Ish-deputeti Haxhi Avdyli i është kundërpërgjigjur partisë “Guxo”, e cila largimin e tij, Jeta Statovcit dhe Albena Reshitajt për t’iu bashkuar Vjosa Osmanit, i cilësoi si “3 probleme më pak”.

Avdyli ka thënë se kjo nënkupton “100 mijë e 786 vota më pak”, duke i përmendur numrin e votave që kanë marrë treshja në zgjedhjet e 28 dhjetorit kur garuan në listën e VV’së, shkruan Reporteri.net.

“Jo, 3 probleme më pak por 100 mijë e 786 vota më pak. Përndryshe, më 28 dhjetor, Jeta Statovci pati 37 mijë e 916 vota, Haxhi Avdyli 33 mijë e 562 vota dhe Albena Reshitaj me 29 mijë e 308 vota. Shihemi më 7 qershor…”, ka shkruar Avdyli.

Reagimi i tij vjen si kundërpërgjigje ndaj Sekretares së “Guxo”, Triera Kasumi-Berisha, e cila i krahasoi largimet nga Lëvizja Vetëvendosje në vitin 2018, disa prej të cilëve më pas u bashkuan në PSD.

Kasumi-Berisha ka thënë se largimet ishin të pritura, teksa ka thënë se për “Guxo” janë “vetëm 3 probleme më pak”./Reporteri.net