Lidhja Demokratike e Kosovës ka reaguar pas propozimit të Glauk Konjufcës për mandatar të dytë për formimin e qeverisë, duke theksuar se tashmë është e qartë se asnjë subjekt politik nuk e ka shumicën e nevojshme parlamentare.
Sipas LDK-së, zvarritjet dhe interpretimet procedurale vetëm po thellojnë bllokadën institucionale, ndaj e vetmja zgjidhje legjitime janë zgjedhjet e reja.
Asnjë parti politike nuk e zotëron shumicën parlamentare për formimin e qeverisë së re. Dalja nga bllokada institucionale nuk mund të kërkohet përmes veprimeve jo-kushtetuese, por përmes kthimit te sovrani. Zgjedhjet e reja tashmë janë domosdoshmëri,” ka theksuar LDK-ja.
Partia thotë se vendit i duhet qartësi dhe legjitimitet i ri politik, jo “zvarritje, pazare dhe improvizime”, duke bërë thirrje për veprim të shpejtë dhe në përputhje me Kushtetutën.
