Gashi: Nëse LDK i fiton zgjedhjet është e hapur për krejt partitë për koalicion
Shefi i grupit parlamentar të Lidhjes Demokratike të Kosovës Arben Gashi, ka thënë se nëse partia që ai përfaqëson i fiton zgjedhjet, do të jetë e hapur për koalicion me të gjitha partitë.
Këtë deklaratë ai e dha në emisionin DPT Te Fidani në Klan Kosova.
“Mendoj se Lidhja Demokratike e Kosovës duhet të vie në pushtet përmes fitores. Është parti që duhet të vie në pushtet përmes fitores”.
Ai thekson se nëse LDK-ja i humbet zgjedhjet, atëherë vendosin organet e partisë se çfarë hapash do të marrin.
“Mendoj se nuk ka vullnet në Lidhjen Demokratike të Kosovës, që të bëhet një koalicion duke mos qenë i pari”, theksoi i pari i deputetëve të LDK-së.