Zbulohet skandali: Dejona Mihali vendos kur të ndalet rryma në Kosovë, e kur jo

Dejona Mihali me pozitë koordinatore e komiteteve në Vetëvendosje, pa asnjë pozitë shtetërore e as drejtuese në korporatë vendos se kur të ndalet rryma, e kur jo në Kosovë.

Anipse nuk ka asnjë kompetencë formale ajo i jep urdhër Nagip Krasniqit, ish-Kryeshefit të KEK-ut, që rryma të mos ndalet në ditë të caktuara.

Pas kësaj, ajo ia jep Krasniqit edhe një leksion se si duhet t’i mbaj në kontroll burimet e informacionit, “sidomos ata të ndërrimit të natës”.

“Sot dhe nesër jetike mos të ketë reduktime”, i drejtohet Mihali ish-Kryeshefit të KEK-ut Nagip Krasniqi në komunikimet që i ka siguruar gazeta Nacionale.

Madje përveç kësaj, ajo ia shton edhe një “fare” në fjali, duke ia bërë të ditur Krasniqit, se për ato ditë të caktuara nuk duhet të ketë fare reduktime.

Pas urdhrit që Mihali ia jep Krasniqit që të mos ketë reduktime, pason një bisedë tjetër; ajo ia jep një leksion se si duhet të kontrollohen sinjalizuesit.

Duke ia dërguar një informacion që kishte dalur nga KEK-u, Mihali i kërkon llogari Krasniqit, se përse po dalin informacione nga Korporata e ky i fundit nuk po i di.

Krasniqi për t’u “shfajësuar” i thotë se “s’duhet të merremi me thashetheme”, derisa Mihali ia kthen me një leksion: “vërtetësia është tjetër gjë, burime të tjera të infos çka ngjan aty në vend të ngjarjes është me rëndësi, të marrim masa, të kesh njerëz që të njoftojnë paralelisht, ata që janë në ndërrim kryesisht natën.”

MAT! Krejt papritur, Blero e Afrona sërish bashkë? (FOTO)

Ishin mes çifteve më të komentuara të showbizit.

Blero dhe Afrona, me uljet dhe ngritjet në marrëdhënien e tyre, bënë bujë gjithandej.

Gjithçka nisi me romancë të cilën e kurorëzuan me martesë, e cila do të përfundonte vite më vonë.

Megjithatë raporti mes tyre u komentua sërish pasi Blero i shkoi në podcast Afronës.

Prive me burime 100% të sigurta, ka siguruar këtë fotografi të shkrepur në mes të Cyrihut, ku Blero dhe Afrona shihen duke shijuar momente së bashku, madje në publik.

Pas ndarjes nga bebi, mos vallë ish çifti, Blero e Afrona janë ribashkuar?

Kjo foto nxit dyshime të vërteta. Gjithsesi, neve na mbetet të presim derisa dyshja ta vulosin ‘ribashkimin’ apo ta sqarojnë raportin aktual mes tyre.

Ishte duke bërë sillazh, ky është personi që vdiq tragjikisht sot

Një person ka humbur jetën në fshatin Bellopojë të Istogut, si pasojë e lëndimeve që mori duke punuar nga mjeti bujqësor.

Burimet e Indeksonline pohojnë se personi që humbi jetën tragjikisht është, Astrit Metaj i cili pësoj lëndime gjersa ishte duke bërë sillazh.

Këtë për Indeksonline e konfirmoj edhe zëdhënësi i policisë për rajonin e Pejës, Fadil Gashi, ku njoftoi se pas lëndimeve është dërguar në Emergjencën e Spitalit Rajonal të Pejës, aty ku mjeku kujdestar ka konstatuar vdekjen e tij.

“Në ora 13:30, policia është njoftuar se një person gjersa ka qenë duke punuar ka pësuar lëndime nga një mjet bujqësor. Policia ka dal në vendin e ngjarjes , i lënduari është dërguar fillimisht në QMF pastaj në Emergjencë të Spitalit Rajonal, në Emergjencë mjeku kujdestar ka konstatuar vdekjen, me urdhër të prokurorit viktima është dërguar në IML për obduksion”, tha Gashi për IndeksOnline.

Rrahmani për Kusari-Lilën: Është mësuar të informohet nga Lista Serbe e Radoiçiqi

Eman Rrahmani nga Lista për Familjen, ka folur për shefen e Grupit Parlamentar të Lëvizjes Vetëvendosje, Mimoza-Kusari-Lilën.

Rrahmani për Kusari-Lilën thotë se me gjasë është mësuar të informohet nga Lista Serbe ose edhe nga terroristi, Milan Radoiçiq se si të veprojë për Vetëvendosjen.

“Ushtruesja e detyrës së shefes së Grupit Parlamentar Mimoza Kusari, e them kështu sepse nuk ka të drejtë dikush që nuk është i asaj partie të jetë shef, po ajo me gjasë është mësuar të informohet nga Lista Serbe, nga Radoiçiqi për veprimet e tyre”, tha ai në Klan Kosova.

“Pak a shumë e vërtetë”: Biseda ku Nagip Krasniqi ia konfirmon Dejona Mihalit përfshirjen e Martin Berishajt në dallavere me rrymë

Platforma ‘Signal’ që njihet si më vështirë e përgjueshme, ka qenë forma më e shfrytëzuar për komunikim ndërmjet koordinatores së komiteteve në Vetëvendosje, Dejona Mihalit, dhe ish-kryeshefit të KEK-ut, Nagip Krasniqi.

Kur në Kosovë kishte shpërthyer skandali për përfshirjen e ambasadorit Martin Berishaj në dallaveret me rrymë nëpërmjet kompanisë GEN, shqetësimi duket se ishte prezent në figurat e larta të Vetëvendosjes.

Në komunikimet që i ka siguruar Gazeta Nacionale ndërmjet Dejona Mihalit dhe Nagip Krasniqit, del se Mihali e përcillte me vëmendje secilin raportim për këtë skandal energjetik. Ato ia përcillte ish-kryeshefit të KEK-ut.

Madje, në njërën prej bisedave, Mihali e informon Nagip Krasniqin për shkrimet e mediave se kompania GEN e lidhur me Martin Berishajn, kishte përfituar 4.2 milionë euro gjatë kohës së krizës energjetike.

Para këtij raportimi, dorëzohet edhe Nagip Krasniqi i cili e konfirmon se “pak a shumë është i vërtetë”.

Mihali ia ka dërguar Krasniqit linkun e portalit Reporteri, përderisa reagimi i Nagip Krasniqit ishte i menjëhershëm.

“Pak a shumë e vërtetë”, thuhet në përgjigjen e Nagip Krasniqit, në bisedat të cilat i ka siguruar Nacionale.

Ajo që mbrohej me kërshëri nëpër media nga zyrtarët e pushtetit, del se nuk amnistohej edhe në komunikimet private.

Pra, Nagip Krasniqi, në bisedat private, ia konfirmon Dejona Mihalit, se përfshirja e Martin Berishajt në kompaninë GEN dhe përfitimet që kjo kompani ka marrë nga Kosova, janë “pak a shumë të vërteta”.

Bisedat për këtë temë, nuk ndalen.

Pas artikullit të parë, Dejona Mihali ia dërgon Nagip Krasniqit një deklaratë të Ramush Haradinajt, i cili kërkonte llogari nga Albin Kurti për skandalin me rrymë ku ishte i përfshirë Martin Berishaj.

Kjo nuk u përcoll me ndonjë reagim nga Nagip Krasniqi.

Në një tjetër shkëmbim mesazhesh në ‘Signal’, Dejona Mihalit e njofton Nagip Krasniqin për komisionin hetimor, dhe importin e rrymës.

Shkrimi i plotë në Nacionale.

Ky është rrezultati pas pjesës së parë mes Gjeorgjisë e Shqipërisë

Gjeorgjia po i bën konak Shqipërisë, në takimin që po luhet në kuadër të xhiros së katërt të Ligës së Kombeve.

Dy ekipet kanë hyrë në këtë përballje me synim tre pikët, që llogariten shumë të rëndësishme për plasman tutje.

Ndonëse 45-minutëshi i parë u mbyll 0-0, raste pati me bollëk në të dy anët.

Shqipëria luajti më mirë në minutat e parë të fillimit të kësaj ndeshje, derisa në 15 minutat e fundit, dukej se vetëm Gjeorgjia ishte në fushë.

Posedimi i topit i takoi vendasve, derisa me raste të krijuara ishin njëjtë.

Ndeshja e fundit mes këtyre dy kombëtareve u mbyll 1-0 në të mirë të gjeorgjianëve në “Air Albania”, muajin e kaluar.

Pas disa ditëve alarmuese për mungesë të shujtave për ushtarët, presidentja Osmani ndërmerr hapa

Presidentja e Kosovës, Vjosa Osmani ka takuar ministrin e Mbrojtjes, Ejup Maqedonci.

Këtë e ka konfirmuar në Tëvë1, zëvendësministri i Mbrojtjes, Shemsi Syla.

Ai ka thënë se takimi është zhvilluar vonë pasdite dhe nuk ka detaje.

Syla ka bërë të ditur se në takim nuk ka qenë komandanti i FSK-së, Bashkim Jashari pasi ndodhet në një vizitë zyrtare në ShBA.

Kujtojmë se Presidentja e Kosovës, Vjosa Osmani, nuk e ka thënë ende asnjë fjalë për skandalit me ushqim të FSK-së deri më tani.

Sylvinho bën disa ndryshime, formacionet zyrtare: Gjeorgji – Shqipëri

Kombëtarja do të luajë pasditen e sotme sfidën përballë Gjeorgjisë në transfertë, e vlefshme për raundin e 4-të të Nations League. Ndeshja që do të zhvillohet në Tbilisi, starton në orën 18:00.

Tashmë dy trajnerët kanë vendosur për lojtarët që do të hedhin në fushë që nga minuta e parë e kësaj sfide. Më poshtë do të njiheni me formacionet zyrtare të ndeshjes Gjeorgji – Shqipëri.

FORMACIONET ZYRTARE:

Ivica Daçiç i këndon Erdoganit “Osman Agën”, videoja bëhet virale në rrjet!

Numri dy i qeverisë serbe ka marrë mikrofonin e ka kënduar përpara kreut të shtetit turk këngën “Osman aga” në një drekë të shtruar në Pallatin e Serbisë pikërisht për nder të Erdoganit.

Në videon amatore, të shpërndarë në rrjetin social X, Daçic shihet duke kënduar në shoqërinë e një orkestre, ndërsa në sfond në tryezën festive janë ulur anëtarët e Qeverisë Goran Vesic, Zoran Gajic dhe Usame Zukorlic. Tavolina në të cilën janë ulur i ftuari i nderit nga Turqia Erdogan dhe homologu i tij serb  Aleksandar Vuçic, shfaqet vetëm shkurt në pamje. Të njëjtën këngë, duket se Dacic ia ka kënduar presidentit turk edhe gjatë vizitës së tij në Beograd në vitin 2017.

Daçic ka kënduar disa herë deri më tani në dreka apo darka të mbajtura për nder të disa shtetarëve të huaj gjatë ndalesave në Serbi, ndaj performance e tij është kthyer si gati në pjesë të pandashme të mbrëmjeve joformale me zyrtarë të huaj.  Erdogan zhvilloi të enjten dhe të premten një vizitë zyrtare në Serbi, gjatë së cilës u nënshkruan disa marrëveshje dhe memorandume për bashkëpunim ndërmjet dy vendeve.

Ai pohoi në Beograd se dy vendet kanë vendosur të punojnë së bashku për t’i zhvilluar industritë e veta të mbrojtjes, ndërsa njoftoi gjithashtu se pjesë e bashkëpunimit të tyre do të jenë edhe dronët turq që do t’i dhurohen Serbisë. “Turqia dhe Serbia duhet të ndërmarrin hapa së bashku, por këta hapa janë formimi i përbashkët i një industrie të mbrojtjes, për të garantuar paqe”, ishte komenti i Erdoganit.

Video

Bekë Berisha: Qysh çohet burri me musteqe e pisket “baba”, e sheh baba i vet biologjik tu i thanë babë Kurtit

Deputeti i AAK-së, Bekë Berisha, i komentoi në Kuvend tubimet e kryeministrit Albin Kurti me shqiptarë në Gjermani.

Ai tha se 75 mijë shqiptarë e kanë pritur njëlloj edhe liderin e dikurshëm të Jugosllavisë, Josip Broz Titon.

”Shoku Tito qaty i ka mbledhë… nja 75 mijë shqiptarë kanë dalë e kanë pritë qeshtu. Edhe atij i kanë thanë babë”.

Atij ia ka marrë vëmendjen një person, që tha se i thoshte “babë” Kurtit.

“Po qysh çohet burri me musteqe e pisket ‘baba, baba’, e nuk e ka babë atë. E sheh baba i vetë biologjik tu i thanë babë dikujt, e ai duke e dështu shtetin”, tha Berisha.

“Sa duhet me pasë urrejtje, pezm, hidhërim njeriu për vendin e vet, me i thënë ‘baba’ Albin Kurtit”, tha ai.