Krimineli i luftës Ratko Mlladiç që u dënua për gjenocid është ‘‘pranë vdekjes’’, avokatët kërkojnë lirimin e tij nga burgu

Avokatët që përfaqësojnë kriminelin e dënuar të luftës nga serbët e Bosnjës, Ratko Mlladiç, janë në pritje të një vendimi nga një gjykatë e OKB-së për kërkesën e tyre që ai të lirohet nga burgu në Hagë, me arsyetimin se është në fund të jetës së tij.

Mlladiç, 84 vjeç, u dënua me burgim të përjetshëm në vitin 2017 për gjenocid, krime lufte dhe krime kundër njerëzimit gjatë luftërave në ish-Jugosllavi midis viteve 1992 dhe 1995. Dënimi për njeriun e njohur si “Kasapi i Bosnjës” u la në fuqi pas apelit në vitin 2021, raporton BBC, përcjell Gazeta Express.

Në një parashtresë të detajuar drejtuar gjykatës të premten, avokatët e tij thanë se Mlladiç ka qenë për një kohë të gjatë i shtrirë në shtrat ose në karrocë me rrota.

Ata shtuan se ai ka pësuar një goditje të dyshuar në tru gjatë një telefonate me djalin e tij, gjë që e ka lënë pothuajse të paaftë për të folur.

Sipas tyre, dy mjekë e kanë vlerësuar gjendjen e tij si të rëndë dhe “rreziku për vdekje të afërt është i lartë”, ndërsa avokatët kanë kërkuar lirimin e menjëhershëm të përkohshëm ose me kusht në një spital ose hospice ku flitet gjuha serbe.

Nënkuptohet se ekipi mbrojtës i Mlladiç po kërkon kthimin e tij në shtëpi, dhe ministri serb i Drejtësisë, Nenad Vujic, ka bërë të qartë se qeveria e tij është e gatshme të japë garanci për gjykatën nëse ai lirohet.

Gjyqtarja Graciela Gatti Santana ka kërkuar një vlerësim të pavarur shëndetësor, i cili pritej të paraqiste gjetjet të premten.

Mlladiç komandoi forcat serbe të Bosnjës në vitet 1990 kundër ushtrive kroate të Bosnjës dhe boshnjakëve (myslimanëve boshnjakë), gjatë një lufte në të cilën trupat e tij kryen “spastrim etnik” në Bosnje-Hercegovinë, rrethuan qytetin kryesor Sarajevë duke shkaktuar vdekjen e më shumë se 10,000 njerëzve, dhe kryen masakrën e 8,000 burrave dhe djemve në Srebrenicë.

Mlladiç u zhduk në vitin 1995 dhe u gjet vetëm në Serbinë rurale në vitin 2011, pas 16 vitesh në arrati. Ai doli në gjyq në Hagë në vitin 2012 dhe u dënua në vitin 2017.

Ai mbahet në një qendër paraburgimi të Kombeve të Bashkuara që nga viti 2011, por avokatët e tij argumentojnë se kjo njësi dhe spitali i burgut nuk janë të mjaftueshme për t’i ofruar kujdesin e nevojshëm, dhe se mbajtja e tij në paraburgim përbën “ndëshkim mizor dhe çnjerëzor” dhe nuk shërben më për asnjë qëllim.

Grupet boshnjake që përfaqësojnë viktimat dhe të mbijetuarit e kundërshtojnë fuqishëm lirimin e ish-komandantit serb të Bosnjës nga burgu, duke e parë atë si një “taktikë ligjore” dhe jo si një kërkesë humanitare. Ata kanë paralajmëruar gjykatën e OKB-së se ekipi i tij mbrojtës ka bërë përpjekje të ngjashme të përsëritura prej vitesh.

Avokatët e tij kërkuan lirimin në korrik 2025, por kjo u refuzua; më pas, në nëntor 2025, ata kërkuan pa sukses një lirim të përkohshëm për të marrë pjesë në një ceremoni përkujtimore për një anëtar të familjes.

Djali i Mlladiçit, Darko, u tha mediave serbe se nuk ka pasur ndryshime në gjendjen shëndetësore të babait të tij dhe se planifikon ta vizitojë atë në spitalin e burgut javën e ardhshme.

Gjyqtarja Graciela Gatti Santana tha se kishte kërkuar nga ekspertët mjekësorë të vlerësojnë gjendjen aktuale të tij dhe mundësitë për trajtim të mëtejshëm, si dhe nëse jetëgjatësia e tij mund të përcaktohet dhe nëse kujdesi që po merr në paraburgim është i mjaftueshëm.

Rrahje mes 10 personave, ndërhynë Policia

Përleshjet mes të rinjve janë të shpeshta në vendin tonë dhe ndodhin për motive të ndryshme.

Një rast i tillë ka ndodhur sot në fshatin Lluzhan të Podujevës, ku janë përfshirë rreth 10 persona, mëson Sinjali.

Burime të Gazetës Sinjali bëjnë të ditur se në vendin e ngjarjes ka ndërhyrë menjëherë Policia e Kosovës.

Sipas të njëjtave burime, situata është vënë nën kontroll nga policia, ndërsa rrethanat dhe motivet e përleshjes mbeten ende të panjohura.

E dhimbshme: Ndërron jetë veterani i UÇK-së

Ka ndërruar jetë të enjten, pas një sëmundjeje të rëndë, veterani i Ushtrisë Çlirimtare të Kosovës, Gëzim Mehmeti.

I lindur më 10 shkurt 1979 në Drenas, Mehmeti ishte pjesë e luftës çlirimtare dhe njihej për kontributin e tij gjatë asaj periudhe.

Familja ka bërë të ditur se ceremonia e varrimit do të zhvillohet pas kthimit të trupit të pajetë nga Franca, ndërsa për datën dhe kohën do të njoftohet në vijim.

Ngushëllime Familjes Mehmeti!

E dhimbshme: I riu kosovar vdes duke punuar në Gjermani

Granit Tahiri nga Komuna e Podujevës ka ndërruar jetë sot gjatë ditës në vendin e tij të punës në Hanover të Gjermanisë.

Lajmin për vdekjen e 30 vjeçarit e kanë bërë të ditur familjarët e tij, shkruan IndeksOnline.

I ndjeri ishte duke jetuar dhe punuar në Gjermani për më shumë se 4 vite.

Festë në familjen Haradinaj, kështu po duken Anita dhe Lola

Dy motrat Muçaj, Anita dhe Lola e kanë nisur dasmen e Luan Haradinajt në Gllogjan.

Gratë e Ramushit dhe Dautit kanë publikuar pamje nga fshati i Deçanit ku duket se janë në disponim para dasmës së djalit të kunatit të tyre./Indeksonline/

Lladrovci merr pjesë në dasmën e Luan Haradinajt, ky është urimi i tij i veçantë për çiftin

Kreu i Drenasit, Ramiz Lladrovci, ka uruar Luan Haradinajn, djalin e Shkëlzenit, me rastin e martesës.

Ai ka njoftuar se ishte njëri nga të ftuarit në këtë ditë të veçantë për familjen.

Postimi i plotë i Lladrovcit

I nderuar të marr pjesë në gëzimin e madh të Haradinajve, në dasmën ku Luani po e kurorëzon dashurinë e tij me Anilën.

Emri i heroit Luan Haradinaj po lartësohet e përtërihet me jetën e re, në Kosovën e lirë, si amanet i heronjve tanë për të qëndruar e për ta gëzuar jetën përgjithmonë në atdhe.

Përgëzimi në këtë dasëm emblematike të Luanit të ri, me emocion të veçantë shkon për Nënën Rukë, e cila qëndroi stoike përball humbjeve të mëdha dhe sakrificave të familjes për çlirimin e Kosovës.

Me Nënën Rukë, Selimin dhe Pjerinin, një foto që përcjell nderimin, gëzimin dhe urimin tonë më të sinqertë për Haradinajt, për Luanin e ri dhe Anilën, paçin lumturinë!

Paga e 13-të në sektorin privat, Kurti ka diqka për të thënë

Specialja merr një vendim për Thaçin

Dhomat e Specializuara të Kosovës në Hagë kanë caktuar seancat për çështjen ndaj Hashim Thaçit dhe të tjerëve, lidhur me akuzat për vepra kundër administrimit të drejtësisë.

Sipas njoftimit, seancat do të mbahen në periudhën nga 11 deri më 15 maj 2026, pas anulimit të disa seancave të planifikuara për muajin prill.

Në këtë rast janë të akuzuar Hashim Thaçi, Bashkim Smakaj, Fadil Fazliu, Isni Klaj dhe Hajredin Kuçi, të cilët në seancën fillestare janë deklaruar të pafajshëm.

Thaçi ndodhet në paraburgim në Hagë që nga nëntori i vitit 2020, ndërsa përveç këtij rasti, ai po përballet edhe me akuza për krime lufte.

Vuçiq: Do të luftojmë kundër anëtarësimit të Kosovës në NATO

Kongresisti amerikan, Keith Self, së bashku me dy kolegë tjerë, Ritchie Torres dhe Mike Lawler, kanë paraqitur një rezolutë në Dhomën e Përfaqësuesve në ShBA për të shprehur mbështetje të fortë për integrimin e Kosovës në NATO.

Por, këtë iniciativë po zotohet se do ta luftojë presidenti i Serbisë, Alleksandar Vuçiq.

“Ne së shpejti do të kemi ushtrime të rëndësishme me ta (NATO). Po bisedojmë me ta, shpresojmë që kjo të mos ndodhë. Do të luftojmë që diçka e tillë të mos ndodhë. Mos harroni se ekzistojnë katër vende që janë anëtare të NATO-s, siç janë edhe pesë anëtare në BE, që nuk e kanë njohur Kosovën. Nuk e shoh se si kjo mund të kalojë lehtë, por të presim e të shohim”, tha Vuçiq për gazetarët, raporton agjencia serbe e lajmeve “Tanjug.

Në rezolutën e propozuar nga kongresistët amerikanë, përmenden disa prej arsyeve që Kosova meriton anëtarësimin në NATO.

“Për më tepër, ndërsa forcat kundërshtare vazhdojnë të destabilizojnë rajonin, shtimi i Kosovës në aleancën e NATO do të shërbente si një kundërpeshë e domosdoshme për t’i dekurajuar përpjekje të tilla armiqësore dhe për të parandaluar një katastrofë tjetër globale në Ballkan”, thuhet në rezolutë.

Katër shtete anëtare të NATO-s , Greqia, Rumania, Sllovakia e Spanja, ende nuk e kanë njohur Kosovën shtet.

Rezoluta bën thirrje këtyre katër aleatëve t’i rishqyrtojnë qëndrimet e tyre, duke theksuar se njohja më e gjerë e Kosovës është thelbësore për ta zhbllokuar rrugën e saj drejt integrimit në NATO dhe për të mbyllur një boshllëk strategjik në Evropën Juglindore që kundërshtarët kërkojnë ta shfrytëzojnë.

“Kosova ka demonstruar një përkushtim të qartë ndaj stabilitetit rajonal dhe përafrimit strategjik me vendet e NATO, por progresi i saj drejt anëtarësimit në aleancë po pengohet nga mungesa e njohjes nga një numër i vogël aleatësh”, ka thënë kongresisti Self.

Ai ka shtuar se shtimi i Kosovës në aleancë është thelbësor për ta kundërshtuar ndikimin në rritje të kundërshtarëve në Evropë.

“Shtetet e Bashkuara duhet t’i inkurajojnë Greqinë, Rumaninë, Sllovakinë dhe Spanjën t’i rishqyrtojnë qëndrimet e tyre dhe të sigurojnë që Kosova të ketë një rrugë të besueshme dhe të arritshme drejt anëtarësimit”, ka thënë Self.

Në rezolutë thuhet se shtimi i Kosovës në aleancën e NATO është thelbësor për të mbrojtur interesat e sigurisë kombëtare të Shtetet e Bashkuara në Evropën Juglindore.

Rezoluta e ShBA-së mirëpritet në Kosovë, kundërshtohet nga Serbia

Tre kongresistë amerikanë, Keith Self, Ritchie Torres dhe Mike Lawler, e kanë paraqitur një rezolutë në Dhomën e Përfaqësuesve për ta mbështetur anëtarësimin e Kosovës në NATO, duke argumentuar se prania e saj në aleancë është thelbësore për mbrojtjen e interesave të sigurisë kombëtare të Shteteve të Bashkuara në Evropën Juglindore.

E kjo rezolutë është mirëpritur nga zyrtarë në Kosovë, por gjithashtu është kundërshtuar nga Serbia.

Ushtruesja e detyrës së presidentit, Albulena Haxhiu, shprehu “mirënjohje për përfaqësuesit Keith Self, Ritchie Torres dhe Mike Lawler për lidershipin e tyre dhe për mbështetjen e vazhdueshme që Kosova ta zërë vendin që i takon në familjen euroatlantike”, shkruan REL.

Ambasadori i Kosovës në Uashington, Ilir Dugolli, shkroi në X se ndihet mirënjohës ndaj kongresistëve për “mbështetjen e palëkundur për Kosovën dhe anëtarësimin e saj në NATO”.

Në anën tjetër, presidenti i Serbisë, Alleksandar Vuçiq, tha se do të luftojë kundër përpjekjeve për integrimin e Kosovës në NATO.

“Do të kemi së shpejti ushtrime të rëndësishme me NATO-n. Po bisedojmë me ta dhe shpresojmë që kjo të mos ndodhë”, tha Vuçiq lidhur me anëtarësimin e mundshëm të Kosovës.

Kosova e cilëson si qenësore miqësinë me Shtetet e Bashkuara, vend që ka bërë shumë në pavarësimin dhe shtetndërtimin e Kosovës.

Kosova është tani duke e shndërruar Forcën e Sigurisë në ushtri të plotë, që pritet të përmbyllet më 2028.

SHBA-ja e ka mbështetur nga fillimi shndërrimin e FSK-së në ushtri, por jo edhe NATO-ja, e cila ngul këmbë që FSK-ja t’u përmbahet detyrave të saj fillestare, si: reagimi ndaj krizave apo mbrojtja civile.

Prishtina, gjatë procesit të transformimit të FSK-së në ushtri, po ashtu po pajiset me armatime të reja, përfshirë ato të prodhuara në SHBA. Vendi po ashtu është mikpritës i bazës më të madhe amerikane në Ballkan, Bondsteel.

Po ashtu, Kosova po ashtu do të jetë pjesë e Forcës Ndërkombëtare Stabilizuese për Gazën.

Forca Ndërkombëtare Stabilizuese është një mekanizëm i krijuar si pjesë e nismës së Bordit të Paqes, i propozuar nga presidenti amerikan, Donald Trump, për arritjen e paqes në botë.