E dhimbshme për familjen Avdiu, këta janë dy personat që vdiqën në Serbi

Një aksident i rëndë trafiku ka ndodhur mëngjesin e sotëm në autostradën Beograd – Nish, si pasojë e të cilit kanë humbur jetën dy persona, shtetas të Maqedonisë së Veriut.

Bëhet e ditur se aksidenti ndodhi pranë daljeve të Umçarit, pasi vetura me targa gjermane, për arsye ende të paqarta, doli nga rruga. Raportohet se shoferi humbi kontrollin mbi mjetin, përplasi gardhin mbrojtës dhe shenjën rrugore pranë autostradës.

Nga automjeti i aksidentuar u nxorën trupat e një burri dhe një gruaje, të cilët u konfirmuan si janë shtetas të Maqedonisë së Veriut.

Burim Jashari, një imam nga RMV, tha se një burrë dhe një grua janë viktimat, ndërsa një tjetër shqiptar ndodhet në gjendje kome.

“Me dhimbje të thellë morëm lajmin për aksidentin tragjik në Beograd, ku humbën jetën  Nazim Avdiu dhe bashkëshortja e vëllait tonë Shkëlzen Avdiu,ndërsa Shkëlzen Avdiu ndodhet në gjendje kome, në gjendje të rëndë shëndetësore”, shkroi ai ndër tjerash në një postim në Facebook

Syla i AAK-së kritikon Luan Krasniqin: Zgjodhi karrierën dhe luksin para pushkës për lirinë e vendit

Kandidati për deputet nga AAK krahason ish-boksierin Luan Krasniqi me kampionin ukrainas Wladimir Klitschko, duke ngritur akuza për mungesë përgjegjësie kombëtare gjatë luftës së Kosovës.

Kandidati për deputet nga Aleanca për Ardhmërinë e Kosovës (AAK), Gazmend Syla, ka reaguar ashpër ndaj deklarimeve dhe qëndrimeve të ish-boksierit Luan Krasniqi, duke e akuzuar për mungesë trimërie në momentet më të vështira për Kosovën.

Në një shkrim publik, Syla shprehet se, ndonëse Krasniqi mund të besojë se “është epoka e Albin Kurtit”, sipas tij kjo është mbi të gjitha “epoka e së vërtetës për Kosovën”. Ai thekson se në këtë të vërtetë historike, Luan Krasniqi do të kujtohet si një kampion i ringut, por jo si pjesëmarrës në luftën për lirinë e vendit.

Syla sjell si krahasim shembullin e kampionit botëror të boksit, Wladimir Klitschko, i cili në kulmin e famës dhe pasurisë veshi uniformën ushtarake për të mbrojtur Ukrainën. Sipas tij, ky veprim rikthen kujtesën në vitet 1998–1999, kur shumë bashkëmoshatarë të Luan Krasniqit lanë jetën në diasporë për t’iu bashkuar Ushtrisë Çlirimtare të Kosovës.

“Në atë kohë, ndërsa shumë të rinj sakrifikonin gjithçka për lirinë, Luani zgjodhi të vazhdonte karrierën sportive nën dritat e sallave luksoze të Evropës”, shkruan Syla, duke shtuar se titujt sportivë humbin vlerën kur vendi dhe populli janë në rrezik.

Sipas kandidatit të AAK-së, patriotizmi i vërtetë nuk matet pas përfundimit të luftës, por në momentin kur “kushtrimi thërret”. Ai përfundon se historia do të bëjë dallimin mes atyre që luftuan për liri dhe atyre që, sipas tij, zgjodhën karrierën, pasurinë dhe famën personale.

Myzhde! Xheneta: “Jam bërë mami”

Xheneta Fetahu, e cila këtë sezon në ekran ka rolin si opinioniste e formatit “Big Talk” në Big Brother VIP Kosova, ka tërhequr vëmendjen e ndjekësve me një postim të fundit tejet të veçantë.

Ish-banorja, e cila tashmë analizon dinamikat e shtëpisë më të famshme në Kosovë, ka lënë për një moment debatet televizive për të ndarë një gëzim personal në Instagram.

Ajo prezantoi “dashurinë” e saj më të re me një mbishkrim që ngjalli menjëherë kuriozitet.

“Jam bërë mami… Përshëndeteni Coco-n” shkruan opinionistja krahas fotos.

Në fakt, bëhet fjalë për një kotele të vogël dhe shumë të lezetshme të racës gri me të bardhë. Me këtë postim, Xheneta tregon anën e saj të butë jashtë studios duke e prezantuar Coco-n e vogël si “fëmijën” e saj më të ri.

Duket se mes angazhimeve të shumta televizive dhe komentimit të lojës së banorëve, Xheneta po gjen qetësinë duke u kujdesur për miqtë me katër putra. /Prive By Liberta Spahiu

Vjen premtimi i madh: “200 euro në muaj për çdo të porsalindur për një vit”

Kryetari i LDK-së, njëherit kandidat për Kryeministër, Lumir Abdixhiku ka theksuar se shteti duhet të jetë i pranishëm në çdo hap të jetës së qytetarët, si partner, shkruan Reporteri.net.

Ai ka premtuar se nën qeverisjen e tij, çdo i porsalindur do të marrë 200 euro në muaj për një vit.

“Me mësim tërëditor, shujta të ngrohta dhe kushte të barabarta në shkolla. Me teknologji, kodim dhe përgatitje reale për të ardhmen. Me trajnim për 40 mijë të rinj dhe punësim të garantuar pas diplomimit”, ka thënë kreu i LDK-së mes tjerash.

Postimi i plotë:

Çdo shoqëri serioze fillon me një pyetje të thjeshtë: çfarë i detyrohet shteti qytetarit të vet? Jo në fund të
jetës, jo vetëm në krizë, por që nga dita e parë.

Ne besojmë se shteti duhet të jetë i pranishëm në çdo hap të jetës së qytetarit; jo si bamirës, por si partner.
Prandaj ky është vizioni ynë!

Kontrata e Jetës me Shtetin.

Ne besojmë në një shtet që nuk shfaqet vetëm në zgjedhje, por ecën me qytetarin në çdo hap të jetës. Që nga lindja, me 200 euro në muaj për çdo të porsalindur për një vit. Me çerdhe publike dhe edukim të hershëm cilësor.

Me mësim tërëditor, shujta të ngrohta dhe kushte të barabarta në shkolla. Me teknologji, kodim dhe përgatitje reale për të ardhmen. Me trajnim për 40 mijë të rinj dhe punësim të garantuar pas diplomimit.

LDK ka plan. Ka ekip. Ka vullnet.
123 është zgjedhja.

Kurti nuk ndalet, premton 1 miliard euro…

Kandidati i Lëvizjes Vetëvendosje për kryeministër, Albin Kurti, ka prezantuar zotimet e tij në fushën e mbrojtjes.

Ai premtoi investim prej të paktën 1 miliard eurosh për ushtrinë e Kosovës.

Gjatë një tubimi elektoral, Kurti ka ndarë edhe pamje të Forcës së Sigurisë së Kosovës, dronëve dhe kapaciteteve ushtarake, duke theksuar synimin për forcimin e mëtejmë të mbrojtjes së vendit.

Ai ka bërë të ditur se në mandatin e ardhshëm planifikohet ndërtimi i fabrikës së municioneve dhe dronëve me prodhim vendor, nën sloganin “Made in Kosova”, si dhe fillimi i programit të rezervës vullnetare.

“Nuk lëshojmë pe për Republikën e sigurt: në mandatin e ardhshëm do të ndajmë të paktën 1 miliard euro për mbrojtje dhe ushtri, do të ndërtojmë fabrikën e municioneve dhe dronëve ‘Made in Kosova’ dhe do ta nisim programin e rezervës vullnetare”, ka shkruar në rrjetin e tij social Facebook, Kurti.

Temperaturat zbresin nën zero: Ja parashikimi i motit për sot në Kosovë

E diela në Kosovë do të sjellë mot të ftohtë dhe me mjegull, përpos zonave me lartësi më të lartë mbidetare ku pritet që të jetë më nxehtë dhe me diell. Në mesdite intervale kohore me diell mund të ketë edhe në rajone tjera.

Temperaturat pritet të luhaten nga -3 minimalja deri në 7 gradë Celsius ajo maksimale.

Në Shqipëri, Maqedoninë e Veriut, Luginë të Preshevës dhe Mal të Zi e diella sjellë mot me intervale kohore me diell, mjegull dhe vranësira lokale. Atmosfera do të jetë tërësisht stabile nën ndikimin e anticiklonit.

Anticikloni që po mbretëron një kohë të gjatë dhe po kushtëzon inverzion të temperaturave që si pasojë ka mjegullën do të dobësohet të hënën, ndërsa të martën mund të kemi shpërbërjen e inverzionit termik dhe mjegulla do të largohet, por në vend të saj pas intervaleve kohore me diell do të vijnë vranësira të mirëfillta nga Mesdheu dhe do të sjellin reshje lokale shiu, fillimisht në Shqipëri, pastaj edhe në Kosovë orëve të pasdites dhe mbrëmjes të së martës. Temperaturat do të shënojnë rritje. Borë vetëm në viset malore.

Të mërkurën parashihet të mbajë mot me vranësira e reshje lokale shiu. Në disa nga viset malore do të ketë reshje shqote e bore./MeteoBallkan

Do mundesh pa mua…?” – Biseda e fundit e Shpat Kasapit me bashkëshorten përlot publikun

Mbrëmja e djeshme shënoi një moment të veçantë në historinë e spektaklit Big Brother VIP Albania, por gjithashtu solli një kujtim të dhimbshëm për një humbje të madhe.

Gjatë Prime-t të parë, publiku u përball me një homazh emocionues për këngëtarin Shpat Kasapi, i cili u nda nga jeta tragjikisht më 26 nëntor, vetëm pak javë para se të hynte në shtëpinë më të famshme të vendit.

Selvija Jao, bashkëshortja e Shpatit, ndau me publikun një bisedë të fundit mes tyre, e cila tani tingëllon si një paralajmërim i hidhur.

Ajo shprehu ndjenjat e saj për mungesën e tij dhe për sfidat që do të përballonte si nënë e vetme për djalin e tyre, Roelin.

“Kur Shpati mendonte të hynte në Big Brother, më pyeti: ‘Do mundesh ta përballosh mungesën time dhe të kujdesesh e vetme për Roelin, derisa unë të jem në Big?” shprehet Selvija, duke theksuar se shqetësimi i tij kryesor ishte familja dhe jo fama.

Selvija e siguroi atë me optimizëm: “Patjetër… do të të kem 24/7 para syve.” Por tani, ajo e kupton se mungesa e tij është më shumë se një distancë fizike; është një boshllëk emocional që nuk mund të mbushet.

Homazhi në Top Channel riktheu dhimbjen e humbjes dhe faktin se të gjitha planet dhe ëndrrat e tyre për Big Brother u shndërruan në një realitet të hidhur.

Selvija pranon se kishte shpresuar se gjithçka do të ishte vetëm një vonesë e gjatë, duke pritur që Shpati të hynte në lojë.

Dhimbja e saj thellohet kur mendon për djalin e tyre, Roelin. Ajo shprehet se zemra i copëtohet çdo ditë, pasi ai e kërkon Shpatin kudo dhe nuk e gjen.

“Roeli rritet pa dorën tënde, dhe unë mësoj çdo ditë të jetoj me një dhimbje që nuk shuhet kurrë,” thotë ajo.

Selvija përfundon mesazhin e saj me fjalët prekëse: “Më mungon më shumë sesa fjalët mund ta mbajnë.”

Kjo shprehje e ndjenjave të saj na kujton se dashuria dhe humbja janë dy anët e një monedhe, dhe se kujtimi i Shpatit do të jetojë gjithmonë në zemrat e atyre që e donin.

Gjykata shpall vendimin për ish-ministrin e arrestuar

Mitrovicasja që u nda nga jeta, kunata e ish-banores së BBA

Një lajm i hidhur ka tronditur sot familjarët dhe miqtë e Edona Brezhnica Krasniqit, e cila është ndarë nga jeta parakohe në një moshë fare të re. E ndjera, me origjinë nga Mitrovica, ka mbyllur sytë përgjithmonë duke lënë pas dhimbje të madhe.

Bazuar në njoftimin mortor të publikuar nga familjarët, Edona ishte vetëm 34 vjeçe (e lindur në vitin 1990). Ajo ka lënë pas bashkëshortin dhe dy fëmijët e saj, Atikun dhe Tuejdën.

Edona ishte familjare e afërt (nusja e vëllait) e Mimoza Krasniqi Walter, ish-banores së njohur të “Big Brother Albania 2”. Mimoza, e cila mbahet mend nga publiku gjakovar dhe mbarë shqiptar për pjesëmarrjen e saj 16 vite më parë në reality show, ka ndarë dhimbjen e saj publikisht përmes rrjeteve sociale.

Përmes disa postimeve në Instagram, Mimoza ka shprehur tronditjen për këtë humbje të papritur, duke e quajtur Edonën “motër”.

“Zemrat na i le të copëtuara, o nusja jonë e hasretit. Ikja jote na la pa fjalë dhe me dhimbje që nuk shërohet. Humbja jote është e rëndë dhe e pamundur për t’u pranuar. U prefsh në paqe, Edona e bukura jonë,” – ka shkruar Mimoza.

Në një tjetër postim, ajo shpreh mosbesimin për largimin e shpejtë të 34-vjeçares:
“Ooo nusja jonë e bukur, ojjj Edonaaaaa motra jeme na la shumë keq bre… nuk muj me besu që na ike kaq shpejt.”

Varrimi i të ndjerës do të bëhet ditën e diel, më datë 21.12.2025, në orën 12:00 në varrezat e qytetit të Gjakovës.

Stafi ynë i shpreh ngushëllime familjes Krasniqi dhe Brezhnica për këtë humbje të madhe. /Prive By Liberta Spahiu

Arrèstohet një ish-pjesëtar i MUP-it serb, zbulohet arsyeja

Ministri në detyrë Xhelal Sveçla thotë se i dyshuari ka bashkëpunuar me strukturat e sigurisë së Serbisë dhe ka qenë i lidhur me veprime terroriste.

Ministri në detyrë i Punëve të Brendshme, Xhelal Sveçla, ka bërë të ditur se sot është arrestuar një person në kuadër të hetimeve për kidnapimin e shtetasit të Kosovës, Milan Vukashinoviq, i cili ndodhi më 1 nëntor 2025 brenda territorit të Kosovës.

Sipas Sveçlës, arrestimi është realizuar në Leshak në një operacion të përbashkët ndërmjet Policisë së Kosovës dhe Agjencisë së Kosovës për Inteligjencë. I arrestuari është V.M., ish-pjesëtar i Ministrisë së Punëve të Brendshme të Serbisë, i cili ishte integruar në Policinë e Kosovës sipas marrëveshjes së vitit 2013, por më pas kishte dhënë dorëheqje.

Autoritetet kosovare dyshojnë se V.M. ka bashkëpunuar dhe ka mbështetur në vazhdimësi strukturat e sigurisë së Serbisë, përfshirë edhe rastin e kidnapimit të Milan Vukashinoviq. Gjatë kidnapimit, viktima ishte plagosur rëndë dhe aktualisht po trajtohet në një spital në Serbi.

Tutje, Sveçla ka bërë të ditur se i dyshuari ka qenë në kontakt të vazhdueshëm me strukturat e inteligjencës dhe ushtrisë së Serbisë, ka përgatitur të rinj serbë për trajnime ushtarake dhe dyshohet se së paku ka pasur dijeni për përgatitjet e sulmit terrorist në Banjskë.

“Në Kosovë askush nuk do të mund t’i ikë drejtësisë. Institucionet tona kanë kapacitetet për të adresuar çdo kërcënim dhe për të zbardhur çdo krim,” ka deklaruar Sveçla, duke shtuar se herët a vonë para drejtësisë do të dalin edhe personat përgjegjës që strehohen në Serbi dhe shfrytëzohen për qëllime politike dhe të sigurisë.