Gazeta Sinjali pak më parë raportoi për një ngjarje të rëndë që është raportuar këtë të hënë pasdite në Podujevë, ku një burrë është gjetur i shtrirë në tokë pa shenja jete.
Siç raportoi Sinjali, rasti ka ndodhur rreth orës 16:40, pranë mullirit në fshatin Sekiraqë, ku qytetarët kanë njoftuar autoritetet.
Sinjali mëson se bëhet fjalë për Valon Breznicën, i moshës rreth 35-40 vjeçare
Në vendngjarje kanë dalë njësitet policore dhe ekipi i emergjencës, ku mjeku ka konstatuar vdekjen e viktimës.
Po ashtu, në vendngjarje po qëndrojnë njësitë e reagimit të shpejtë dhe hetuesit e Departamentit për Krime të Rënda, ndërsa disa persona janë marrë në pyetje në cilësinë e dëshmitarëve.
Hetimet janë duke vazhduar për zbardhjen e plotë të rrethanave të rastit.