Harrojeni kripën: Ky përbërës nga kuzhina shkrin akullin në sekonda dhe nuk dëmton betonin

Harrojeni kripën që dëmton betonin. Me një përbërës të lirë nga kuzhina, akulli nga shkallët zhduket për sekonda, ndërsa pllakat tuaja mbeten të mbrojtura.

Dimri sjell me vete jo vetëm magjinë e festave, por edhe një problem serioz: ngricat. Shkallët dhe hyrjet e shtëpisë të mbuluara me akull përbëjnë rrezikun më të madh dhe mendimi i parë zakonisht është kripa. Megjithatë, të gjithë e dimë se sa shumë e dëmton kripa betonin dhe pllakat, duke lënë gjurmë që riparohen me vështirësi.

Ekziston një zgjidhje që me shumë gjasë e keni tashmë në dollapin tuaj, e cila është po aq efektive, e lirë dhe plotësisht e sigurt për sipërfaqet tuaja.

Pse duhet shmangur kripa në sipërfaqet e shtëpisë?

Në rrugë dhe në sipërfaqe të asfaltuara, kripa është efektive kundër akullit, por në ambientet e shtëpisë situata është ndryshe. Hyrjet dhe shkallët shpesh janë prej betoni ose të shtruara me pllaka qeramike. Në këto sipërfaqe, kripa e kuzhinës apo ajo industriale mund të jetë jashtëzakonisht agresive. Pas vetëm një dimri, betoni mund të fillojë të shpërbëhet, ndërsa edhe pse pllakat e përballojnë më mirë kripën, fugat janë shumë më të ndjeshme. Kripa depërton në to, duke shkaktuar dëmtime që bëhen të dukshme pas disa sezonesh, transmeton Telegrafi.

Një përbërës për “mrekulli”: sekreti i përzierjes

Fatmirësisht, ekziston një alternativë që mund të jetë po aq efektive.

Përzieni dy litra ujë të ngrohtë, një lugë gjelle detergjent për enë dhe rreth 50 mililitra alkool 70-përqindësh. Përgatitni sasinë e nevojshme të kësaj përzierjeje në raportin e përmendur dhe aplikojeni me kujdes në shkallë. Akulli do të shkrihet shpejt dhe nuk do të formohet ngricë e re. Sigurisht, përpara se të aplikoni përzierjen, hiqni sa më shumë borë dhe akull në mënyrë mekanike.

Nëse nuk i keni të gjithë përbërësit në dispozicion, vetëm detergjenti ose vetëm alkooli i përzier me ujë mund të jenë të dobishëm, por kombinimi i tyre jep rezultatet më të mira.

Mbroni pllakat – dhe veten

Edhe pse kripa është zgjedhja më e shpeshtë, dëmi afatgjatë që ajo u shkakton betonit dhe pllakave tuaja thjesht nuk ia vlen rreziku. Kjo përzierje e thjeshtë e ujit të ngrohtë, detergjentit dhe alkoolit e zgjidh problemin e akullit shpejt dhe me efikasitet, duke mbrojtur njëkohësisht sipërfaqet tuaja.

Gjithmonë hiqni fillimisht borën, aplikoni përzierjen dhe siguroni kalim të sigurt pa shqetësimin e ngricës.

Barcelona – Real Madrid, formacionet zyrtare

Sonte luhet finalja e madhe e Superkupës së Spanjës në futboll.

Dy klubet elitare spanjolle, Barcelona dhe Real Madrid ballafaqohet sonte në Arabinë Saudite, shkruan GazetaBlic Sport.

Barça eliminoi Bilbaon në gjysmëfinale me fitoren e thellë 5-0, kurse Real Madrid fitoi ndaj Atleticos me rezultatin 2-1.

Finalja luhet sonte nga ora 20:00.

Ja formacionet zyrtare:

BARCELONA XI : Joan Garcia; Kounde, Cubarsi, Eric Garcia, Balde; Frenkie de Jong, Pedri, Fermín; Raphinha, Lewandowski, Lamine Yamal.

REAL MADRID XI : Courtois; Valverde, Asencio, Huijsen, Carreras; Tchouameni, Camavinga, Güler, Bellingham; Rodrygo, Vinicius.

Edhe një komunë shtynë fillimin e procesit mësimor

Komuna e Drenasit ka shtyrë rifillimin e procesit mësimor deri të mërkurën si shkak i gjendjes së vështirësuar nga reshjet atmosferike kohëve të fundit në këtë komunë.

Lajmin e ka bërë të ditur kryetari i kësaj komune, Ramiz Lladrovci, i cili ka thënë se vendimi u mor si shkak i rrethanave të krijuara nga bora, ngricat dhe mungesa e ujit, shkruan Insajderi.

“Për shkak të rrethanave të krijuara nga vërshimet, bora, ngricat dhe mungesa e ujit, kam marrë vendim të pezullohet vijimi i mësimit në të gjitha nivelet e arsimit parashkollor e shkollor në komunën e Drenasit, deri të mërkurën, më 14.1.2026”, thuhet ndër të tjera në postimin e Lladrovcit.

Lladrovci, pos tjerash, ka potencuar edhe se kompanitë për angazhimin e largimit të borës nëpër rrugë kanë qenë të angazhuara përgjatë tërë ditës së diel.

Ai ka theksuar edhe mungesën e ujit si problem serioz në disa zona të Drenasit.

“Me gjithë angazhimin e Ujësjellësit dhe vështirësive, të gjithë po e bëjnë të pamundurën për ta rikthyer normalitetin në tërë komunën edhe furnizimin me ujë”.

Tifozët kroatë rrahin tifozët serbë të Cërvena Zvezdës

Në pushimoren kroate, Marsonija, në afërsi të Slavonski Brodit, të shtunën ndodhi një përleshje mes tifozëve kroatë të Dinamo Zagrebit, Bad Blue Boys, dhe atyre serbë të Cërvena Zvezdës “Delije”.

Mediat kroate kanë raportuar që tifozët e Dinamos u dolën në pritë atyre serbë dhe i kanë rrahur ata.

BBB kanë sulmuar nëngrupin e “Delije”, të njohur si “Orthodox Boys”. Ky nëngrup ishte duke udhëtuar drejt Beogradit.

Tifozët zagrebas kanë tentuar të marrin transparentin e tifozëve serbë, por nuk ia dolën. Por u morën veshje të ndryshme.

Musliu: Përçarja e popullit erdhi nga politika e fëlliqur dhe gjuha e urrejtjes

Temperaturat ekstreme, Jasharaj propozon shtyrjen e mësimit në shkolla edhe për disa ditë (VIDEO)

Reshjet e mëdha të shiut dhe vërshimet bëri që të shtyhet gjysmëvjetori i dytë i mësimit në shkollat e Kosovës.

E nesër, pritet që të rinis procesi mësimor, përpos në Fushë Kosovë dhe Malishevë.

Lidhur me gjendjen në emisionin Info Magazine në Klan Kosova, foli kreu i Sindikatës së Bashkuar të Arsimit dhe Shkencës, Rrahman Jasharaj.

Jasharaj tha që më mirë është që mësimi të shtyhet edhe për disa ditë, për shkak të temperaturave tejet të ulëta, dhe problemeve me ngrohjen në disa shkolla.

“Edhe unë besoj që drejtoritë arsimore bashkë edhe me drejtorët e shkollave do ta analizojnë mirë situatën dhe mësimi do të fillojë atëherë kur duhet. Ka informacione se temperaturat do të shkojnë në – shumë gradë dhe një pjesë e shkollave mund të ketë probleme shtesë me ngrohjen”, deklaroi Jasharaj në Klan Kosova.

Komuna e Prishtinës merr vendim lidhur me fillimin e procesit mësimor

Komuna e Prishtinës ka njoftuar se nga dita e nesërme do të rifillojë procesi mësimor në të gjitha shkollat e Kryeqytetit.

Sipas njoftimit zyrtar, pas angazhimit të ekipeve në terren dhe masave të ndërmarra nga institucionet komunale, janë krijuar kushte të sigurta për nxënësit dhe stafin arsimor.

“Pas ndërhyrjeve dhe menaxhimit të suksesshëm të situatës pas reshjeve të shumta, njoftojmë se nesër rifillon procesi mësimor në të gjitha shkollat e Kryeqytetit. Falë angazhimit të ekipeve në terren dhe masave të marra, është siguruar ambient i sigurt për nxënësit dhe stafin arsimor”, thuhet në njoftim.

Nga Komuna e Prishtinës u është uruar nxënësve një rikthim i mbarë në shkolla.

Kjo komunë njofton: Nga nesër nis gjysmëvjetori i dytë

Drejtori i Arsimit në Skenderaj, Kastriot Duraku ka bërë të ditur se nesër do të fillojë mësimi në këtë komunë.

”Të dashur nxënës, mësimdhënës dhe prindër të Komunës së Skenderajt.

​Nesër fillon gjysmëvjetori i dytë i vitit shkollor, pas një pushimi të merituar, dyert e shkollave tona hapen përsëri për të mirëpritur nxënësit tanë.

Si Drejtori e Arsimit së bashku më shkollat, kemi marrë të gjitha masat e nevojshme dhe kemi bërë përgatitjet maksimale në çdo shkollë, që ky proces të vijojë pa pengesa. Nga sigurimi i ngrohjes e deri te mirëmbajtja e hapësirave si dhe furnizimin më mjete tjera të nevojshme.
​Mbetemi të angazhuar maksimalisht për të ofruar kushte sa më të mira dhe cilësi në procesin edukativo-arsimor.

Na priftë e mbara dhe suksese të gjithëve në këtë gjysmëvjetor!”, shkroi ai.

“Trump urdhëron planifikimin e pushtimit të Grenlandës“

Presidenti i Shteteve të Bashkuara, Donald Trump, ka urdhëruar komandantët e forcave speciale që të hartojnë një plan për pushimin e mundshëm të Grenlandës.

Kështu ka raportuar gjatë së dielës e përditshmja Daily Mail. Sipas këtij raportimi, pretendohet se ky veprim po has në rezistencë të fortë nga figura të larta ushtarake amerikane.

Sipas Daily Mail, këshilltarët më të ashpër politikë rreth presidentit, të udhëhequr nga këshilltari Stephen Miller, ndihen të nxitur pas suksesit të operacionit ushtarak për kapjen e liderit të Venezuelës, Nicolás Maduro, dhe duan të veprojnë shpejt për të “zënë ishullin para se Rusia ose Kina të ndërmarrin një hap të tillë”.

Megjithatë, Shefat e Përbashkët të Shtabit të Ushtrisë amerikane po kundërshtojnë planin, duke thënë se një invazion i tillë do të ishte i paligjshëm dhe pa mbështetjen e Kongresit, gjë që sipas tyre e bën të parealizueshëm. Ushtarakët po përpiqen ta largojnë fokusin e Trumpit te masa më pak kontraverse, siç është ndërprerja e anijeve “fantazmë” ruse ose edhe një goditje ndaj Iranit.

Diplomatë britanikë kanë thënë se Trump mund të jetë gjithashtu i motivuar për të zhvendosur vëmendjen e votuesve amerikanë nga performanca e ekonomisë para zgjedhjeve mes-mandatesh, ku ai mund të humbasë kontrollin e Kongresit.

Sipas Daily Mail, disa skenarë të shprehura në kanale diplomatike përfshijnë përdorimin e forcës ose “coercion politik” për të prishur lidhjet midis Grenlandës dhe Danimarkës.

Arrestohet personi ‘i shumë kërkuar’, kishte ndërruar dhe mbiemrin

Policia e Kosovës në Skenderaj ka arrestuar mbrëmë një person të kërkuar me disa urdhëresa aktive të gjykatës.

Sipas njoftimit të Policisë, dje rreth orës 18:00, është ndaluar një automjet me targa të Bosnjë e Hercegovinës.

 Gjatë verifikimit është konstatuar se personi i ndaluar kishte ndërruar mbiemrin, mirëpo pas verifikimeve të detajuara është vërtetuar se i njëjti ishte person i kërkuar.

Ai ishte në kërkim me tri urdhëresa aktive nga Gjykata Themelore në Mitrovicë dhe dy letërreshtime nga Gjykata Themelore në Gjilan, për veprat penale, dëmtim apo asgjësim i pasurisë, trafikim me njerëz dhe falsifikim të dokumentit.

“Në bazë të urdhëresave të gjykatës, personi ishte i dënuar me burgim në kohëzgjatje prej 3 vite e 8 muaj. Pas përfundimit të procedurave të nevojshme policore, ai është dërguar në vuajtje të dënimit”, njofton PK.