Ekspertja e energjisë Janina Ymeri kandidate e LDK-së për deputete

Kreu i Lidhjes Demokratike te Kosovës, Lumir Abdixhiku ka njoftuar se ekspertja e energjisë, Janina Ymeri do të jetë pjesë e listës së LDK-së për zgjedhjet e 28 dhjetorit.

Përmes një njoftimi, Abdixhiku shkroi se Janina Ymeri është shembulli më i qartë i aktivistes politike të kohës sonë.

“Si veprimtare e LDK-së, ajo ka ngritur zërin kundër mafias energjetike dhe ka ekspozuar milionat e qytetarëve të Kosovës që përfunduan në llogaritë e Vuk Hamovicit, të birit të ish-shefit të Armatës Jugosllave, Rade Hamovic. Vukvendosje – siç i dha epitet me të drejtë ajo, shërfaqë më së miri mashtrimin popullist që ndodhë sot. Njërën dorë të shtrirë tek mafia energjetike dhe milionat e popullit të Kosovës që shkojnë aty( tjetrën me gisht ndaj patriotëvë të vendit për tradhëti. Trushpëlarja kështu duket”, shkroi Abdixhiku.

“LDK është shtëpia e njerëzve të tillë; të drejtë, të guximshëm, profesionalë. Njerëzve që nuk e përdorin politikën për vete, por për vendin. Prandaj jam i lumtur t’ju njoftoj se Janina Ymeri do të jetë pjesë e listës sonë për zgjedhjet e 28 dhjetorit. Ajo ka treguar se si duket aktivisti i vërtetë: me fakte, me integritet dhe me vizion për një shtet ligjor”, shkruhet ndër tjerash në postimin e Abdixhikut.

A do të jetë në Listën e LDK-së për deputet? Agim Veliu del me këtë njoftim

Agim Veliu, ka reaguar publikisht pas debateve të ditëve të fundit brenda Lidhjes Demokratike të Kosovës lidhur me listën zgjedhore për zgjedhjet e 28 dhjetorit.

Në një postim drejtuar anëtarëve dhe simpatizantëve të partisë, Veliu ka falënderuar të gjithë ata që kanë ngritur zërin për kontributin e tij dhe për domosdoshmërinë e respektimit të meritokracisë brenda LDK-së, shkruan IndeksOnline.

Veliu ka rikujtuar pritjet që kishte pasur edhe në zgjedhjet e kaluara për të qenë pjesë e listës, por theksoi se pavarësisht “vendimeve të padrejta të asaj kohe”, ai ka vazhduar t’i qëndrojë besnik LDK-së dhe vlerave të saj.

Sipas tij, përfshirja në listë nuk duhet të shihet si privilegj personal, por si përgjegjësi për secilin që ka kontribuar ndër vite.

 

 

Postimi i plotë:

Të dashur qëndrestarë, anëtarë dhe simpatizantë

Ditëve të fundit kam parë një debat të gjerë në media, nga anëtarësia dhe shumë aktivistë të LDK-së lidhur me përfaqësimin në listën zgjedhore të 28 dhjetorit.

Dua t’i falënderoj të gjithë ata që me sinqeritet e bindje kanë ngritur zërin për kontributin tim dhe për kthimin e drejtësisë dhe meritokracisë brenda Lidhjes Demokratike të Kosovës.

Është e vërtetë se edhe në zgjedhjet e kaluara ka ekzistuar pritja që të jem pjesë e listës. Por, pavarësisht vendimeve të padrejta e të dëmshme të asaj kohe, unë kam vazhduar të qëndroj aty ku kam qenë gjithmonë, në shërbim të LDK-së, të qytetarëve dhe të vlerave që kemi kultivuar për më shumë se tri dekada.

Dua ta theksoj qartë se përfshirja në listë nuk është favor dhe as privilegj personal. Për mua dhe për secilin që ka dhënë kontribut të gjatë në LDK, është vetëm përgjegjësi dhe vazhdimësi e punës së bërë me përkushtim, është respekt ndaj historisë sonë dhe ndaj qytetarëve që na kanë besuar për shumë vite.

LDK është shtëpia jonë e përbashkët. Ajo është ndërtuar me mund, sakrificë dhe besnikëri nga njerëzit që ishin aty kur ishte më së vështiri dhe që vazhdojnë të jenë aty edhe sot.

Prandaj, është e domosdoshme që dera të mos u hapet atyre që nuk kanë qenë pjesë e LDK-së, nëse kjo do të ishte arsyeja të lihen jashtë ata që e kanë themeluar, e kanë mbrojtur dhe e kanë mbajtur gjallë partinë për më shumë se 30 vite.

Respekti për bazën, për themeluesit dhe për kontribuesit afatgjatë nuk është vetëm parim, është detyrim moral dhe institucional ndaj LDK-së, ndaj anëtaresisë dhe ndaj qytetarëve që na besojnë.

Pavarësisht debateve të ditëve të fundit, unë mbetem i përkushtuar ndaj vlerave të LDK-së, i gatshëm ta jap kontributin tim dhe besnik ndaj secilit anëtar që e ka dashur dhe e do partinë si shtëpinë e vet.

Faleminderit për vlerësimin, mbështetjen dhe besimin që vazhdoni të ma jepni!

Zoti e bekoftë LDK-në!

Zoti e bekoftë Rugovën!

Zoti e bekoftë Kosovën!

“Kosova po rrezikon të shndërrohet në shtet të dështuar”, paralajmërimi i Milazim Krasniqit

Profesori dhe analisti Milazim Krasniqi ka komentuar situatën institucionale dhe ekonomike në vend, duke e cilësuar periudhën e fundit si një nga më të dëmshmet për Kosovën që nga paslufta pa çka në një intervistë për Ekonomia Online tha se mungesa e institucioneve ka shkaktuar pasoja të thella.

“Padyshim mungesa e institucioneve është shkatërrimtare për zhvillimin e vendit sepse merreni me vendin për një vit nuk është miratuar asnjë ligj nuk është bërë asnjë përmirësim i rregullativave ligjore i urdhëresave të cilat në fakt e përcjellin procesin edhe ekonomik edhe shoqëror ashtu që mungesa e kuvendit dhe e qeverisë e kanë dëmtuar rëndë ekonominë edhe gjithë gjendjen po edhe imazhin ndërkombëtar të vendit tonë sepse kjo e jep imazhin që jemi si shoqëri e paaftë për të formuar institucione. Të gjitha këto janë pasoja serioze të renda e normalisht edhe për disponimin e qytetarëve sepse ja zvogëlon shpresën e ua dobëson vetëbesimin në shoqëri dhe në shtet dhe të gjitha këto po merren deri në rezultatin se kjo ka ndodhë në pak se 10 muaj dhe përgjegjësia për këtë është e njerëzve që kanë mundësi të formojnë institucionet por nuk kanë dashur për shkak të kalkulimeve, inateve, primitivizimin ose motivet e fshehta që janë më vështirë të detektueshme”, tha Krasniqi.

E si shkak i kësaj situata, ai tha paralajmëron se vendi është bërë i pasigurt për investitorë të huaj. Po ashtu ai përmend frikën se pasoja tjetër do të jetë edhe largimi i të rinjve nga Kosova.

“Pas asnjë dyshim investime nuk bëhen në një vend që nuk ka stabilitet, siguri, institucione, qeveri kredibile e cila shfaqet si partner prej investitorëve sepse janë procese komplekse dhe duhen shume vendime dhe mungesa e investime është indikator i qartë alarmant që Kosova është në krizë jo vetëm ekonomike por edhe institucionale dhe unë besoj se kjo do të ketë shumë pasoja njëra nga pasojat edhe shihet në prirjen alarmante të rinjve të Kosovës ikin nga Kosova dhe një tendencë tjetër që është vërejt është edhe largimi i bizneseve ekzistuese dhe kjo lidhet me kriteret e qeverisë për përzierje në tregun e energjisë, të gjitha këto politika të mbrapshta në fakt kanë nxit edhe largimin e bizneseve edhe mungesën e investimeve të huaja”, theksoi Krasniqi.

Sa i përket idesë së miratimit të buxhetit nga Kuvendi, pa u zgjedhur Qeveria, Krasniqi e cilëson veprim joligjor, por edhe mbi të gjitha e sheh si një propagandë politike.

“Padyshim është një thirrje revolucionare aspak legjitime aspak legale sepse ai kuvend nuk ka pas të drejtë të miratoj buxhetin për vet faktin që nuk ka pas sukses ta zgjedh qeverinë dhe në momentin që nuk e ka zgjedh qeverinë ai parlament është de facto inekzistent aq më tepër që nuk ka pas as komisione parlamentare dhe të gjitha ata që shesin mjegull me këtë çështje duhet ta pyesin vetën pse 50 seanca ose më shumë ja kanë kushtuar vetëm një kandidati kur të gjitha këto seanca ka mund të testojnë të gjithë kandidatët dhe njëri prej tyre do të zgjidhej dhe pastaj kuvendi do të konstituohej dhe do të mund të formohet edhe qeveria pra përgjegjësia absolute është e Albin Kurtit dhe e qeverisë së tij që ka sjell vendin në këtë në këtë krizë dhe normalisht që tani nuk e kanë  miratohen vetëm buxheti por ai është duke e abuzu në mënyrë drastike buxhetin duke dhënë shtesa gjithandej duke u mundu të blej vota ose simpatinë e qytetarëve kështu që të gjitha këto janë pjesë e propagandës por kuvendi nuk ka arrit të miratoj buxhetin në mënyrë të ligjshme”.

Krasniqi ka thënë se zgjidhja për të dalë nga ngërçi  ka ekzistuar por jo edhe vullneti politik.

“Mendoj se zgjedhjet është dashur të shpallen së paku 6 muaj më herët në momentin që është fjala është për prill ose maj kur është parë këmbëngulësia me Albulena Haxhiun ose asnjë është dashtë që të bëhet presion që të shkohet në zgjedhje. Një opsion tjetër ka qenë që partitë ish -opozitare ta formonin qeverinë sepse i kanë pas numrat por nuk u bënë bashkë dhe ajo ishte një dobësi e partive opozitare që nuk arrin të formonin qeverinë. Por kjo 10 muaj të lihet vendi pa institucione, pa kuvend, pa qeveri, pa komisione parlamentari është një gjë që nëse është bërë me qëllim është tradhti, nëse është bërë nga padituria është budallallëk por një qeveri që ka 50% të shumicës nuk e len vendin 10 muaj pa qeveri, është një rast sui generis mbetet ta shohim se a ka qenë problem i budallallëkut, i fanatizmit apo është diçka edhe më keq sepse ka zëra që po tentohen që Kosova të bëhet shtet i dështuar në mënyrë që të paketohet dhe të bëhet autonomia e serbëve të Kosovës të cilën e ka pranu Kurti përmes planit franko-gjerman”.

Dy vjet nga vrasja e Liridona Ademajt, vëllai i saj: Kriminelët duhet të marrin dënimin e merituar

Sot shënohet përvjetori i dytë i vdekjes së Liridona Ademajt, ngjarje që tronditi mbarë publikun dhe lë pas dhimbje të thellë për familjen dhe të afërmit që vazhdojnë të kërkojnë drejtësi.

Liridona u vra më 29 nëntor 2023 në fshatin Bërnicë të Prishtinës, në një ngjarje që sipas aktakuzës u planifikua nga bashkëshorti i saj dhe disa bashkëpunëtorë.

Në përvjetorin e dy të vdekjes së saj, i vëllai Leonard Ademaj ka publikuar një mesazh prekës në ‘Facebook’ duke shprehur dhimbjen dhe vendosmërinë e familjes për të kërkuar drejtësi.

Postimi i plotë:

Sot bëhen 2 vite që nga ikja jote Motër

Malli për ty shtohet qdo ditë,mungesa jote vërehet në qdo kohë.

Këto 2 vite nuk ishin të lehta për ne si familje

nuk mundemi asesi të pajtohemi me faktin qe ti nuk je më ne mesin tonë.

Na ka marë malli shumë për prezencën tënde asgjë më nuk është e njejtë.

Vitet po ecin shpejtë e ne akoma po ballafaqohemi me kriminelët të cilet padrejtësisht të moren nga ne.

Do të luftojmë deri në frymen e fundit duke kerkuar drejtësi për ty Motër.

Kriminelët duhet të marrin denimin e merituar.

Të kujtojmë me mallë e shumë dashuri Familja Ademaj dhe djemt Diar&Dion.

Një grua rrahet nga kunati i saj në Skenderaj, e bën për spital

Policia ka njoftuar se një grua nga Skenderaj dyshohet se është sulmuar fizikisht nga kunati i saj, i cili më pas u dërgua në mbajtje.

Viktima ka pranuar tretman mjekësor dhe është dërguar në strehimore, njoftoi policia.

“Skenderaj 24.11.2025-21:00. Është raportuar se një femër kosovare është sulmuar fizikisht nga kunati i saj i dyshuari mashkull kosovar. Viktima ka pranuar tretman mjekësor dhe është dërguar në strehimore, ndërsa i dyshuari pas intervistimit me vendim të prokurorit është dërguar në mbajtje”.

Vdes një grua në Gjakovë

Një grua ka vdekur në Gjakovë mëngjesin e djeshëm.

Ndërsa një burrë me të cilin ajo kishte bashkëjetuar ka raportuar për trajtim të pandërgjegjshëm mjekësor.

Trupi i viktimës është dërguar në IML për obduksion.

“Rr. Dëshmorët e Lirisë, Gjakovë 28.11.2025-09:20.  Ankuesi mashkull kosovar, ka raportuar se ka ndërruar jetë viktima femër kosovare me të cilën ka bashkëjetuar, i njëjti dyshon se ka pasur trajtim të pandërgjegjshëm mjekësor. Me vendim të prokurorit, trupi i pa jetë dërgohet në IML për obduksion”.

Nuk u pa as në Prekaz e as në Shqipëri, ky është urimi i Kurtit për 28 Nëntorin

Kryeministri në detyrë dhe kreu i Lëvizjes Vetëvendosje, Albin Kurti, përveç një postimi në profilin e tij në “Facebook” ku e ka uruar festën e 28 nëntorit, nuk është parë në asnjë aktivitet tjetër përgjatë ditës.

Kurti s’është parë as në homazhet që janë zhvilluar në Prekaz tek kompleksi i Jasharajve. Aty nderimet e zhvilluara i ka udhëhequr kreu i Kuvendit të Kosovës, Dimal Basha, i cili ka qenë nën shoqërinë e Besnik Bislimit, Mimoza Kusari Lilës e Liza Gashit.

Kreu i LVV-së nuk ka marrë pjesë as në organizimet që janë zhvilluar në Shqipëri, ku ka marrë pjesë presidentja e vendit, Vjosa Osmani, derisa nga atje janë lajmëruar edhe Donika Gërvalla, Xhelal Sveçla e Albulena Haxhiu.

Ndërkohë nga zyra e tij s’ka pasur ndonjë njoftim zyrtar për agjendën e sotme të kryeministrit në detyrë dhe s’dihet se ku e ka kaluar Kurti festën e 28 nëntorit

‘Arrestim i menjëhershëm’: Kujdes nga këto e-maile, Policia paralajmëron qytetarët

Policia e Kosovës ka dal me njoftim lidhur me qarkullimin e emailave të rrem, transmeton Demos.

“Këto informacione të dërguara nga kinse zyrtarë të lartë të PK-së, të emërtuara si “THIRRJE GJYQËSORE”, me numër referues të dosjeve të lëshuara kinse siç potencohen në e-maile nga stafi i lartë menaxhues i PK-së, Agjencia e Sigurisë Kibernetike në Kosovës, Byroja Federale e Hetimeve, Policia Kombëtare e Krimit Kibernetik dhe Organizatën Ndërkombëtare të Policisë Kriminale etj., NUK janë dokumente zyrtare të Policisë së Kosovës, e aq më pak të lëshuara nga zyrtarë të lartë brenda PK-së, por janë e-mail-e/dokumente të falsifikuara për përdorim me qëllime të caktuara.”, thuhet në njoftim.

Njotimi i plotë nga Policia:

Njoftim zyrtar lidhur me qarkullimin e e-mailave të rreme/false

Prishtinë, më 28 nëntor 2025

Policia e Kosovës (PK), njofton opinionin publik lidhur me qarkullimin dhe shpërndarjen nëpër e-maile të ndryshme, të disa informacioneve jozyrtare (false/rreme), që kinse i përkasin Policisë së Kosovës dhe organizatave të ndryshme, informacione këto kinse janë lëshuar edhe nga Drejtori i Përgjithshëm i Policisë së Kosovs, andaj sqaron se:

Këto informacione të dërguara nga kinse zyrtarë të lartë të PK-së, të emërtuara si “THIRRJE GJYQËSORE”, me numër referues të dosjeve të lëshuara kinse siç potencohen në e-maile nga stafi i lartë menaxhues i PK-së, Agjencia e Sigurisë Kibernetike në Kosovës, Byroja Federale e Hetimeve, Policia Kombëtare e Krimit Kibernetik dhe Organizatën Ndërkombëtare të Policisë Kriminale etj., NUK janë dokumente zyrtare të Policisë së Kosovës, e aq më pak të lëshuara nga zyrtarë të lartë brenda PK-së, por janë e-mail-e/dokumente të falsifikuara për përdorim me qëllime të caktuara.

Policia e Kosovës si institucion i zbatimit të ligjit, në bashkëpunim dhe koordinim me organet e drejtësisë, pas sigurimit të informacioneve rreth përsëritjes së qarkullimit të e-mail-eve të tilla, po kryen hetime intensive, duke angazhuar njësitet kompetente policore, me qëllim të hetimit, verifikimit dhe zbulimit të kryerësve të kësaj vepre penale.

Policia e Kosovës njofton dhe njëherit fton qytetarët që të mos bien pre e dezinformatave/mashtrimeve të tilla dhe kushdo që mund të pranojë ndonjë e-mail/dokument të tillë, ta adresojë në adresën zyrtare të PK-së info@kosovopolice.com për trajtim dhe kompetencë të mëtejme.

LDK emëron dy koordinatorë në Vushtrri pas dorëheqjes së Xhafer Tahirit

Pas dorëheqjes së Xhafer Tahirit nga pozita e kryetarit të Degës së LDK-së në Vushtrri, strukturat qendrore të Lidhjes Demokratike të Kosovës kanë caktuar dy koordinatorë të rinj për drejtimin e përkohshëm të degës.

Sipas raportimeve, Adnan Lahu dhe Fisnik Basholli janë autorizuar të bashkëmenaxhojnë Degën e LDK-së në Vushtrri deri në mbajtjen e procesit të ardhshëm zgjedhor. Me këtë autorizim, të dy koordinatorët marrin përsipër:

Organizimin dhe menaxhimin e përditshëm të degës,Koordinimin e strukturave partiake,Menaxhimin e aseteve dhe rrjeteve sociale të degës,Si dhe zbatimin e të gjitha detyrimeve statutare të parapara për organet drejtuese. Ky vendim hyn në fuqi menjëherë dhe mbetet aktiv deri në zhvillimin e zgjedhjeve të brendshme për Degën e LDK-së në Vushtrri, proces i cili pritet të përcaktohet me vendim të veçantë nga nivelet qendrore të partisë./VushtrriaOnline

Nis për të festuar Pavarësinë, përfundon nën të shtëna tmerri në Graçanicë