Berisha: Sot krejt Kosova është UÇK, përveç mbetjet sllave dhe analfabetët e regjimit aktual

Ish-deputeti i Kuvendit të Kosovës, Zafir Berisha, ka kritikuar pushtetit aktual për mosmbështetje të protestës se sotme, e cila do të mbahet në ora 17:00.

Ai ka bërë me dije se sot krejt Kosova është UÇK-së.

Në profilin e tij në “Facebook”, Berisha ka shkruar se sot UÇK nuk janë vetëm mbetjeve sllave dhe mbështetësit e Qeverisë Kurti.

“Sot të gjitha rrugët të dërgojn në Prishtinë, për të protestu kundër padrejtësisë që bëhet në emër të “drejtësisë ndërkombëtare”. Mbështja për UÇK-së nuk është se vetëm sot po ju pengon mbetjeve sllave në Kosovë që po kundërmojn nga kazanat e mbeturinave, UÇK-së ju ka penguar edhe gjatë luftës, kur këtyre mbetjeve ju prishte kumarin me serbët! Sot krejtë Kosova është UÇK-së, përveq mbetjeve sllave dhe analfabetëve të regjimit aktual, të cilët shiten në opinion se gjoja kanë qenë kundër gjykatës speciale, e që në faktë koha po tregon se me kundërshtimin që e kanë bë, po delën se kanë qenë të interesuar që këtë gjykatë me formu KS i OKB, që Rusi dhe Kina me pasën akcesë në denimin e luftës së UÇK-së”, ka shkruar ai.

S’e njihni më, Pauli i “BBVK” ndryshon pas mbjelljes së flokëve

Ish-banori i “BBVK”, Paul Morina, ka bërë ndryshimin e madh.

Pas përfundimit të rrugëtimit të tij në “BBVK” ai ka vendosur t’i nënshtrohet një ndryshimi të madh estetik, mbjellës së flokëve, shkruan Indeksonline.

Në një fotografi të ripostuar në Instastory, ai duket i panjohshëm.

Ky ndryshim duket se i ka dhënë më shumë vetëbesim dhe të shumta ishin komentet e ndjekësve të cilët e kanë përgëzuar për këtë ndryshim mahnitës./Indeksonline/

Disa orë para mbajtjes së protestës, zëdhënësi i VV-së del kundër – Kritikon Hashim Thaçin

Disa orë para mbajtjes së protestës më të madhe kundër Gjykatës Speciale, Zëdhënësi i Lëvizjes Vetëvendosje, Arlind Manxhuka, e cilëson si të vonuar.

Në reagimin e ti,j Manxhuka nuk e përkrah mbajtjen e protestës dhe gjen hapësirë të shkruaj për deklarimet e Hashim Thaçin ndaj Gjykatës speciale duke i cilësuar si qëndrime të buta.

“⁠Në intervistën e tij nga Haga para një jave, ish presidenti dhe ish kryeministri Thaçi ishte tepër i butë me Gjykatën Speciale. Protestat nuk mund ta zëvendësojnë a kompenzojnë mungesën e qëndrimit të tij.,” ka thënë ai.

Ai ka theksuar se nuk mund të ndryshohet historia e Kosovës dhe lufta çlirimtare, as historiku i themelimit të Gjykatës Speciale.

“Kosova ka nevojë për gjykata normale që dalin pas vettingut dhe për një kryeprokuror të ri, e jo për gjykata speciale jotransparente, të cilat janë jashtë praktikave ndërkombëtare,” ka shtuar ai.

Reagimi i plotë:

Meda në kanagjegjin e mbesës bën veprimin e veçantë

Këngëtari Meda përmes një postimi në rrjete sociale ka treguar se po e maron mbesën.

Meda shihet teksa e shoqëron mbesën e tij gjatë kanagjegjit, duke e mbështetur dhe ndarë gëzimin e këtij momenti, shkruan “Kosovarja”.

Krahas postimit Meda është shprehur në fjalët më të mira “Të dua dhe të uroj të gjitha të mirat e kësaj botë”.

Greqia goditet nga tërmeti

Një tërmet me magnitudë 4.7 të shkallës Rihter goditi sot në mesditë Greqinë jugore. Sipas të dhënave zyrtare, lëkundjet u regjistruan në orën 12:49 me orën lokale, me epiqendër 11 kilometra në veriperëndim të qytetit Messíni dhe rreth 126 kilometra në jug-juglindje të Patrës.

Tërmeti ndodhi në një thellësi të vogël prej vetëm 5 kilometrash, çka e bën më të ndjeshëm në sipërfaqe. Për momentin nuk raportohet për dëme materiale apo të lënduar, por autoritetet greke janë në gatishmëri në rast të pasgoditjeve.

Lëkundjet u ndjenë edhe në qytete të tjera përreth rajonit të Peloponezit.

Gucati: Mesazhi i protestës sonë është i qartë, do të dëgjohet edhe në Hagë

Kryetari i Organizatës së Veteranëve të Luftës së UÇK-së, Hysni Gucati, ka folur për protestën e thirrur sot kundër, siç thotë ai, padrejtësive që po u bëhen ish-krerëve të UÇK-së nga Gjykata Speciale në Hagë.

Gucati tha se kjo protestë është një rikthim i frymës së bashkimit të viteve të ’90-ta, transmeton Klankosova.

“Sot do të jemi të bashkuar. Sot besoj se qytetarët e Kosovës do të bashkohen sikur atëherë, në vitet e ’90-ta. Mesazhi ynë është i qartë dhe besoj se do të dëgjohet jo vetëm nga Gjykata Speciale, por në mbarë botën demokratike, se kjo gjykatë është e padrejtë dhe e njëanshme”,  theksoi ai.

Reagon VV-ja: Thaçi i butë me Gjykatën Speciale, protestat nuk e kompenzojnë heshtjen

Arlind Manxhuka:

1. Protesta është dhjetë vjet e vonuar. Është dashur që në verën e vitit 2015 të kundërshtohet pushteti i atëhershëm.
2. Nuk mund të ndryshohet historia e Kosovës dhe lufta çlirimtare por as historiku i themelimit të Gjykatës Speciale.
3. Kosova ka nevojë për gjykata normale që dalin pas vettingut dhe për kryeprokuror të ri e jo për gjykata speciale jotransparente të cilat janë jashtë praktikave ndërkombëtare.
4. ⁠Për më pak se pesë vjet qeveria Kurti ka paguar mbi 33 milionë euro për mbrojtjen e të akuzuarve në Hagë dhe shpenzimet e tjera atje.
5. ⁠Në intervistën e tij nga Haga para një jave, ish presidenti dhe ish kryeministri Thaçi ishte tepër i butë me Gjykatën Speciale. Protestat nuk mund ta zëvendësojnë a kompenzojnë mungesën e qëndrimit të tij.

6. ⁠Fatkeqësisht, në vitin e pestë që po mbahen në paraburgim ish drejtues të UÇK-së, është e qartë që partia kryesore opozitare çështjen e tyre e ka përdorur shumë më tepër kundër qeverisë Kurti sesa për lirimin e të akuzuarve.

Tomë Gashi: Deputetët që votuan Specialen le të dalin e t’i kërkojnë falje UÇK-së

Avokati Tomë Gashi ka komentuar protestën e paralajmëruar të Organizatës së Veteranëve të Luftës së UÇK-së (OVL-UÇK), e cila pritet të mbahet sot në orën 17:00 në sheshin “Skënderbeu” në Prishtinë, në mbështetje të ish-krerëve të UÇK-së që po gjykohen në Hagë.

I ftuar në Tëvë1, Gashi ka vënë në pikëpyetje qëndrimet e deputetëve të Kuvendit të Kosovës që në të kaluarën kanë votuar për themelimin e Gjykatës Speciale, duke i konsideruar ata si bashkëpërgjegjës për situatën aktuale të ish-krerëve të UÇK-së.

“Si është e mundur t’u besojmë atyre që sot po protestojnë, kur janë po të njëjtit që kanë votuar për Gjykatën Speciale – 82 deputetë. Duhet përjashtuar Listën Serbe, sepse pjesëtarët e saj kanë pritur një situatë të tillë për të dëmtuar çdo pjesëtar të UÇK-së”, deklaroi Gashi.

Ai shtoi se deputetët shqiptarë që votuan për këtë gjykatë duhet të marrin përgjegjësi publike:

“Nuk kemi punë me qytetarët e thjeshtë, por me deputetët shqiptarë që e votuan këtë gjykatë. Mjafton të kenë pak fytyrë e të dalin sot para Parlamentit të Kosovës dhe t’u kërkojnë falje qytetarëve të Republikës së Kosovës dhe secilit pjesëtar të UÇK-së që po gjykohen”.

Fjeti në punë, “Trepça” e dënon minatorin me 30% të pagës për 5 muaj

Komisioni Disiplinor i ndërmarrjes “Trepça” Sh.A ka shqyrtuar më 6 gusht rastin disiplinor ndaj punëtorit A.A., i cili është akuzuar për fjetje gjatë orarit të punës.

Në njoftim thuhet se ndaj tij është shqiptuar masa disiplinore, dënim me para gjobë në lartësi prej 30% të pagës mujore për një periudhë deri në pesë muaj.

“Pas shqyrtimit të çështjes, Komisioni ka konstatuar se i njëjti ka kryer shkelje të rëndë të detyrave të punës, në përputhje me nenin 10, paragrafi 1, nënparagrafi 1.32 të Rregullores nr. prot: 2906, datë 30.07.2020, për Përgjegjësinë Disiplinore dhe Materiale të punëtorëve të Trepça Sh.A, e cila parashikon: Fjetja në vendin e punës gjatë orarit të punës.  Në bazë të këtyre shkeljeve, Komisioni Disiplinor, me vendim nr. prot: 6429, datë 06.08.2025, ka rekomanduar Kryeshefin Ekzekutiv për t’i shqiptuar masën disiplinore – dënim me para-gjobë në lartësi prej 30% të pagës mujore për një periudhë deri në 6 muaj”, vijon njoftimi.

Tutje, thuhet se Kryeshefi Ekzekutiv, me datë 07.08.2025, ka sjellë vendimin nr. prot: 6430, datë 07.08.2025, me të cilin ka shqiptuar masën disiplinore – dënim me para-gjobë në lartësi prej 30% të pagës mujore për një periudhë deri në 5 muaj ndaj  A.A.

Zbulohet vajza misterioze krah Jozit

Pasi konfirmoi në një intervistë për “Live From Tirana” se është në një lidhje dashurie me një vajzë shqiptare që nuk është pjesë e ekranit, Jozefin Marku duket se nuk ka mundur ta mbajë plotësisht të fshehtë jetën e tij sentimentale.

Së fundmi, ai ndau në Instagram një foto nga një ndeshje padeli, ku shfaqej me një vajzë – por pa zbuluar fytyrën e saj.

Megjithatë, nuk i shpëtoi syrit të ndjekësve dhe burimeve tona faktin që bëhej fjalë pikërisht për të njëjtën vajzë që pak ditë më parë e kishte përqafuar në një koncert: Xhoana Toshi.

Emri i saj është përfolur edhe më herët në rrjet për lidhjen e mundshme me Jozin, por tashmë gjithçka duket se po merr formë. Në imazhin ku ata ndajnë raketat dhe topat e padelit, Jozi shkroi: “We ♥ Padel”, një postim që mori menjëherë vëmendje dhe që tashmë merr kuptim të ri.

Ende nuk dihet saktësisht çfarë i lidh të dy, por sinjalet janë të qarta: kemi të bëjmë me më shumë se një shoqëri të thjeshtë.