Reshje më të shumta shiu përfshinë vendin gjatë ditës së premte, qysh nga orët e mëngjesit, së pari në perëndim, e më pas me shtrirje në pjesë tjera gjatë ditës dhe në mbrëmje.
Orëve të mbrëmjes nga perëndimi reshjet pritet të pushojnë. Temperaturat minimale zbresin në 14C e 15C, e ato maksimale arrinë vlera prej 19C e 22C. Frynë e erë e lehtë dhe mesatare nga jugu e juglindja 5-12m/s.
Sasi të larta reshjesh po parashihen në rajon, sipas disa modeleve nga pjesë të Malit të Zi, edhe mbi 200mm, e nga Shqipëria mbi 150mm. Në vend, përreth zonave malore në perëndim e jug, sasia e reshjeve mund të shkojë deri në 60 e 70mm.
Ditën e shtunë do të ketë intervale me diell përgjatë vndit, por dhe mundësi për reshje lokale shiu, kryesisht herët në mëngjes dhe më vonë në mbrëmje. Të dielen mbeten mundësi për reshje shiu që paraqiten kohëpaskohe. Nga dita e hënë vransirat shpërndahen e do të ketë më shumë intervale me diell. Temperaturat maksimale zbresin në 15C, të dielen, e më pas shënojnë rritje në 21C e 22C, ditën e martë.