Në “DPT Fidani” në Klan Kosova, ai u deklaruar kështu derisa ishte duke folur për hapjen e urës së Ibrit për qarkullim të automjeteve.

“Nuk është e mbyllur tashmë ura në atë urë edhe kalohet në këmbë nuk është absolutisht  e mbyllur. Janë të vendosur ushtarët aty, veturat nuk mund të lëvizin individët mund  të lëvizin aty. Për ne është shumë me rëndësi, unë do ta kisha shtuar kështu, që sa i përket kësaj ure konceptualisht argument më i qëndrueshëm më duket domosdoshmëria e të qenit plotësisht funksionale si urë pa kurrëfarë pranie ushtarake mbi të shumë më shumë sesa ky argumenti që po jepet prej perspektivës së lëvizjes së automjeteve”.

“Sepse mendoj që aty ku ekziston një prani ushtarake mbi një urë, nuk ka se si të duket ndryshe përpos një farë lloj kufiri, e nënkupton një far lloj kufiri, me sa e di unë në Kosovë nuk ka kufi të brendshëm dhe nuk duhet”.

“Ka pasë në të kaluarën fatkeqësisht, këta kufi janë mbajtur me dhunë nga strukturat paralele të Serbisë, strukturat paralele të Serbisë janë në çmontim e sipër në pjesën e veriut të Kosovës, edhe sundimi i ligjit po ndodhë në atë pjesë të territorit për herë të parë pas 20 e sa vitesh, kjo po i gëzon të gjithë qytetarët”, ka thënë Konjufca.