Kryeministri në detyrë, Albin Kurti, ka komentuar zhvillimet e fundit politike dhe përpjekjet për formimin e shumicës parlamentare, duke hedhur dyshime se Partia Demokratike e Kosovës mund të bashkëpunojë me Listën Serbe.
“Si kanë arritur deri në numrin 64, kur PDK-ja dje deklaroi se nuk ka koalicion? Ndoshta përfshirë edhe Listën Serbe. Por kur dje u bë një deklaratë nga PDK-ja që nuk ka koalicion, kështu që hiqi 24 vota – ata opsionalisht mund të bëhen me Listën Serbe bashkë,” ka deklaruar Kurti.
Ai shtoi se kjo çështje mbetet në diskrecionin e presidentes, por qëndrimi i tij ndaj Listës Serbe mbetet i pandryshuar.
“E thashë që është në diskrecionin e presidentes. Qëndrimi im për Listën Serbe nuk ka ndryshuar,” tha Kurti.
