Deputeti i Lëvizjes Vetëvendosje, Faton Peci, ka komentuar zhvillimet rreth procesit të votimit për kryetaren e Kuvendit, duke mohuar se është propozuar zyrtarisht ndonjë emër, ndonëse emri i Albulena Haxhiut është përfolur disa herë publikisht.
Në deklaratën e tij, Peci tha se partia e tij po përpiqet të përmbushë detyrimet kushtetuese, duke marrë pjesë në seancë dhe votime, me qëllim të zhbllokimit të situatës aktuale.
“Në emër të grupit tonë parlamentar të shprehim keqardhje që edhe sot nuk kemi rezultat në zhbllokimin e gjendjes. Ne si grup jemi duke bërë përpjekje për zhbllokimin e kësaj situate, po kryejmë detyrimet tona ligjore e kushtetuese, duke marrë pjesë në seancë, por edhe duke marrë pjesë në votim. Meqënëse ka sot një përfolje të emrit, ne ende nuk kemi ardhur deri te propozimi i emrit, përpjekja jonë është të kemi proces të votimit të fshehtë. Ne kemi vlerësuar që vullneti i njëmendtë, dhe ndërgjegja e secilit deputet, kontributon në proces të zhbllokimit”, deklaroi ai.
TË NGJASHME:
Kurti jep detaje, ky është propozimi i tyre për kryeparlamentar nesër
Albulena Haxhiu sot feston ditëlindjen, ja sa vite po bën gruaja më e votuar në vend