Matoshi: Shteti i Kosovës po funksionon, Kurti gjithmonë ka qenë kundër kësaj Republike

Analisti politik Halil Matoshi ka deklaruar se pavarësisht zhvillimeve të fundit politike, institucionet e Republikës së Kosovës po funksionojnë normalisht. Këto komente ai i bëri në emisionin “Adresa” në Kanal10, ku foli për situatën aktuale politike dhe qëndrimin e kryeministrit në detyrë, Albin Kurti.

“Shteti i Kosovës po funksionon, unë sonte po ndihem krenar me Gjykatën, me të gjitha nivelet e gjyqësisë. Sistemi i Republikës së Kosovës nuk bjen, kot e keni. Kurti gjithmonë ka qenë kundër kësaj republike,” ka deklaruar Matoshi.

Matoshi shtoi se funksionimi i institucioneve të drejtësisë është dëshmi se shteti është më i fortë se çdo individ apo parti politike.