Prurje e re nga Lumiri, analisti i njohur aderon në LDK

Ermal Sadiku, një prej emrave më të shquar të inxhinierisë, inovacionit dhe sipërmarrjes teknologjike në Kosovë i është bashkuar Lidhjes Demokratike të Kosovës.

Këtë e ka bërë të ditur kreu i kësaj partie, Lumir Abdixhiku, transmeton Klankosova.tv.

“Aderimi i tij në LDK është forcim i ekipit tonë. Ai vjen me profesionalizëm, integritet e përvojë. Ai vjen si një adresë e tashme politike dhe e ardhme e sektorit më me potencial në Kosovë”, ka shkruar Abdixhiku në Facebook.

Postimi i plotë:

Mirë se vjen, Ermal!

Ermal Sadiku, një prej emrave më të shquar të inxhinierisë, inovacionit dhe sipërmarrjes teknologjike në Kosovë, nga sot i bashkohet Lidhjes Demokratike të Kosovës.

I lindur dhe rritur në Prishtinë, Ermal Sadiku që në hapat e parë të karrierës së tij akademike ishte një prej studentëve më të përgatitur të gjeneratës. Studimet e avancuara në Gjermani i dhanë jo vetëm ekspertizë të thellë teknike, por edhe një perspektivë ndërkombëtare mbi inovacionin, standardet moderne të industrisë dhe mënyrat se si ndërtohen ekosistemet e qëndrueshme teknologjike. Pikërisht këto përvoja formësuan vizionin e tij profesional, që sot përbën një vlerë të çmuar për vendin.

Pas kthimit në Kosovë, Ermal Sadiku u bë një nga zërat udhëheqës të transformimit digjital.

Si themelues i disa prej kompanive më të suksesshme të sektorit ICT, ai ka kontribuar drejtpërdrejt në rritjen e industrisë vendore të teknologjisë, duke krijuar vende pune me standarde ndërkombëtare dhe duke dëshmuar se edhe nga Kosova mund të ndërtohen produkte që konkurrojnë denjësisht në tregun global.

Ai ka shërbyer si ligjërues universitar, duke ndarë dije me gjenerata të tëra studentësh. Si kryetar i Bordit të STIKK, ai ka ndikuar në hartimin e politikave dhe strategjive që kanë ndërtuar ekosistemin e sotëm të fortë të teknologjisë në vend. Përmes mentorimit dhe trajnimeve, ai vazhdon të jetë inspirim për qindra të rinj që ëndërrojnë një karrierë në fushën e inovacionit.

Sot, Ermal Sadiku njihet si një prej figurave kryesore të inovacionit dhe sipërmarrjes në Kosovë; një profesionist me vizion, një lider me përvojë dhe një kontribues i palodhur në zhvillimin e digjitalizmit.

Aderimi i tij në LDK është forcim i ekipit tonë. Ai vjen me profesionalizëm, integritet e përvojë. Ai vjen si një adresë e tashme politike dhe e ardhme e sektorit më me potencial në Kosovë.

Ne na udhëheqë besimi në potencialin e të rinjve kosovarë; se ata janë çelësi për të ndërtuar një të ardhme më të mirë; një të ardhme ku Kosova qëndron denjësisht në hartën e inovacionit global.

Ardhja e tij, dhe e shumë të tjerëve që po na bashkohen, është një thirrje e qartë për bashkim të secilit që beson se vendi meriton më shumë; që dëshiron ndryshim dhe angazhohet për të.

Dyert tona janë të hapura.

Mirë se vjen, Ermal Sadiku!

Paç shëndet e përkushtim në këtë rrugëtim të ri.

Reagon vëllai i Shpat Kasapit, jep detaje se si ndodhi ngjarja

Ndarja e parakohshme nga jeta e Shpat Kasapit ka prekur opinionin publik.

Lidhur me këtë rast të rëndë ka reaguar edhe vëllai i këngëtarit, Albini.

Ai ka deklaruar se ndihma e parë mjekësore i është dhënë në banesë, por ai nuk ka arritur të mbijetojë.

Sipas tij, deri tani dyshohet se shkak i vdekjes është bërë një arrest kardiak.

I tronditur dhe i shokuar nga lajmi, Albini tha se po shpresonin që informacioni që u erdhi nga Italia të mos ishte i vërtetë, por për fat të keq vdekja e tij u konfirmua.

I pyetur nëse më parë këngëtari ka pasur probleme shëndetësore, ai u shpreh se Shpati kishte pasur disa shqetësime të vogla në zemër, por jo diçka serioze.

Trupi i tij ndodhet ende në Itali, ndërsa pritet që në vijim të kryhen procedurat për ta sjellë pranë familjarëve.

‘Në krahët e mi ndërrove jetë,’ Selvia reagon për largimin e Shpatit

Selvije Jao, gruaja e këngëtarit të ndjerë Shpat Kasapi, ka reaguar për herë të parë pas vdekjes së tij të papritur.

Përmes një postimi tejet prekës në rrjetet sociale, ajo ka ndarë dhimbjen e saj të thellë, duke postuar një foto të Shpatit duke përqafuar djalin e tyre, Roelin.

Ajo thekson humbjen e madhe, duke shkruar:

“Ndrove jetë në krahët e mi, o jetë… Sa të lumtur ishim që më në fund Roelit po i bëheshin dokumentat në Itali, që të mund ta gëzonim sa më shpejt tek logopedët më të mirë. Sa jemi lodhur, sa jemi stresuar… dhe askush nuk e di!”

“E le Roelin jetim o Shpat… Në kohën kur më së shumti kishte nevojë për ty. Në kohën kur duart e tua i duheshin më shumë se kurrë. Si t’ia shpjegoj Roelit, që babi nuk është më?”

Postimi përmbyllet me një premtim të dhimbshëm dhe një lutje për bashkim të përjetshëm:

“Më thoje gjithmonë se do të më doje deri sa vdekja të na ndante… por ti po më ndave nga unë në krahët e mi, pse ma këpute zemrën kështu, o jetë? Inshallah takohemi në Xhenet…”

Këngëtarja shqiptare publikon bisedën e fundit në “Whatsapp” me Shpat Kasapin

Këngëtarja shqiptare, Poni ka reaguar pas vdekjes së artistit, Shpat Kasapi.

Në Instagram, ajo ka publikuar bisedën e fundit që ka zhvilluar me Shpatin në “Whatsapp”.

Në një postim tjetër ajo ka përshkruar Shpatin si një djalë të çiltër e me zemër të bardhë e shumë njerëzor.

“Lajm i pabesueshëm dhe shumë i trishtë. Ngushëllimet më të sinqerta nënës së tij”, shkruan mes tjerash artistja.

/Reporteri.net/

Vdekja e Shpat Kasapit, Dafina Zeqiri: Nuk mundem me e besu këtë lajm

Këngëtari i njohur, Shpat Kasapi ka ndërruar jetë në moshën 40 vjeçare, siç u raportua pas një sulmi kardiak.

E shokuar nga ky lajm, ka mbetur edhe këngëtarja Dafina Zeqiri.

“Nuk mundem me besu këtë lajm kaq të trishtë … Ti gjithmonë ke qenë i mirë me ne, gjithmonë pozitiv. Kështu do të mbajmë mend, për energjinë tënde të mirë dhe për muzikën e gëzueshme që na dhurove. U prehtë në paqe e Zoti i japtë forcë familje”, thuhet në reagimin e Dafinës.

Ishte në koncert në Bolognia, detaje nga vdekja e papritur e Shpat Kasapit

Zbardhen detaje nga vdekja e papritur e këngëtarit të njohur të muzikës shqiptare Shpat Kasapi.

Mësohet se Kasapi ishte në një koncert në Bologna, teksa nuk u ndje mirë dhe më pas ndërroi jetë. Dyshohet se shkak është bërë ataku në zemër.

Artisti dibran, i cili prej më shumë se dy dekadash ishte një nga emrat më të dashur të skenës shqiptare, nuk ka arritur t’i mbijetojë sulmit kardiak, ndonëse nuk raportohej të kishte pasur probleme të mëparshme shëndetësore.

Shpat Kasapi, i lindur më 1 maj 1985 në Tetovë, u rrit në një familje me origjinë dibrane dhe me traditë muzikore. Që në fillimet e viteve 2000 ai u bë pjesë e skenës muzikore shqiptare, duke fituar popullaritet të madh me stilin e tij modern dhe performancat energjike. Këngë si “A më do?”, “Valle Kosovare”, “Dashni pa limit” dhe “Aroma e saj” u kthyen në hite që e bënë të njohur në gjithë trojet shqiptare.

Gjatë karrierës së tij, Kasapi mori pjesë në festivale të rëndësishme dhe realizoi bashkëpunime që lanë gjurmë te publiku. Ai vazhdoi të ishte aktiv dhe i pranishëm në muzikë, duke ruajtur popullaritetin edhe vitet e fundit.

“Na i theve zemrat vlla”, Ermali reagon i mërzitur pas vdekjes së Shpat Kasapit

Ermal Fejzullahu ka shprehur mërzinë për shuarjen e Shpat Kasapit, kolegut të tij që nga koha e fëmijërisë.

“E filluam karrierën bashkë e shumë kujtime të bukura patëm me të të cilat do t’i ruaj tanë jetën” shkruan Ermali ndër të tjera në mesazhin prekës për Shpatin./Indeksonline/

Zv.kryeministri i Maqedonisë reagon pas vdekjes së Shpat Kasapit

Kryetari i Lëvizjes Demokratike, Izet Mexhiti, ka reaguar pas lajmit të ndarjes nga jeta të këngëtarit të njohur Shpat Kasapi.

Ai e ka cilësuar humbjen e tij një tronditje të madhe për gjithë komunitetin artistik.

“Me dhimbje të thellë morëm lajmin e ndarjes nga jeta të këngëtarit Shpat Kasapi. Ikja e tij e papritur ka lënë një boshllëk të madh te familja, miqtë dhe të gjithë ata që e vlerësonin artin e tij. Shpati la pas një trashëgimi të çmuar artistike dhe kujtime që do të mbeten gjatë në zemrat e publikut. Muzika e tij është një vlerë që nuk shuhet. Në këtë ditë të rëndë, u shprehim ngushëllimet më të sinqerta familjes Kasapi, të afërmve dhe gjithë komunitetit artistik. Qoftë i përjetshëm kujtimi i tij, dhe u prehtë në paqe”.

Reagon e tronditur Arbana Osmani pas lajmit tragjik se Shpat Kasapi ka ndërruar jetë

Lajmi për vdekjen e papritur të këngëtarit të njohur Shpat Kasapi ka tronditur botën e artit dhe publikun shqiptar mëngjesin e sotëm. Artisti nga Tetova u nda nga jeta tragjikisht si pasojë e një ataku kardiak.

Mes reagimeve të shumta të kolegëve dhe miqve, moderatorja Arbana Osmani ka shprehur dhimbjen e saj publike përmes një postimi prekës në rrjetet sociale.

Ajo ka kujtuar bashkëpunimet e hershme me këngëtarin, duke u kthyer pas në kohë në vitet e arta të festivaleve muzikore.

Në postimin e saj, krahas fotos së artistit, Arbana shkruan: “Shume i dhimbsheem lajmi per largimin e parakohshem nga jeta te Shpat Kasapit, me te cilin kam patur fatin te punoj me shume se 20 vite me pare ne Top Fest dhe ta ftoj ne skene me dhjetera here. Faleminderit per muziken, energjine dhe buzeqeshjet e pakursyera qe na ke dhuruar Shpat. U prehsh ne paqe.”

Ky mesazh i ndjerë i moderatores tregon vlerësimin dhe respektin për artistin që la gjurmë në skenën shqiptare me hitet e tij të paharrueshme dhe energjinë pozitive.

Familjarët reagojnë pas vdekjes së Shpat Kasapit

Familjarët e këngëtarit Shpat Kasapi, e kanë konfirmuar lajmin për vdekjen e tij.

Lajmi është konfirmuar përmes një shkrimi në emisionin e mëngjesit në Alsat, 9me11.

Kujtojmë se Shpat Kasapi, ka qenë një ndër zërat me të cilin janë rritur shumë breza./ Alsat.mk