Operacion si në filma, kapet “tregtari” i automatikëve
Policia e Tiranës ka arrestuar një 25-vjeçar të cilit iu gjetën në makinë dy automatikë.
Sipas autoriteteve, dyshohet që ai do t’i shiste armët, raporton A2 CNN.
Në videon e publikuar nga policia shqiptare shihet se si ata e ndjekin të riun në rrugë, duke e vëzhguar edhe me dron, transmeton Klankosova.tv.
Në një moment që duket si skenë filmi aksion, nga makina dalin efektivët e policisë dhe e arrestojnë në flagrancë 25-vjeçarin, në rrugën “Myslym Keta” në kryeqytet.