Deputeti i Lidhjes Demokratike të Kosovës, Avdullah Hoti ka thënë se në vitin e katërt të mandatit, do të duhej të promovohej termocentrali me gaz. Por në vend të këtij projekti, sipas Hotit, kryeministri dhe ministrja e Ekonomisë, vizitojnë KEK-un dhe krenohen me remontin e blloqeve në përgatitje për dimrin që po bjen.
“Kjo është për keqardhje. Pas katër vitesh në pushtet, asnjë projekt madhor nuk ka nisur. Nuk janë kryer as projektet e nisura nga qeveria e kaluar”, ka shkruar ndër të tjera Hoti.