyrë para deputetëve të partisë që ai drejton, që janë dhe të vetmit në sallën e Kuvendit bashkë me atë të partisë “Guxo”, tha se në Kosovë nuk ka krizë ekonomike. Ai tha se rritja ekonomike mesatare është 6% dhe prandaj nuk ka protesta të qytetarëve siç tha ai, por vetëm ankesa të opozitarëve.

“Buxheti i vitit 2026 që ka propozuar Qeveria që është miratuar në mbledhjen tonë është i rëndësishem, pasi duhet që janari t’i gjejë të gjithë me paga e me rritje. Në Kosovë nuk ka krizë ekonomike, rritja ekonomike në çerekun e dytë sivjet ka qenë 4.58% të bruto produkttit vendor. Në këto katër vite sa isha KM e tash edhe sa jam në detyrë, asnjëherë rritja ekonomike ska qenë nën 4%, rritja mesatare ekonomike është 6%, ndaj s’ka protesta të qytetarëve, por vetëm ankesa të opozitarëve. Në Kosovë nuk ka krizë ekonoimike. Rrezikojmë të kemi krizë sociale nga kriza buxhetore për shkak të përdormeve të procedurave. Le të jemi në nivel përgjegjësisë që kemi si përfaqësues të popullit”, tha Kurti.

Haradinaj i reagon Vetëvendosjes: Ligjin dhe Kushtetutën e keni bërë leckë, shtetin e keni bërë lodër

Deputeti i AAK-së, Daut Haradinaj ka reaguar ndaj Vetëvendosjes duke akuzuar se po mblidhen në seancë për të votuar buxhet e marrëveshje me qëllim mbulimin e dështimeve politike.

Haradinaj, është shprehur se LVV, për katër vite “kanë bërë leckë ligjin dhe Kushtetutën”.

“Deri më sot, mbi 613 milionë euro janë pezulluar për Kosovën si pasojë e masave ndëshkuese të BE-së, fonde nga IPA dhe Korniza e Investimeve për Ballkanin Perëndimor (ËBIF), të cilat u shkaktuan nga veprimet e Qeverisë Kurti. Raportet me Amerikën, në pikën më të ulët.

Tani, të njëjtit që kanë vepruar jashtëligjshëm dhe kanë uzurpuar institucionet, me qëllim të mbulimit të dështimeve politike e qeverisëse, bëjnë thirrje që sërish, po aq jashtëligjshëm dhe kundër rendit kushtetues, të mblidhen e të votojnë buxhet e marrëveshje “në emër të interesave të Kosovës””, shkroi ai mes tjerash.

Postimi i plotë:

Deri më sot, mbi 613 milionë euro janë pezulluar për Kosovën si pasojë e masave ndëshkuese të BE-së, fonde nga IPA dhe Korniza e Investimeve për Ballkanin Perëndimor (ËBIF), të cilat u shkaktuan nga veprimet e Qeverisë Kurti. Raportet me Amerikën, në pikën më të ulët.

Tani, të njëjtit që kanë vepruar jashtëligjshëm dhe kanë uzurpuar institucionet, me qëllim të mbulimit të dështimeve politike e qeverisëse, bëjnë thirrje që sërish, po aq jashtëligjshëm dhe kundër rendit kushtetues, të mblidhen e të votojnë buxhet e marrëveshje “në emër të interesave të Kosovës”.

Por ku ka interes më madhor për Republikën e Kosovës sesa respektimi i ligjit dhe i Kushtetutës nga vetë “bartësit” e institucioneve?

Ku ka interes më madhor për Kosovën sesa mirëmbajtja, forcimi dhe avancimi i raporteve me SHBA-në, BE-në, aleatët tanë strategjikë?

Ligjin dhe Kushtetutën e keni bërë leckë, shtetin e keni bërë lodër, hipokrita.

Zemaj: Seanca sotme është në kundërshtim me rendin kushtetues, pjesë e lojërave politike të VV-së

Deputeti i LDK-së, Armend Zemaj ka thënë se seanca e sotme është në kundërshtim me rendin kushtetues, duke konfirmuar se LDK-ja nuk do të marrë pjesë.

Zemaj ka thënë se kjo seancë është pjesë e lojërave politike të VV-së.

“Sot po provohet ta quajmë treni i fundit, një seancë plotësisht në kundërshtim me rendin kushtetues vetëm që Kurti dhe VV-ja të zhveshet nga përgjegjësia e dështimit të saj. Kanë përfshirë projektbuxhetin, marrëveshje ndërkombëtare që kërkojnë proces të mirëfilltë e jo improvizime. LDK nuk merr pjesë në një proces kaq të papërgjegjshëm. VV-ja po tenton të përdorë institucionet si instrument i lojërave të tyre politike. E njëjta logjikë u pa edhe me mandatarin”, tha Zemaj.

Në seancë ka konfirmuar se nuk do të marrin pjesë as PDK, AAK dhe Nisma. /Reporteri.net/

Predhë anti tank dhe uniforma ushtarake serbe- Policia tregon çka gjeti në veri

Policia e Kosovës ka bërë të ditur se në një shtëpi të pabanuar në Jarinjë të Poshtme ka gjetur një predhë anti-tank dhe uniforma me emblema ushtarake serbe.

Përmes raportit ditor të së mërkurës, policia njofton se në lokacion s’ka hasur ndonjë të dyshuar dhe se shtëpia ishte e braktisur, shkruan Insajderi.

Rasti është nën hetime, sipas policisë.

Njoftimi i plotë:

MBAJTJE NË PRONËSI KONTROLL I PAAUTORIZUAR I ARMËS

Fsh. Jarinje e Poshtme 18.11.2025 – 19:30.  Njësiti policor gjatë patrullimit kishte vërejtur se një shtëpi e pabanuar kishte pasur të thyer-dëmtuar derën dhe kur kanë hyrë brenda kanë pa se kishte pas uniforma ushtarake dhe një predhë anti-tank. Njësitë relevante të policisë kanë dalë në vendin e ngjarjes dhe kanë konfiskuar një predhë anti-tank cal. 37 mm modeli M38 dhe uniforma ushtarake me emblema të ushtrisë Serbe si: një këmishë me mëngë të shkurta, dy xhaketa dimërore, një jakne ushtarake dhe një palë pantallona. Në atë lokacion nuk është hasur ndonjë person i dyshuar apo ndonjë dëshmitarë. Lidhur me rastin është informuar prokurori i cili e ka bërë cilësimin e rastit dhe vazhdon të hetohet.

Vjen postimi i parë i Granit Xhakës pas ndeshjes në “Fadil Vokrri”, shqiptarët vërshojnë në komente

Ylli futbollistik i Zvicrës me prejardhje shqiptare, Granit Xhaka së bashku me ekipin e tij helvetik mbrëmë zbritën në stadiumin “Fadil Vokrri” për t’u ballafaquar me Kosovën ndeshjen e fundit të kualifikimeve direkte për Kampionatin Botëror 2026, ndeshje e cila përfundoi me rezultat 1:1, raporton Demos Sport.

Megjithëse i gjithë takimi u përmbyll me një super paraqitje nga të dyja skuadrat, jo gjithçka shkoi ashtu siç pritej.

Vërshëllimet s’ndaluan saherë Xhaka prekte topin. Nga shumkush, ky gjest u pa si frustim nga deklaratat e këtij të fundit.

Pas ndeshjes Xhaka u shpreh i zhgënjyer, duke thënë se kjo pritje në shtëpinë e tij ishte gjëja e fundit që e kishte pritur.

Përkundër pakënaqësisë nga disa tifozë, qindra të tjerë i kanë dhënë përkrahje morale, në postimin e parë në rrjete sociale pas kësaj ndeshje, duke e cilësuar si legjendë e kontributdhënës i madh për Kosovën.

”Kupa e Botës 2026, do të jemi aty. Dhe, mezi po pres”, shkroi Xhaka.

Reagon Ragip Xhaka pas vërshëllimave ndaj Granitit në Prishtinë

Pas barazimit 1-1 mes Kosovës dhe Zvicrës mbrëmë në “Fadil Vokrri”, një prej temave më të diskutuara ka qenë vërshëllimat që një pjesë e tifozëve ia drejtuan kapitenit të Zvicrës, Granit Xhakës. Pas ndeshjes, ka reaguar edhe babai i tij, Ragip Xhaka, i cili ka sqaruar situatën dhe ka treguar se çfarë ka ndodhur në prapaskenë.

Fjalët e Ragip Xhaka:

“Nuk ka pasur asnjë diskutim me Lulin. Ai ka ardhur dhe i ka kërkuar falje Granitit dhe neve për të gjithë ata që kanë fishkëllyer, dhe që ‘Dardanët’ nuk e kanë bërë një gjë të tillë. Por tifozët e tjerë që kanë qenë prezent.”

Turbullirat në kanalin Ibër-Lepenc, këto janë komunat që do mbesin pa ujë

Kompania Rajonale e Ujësjellësit “Prishtina” ka njoftuar mbrëmë vonë se Impianti i Trajtimit të Ujit (ITU) në Shkabaj është nxjerrë jashtë funksionit përkohësisht, si pasojë e turbullirave shumë të larta në kanalin Ibër-Lepenc, të shkaktuara nga reshjet e dendura atmosferike të ditëve të fundit. Këto turbullira e bëjnë të pamundur procesin e trajtimit të ujit, duke ndikuar drejtpërdrejt në furnizim.

Si rezultat, disa zona mbesin pa ujë të pijshëm deri në përmirësimin e parametrave: Fushë Kosova, Drenasi, Obiliqi dhe një pjesë e lagjes Kalabria në Prishtinë

KRU “Prishtina” paralajmëron se reduktime dhe ndërprerje të furnizimit mund të shfaqen edhe në zona të tjera të kryeqytetit.

Nga kompania bëhet e ditur se ekipet janë në terren dhe po monitorojnë situatën në mënyrë të vazhdueshme. Furnizimi me ujë pritet të rikthehet sapo të stabilizohen parametrat në kanalin furnizues.

Mustafa: Ramush Haradinajt duhet t’ia dijë për nder krejt Kosova, e bindi SHBA-në për krijimin e ushtrisë- mua e Thaçin s’na lanë

Ish-kryeministri i Kosovës, Isa Mustafa, ka vlerësuar ish-kryeministrin Ramush Haradinaj për rolin e tij në krijimin e Ushtrisë së Kosovës, duke thënë se Haradinaj arriti të bindte SHBA-në për një proces që, sipas tij, ishte i parealizueshëm gjatë qeverisjes së tij dhe të Hashim Thaçit.

Në një intervistë për ATV, Mustafa deklaroi se “Ramush Haradinajt duhet t’ia di për nder krejt Kosova, as vetë se di si ka arritë t’i bind SHBA-të që të bëhet transformimi në ushtri…. S’kanë dashtë të dëgjojnë SHBA e as NATO që ne ta bëjmë ushtrinë pa ndryshim të Kushtetuës… etj.”

Ai kujtoi se gjatë kohës kur ai dhe Thaçi ishin në pushtet, krijimi i ushtrisë pa ndryshime kushtetuese hasi në kundërshtim të qartë nga aleatët ndërkombëtarë. Mustafa theksoi se pikërisht Haradinaj arriti ta çonte përpara procesin.

“Këtë punë e kreu Ramushi dhe ka merita të veçanta për këtë”, u shpreh ai.

Pas 24 orësh lë shtëpinë një banor i BBVK

Këngëtari Mentor Haziri ka lënë shtëpinë e Big Brother VIP Kosova 4.

Ai ua ka kumtuar këtë vendim banorëve para pak minutave, ku tha se nuk arriti t’i bëjë ballë izolimit.

Këngëtari mori vendimin vetëm 24 orë pasi u fut në shtëpinë më të madhe në Kosovë.

Tashmë ai është përshëndetur me banorët dhe është nisur jashtë shtëpisë.