Dafina Zeqiri: Është e tmerrshme që Big Brother lejohet ende të ekzistojë

Borë në Kroaci, veturat bllokohen në trafik

Dëbora që po bie sot në të gjithë Kroacinë po shkakton probleme serioze në trafikun rrugor, duke bllokuar disa akse dhe duke e bërë lëvizjen e automjeteve të vështirë.

Faqja meteorologjike Crometeo ka publikuar një video nga zonat pranë Splitit dhe Klisit, ku shihet se disa vetura kanë ngecur në dëborë, duke krijuar situata të vështira për drejtuesit e makinave dhe duke shkaktuar vonesa të konsiderueshme në rrugë.

“Takimi vjetor i adhuruesve të gomave verore pranë Splitit,” shkruan faqja pranë videos së publikuar, duke ironizuar mbi faktin se shumë drejtues nuk e kanë marrë seriozisht nevojën për goma dimërore, pavarësisht kushteve të motit.

Edhe pse Dalmacia zakonisht nuk përfshihet në zonat ku pajisjet dimërore të veturave janë të detyrueshme nga 15 nëntori deri më 15 prill, kjo detyrë bëhet e detyrueshme sapo shpallen kushtet dimërore.

Kjo ndodh kur ka prezencë të dëborës ose akullit në rrugë, duke rritur ndjeshëm rrezikun e aksidenteve në qarkullim, raporton index.hr.

Me pajisje dimërore nënkuptohen goma dimërore të tipit M+S ose katër goma verore me të paktën 4 mm profil, si dhe zinxhirë dëbore që duhet të jenë gjithmonë të gatshëm për t’u vendosur në rrotat e makinerisë që lëviz.

Autoritetet këshillojnë drejtuesit e makinave që të përgatiten paraprakisht dhe të mos nisen në udhëtime të gjata pa kontrolluar gjendjen e rrugëve dhe pajisjet dimërore, për të shmangur situata të rrezikshme në rrugë. /Telegrafi/

‘Po barazojnë shkakun me pasojën!’ – Lladrovci i drejtohet Hamzës me kritika të forta

Kryetari i Drenasit Ramiz Lladrovci, ka reaguar edhe sot në lidhje me zhvillimet në PDK.

Lladrovci ka thënë se përkundër deklarimeve të tij të qarta, gjendja në Drenas po promovohet normale dhe disfata po paraqitet si fitore, transmeton Zeri.info.

Shkrimi i plotë i Lladrovcit:

Uniteti është kusht i fitores për ta ndryshuar gjendjen e Kosovës

Përkundër deklarimeve të mija, të qarta si rrezja e diellit, mjegulla rreth Drenasit nuk po hiqet. Për fat të keq, nga disa eksponentë, gjendja po promovohet normale dhe disfata po paraqitet fitore.

Mësimi nga Drenasi, siç shihet, nuk pati efekt. Reflektimet në opinion nga ndonjë eksponent i lodhtë me ligjërata koti, apo nga z. Hamza që synon të barazoj shkakun dhe pasojën. Kjo nuk është rrugë për ta fuqizuar partinë as degën.

Uniteti është zotim i përkushtimit për qëllime më të larta se fati i një dege apo individi. Uniteti është kusht i fitores për ta ndryshuar gjendjen e Kosovës, e cila qëndron mbi çdo sakrificë tonën.

Situata në PDK kërkon ridefinim të qasjes dhe metodave të veprimit politik dhe organizativ. Kjo mund të bëhet duke u shërbyer me gjuhën e fitimtarëve me vizion, pa kushte dhe pa hile.

Shkurtpamësinë politike do larguar nga partia e krijuar nga heronjtë tanë të luftës dhe paqes, duke përfaqësuar breza të tërë me përkushtim atdhetar, për Kosovën shtet me vlera euro-atlantike. Ndryshe, keqbërësit e bedelët politikë do të mbesin shenjë dalluese e partisë shteformuese dhe shtetndërtuese.

‘Kjo bile s’po prekë burra të martuar’, eskalon Santiana i kthehet keq ndjekëses

Ish-banorja e “Big Brother VIP Kosova 2”, Santiana Maloku, ka reaguar ashpër në profilin e saj në Instagram, duke publikuar një mesazh ofendues të marrë nga një vajzë dhe duke kthyer një përgjigje të fortë publike.

Ky reagim vjen në kuadër të komenteve dhe ofendimeve të vazhdueshme që ajo pranon në lidhje me një incident të diskutuar gjerësisht brenda shtëpisë së BBVK 2, atë të prekjes me ish-banorin Buci.

Santiana thekson se lodhet duke marrë mesazhe me mbishkrimin “ke prekur burra të maruar dhe vetë je kon e lidhur”, madje Santi i cilëson ‘të poshtra’ femrat që i shkruajnë mesazhe të tilla.

Ajo ka shpërndarë një screenshot të një mesazhi të drejtpërdrejtë ku një përdoruese i shkruan me gjuhë të rëndë, duke e cilësuar ish-banoren si “jomorale”.

Kritikuesja i referohet drejtpërdrejt ngjarjes së “prekjes” të Santianës gjatë qëndrimit në shtëpinë e “Big Brother VIP Kosova 2”, duke i thënë se të pakten banorja e këtij edicioni nuk po prek burra të martuar.

Santiana nuk e ka lënë pa kthyer përgjigje, duke iu drejtuar asaj me fjalë të ashpra. Ajo shkruan:

“Ja njerëz, çfarë mesazhesh më vijnë prej femrave sa të hap sytë me mëngjes! Nuk e di a e dini që ma keni lodhur prapanicën me atë ‘prekjen’ dhe me atë ‘ke qenë në lidhje’. U bëtë ju moralistet e pështira! Pse nuk doli asnjë tjetër t’i thoshte këto gjëra në sy, por gjithçka po bëhet vetëm nëpër internet? Femra të poshtra,” e revoltuar mbylli Santi përgjigjen e saj. /Prive By Liberta Spahiu

Edhe pse kanë kaluar pothuajse dy vite nga edicioni i dytë i BBVK2, disa ngjarje të ndodhura brenda mbeten ende gjerësisht të komentuara jashtë!

Maqedonci: Unë s’komunikoj s’i Agim Bahtiri, nuk mendoj që Gruda e ka pyetur Listën Serbe për të ardhur në seancë

Seanca që LVV e kishte thirrur para asaj ku Konjufca pritej të votohej si mandatar për kryeministër, ishte shoqëruar me një përplasje në mes të deputetit Agim Bahtiri dhe Përparim Grudës së PDK-së.

Bahtiri nga vendi me zë të lartë i kishte thënë Grudës “a e ke pyet Listën Serbe që ke ardhë këtu”, gjë që kishte nxitur reagimin e deputetit të PDK-së.

Lidhur me këtë përplasje dhe gjuhë të Bahtirit drejtuar Grudës, ka folur ministri në detyrë i Mbrojtjes, Ejup Maqedonci.

Në një intervistë në Kallxo.com, Maqedonci e ka cilësuar si qëndrim personal gjuhën e Bahtirit dhe ka thënë se personalisht mendon se Përparim Gruda nuk e ka pyetur Listën Serbe.

“Personalisht mendoj që Përparim Gruda nuk e ka pyetur Listën Serbe që të jetë apo mos të jetë në Kuvend”, ka deklaruar Maqedonci.

“Unë si profesionist, e as në karakterin tim, s’e kam të theksuar aspektin e këtij lloj komunikimi. Është qasje individuale”, ka thënë Maqedonci.

Arrestohen tri serbe në veri

Policia e Kosovës të premten në fshatin Qirikoviq të Leposaviqit, ka arrestuar tri femra, shtetase të Serbisë.

“Me vendim të prokurorit njëra nga të dyshuarit është dërguar në mbajtje, ndërsa dy të tjerat janë liruar”, thuhet në raportin e Policisë.

Haga jep afatin e fundit për Thaçin dhe Krasniqin, ja për çka bëhet fjalë

Trupi Gjykues i Dhomave të Specializuara në Hagë lëshoi një numër të afateve dhe urdhrave në lidhje me përmbylljen e paraqitjes së argumenteve prej Mbrojtjes dhe fazat e mbetura të procesit.

Krahas aspekteve të tjera, Trupi Gjykues udhëzoi ekipet e Mbrojtjes së Thaçit dhe Krasniqit që të përmbyllin zyrtarisht paraqitjen e argumenteve prej tyre deri më 2 dhjetor 2025, ose në ditën e parë të punës pas lëshimit të vendimit të fundit prej Trupit Gjykues mbi kërkesat e mbetura për pranimin e provave, cilado data jetë më e hershme.

Sipas njoftimit të lëshuar nga DhSK, sa i përket dosjeve gjyqësore përfundimtare dhe deklaratës për pasojat e krimeve të pretenduara në viktimat pjesëmarrëse, “Trupi Gjykues miratoi pjesërisht kërkesën e palëve për zgjatje afati dhe urdhëroi që këto parashtrime të dorëzohen deri më 19 janar 2026, vijuar nga deklaratat përmbyllëse, që janë planifikuar për t’u paraqitur nga 9 deri 13 shkurt 2026”.

“Trupi Gjykues shtyu për një fazë më të vonshme vendimin mbi modalitetet e procesit të mundshëm të zhdëmtimit. Ai gjithashtu hodhi poshtë kërkesën e Mbrojtjes për procedurë të veçantë të përcaktimit të dënimit, duke konfirmuar se çdo përcaktim i dënimit, në rast se është i zbatueshëm, do të shqyrtohet me Aktgjykimin, dhe duke urdhëruar palët që të përfshijnë çdo parashtrim lidhur me përcaktimin e dënimit në dosjet gjyqësore përfundimtare të tyre”, u tha në njoftimin e Dhomave të Specializuara të Kosovës në Hagë.

Bajrami: Një familje që në tetor 2019 ka paguar rrymë 54 euro, sot paguan 169 euro

Hykmete Bajrami nga LDK i ka reaguar kryeministrit në detyrë Albin Kurti dhe ministrit në detyrë Hekuran Murati, lidhur me subvencionimin e faturave të energjisë elektrike, duke thënë se po i subvencionojnë xhepat e tregtarëve të energjisë me të cilët kanë lidhje të ngushta.

Bajrami thotë se në tetor të vitit 2019 një familje mesatare në Kosovë që ka paguar 54 euro për rrymë, e njëjta familje në tetor të vitit 2025 ka pagu 169 euro për rrymë, shkruan Reporteri.net.

Postimi i saj:

”Subvencionimi i faturave të energjisë”

Energjia – korrupsioni dhe gënjeshtra më e madhe e kësaj Qeverie

Dje Albin Kurti përmes Hekuran Muratit na njoftoi se në këtë muaj ka nisur subvencionimi i faturave të energjisë elektrike.

Çfarë hipokrizie!

Derisa në tetor të vitit 2019 një familje mesatare në Kosovë ka paguar 54 Euro. A e dini sa ka paguar e njëjta familje në tetor të vitit 2025? Ka pagu 169 Euro. dmth. 300% më shumë, e tash kishin ”ne jemi për popull dhe po subvencionojmë faturat familjeve”.

Por, pos ngritjes së çmimit të energjisë elektrike për 300%, rreth 1300 biznese vendore, pjesa dërmuese prodhuese pas “liberalizimit të tregut” çmimin e MWh që tetorin e vitit të kaluar e kanë pagu 75 Euro tash e paguajnë 206 Euro.
Ndërsa të dhënat e Doganës së Kosovës konfirmojnë se derisa Kosova për vitet 2015-2020 ka importu 273 milionë Euro energji, importi i energjisë gjatë pesë viteve të qeverisë së Albin Kurtit 2021 – shtator 2025 ka arritur në 811 milionë Euro.

A po e shihni mashtrimin?

Ani “po ju subvencionojmë faturat”

Po i subvenciononi xhepat e tregtarëve të energjisë me të cilët keni lidhje të ngushta, me paratë e rinisë që ka ikë

 

Rrahen nënë e bijë, kjo e fundit merr tretman mjekësor

Dy të dyshuara, nënë e bijë, janë arrestuar në Podujevë, pasi të njëjtat pas një fjalosje janë përfshirë në konfrontim fizik.

Policia e Kosovës në raportin 24 orësh njofton se vajza që u konfrontua me nënën ishte e mitur, dhe e njëjta ka pranuar tretman mjekësor.

Të dyshuarat pas intervistimit janë liruar me procedurë të rregullt.

“Podujevë 21.11.2025 – 11:40. Janë arrestuar dy të dyshuarat femra kosovare (nëna dhe vajza e saj e mitur), pasi të njëjtat pas një fjalosje në mes veti janë përfshirë në konfrontim fizik në mes veti. E dyshuara e mitur ka pranuar tretman mjekësor, ndërsa pas informimit dhe konsultimit me prokurorin, të dyshuarat pas intervistimit janë liruar në procedurë të rregullt”, njofton PK.

E dhimbshme: Ky është veterani i UÇK-së, Bashkim Nitaj që vdiq tragjikisht në Prishtinë pasi e zuri betoni teksa po punonte

Një ngjarje tragjike ka ndodhur dje rreth orës 17:00 në rrugën “Faruk Rama” në Prishtinë, pasi një person humbi jetën tragjikisht teksa një tjetër mbeti i lënduar, raporton GazetaDemos.

Lajmin e konfirmoi Policia e Kosovës, të cilët bënë me dije se viktima e këtij rasti vdiq si pasojë e lëndimeve të marra gjatë kohës që ishte duke punuar, teksa u raportua se gjatë momentit kritik mbi të njëjtin kishte rënë betoni.

GazetaDemos merr vesh nga burimet e veta se viktima e kësaj ngjarje është veterani i UÇK-së, Bashkim Nitaj nga Dranoci i Deçanit.

Derisa, personi tjetër që mbeti i lënduar është dërguar për tretman mjekësor.

“Rreth orës 17:00 kemi pranuar informatën se dy persona janë lënduar derisa ishin duke punuar, në rrugën Faruk Rama në Prishtinë. Si pasojë e lëndimeve, njëri nga personat ka ndërruar jetë. Vdekja e tij është konstatuar nga ekipi i mjekëve emergjent në vendin e ngjarjes, ndërkohë që personi tjetër i lënduar është dërguar për tretman mjekësor”, thuhet nga Policia