Të shtëna dhe shpërthime në Mynih: Një person gjendet i vdekur, policia bllokon rrugët në pjesën veriore të qytetit

Një operacion i madh policor ka filluar në Mynihun verior që nga orët e para të mëngjesit. Njësi speciale dhe ekspertë të çaktivizimit të bombave janë gjithashtu në vendngjarje.

Sipas BILD, pati disa shpërthime. Raportohet se pati edhe të shtëna,.

Rreth orës 4:40 të mëngjesit, departamenti i zjarrfikësve u njoftua: një ndërtesë banimi po digjej. Pak më vonë, shërbimet e emergjencës morën raportime për shpërthime të forta.

U gjet trupi i një burri . Sipas BILD, i njëjti me sa duket e ka  mbushur shtëpinë e prindërve të tij me eksplozivë, i ka vënë flakën dhe më pas i ka marrë jetën vetes. Thuhet se mbante me vete një çantë shpine. Policia ka frikë se çanta përmban një mjet shpërthyes. Ekspertë për çmontimin e bombave janë në vendngjarje.

Përveç kësaj, të paktën një person tjetër u gjet me plagë nga të shtënat me armë zjarri pranë Liqenit Lerchenau.

Operacionet e zjarrfikësve dhe hetimet policore janë duke u zhvilluar aktualisht, tha policia këtë mëngjes.

Vendndodhja e incidentit është Lerchenauer Straße në Mynihun verior . Policia ka rrethuar një zonë të madhe dhe po u këshillon banorëve dhe shoferëve të shmangin zonën ose të marrin një rrugë të tërthortë. Shkolla aty pranë, shkolla fillore dhe e mesme në, pritet të mbeten të mbyllura derisa të përfundojë hetimi, sipas policisë.

Mbyllet Qeveria amerikane

Qeveria federale amerikane është mbyllur zyrtarisht për herë të parë në gjashtë vjet pasi Kongresi dështoi të miratonte një masë financimi dhe askush brenda Kapitolit nuk e di se çfarë do të ndodhë më pas.

Pasi mbaroi afati i financimit, republikanët dhe demokratët menjëherë filluan të drejtonin gishtin nga njëri-tjetri për mbylljen. Republikanët këmbëngulin që demokratët thjesht duhet të bien dakord të zgjasin financimin aktual për shtatë javë të tjera, raporton CNN.

Çfarë është në rrezik?

Çdo mbyllje qeveritare ndryshon, por funksionet që janë kritike për të mbrojtur jetën dhe pronën zakonisht konsiderohen thelbësore dhe mbeten të hapura. Mbylljet e mëparshme anuluan seancat dëgjimore për imigracionin dhe vonuan kreditimin federal për blerësit e shtëpive dhe bizneset e vogla, ndër ndikime të tjera./Reporteri.net/

Policia e Kosovës sekuestron Mercedes G63 me vlerë 160 mijë euro

Sektori Rajonal i Hetimeve të Policisë në Prizren ka realizuar një operacion të suksesshëm më 29 shtator 2025, duke sekuestruar një automjet luksoz të tipit Mercedes G63, vit prodhimi 2022, me vlerë rreth 160 mijë euro.

Ky veprim është ndërmarrë me kërkesë të autoriteteve gjermane, pasi ekziston dyshimi se pronari i automjetit kishte detyrime të pashlyera financiare dhe, në vend se t’i përgjigjej kreditorit, kishte larguar veturën nga Gjermania. Automjeti është lokalizuar në qytetin e Suharekës.

Sekuestrimi është kryer me urdhër të Prokurorisë Themelore në Prizren, ndërsa procedurat e mëtejme do të vazhdojnë sipas udhëzimeve të institucioneve kompetente të drejtësisë.

Ky operacion është vlerësuar si shembull i qartë i bashkëpunimit të ngushtë mes Policisë së Kosovës dhe autoriteteve ndërkombëtare të drejtësisë, veçanërisht atyre të Bashkimit Evropian.

Pas vapës së verës, Kosova nesër ‘zgjohet’ me reshjet e para të borës

Instituti Hidrometeorologjik i Kosovës (IHMK), ka bërë të ditur se, pas një vere të nxehtë dhe të thatë, rajoni dhe vendi ynë gjatë këtyre ditëve do të përfshihet nga reshjet të shiut dhe borës së parë, shkruan Zeri.info.

Njoftimi i plotë i IHMK-së, pa ndërhyrje:

Duke filluar nga data 01.10.2025 e deri më 03.10.2025, i tërë vendi do të përfshihet fillimisht nga reshje të shiut, të cilat më të shprehura do të jenë në pjesën lindore dhe jug-lindore, të cilat herë pas here mund të jenë me intensitet më të lartë dhe me potencial për të krijuar vërshime të shpejta.

Më të përfshirë do të jenë pellgu i Moravës së Binçës dhe i Lepencit.

Po ashtu, gjatë këtyre ditëve priten ulje të ndjeshme të temperaturave dhe si pasoj reshjet e shiut do të kthehen në reshje të borës, sidomos në zonat më të larta malore, por ajo pritet të bie edhe në disa zona më të ulëta. Duke pasur parasysh, verën shumë të thatë, nuk parashikohet të ketë përmbytje lumore. /Zëri

Ky është vendimi i fundit i Gjykata Kushtetuese lidhur me konstituimin e Kuvendit

Gjykata Kushtetuese e Kosovës ka vendosur se Seanca Konstituive e Kuvendit, e filluar më 15 prill 2025, nuk ka përfunduar si duhet për shkak të moszgjedhjes së nënkryetarit nga radhët e deputetëve të komunitetit serb.

Në vendimin e saj, Gjykata urdhëron që seanca të përfundojë brenda 12 ditëve dhe që deputetët të veprojnë në përputhje me Kushtetutën dhe interesin e përgjithshëm të Republikës së Kosovës, shkruan Insajderi.

Gjykata, njëzëri, ka vendosur:

TË DEKLAROJË, kërkesën të pranueshme;

TË KONSTATOJË, që Seanca Konstituive e Kuvendit, e filluar me 15 prill 2025 nuk ka përfunduar si rezultat i moszgjedhjes së nënkryetarit të Kuvendit nga radhët e deputetëve të komunitetit Serb, dhe Kuvendi nuk është konstituuar në pajtim me përcaktimet e paragrafit 1 të nenit 66 [Zgjedhja dhe Mandati] dhe paragrafët 1 dhe 4 të nenit 67 [Zgjedhja e Kryetarit dhe Nënkryetarëve] të Kushtetutës së Republikës së Kosovës;

TË URDHËROJË, që Seanca Konstituive e Kuvendit të përfundojë brenda afatit të përcaktuar me paragrafin 1 të nenit 66 [Zgjedhja dhe Mandati] të Kushtetutës së Republikës së Kosovës dhe sipas Aktgjykimit të Gjykatës në rastet KO193/25 dhe KO196/25, përkatësisht brenda afatit të mbetur prej 12 (dymbëdhjetë) ditëve nga hyrja në fuqi e këtij Aktgjykimi;

TË URDHËROJË, të gjithë deputetët e zgjedhur të Kuvendit të Republikës së Kosovës, që në pajtim me nenin 4 [Forma e Qeverisjes dhe Ndarja e Pushtetit], nenin 7 [Vlerat], paragrafin 4 të nenit 67 [Zgjedhja e Kryetarit dhe Nënkryetarëve] dhe nenin 74 [Ushtrimi i Funksionit] të Kushtetutës së Republikës së Kosovës, që gjatë procedurës së zgjedhjes së nënkryetarit të Kuvendit të Republikës së Kosovës nga radhët e deputetëve të komunitetit Serb, të ushtrojnë funksionin e tyre kushtetues në interesin më të mirë të Republikës së Kosovës dhe në pajtim me Kushtetutën dhe Rregulloren e Kuvendit;

TË VAZHDOJË, masën e përkohshme, e cila ka hyrë në fuqi nga data 5 shtator 2025, deri në hyrjen në fuqi të këtij Aktgjykimi;

T’UA KUMTOJË këtë Aktgjykim palëve;

TA PUBLIKOJË këtë Aktgjykim në Gazetën Zyrtare të Republikës së Kosovës, në pajtim me paragrafin 4 të nenit 20 (Vendimet) të Ligjit Nr. 03/L-121 për Gjykatën Kushtetuese të Republikës së Kosovës;

TË KONSTATOJË që ky Aktgjykim hyn në fuqi në ditën e publikimit nga Gjykata Kushtetuese e Republikës së Kosovës dhe njoftimit të palëve, përveç pikës V të dispozitivit, e cila hyn në fuqi menjëherë.

Ramiz Lladrovci thërret konferencë për media

Kryetari i Komunës së Drenasit, Ramiz Lladrovci ka thirrur konferencë për media sot në ora 17:00. Konferenca është thirrur pas publikimit të audio-incizimit të publikuar e ku dëgjohen të diskutohej për miliona.

“Ftoj konferencë për media, sot, më 30 shtator 2025, në ora 17:00, në Seli të Iniciativës qytetare “Për Drenasin Kampion”, në Objektin “Hajdini”, rruga “Ilaz Kodra”. Konferenca ka të bëj me audio incizimin shantazhues të keqbërësve. Me nderime, Ramiz Lladrovci. Konferenca ka të bëj me audio incizimin shantazhues të keqbërësve”, shkruan Lladrovci.

Dimal Basha dënohet me 25 mijë euro për shpifje

25 mijë euro është dënuar për shpifje Kryetari i Kuvendit të Kosovës, Dimal Basha, nga Gjykata Themelore në Ferizaj.

Padinë e ka fituar Mustafë Grainca, rreth disa shkrimeve tash të shpallura shpifëse nga Dimal Basha, të botuara si op/ed personal të tij të botuara më 2019 në “Insajderi”

Basha do të paguajë 25 mijë euro dhe duhet të kërkojë falje publike. Gazeta Paparaci ka publikuar Aktgjykimin.

Rriten çmimet e cigareve

Që nga 29 shtatori, respektivisht prej dje, çmimet e cigareve në vend janë rritur për rreth 10 denarë për paketë. Megjithatë, për shkak të rezervave ekzistues me çmimin e mëparshëm, konsumatorët ende nuk ndjejnë plotësisht rritjen.

Prodhuesit paralajmërojnë se në ditët në vijim konsumatorët do të nisin ta ndjejnë rritjen e çmimeve.

Rritja e çmimeve prek marka të njohura si Dunhill, Lucky Strike, Pall Mall dhe Rothmans.

Ky ndryshim nuk është rezultat i rritjes së akcizës ose tatimeve shtetërore, por pjesë e politikës së çmimeve të prodhuesve, përcjell “TV21”.

Analizat e tregut tregojnë se kjo lidhet me rritjen e kostove të prodhimit dhe logjistikës, si dhe me përshtatjen ndaj trendëve të çmimeve në rajon.

Xhandarmëria serbe bastis dy familje shqiptare në Konçul

Kryetari i Këshillit Kombëtar të Shqiptarëve të Luginës së Preshevës, Enkel Rexhepi, ka thënë se xhandarmëria serbe ka bastisur dy shtëpi të shqiptarëve në fshatin Konçul të Komunës së Bujanovcit.

Shkaqet ende nuk dihen.

“Ende nuk kemi njohuri shumë. Këshilli Kombëtar ka dalë në terren, por ende nuk kemi njohuri. Ajo që dimë është se kanë hy në dy shtëpi”.

“Janë shqiptare, Konçuli është kryesisht shqiptarë”, ka deklaruar Rexhepi për EO.

Shteti i vetëm në botë që ende i ka të mbyllur kufijtë për shkak të pandemisë

Azerbajxhani ka vendosur të zgjasë deri më 1 janar 2026 mbylljen e kufijve tokësorë, duke mbetur i vetmi vend në botë që vijon të jetë i mbyllur që nga nisja e pandemisë COVID-19. Vendimi u firmos më 22 shtator nga kryeministri Ali Asadov, duke shtyrë afatin e mëparshëm të përcaktuar për 1 tetor 2025.

Ky “regjim i veçantë karantine” është në fuqi që prej pranverës së vitit 2020, kur shumica e shteteve mbyllën kufijtë për të frenuar përhapjen e virusit. Megjithatë, ndryshe nga pjesa tjetër e botës, që ka hequr kufizimet prej vitesh, Azerbajxhani ka mbajtur një politikë hermetike mbi qarkullimin tokësor. Prej marsit 2023 udhëtimi ajror është normalizuar, pa kërkesë për teste apo certifikata mjekësore, por hyrja dhe dalja nga vendi përmes tokës mbetet e ndaluar, përveç rasteve të jashtëzakonshme si transportet e mallrave, shkruan A2 CNN.

Në praktikë, kjo do të thotë se të huajt mund të hyjnë vetëm përmes avionëve, ndërsa kufijtë tokësorë janë të mbyllur për turizmin dhe qarkullimin e zakonshëm. Autoritetet e justifikojnë masën me nevojën për të parandaluar rreziqet e reja nga koronavirusi, por kritikat ndërkombëtare e shohin si një izolim unik dhe të pazakontë.

Për të balancuar këtë qasje, Baku lehtësoi procedurat e vizave për evente të mëdha, si për tifozët e Formula 1 që u mbajt një javë më parë.