Edona Llalloshi me 13 mijë vota më pak se në dhjetor, mësohet nëse e siguroi ulësen në Kuvend.

Ndërron jetë veprimtari i njohur, ish-bashkëpunëtor i Rugovës

Ka vdekur Idriz Kutllovci, ish-bashkëpunëtori i ish-presidentit Ibrahim Rugova, i cili në periudha të vështira dha kontribut edhe në arsimin shqip.

Lajmin për vdekjen e tij e kanë bërë të ditur familjarët.

Ceremonia e e varrimit bëhet sot me datë, më 19 qershor 2026 në ora 15:00 në fshatin Kryshevc, Komuna e Obiliqit, ndërsa e pamja në Hotelin Grand nga dita e shtunë deri në ditën e hënë nga ora 09:00 deri 17:00.

U përfol si kryeministër i një qeverie teknike, reagon Marin Mema

Gazetari i njohur Marin Mema ka reaguar publikisht pasi emri i tij u përfshi në disa publikime dhe lista që qarkulluan në rrjet si kandidat i mundshëm për kryeministër të një qeverie teknike.

Përmes një mesazhi të drejtpërdrejtë, Mema i hodhi poshtë të gjitha aludimet, duke i cilësuar si spekulime pa asnjë bazë.

🗣️ “Mos bini pre e asnjë ‘trakti’ që përpiqen ta paraqesin si dokument. Nuk jam pjesë e asnjë liste apo propozimi tjetër teknik. Janë gjëra qesharake!”

Gazetari u bëri thirrje ndjekësve të mos bien pre e informacioneve të pakonfirmuara që qarkullojnë në rrjet, ndërsa shtoi se fokusi i tij mbetet puna me emisionin “Gjurmë Shqiptare”.

❤️ “Ju përshëndes dhe për pak do të hedh emisionin e sotëm të ‘Gjurmë Shqiptare’. Fundjavë të mbarë miq! Ju dua shumë!”

Haziri: Jemi të gatshëm të ulemi dhe të diskutojmë me Kurtin

Lutfi Haziri nga LDK ka thënë që ata janë të gatshëm të diskutojnë me Albin Kurtin për mundësitë e bashkëpunimit.

“Ne e dimë që në politikë është rregull, ose duhesh me marrë pjesë në proces, ose me shkaktu proces. Dhe nuk ka mes. Nëse z. Kurti nuk e zbardh agjendën, nuk i zbardh hapat, edhe nuk tregon gatishmëri për bashkëpunim, atëherë, ne jemi afru për bashkëpunim edhe më tutje, por kjo nuk na përjashton nga mundësia e shkaktimit të proceseve politike, sepse ne e kemi pranu rezultatin”, tha Haziri në Rubikon të Klan Kosovës.

Sidoqoftë, Haziri e sheh me plot mëdyshje qasjen e liderit të Lëvizjes Vetëvendosje, në këtë aspekt.

“Unë besoj që është e padrejtë, në krejt këtë gatishmëri, që Kurti nga sot me fillu me demonstru vullnetin për zgjedhjet e katërta mrena këtij viti”.

Haziri: Kur preken interesat e shtetit të Kosovës e kapi edhe pushkën

Gazi amerikan ishte ndër temat që u trajtua sonte me nënkryetarin e LDK-së Lutfi Haziri.

Ai komentoi thirrjen e ish-kryeministrit Avdullah Hoti, për protesta.

Haziri tha se kur vie puna për interesat e atdheut dhe raportin me ShBA-të tha se do ta kapte edhe pushkën.

“Nëse na në luftën me Serbinë dhe Jugosllavinë e mbetur të asaj kohe, ata kanë ardhur dhe na kanë mbrojtur me armë, me djem, burra dhe gra. Në raporte të tilla une e përmenda”, deklaroi Haziri.

“Nëse ka nevojë Kosova me ju gjetë. Djemtë e tonë, a shkojnë në Gaza? në misionet paqëruajtëse a kanë me shku? Nuk është ambienti mikpritës”, shtoi ai.

Rezultati zgjedhor, reagon ashpër Agim Veliu

Ish-deputeti i LDK-së, Agim Veliu, ka reaguar ashpër pas rezultatit të zgjedhjeve të 7 qershorit, duke vlerësuar se rezultati nuk mund të paraqitet si sukses dhe se partia ka dështuar të përmbushë pritjet që vetë lidershipi kishte krijuar.

Sipas Veliut, përgjegjësia politike për rezultatin bie mbi kryetarin e LDK-së, Lumir Abdixhiku, dhe presidenten Vjosa Osmani, të cilët ai i quan arkitektët kryesorë të projektit politik të partisë

Reagimi:

Rezultati i zgjedhjeve të 7 qershorit, përfundimisht, nuk mund të maskohet me interpretime kreative apo të paraqitet si sukses.

Qytetarët folën qartë, ndërsa LDK-ja mbeti e betonuar në vendin e tretë, larg pritjeve që vetë lidershipi krijoi gjatë fushatës zgjedhore dhe para saj.

Për dështimin e radhës, përgjegjësia politike bie para së gjithash mbi Lumir Abdixhikun dhe Vjosa Osmanin, të cilët ishin arkitektët kryesorë të këtij projekti politik, i nisur në fillim me hile.

Prandaj, kur kërkohen meritat për çdo sukses, duhet të merret edhe përgjegjësia për dështimet.

U shpërfillën paralajmërimet e veprimtarëve, aktivistëve dhe figurave të shumta të LDK-së për centralizimin e partisë, margjinalizimin e mendimit ndryshe, largimin nga baza elektorale dhe së fundmi përzgjedhjen e kandidatëve sipas shijes dhe interesave personale e grupore.

Rezultati zgjedhor dëshmoi se ato shqetësime nuk ishin të pabaza.

Lidershipi aktual duhet ta pranojë dështimin e projektit të tyre për transformimin dhe përvetësimin e partisë sepse e morën përgjigjen nga elektorati.

LDK-ja ka nevojë për më shumë se reflektim formal. Ka nevojë për përgjegjësi konkrete.

Prandaj, është momenti i fundit të niset një proces zgjedhor i rregullt dhe transparent, duke hapur rrugë për figura politike që janë të dëshmuara, që gëzojnë mbështetje të gjerë dhe që interesin e partisë e vendosin mbi interesat personale apo grupore.

Një parti serioze nuk ringrihet duke festuar humbjet si fitore morale. Ajo ringrihet duke analizuar gabimet, duke rikthyer demokracinë e brendshme dhe duke vendosur standarde të qarta të llogaridhënies.

Nëse LDK-ja dëshiron të rikthejë besimin e humbur, ndryshimi duhet të fillojë nga maja e saj. Sepse partitë nuk dobësohen nga humbjet zgjedhore, por nga refuzimi për të nxjerrë mësime prej tyre.

LDK duhet t’i kthehet LDK-së dhe LDK-istëve të saj.

Zoti e bekoftë Lidhjen Demokratike të Kosovës!

Hoti paralajmëron protesta ndaj refuzimit të Kurtit për gazin amerikan

Deputeti i zgjedhur i LDK-së, Avdullah Hoti ka paralajmëruar protesta kundër refuzimit të qeverisë së prirë nga Albin Kurti të projektit amerikan të gazit.

Hoti në një postim në Facebook ka komentuar deklaratën e Albulena Haxhiut që gjatë së enjtes ka thënë se nuk e ka parë kërkesën amerikane për gazin.

“Si mund të deklarohet U.D. e Presidentes se nuk e ka parë deklaratën e palës amerikane lidhur me projektin e gazit?  Kur të mbushen sheshet me protestues e shihni sa serioze është çështja”, ka thënë Hoti.

“Dhe sheshet do të mbushen së shpejti”, ka paralajmëruar Hoti.

“Për vite me radhë, kur paralajmërimet kanë ardhur nga miqtë tanë ndërkombëtarë, kemi parë një qasje për t’i minimizuar, për t’i sulmuar ose për t’i shpërfillur”, ka thënë ai.

Sipas tij, serioziteti ndaj një çështje jetike për të ardhmen e vendit tregon se çfarë prioritetesh ka kjo qeverisje. E papranueshme.

Pesë ish-deputetët e VV-së që s’e kaluan pragun më 7 qershor

Komisioni Qendror i Zgjedhjeve mbrëmë ka përfunduar procesin e numërimit të votave për zgjedhjet e parakohshme parlamentare të 7 qershorit, ndërsa sot ka nisur rinumërimi i 185 vendvotimeve të rregullta.

Sipas rezultateve të procesuara deri më tani, Lëvizja Vetëvendosje ka siguruar 53 mandate në Kuvendin e Kosovës, raporton Klankosova.tv.

Megjithatë, disa deputetë që kanë qenë pjesë e legjislaturës së kaluar nuk kanë arritur të sigurojnë votat e mjaftueshme për të fituar një mandat në përbërjen e re të Kuvendit.

Jashtë Kuvendit nga ky subjekt politik kanë mbetur: Naim Bardiqi, Fitim Haziri, Fatos Geci, Arsim Ademi dhe Rozeta Hajdari.

Megjithatë, në rast të formimit të Qeverisë nga LVV-ja, disa nga ta, por edhe të tjerë, mund ta rikthejnë mandatin. Kjo për shkak se një pjesë e deputetëve të zgjedhur nga kjo parti në këtë legjislaturë, mbanin poste ministrore në qeverinë e kaluar.

Nuk siguroi ulëse në Kuvend, reagon Fahrije Hoti

Fahrije Hoti, që në këto zgjedhje ishte kandidate për deputete nga Lidhja Demokratike e Kosovës, ka reaguar pas përmbylljes së procesit të numërimit të votave. Në postimin e saj, Hoti, ka thënë se e ka pasur të vështirë që të vendos t’i hyj garës politike, për shkak të parimeve me të cilat ajo është rritur.

Tutje, Hoti, ka falënderuar qytetarët që e votuan atë, dhe ka shprehur keqardhje që s’ka arritur të bëhet pjesë e parlamentit të Kosovës.

‘’ Kthehem në Krushë, aty ku i përkas. Kthehem te puna, te gratë, te kooperativa, te fuqizimi i grave dhe te misioni që e kam nisur shumë kohë më parë. Do të vazhdoj të eksportoj ajvarin, produktet tona dhe emrin e Kosovës nëpër botë. Sepse produktet nga duart e grave tona janë dinjitet, qëndresë e dëshmi se kur gratë marrin hapësirën që meritojnë, ato ndërtojnë gjithçka’’, ka shkruar ajo mes tjerash.

Postimi:

E pata të vështirë të vendos t’i hyj garës politike. Jo nga frika, por nga parimet me të cilat jam rritur e jetoj çdo ditë e që janë nderi, puna dhe edukata familjare. Mbi këto vlera kam ndërtuar çdo hap të jetës sime. Fati dhe Zoti më caktuan të jem aty kur shumëkush kishte frikë të ishte, në kohën kur jeta matej me mbijetesë.

Pas luftës, rifillova nga hiri. Kërkuam eshtrat e familjarëve tanë nën blozën dhe rrënojat e shtëpive që serbia fashiste e gjenocidale i kishte bërë rrafsh me tokë. Por nuk u ndala kurrë. Më dha forcë familja ime, Krusha ime, Kosova ime dhe mbarë shqiptaria.

Me 7 qershor, 12,729 qytetarë më dhanë besimin e tyre. Më vjen keq që nuk arrita të bëhem pjesë e Parlamentit të Republikës sonë të dashur, por mirënjohja ime për ju është e pafund.

Kthehem në Krushë, aty ku i përkas. Kthehem te puna, te gratë, te kooperativa, te fuqizimi i grave dhe te misioni që e kam nisur shumë kohë më parë. Do të vazhdoj të eksportoj ajvarin, produktet tona dhe emrin e Kosovës nëpër botë. Sepse produktet nga duart e grave tona janë dinjitet, qëndresë e dëshmi se kur gratë marrin hapësirën që meritojnë, ato ndërtojnë gjithçka.

Faleminderit secilit që besoi. Faleminderit çdo gruaje që pa veten e saj tek unë. Faleminderit çdo të riu që besoi se ndryshimi fillon kur njerëzit e ndershëm marrin përgjegjësi.

Jam këtu. Gjithmonë kam qenë. Gjithmonë do të jem!

E juaja,

Fahrija

Xheneta ndahet nga i fejuari? – dalin detajet

Kur flasim për dashurinë, ish-finalistja e edicionit të tretë të Big Brother VIP Kosova, Xheneta Fetahu ka lëshuar disa deklarata interesante.
Siç raporton gazetari i “Ora Shtatë”, Agon Rexhepi, Xheneta ka konfirmuar se nuk është më e fejuar, transmeton Klankosova.tv.

“Ajo ndër të tjera tha se ka rreth një vit që s’i ka thënë askujt të dua”, deklaroi Rexhepi.