Pas shumë vitesh me lookun e tij identitar të flokëve të gjata, Armend Rexhepagiqi ka habitur publikun me një ndryshim të dukshëm në pamje.
Artisti i njohur, që prej dekadash njihet si një prej zërave më të veçantë të muzikës shqiptare, është shfaqur së fundmi në një organizim privat në Prishtinë, ku performoi me një stil të ri dhe me një karizëm që dëshmon se koha vetëm e ka pjekur artistikisht.
Ndryshimi vjen në një periudhë të artë për Rexhepagiqin, i cili këtë verë lansoi albumin “Dashni e Vjetër”, projekt ky që u mirëprit nga publiku dhe kritika, duke shënuar rikthimin e tij në skenën muzikore me tinguj modernë, por me thelbin poetik që e ka karakterizuar gjithmonë.
Albumi përfshin disa prej këngëve më të ndjera të tij, ndër to “Kutia e zezë” dhe “Dyfish ma pak”, që janë vlerësuar për përzierjen mes nostalgjisë dhe freskisë artistike.
Pas publikimit të albumit, Armendi mbajti edhe një koncert madhështor në Prishtinë më 19 korrik 2025, ku mijëra fansa e ndoqën me entuziazëm, duke e kthyer mbrëmjen në një retrospektivë emocionesh e kujtimesh që përfshinte hite nga e kaluara dhe krijime të reja.
Me këtë energji, ai tregoi se arti i tij mbetet po aq i gjallë dhe i dashur për publikun sa herën e parë që doli në skenë.
Performanca e fundit në eventin privat, ku u shfaq me lookun e ri, vetëm sa e konfirmon këtë fazë të re të artistit, më i qetë, më elegant, por me të njëjtin shpirt rebel që i ka dhënë identitet muzikës kosovare ndër vite.
