Rrustemi i bindur për fitoren e VV-së: Në zgjedhjet e ardhshme do të shënojmë rekord të ri, do ta kalojmë atë të 14 shkurtit

Deputeti i LVV-së, Adnan Rrustemi, është i bindur që në zgjedhjet të cilat do të mbahen më 9 shkurt 2025 LVV-ja prapë do të jetë fituese.

Madje, sipas tij, ky subjekt politik do të shënojë rekord të ri, pavarësisht rezultateve të 14 shkurtit ku i morën 51 për qindëshin.

“Jam i bindur që do të ketë një rekord të ri që do ta tejkalojë 14 shkurtin. Jam i bindur që qytetarët e Kosovës do t’i japin VV-së një mazhorancë nëse jo të njëjtë çfare i kanë dhënë më 14 shkurt vetëm se më të fortë edhe më 9 shkurt, për t’i vazhduar projektet që i kanë nisur gjatë këtij mandati të parë”, tha ai në emisionin “Info Nata” në Tëvë1.

Ndërkohë, lidhur me deklaratat e opozitës, të cilët sipas tyre VV-ja nuk do të arrijë më një rezultat të tillë si ai i 14 shkurtit, Rrustemi tha se njëjtë kanë menduar edhe në vitin 2022.

“Ata kanë thënë edhe më 2022-tën që edhe Adem Jashari me u çu se nuk ka mundësi me i marrë 51 për qind e ne i kemi marrë 51 për qind. Opozita nuk është burim kredibil i informacionit e as i qëndrimeve. 9 shkurti do të jetë përsëri një përgjigje edhe për ata që thonë kësisoj dhe natyrisht do të jetë edhe një mazhorancë edhe më e konsoliduar për VV-në bashkë me partnerët Guxo dhe Alternativa”, tha deputeti Rrustemi.

Osman Azemi i përgjigjet Berat Buzhales: Del gazetari më thotë Albin Kurti, unë s’jam me asnjë parti

Aktori Osman Azemi, javën e kaluar kishte dhënë një deklaratë për Shqipërinë që shkaktoi debat të madh në opinionin publik.

Për këtë temë po diskutohet në “Pressing” të T7, të hënën.

Ai tha se ka respekt për Buzhalën, por theksoi se nuk është pjesë e asnjë partie politike.

“Unë kam folur atë ditë për sport, nuk e kam marrë afër zemre, sa e kam marrë nga disa mediume, si psh pa dashur me përmend emra se kam shumë respekt. E  kqyr storien tem edhe thotë Albin Kurti, mua – sinqerisht rrethi im më njohin unë nuk i përkas asnjë partie politikë. Kam shokë në të gjitha partitë politike, por nuk jam pjesë e asnjë partie politike”.

“Nuk po du me më keqkuptu Berat Buzhala, por nuk e kam pritur që më thotë je me Albin Kurtin”, ka thënë Azemi.

Dardan Islami: 90% e prishtinalive e kanë CD-në e Ceces në makinë

Dardan Islami teksa po debatonte në Pressing në T7 tha se 90% të qytetarëve të Prishtinës e kanë në veturë CD-në e këngëtares Ceca.

“Nëse veshemi si policë dhe i ndalim kerret, nëse prej 100 makinave që i ndalim si policë po jau marrim CD-në e muzikave, 90% të prishtinalive e kanë Cecën aty…O po, po”, tha Islami në Pressing.

“Kush jemi na me i gjyku të tjerët… 90% e kanë Cecën, a po don më u lidhë”, tha Islami duke kërkuar bast në Pressing.

Abdixhiku publikon foton teksa nxënësit me mësim gjithëditor hanë shujtën: Kosova mundet më mirë

Kryetari i LDK-së, Lumir Abdixhiku, ka publikuar një foto teksa nxënësit e Shkollës së Gjelbër me mësim gjithëditor po hanë shujtën e ditës.

Abdixhiku e ka qujtuar “foto të ditës”, pamjen e nxënësve.

Tutje ai shkruan: “Fëmijë të ushqyer në shkollë, mendje të shëndosha, shtet i fortë! Mësimi tërëditor në Prishtinë. Kosova mundet më mirë. Kosova meriton më mirë!”.

Stresi, Noizy e të tjerët i reaguan, Osman Azemi: Ata i kemi vëllëzer

Aktori Osman Azemi, javën e kaluar kishte dhënë një deklaratë për Shqipërinë që shkaktoi debat të madh në opinionin publik.

Reagimet erdhën edhe nga artistë të Shqipërisë si Noizy e Stresi.

Kjo temë po diskutohet në “Pressing” të T7, të hënën.

E personazhi i deklaratës Osman Azemi tha se nuk i ka mbetur hatri për askënd nga ata që i reaguan, sepse e pranon që ka gabuar – por thotë se ka qenë duke folur për sport.

“Hatër mbetje nuk kam sepse unë kam gabu, edhe ata i kemi vëllezen. Futbolli i ka emocionet e veta se është edhe art. Unë kam fol atë ditë për sport, nuk e kam marrë afër zemre sa e kam marrë prej disa mediumeve”, ka thënë Azemi.

“Njerëzit e krimit nuk do të jenë më në këtë pjesë”, Agim Bahtiri flet për situatën në veri

Mushkolaj: Ura e Ibrit s’do hapet, Kurti do e përdor për zgjedhje

Gjuajtje me armë zjarri në Podujevë

Të shtëna me armë zjarri janë dëgjuar para disa minutave në Podujevë

A na e kanë inat shqiptarët e Shqipërisë?/ Sqarohet Osman Azemi

Osman Azemi, aktor, ka sqaruar në Pressing në T7 deklaratën e dhënë ditë më parë se shqiptarët e Shqipërisë kanë inate ndaj atyre të Kosovës, e cila bëri bujë të madhe.

Ai tha se këtë deklaratë e ka thënë me humor dhe ndjehet keq për situatën e sikletshme që e ka krijuar tek personat që e njohin atë.

“Unë ndoshta nuk jam shpreh mirë dhe më bën me u ndje keq”, tha Azemi.

“Po duhet me kanë tash shumë i kujdesshëm çka po flas sepse dëmi bëhet. Deklaratat e mia janë keq-interpretu. Qëllimi im ka qenë për me folë për sport, kuptohet se sporti neve na emocionon, gjatë intervistës është edhe një gabim i jemi që unë e kam pas një lloj satire. Kam pas qejf me bo satirë, pak humor, por mori përmasa të jashtëzakonshme gjë që ndihem keq”, tha Azemi në Pressing.

“Nuk kisha pas qef me pa shqiptarë të Kosovës apo Shqipërisë, Maqedonisë së Veriut, Malit të Zi me u përqa mes vete. Unë ndjehem keq sinqerisht edhe për qytetarët në Shqipëri, qofshin të majtë apo të djathtë dhe te ne në qeveri apo opozitë, për miqtë e mi e familjarët e mi që i kam vendos në një situatë jo pak të sikletshme. Ju kërkoj falje edhe bashkëpunëtorëve të mi nëse janë ndjerë në siklet, por e kam thënë tash, dëmi është bë”, tha Azemi më tej.

Paralajmërohet përshkallzim të situatës në veri, KFOR-i rrit nivelin e forcave

Ish-drejtor i çështjeve evropiane në Këshillin e Sigurisë Kombëtare të SHBA-së, Charles Kupchan nuk ka përjashtuar shpërthime dhune pas veprimeve të fundit nga Qeveria e Kosovës në veri.

Në një intervistë për Radio Evropa e Lirë, ai tha se KFOR-i tashmë ka rritur nivelin e forcave, duke iu referuar trupave që qëndrojnë mes Urës së Ibrit.

“Ne kemi parë tashmë shpërthime dhune. Nuk besoj se po shkojmë drejt një dhune të madhe, por nuk përjashtohet. Kemi parë që edhe KFOR-i e ka rritur nivelin e forcave. Ditëve të fundit, kam parë fotografi të trupave që qëndrojnë mes urës së Ibrit. Supozoj se mund të jenë shqetësuar për kalimin e mundshëm të aktivistëve, që do të përpiqeshin të nxisnin telashe. Është një moment i tensionuar dhe për mua kjo është një nga arsyet përse komuniteti ndërkombëtar e ka ngritur nivelin e vigjilencës”, tha ai.

Kupchan ka folur edhe për mbështetjen e Kosovës nga ShBA-ja dhe NATO-ja, nëse ato mund t’ia kthejnë shpinën.

“Unë nuk besoj se kjo është një pikë kthese në mbështetjen e Perëndimit për Kosovën. Por, është e rëndësishme që qytetarët e Kosovës ta kenë parasysh faktin se po të mos ishin përpjekjet e Shteteve të Bashkuara, përpjekjet e NATO-s dhe të partnerëve evropianë të Amerikës, Kosova ndoshta nuk do ta gëzonte pavarësinë sot.

Për rrjedhojë, ju nuk dëshironi ta rrezikoni mbështetjen e jashtme, që në shumë aspekte është thelbësore për sigurinë tuaj dhe për qëndrueshmërinë tuaj si vend i pavarur”, ka deklaruar ai.

I pyetur nëse mendon se Qeveria e Kosovës mund të gjejë ndonjë mes – edhe të shtrijë ligjshmërinë dhe sovranitetin, edhe t’i ruajë marrëdhëniet e mira me komunitetin ndërkombëtar, ai tha:

“Realiteti është se hapat që po ndërmerr Kurti, nuk janë të paarsyeshëm nga këndvështrimi i ushtrimit të pushtetit sovran. Atë që po bën Prishtina, do ta bënte çdo qeveri sovrane.

Nëse në Teksas, për shembull, Meksika do të hapte institucione paralele dhe do të ofronte kujdes shëndetësor, siguri dhe lloje të tjera shërbimesh komunale, Shtetet e Bashkuara nuk do të ishin të lumtura dhe, në fakt, do t’i mbyllnin ato institucione paralele.

Kështu që, nga perspektiva e autoritetit politik dhe ligjor, ajo që po bën Kurti, ka shumë kuptim. Por, problemi është se Kosova nuk gjendet në një mjedis të qetë.

Ajo gjendet në një mjedis të tensionuar, në një rajon të vështirë, në mes të negociatave shumë të vështira me Serbinë për njohjen e saj, për hyrjen e saj në bashkësinë ndërkombëtare të kombeve, si një vend që do të pranohej nga të gjithë.

Në rrethana të tilla, unë mendoj se i takon udhëheqësit – kushdo qoftë ai – që të balancojë ushtrimin e sovranitetit, të të drejtave politike dhe ligjore me synimin për t’i normalizuar marrëdhëniet me Serbinë dhe për t’u bërë vend anëtar i BE-së dhe NATO-s, deklaroi Kupchan.