Një incident me armë zjarri është raportuar dje në rrugën “Haxhi Zeka” në Prishtinë, ku një person ka mbetur i plagosur, transmeton IndeksOnline.
Sipas raportit të Policisë së Kosovës, një mashkull kosovar dyshohet se aksidentalisht e ka plagosur në këmbë një tjetër mashkull me armë zjarri. Viktima është dërguar menjëherë për trajtim mjekësor në Qendrën Klinike Universitare të Kosovës (QKUK).
Policia ka konfirmuar se deri më tani nuk është raportuar për të arrestuar lidhur me rastin, ndërsa rasti po trajtohet si “Lëndim i rëndë trupor” dhe “Armëmbajtje pa leje”.
Hetimet janë në zhvillim e sipër dhe pritet zbardhja e plotë e rrethanave të ngjarjes.