Tre persona rrahin Shpat Kasapin, këta janë të dyshuarit!

Një aheng familjar në restorantin “Grand Events” në Shkabaj, në magjistralen Prishtinë–Mitrovicë, është kthyer në skenë dhune, ku këngëtari i njohur Shpat Kasapi ka mbetur i sulmuar bashkë me Albin Kasapin.

Burime të Sinjalit bëjnë të ditur se viktimat janë Shpat Kasapi rreth 40-vjeçar dhe Albin Kasapi rreth 47-vjeçar, të cilët kanë deklaruar se janë sulmuar fizikisht nga Feim Kicaj rreth 62-vjeçar, Bledar Kicaj rreth 36-vjeçar dhe Blerim Kicaj rreth 29-vjeçar.

Njëri prej të lënduarve ka marrë trajtim mjekësor, ndërsa policia ka shoqëruar në stacion të dyshuarit dhe viktimat për intervistim.

Deri të rrahja fizike dyshohet se çoi vonesa e këngëtarit Shpat Kasapi i cili po ashtu dyshohet se ishte edhe në gjendje të dehur.

Me urdhër të prokurorit, Feim Kicaj është dërguar në mbajtje për 48 orë, ndërsa Bledar dhe Blerim Kicaj janë liruar në procedurë të rregullt. Rasti po hetohet më tej nga autoritetet kompetente.

Sot u martua, ja kush është bashkëshorti i deputetes Sala Jashari

Sot, deputetja e Partisë Demokratike të Kosovës, Sala Jashari, i ka dhënë fund beqarisë duke u martuar me Egzon Gashin.

Ky i fundit, është djali i Sulejman Gashit, gazetarit të ndjerë nga SHBA.

”Egzon dhe Sala, sot zemra m’u është mbushur, ftyra më ka buzëqeshur dhe sytë me kanë lotuar. Urime për martesën tuaj dhe dasmën më të mirë që kam përjetuar ndonjëherë! Shumë urime! Ju dua sot dhe përgjithmonë!”, ka shkruar Drilon Gashi.

“Mo bre t’lutna”- Arrestohet njëra nga vajzat e mitura që rrahën brutalisht moshataren e tyre në Gjilan-Detaje

Një vajzë 14-vjeçar është dërguar për 24 orë në burg pas rrahjes brutale dhe keqtrajtimit të një të miture tjetër në Gjilan.

Në rrahjen e vajzës së mitur kanë marrë pjesë katër vajza të tjera.

Sipas Klanit, tri prej vajzave të tjera ishin nën moshën 14-vjeçare, arsye kjo që ka bërë që të mos arrestohen nga policia.

Në lidhje me rastin, zëdhënësi i policisë për rajonin e Gjilanit, Ismet Hashani, ka thënë se po merren policia dhe prokuroria.

“Mund ta konfirmoj si rast. Në lidhje me rastin po merren policia dhe prokuroria por nuk mund të japë më shumë detaje”, ka thënë Hashani.

“Mo bre t’lutna”- Disa vajza të mitura e rrahin brutalisht njëra pas tjetrës moshataren e tyre në Gjilan

Përfshirja e Trump në temën e Kosovës, Grenell vjen me një paralajmërim

Përfaqësuesi special i presidentit Donald Trump, Richard Grenell, ka treguar për planet e shefit të tij për tu përfshirë në çështjen e Kosovës.

Në një intervistë dhënë për Klan Kosovës, Grenelli tha se administrata Trump do të shkojë hap pas hapi në çështjen e Kosovës.

“Mendoj se do të shkojmë hap pas hapi. Sigurisht jemi plotësisht të angazhuar në këto çështje, por siç e thashë, po bëjmë zhvillim ekonomik gjithandej botës. Ky është fokusi”, tha Grenell.

I pyetur se a e ka ndonjë plan për t’u rikthyer në temat e vjetra si korrigjimi i kufijve, Grenell tha se “nuk ka kthim mbrapa në asgjë”.

“Mendoj se planet kanë qenë gjithmonë plani ekonomik. Nuk ka kthim mbrapa në asgjë. Ne gjithmonë jemi përqendruar në zhvillim ekonomik si shtytës për zgjidhje të problemeve dhe do të vazhdojmë ta bëjmë këtë”, tha ai.

Martohet deputetja e Kuvendit të Kosovës, ja si duket ajo si nuse

Deputetja e Kuvendit të Kosovës nga radhët e Partisë Demokratike Sala Jashari, i ka dhënë fund beqarisë.

Në një ceremoni tejet private, ajo ka kurorëzuar dashurinë e saj, duke e kthyer këtë ditë në një moment të veçantë në jetën e saj.

Megjithëse dasma është mbajtur larg syrit të publikut, deputetja ka ndarë disa pamje të bukura drejt altarit me ndjekësit e saj në rrjetet sociale.

Pos që u rrah me tre persona të tjerë, Shpat Kasapi edhe nusen e bënë për spital- Ja pse ndodhi përleshja në aheng

Një dasmë në një restorant në Shkabaj është shndërruar në skenë kaosi dhe dhune, ku protagonist është këngëtari i njohur Shpat Kasapi.

Ai, bashkë me vëllain e tij, ka qenë i ftuar në aheng, por situata ka dalë jashtë kontrollit pas një vonese të konsiderueshme të tyre.

Sipas Demos, Shpat Kasapi është vonuar rreth dy orë dhe në dasmë ka mbërritur në një gjendje jo të mirë. Kjo vonesë, e shoqëruar me tensionet në vendngjarje, dyshohet të ketë çuar në një përplasje të ashpër me nikoqirët.

Përveç përleshjes me tre persona që përfundoi me arrestimin e njërit prej tyre, në këtë incident është lënduar edhe nusja e dasmës. Madje, dyshohet se vetë Kasapi ka qenë shkaktar i lëndimit të saj.

Ngjarja ka përfunduar me ndërhyrjen e policisë, ku tre persona janë marrë në pyetje. Njëri prej tyre është ndaluar për 48 orë, ndërsa dy të tjerët janë liruar në procedurë të rregullt.

Grenell: Kurti e Osmani duhet ta mbrojnë Thaçin – nesër mund të jenë vetë në vendin e tij

Richard Grenell, përfaqësuesi special i presidentit amerikan, Donald Trump, ka komentuar zhvillimet në Gjykatën Speciale.

I pyetur se në rast se ish-presidenti Hashim Thaçi do të dënohej, a do ta njihte këtë vendim qeveria amerikane, Grenall në një intervistë për Klan Kosova tha se ka ende besim në sistemin e drejtësisë dhe që individët do t’i dëgjojnë provat dhe nuk do të veprojnë politikisht.

“Shikoni, unë kam ende besim në sistemin e drejtësisë që individët që po i dëgjojnë provat nuk do të veprojnë politikisht. Shikoni provat dhe unë më të vërtetë do t’i inkurajojë njerëzit të shohin se çfarë po thonë, si aktakuza ndaj Thaçit”.

“Unë përqendrohem në këtë rast në Hagë. Nuk dua të futem në këtë. Dua të kem shpresë dhe mendje të shëndosh se gjyqtarët do ta hedhin [aktakuzën] dhe në atë moment dua të kemi një pajtim të mirëfilltë se pse po ndodh kjo, pse po ndodhin këto ndjekje politike penale. Duhet rregullojmë këtë rrëmujë”, tha Grenell.

Tutje, ai u shpreh se kryeministri në detyrë, Albin Kurti dhe presidentja Vjosa Osmani mund ta ndihmojnë Hashim Thaçin, pasi sipas tij, kjo nuk është për ta mbrojtur Thaçin si individ por për ta mbrojtur Kosovën.

“Mendoj se qoftë presidentja Osmani, kryeministri Albin Kurti mund të bëjnë diçka dhe kjo nuk ka të bëjë për ta ndihmuar Hashim Thaçin por për ta ndihmuar Kosovën. Kjo ka të bëjë me rikthimin e sovranitetit të Kosovës duke thënë se ne do t’i trajtojmë vet çështjet tona gjyqësore”.

“Askush s’po thotë që këto aktakuza të hedhen automatikisht, por kishim një vizion gjithmonë që të mos kemi një gjyqtar ndërkombëtar që gjykon, por të marrin gjyqtarë të Kosovës dhe të tregojnë se kanë një sistem gjyqësor në vend për të vënë drejtësinë në mënyrë të duhur”, tha Grenell.

Ai i bëri apel Kurtit e Osmanit që të dy të bëjnë më “shumë për ta mbrojtur Kosovën, sepse një ditë është Hashim Thaçi, të nesërmen mund të jetë që të jenë ata”.

“Kisha bërë apel te Albin Kurti dhe presidentja Osmani që të dy të bëjnë më shumë për ta mbrojtur Kosovën, sepse një ditë është Hashim Thaçi, të nesërmen mund të jetë që të jenë ata. Ndjekjet politike janë të tmerrshme, duhet t’i refuzojmë këto dhe duhet të kemi një sistem që iu mbron nga kjo, qoftë në Amerikë, qoftë në Kosovë”, tha Grenell.

Dalin pamjet – Gjarpër disa metrash filmohet në Suharekë

Një gjarpër i gjatë disa metra është filmuar së fundmi në një zonë në Suharekë.

Pamjet, të cilat tashmë po qarkullojnë në rrjetet sociale, tregojnë zvarranikun duke lëvizur pranë një rruge rurale, në dukje i qetë, por me përmasa të pazakonta për zonën.

Ndodh edhe kjo: Bashkëshorti e raportoi si të zhdukur, por 31-vjeçarja nga Gjakova gjendet duke bashkëjetuar me një tjetër burrë

Nuk janë të rralla rastet kur qytetarët kërkojnë ndihmën e Policisë për t’i gjetur familjarët e tyre që raportohen të zhdukur. Shumë shpesh angazhohen edhe njësi e grupe vullnetare që të zbulojnë gjurmët e personave që nuk dihet asgjë për fatin e tyre, raporton Gazeta Sinjali.

Kështu, rasti i një 31-vjeçareje nga Gjakova, e raportuar si e zhdukur në prill të këtij viti, ka marrë një kthesë të papritur pas hetimeve të Policisë.

Sipas informatave të Sinjalit, më 7 prill 2025, ankuesi A.S., rreth 35-vjeçar kishte raportuar se bashkëshortja e tij, M.L., rreth 31-vjeçare, ishte larguar nga shtëpia në rrethana të panjohura dhe nuk kishte mundur të kontaktonte me të. Kontrolli i kamerave të sigurisë tregonte se ajo ishte larguar në këmbë, ndërsa ankuesi kishte theksuar se nuk vuante nga probleme mendore.

Pas hetimeve, është zbuluar se 31-vjeçarja nuk ishte larguar në mënyrë të dhunshme apo nën kërcënim, por me dëshirën e saj kishte filluar bashkëjetesën me një tjetër burrë – dëshmitarin P.C., rreth 39-vjeçar. Ajo ishte në gjendje të mirë shëndetësore dhe nuk kishte pasur asnjë formë imponimi për të marrë këtë vendim.

Për të gjitha veprimet dhe gjetjet është njoftuar Prokurori kujdestar, ndërsa rasti është mbyllur

Vetëvendosje i shpall ‘luftë’ Kushtetuesës

Lëvizja Vetëvendosje nuk është pajtuar me vendimin e fundit të Gjykatës Kushtetuese lidhur me mënyrën e vazhdimit të seancës konstituive të Kuvendit.

LVV e ka cilësuar ndërhyrje në ndarje të pushteteve dhe shkelje të Kushtetutës, aktgjykimin e publikuar sot.

Sipas VV-së, vendimi i sotshëm është në kundërshtim me parimet themelore të shtetit të së drejtës dhe në tejkalim të kompetencave të gjykatës.

“Gjykata kushtetuese shkeli Kushtetutën. Njoftimi i publikuar sot nga Gjykata Kushtetuese përbën devijim të rrezikshëm nga roli kushtetues. Ai është në kundërshtim me parimet themelore të shtetit të së drejtës dhe ndarjes së pushteteve. Gjykata Kushtetuese është një organ i pavarur që ka për detyrë të interpretojë dhe kontrollojë përputhshmërinë e ligjeve apo akteve të tjera me Kushtetutën, brenda juridiksionit të vet. Njoftimi nuk ka qartësuar asgjë tjetër veçse që Gjykata ka tejkaluar kompetencat kushtetuese. Gjykata nuk e ka të drejtën që të krijojë norma të reja juridike apo të imponojë rregulla që nuk kanë bazë në Kushtetutë.

Gjykata ka zgjedhur të shpikë arbitrarisht rregulla. Shpikja e rregullave tërësisht të reja në mes të procesit dhe ndërhyrja në mënyrë substanciale në kompetencat e Kuvendit është cënim i rendit kushtetues. Kushtetutën e miraton dhe e ndërron Kuvendi. Marrja e kësaj kompetencë duke uzurpuar rolin kushtetues të Kuvendit është goditje e sistemit demokratik që ka burimin te sovrani. Nuk ka forma të tjera të njohura të shkrimit e rishkrimit, miratimit e ndryshimit të Kushtetutës. Ato i bën ose Kuvendi ose Referendumi popullor. Anëtarët e Gjykatës Kushtetuese nuk janë subjekte as të njërës, as të tjetrës. Kur një organ që duhet të jetë gardian i Kushtetutës fillon të prodhojë norma të reja ose të plotësojë norma që nuk janë paraparë as në Kushtetutë, as nga legjislativi, atëherë transformohet në një organ jashtëkushtetues”, thuhet mes të tjerash në reagimin e Lëvizjes në Facebook.

“Ku, saktësisht, shkruhet në Kushtetutë, në Rregulloren e Kuvendit, në Aktgjykimin e Gjykatës në rastin KO119/14 apo në Aktgjykimin e Gjykatës në rastin KO124/25, apo në jurisprudencën ndërkombëtare se grupi më i madh parlamentar ka të drejtë të propozojë të njëjtin kandidat vetëm tri herë? Nga buron kjo normë? Pse jo dy herë, katër herë, dhjetë herë? Ku është lidhja kushtetuese apo doktrinare me numrin tre? Njoftimi i Gjykatës paralajmëron se Aktgjykimi që pritet të dalë do ta cënojë rëndë ndarjen e pushteteve. Rast i paprecedentë dhe ndërhyrje flagrante në kompetencat e Kuvendit. Gjykata nuk mund të uzurpojë funksionin e hartimit apo amandamentimit të Rregullores së Kuvendit, sepse kjo përbën shkelje të Kushtetutës, përkatësisht parimit kushtetues të ndarjes së pushteteve, i cili është një ndër shtyllat e demokracisë parlamentare. Rregullat e reja të paralajmëruara nga Gjykata Kushtetuese nëse nuk janë në Kushtetutë dhe as në Rregulloren e Kuvendit nuk mund të jenë në asnjë Aktgjykim.

Vendimi pasqyron motive partiake. Sa herë që Lëvizja VETËVENDOSJE! duhet të veprojë sipas rregullave që më herët janë vendosur nga vet Gjykata si jurisprudencë në raste analoge, sikur Aktgjykimi i vitit 2014, ato rregulla po i ndryshon vet Gjykata. Përmasa partiake e vendimit dallohet edhe nga fokusi krejtësisht i panevojshëm tek Kryesuesi i seancës konstituive z. Avni Dehari. Të njëjtin efekt juridik do të kishte lidhur me rendin e ditës pa e subjektivizuar me figurën e Kryesuesit e seancës. Sepse, tek e fundit, Kryesuesi i seancës konstituive nuk është subjekt kushtetues, vetëm Kuvendi është. Kryesuesi i seancës konstituive është vetëm subjekt i Rregullores së Kuvendit. Duke e spikatur vetëm Kryesuesin e seancës pa asnjë justifikim juridik, zbulohet qartazi që qëllimi ishte etiketimi politik i figurës së tij sipas fjalorit të partive opozitare. Nëse Kryesuesi i seancës konstituive paska vepruar gabimisht kur u ka kërkuar deputetëve të votojnë për, kundër apo abstenim për sa i përket komisionit për votim të fshehtë, është e pakuptueshme pse Gjykata nuk e ka konstatuar këtë shkelje në Aktgjykimin KO 124/25, të shpallur më 26 qershor i cili është nxjerrë pasi Kryesuesi i seancës kishte filluar tashmë thirrjen për votim të komisionit prej 1 majit 2025. Gjykata duket qartë se ka zgjedhur të mbajë anë duke prekur në mënyrë serioze parimet demokratike dhe sfiduar vullnetin popullor. Ky është një paralajmërim serioz për rrezikun e një pushteti juridik të pakontrolluar, që në vend të kontrollit të pushteteve të tjera, vetë bëhet burim i kapjes institucionale”, thuhet në reagimin e VV-së.

Sipas vendimit të fundit të Gjykatës Kushtetuese, kryesuesi Avni Dehari e ka shkelur Kushtetutën, ndërsa ka urdhëruar deputetët që të votojnë në mënyrë të hapur në afatin e ri prej 30 ditëve.

Po ashtu, sipas Kushtetuteses, kandidati i njëjtë ka drejtë të propozohet vetëm 3 herë.