Zhvillime dramatike në VV – Ky është vendimi i fundit për mandatarin për kryeministër

Gazetari dhe analisti i njohur, Fidan Rama në emisionin “Politiko” ka bërë një deklaratë sa i përket formimit të qeverisë.

Rama tha se posedon informacionin që Glauk Konjufca ka refuzuar të marrë mandatarin për t’u propozuar për kryeministër në Kuvendin e Kosovës, transmeton lajmi.net.

“Çka është informacion ri, po e japi tash, Glauk Konjufca ka refuzu me marrë mandatarin, ani pse i është ofruar”, tha Rama.

VIDEO:

Nesër mbyllet një prej rrugëve kryesore të Prishtinës, komuna tregon arsyen

Komuna e Prishtinës ka njoftuar se nesër do të mbyllet për qarkullim një prej segmenteve kryesore të kryeqytetit, rruga “Eqrem Çabej”.

Rruga do të jetë e mbyllur nga ora 6 e mëngjesit deri në orën 18, për shkak të xhirimeve të filmit “DUA”, shkruan IndeksOnline.

Mbyllja përfshin segmentin nga semaforët kryesorë te Mensa e Studentëve, deri te katedralja Nënë Tereza.

Ky është njoftimi i plotë i komunës:

Të dashur qytetarë,

Rruga Eqrem Çabej do të mbyllet përkohësisht të dielën, nga ora 06:00 e mëngjesit deri në orën 18:00, nga semaforët kryesorë te Menza e Studentëve deri te Katedralja Nënë Tereza, për realizimin e një skene të filmit “DUA”.

Xhirimet pritet të zgjasin rreth 12 orë.

Lusim qytetarët të përdorin rrugët alternative për qarkullim, derisa xhirimet të përfundojnë.

Faleminderit për mirëkuptimin dhe bashkëpunimin tuaj.

Anëtarësimi i Kosovës në BE – vjen lajmi i fundit

Ish-presidenti i Këshillit Europian, Charles Michel ka zhvilluar një intervistë në “Inside Albania Podcast” me Alice Taylor ku foli lidhur me marrëdhënien e Kosovës dhe Serbisë dhe rrugës së tyre drejt BE-së.

Sipas tij anëtarësimi në BE është rruga më e mirë për të normalizuar marrëdhëniet mes dy vendeve si dhe për uljen e tensioneve.

“Unë me sinqeritet ndjej se mjeti më i fortë është anëtarësimi në BE. Dhe nëse duam që Kosova dhe Serbia te jenë të guximshme në nivel të brendshëm, sepse e di që si në Kosovë, ashtu edhe në Serbi, ekziston nevoja për t’i bindur qytetarët se zgjedhjet që po bëhen janë zgjedhjet më te mira për ta, mendoj se mënyra më e mirë për t’i bindur njerëzit për ta”.

“Mendoj se mënyra më e mirë për t’i bindur njerëzit është qё ata udhëheqës dhe ato shoqëri ta kenë ketë perspektive anëtarësimi. Sepse ky anëtarësimi, sipas meje, është mënyra më e mirë për të zbutur tensionet, për të normalizuar marrëdhëniet dhe për të zhvilluar një agjendë më pozitive të orientuar drejt së ardhmes”, u shpreh Michel.

Çitaku: Skandaloze, Kurti kërcënoi hapur qytetarët

Gjatë ditës, kryeministri në detyrë, Albin Kurti ka thënë se ai s’i jep paratë e buxhetit ‘’për ata kryetarë të cilët nuk dinë të punojnë mirë apo për ata që vjedhin’’.

‘’Ju e dini unë nuk e jap buxhetin e shtetit dhe paratë e taksave për ata kryetarë të cilët nuk dinë të punojnë mirë apo për ata që vjedhin. Mos i votoni ata që nuk dinë dhe nuk duan punën, e as ata që dinë e duan vjedhjen’’, ka thënë Kurti mes tjerash.

Ndaj kësaj deklarate, ka reaguar Vlora Çitaku nga Partia Demokratike e Kosovës. E njëjta e ka cilësuar si skandaloze deklaratën e Kurtit, duke shtuar se ky i fundit ka ‘’kërcënuar hapur’’ qytetarët e vendit.

Reagimi i plotë:

Çfarë deklarate skandaloze nga Kryetari i VV sonte.

Ai kërcënoi hapur qytetarët e Kosovës, duke u thënë se nëse nuk votojnë për vasalët e tij në komuna, ai si Kryeministër nuk do t’i mbështesë.

Në fakt, kjo nuk më befasoi. Ashtu ka qeverisur prej ditës së parë: me ndëshkim politik ndaj komunave që nuk udhëhiqen nga partia e tij. Ka komuna të qeverisura nga PDK që kanë përfituar 0 euro nga buxheti i Kosovës.

E megjithatë, këto janë po ato komuna që kanë kryesuar listat e organizatave të pavarura për transparencë, menaxhim të buxhetit dhe qeverisje të mirë.

Skandaloze ishte shkalla e arrogancës dhe përbuzjes ndaj qytetarëve.

A.K, ti fole sonte.

Por më 9 nëntor, qytetarët do të flasin.

Dhe atëherë do ta kuptosh se ky popull as nuk nënshtrohet, as nuk shantazhohet.

Abdixhiku i reagon Kurtit: Kryepopullist, nuk do të vijë rendi ta bllokosh më askënd

Kreu i LDK-së, Lumir Abdixhiku ka reaguar ndaj deklaratave të kryeministrit në detyrë, Albin Kurti, i cili sot  në tubimin e fushatës për balotazhin e zgjedhjeve lokale, ka  thënë se ai s’i jep paratë e shtetit për ‘’ata kryetarë që nuk dinë të punojnë apo për ata që vjedhin’’.

Abdixhiku i ka thënë Kurtit se  nuk do t’i vie rendi ta bllokojë më askënd.

“Nuk do t’iu vie rendi të ndalni asgjë. Nuk do t’iu vie rendi të bllokoni më askënd. Me një panoramë Kryeqyteti, i cili po ndirçohet si asnjeherë më parë nga LDK dhe qeverisja jonë këtu, le të nisim javën e madhe të balotazhit. Le t’i japim përgjigjen e madhe kryepopullistit që veç bllokimit e kërcënimit për bllokim nuk ofron asgjë”, ka shkruar Abdixhiku ndër të tjera.

Kurti sonte në tubimin e fushatës për balotazhin e zgjedhjeve lokale, ka folur edhe për buxhetin e vendit, duke thënë se ai s’i jep paratë e shtetit për ‘’ata kryetarë që nuk dinë të punojnë apo për ata që vjedhin’’.

Kurti u ka kërkuar qytetarëve që të mos t’i votojnë ata që ‘’nuk dinë dhe nuk e duan punën’’.

“Ju e dini unë nuk e jap buxhetin e shtetit dhe paratë e taksave për ata kryetarë të cilët nuk dinë të punojnë mirë apo për ata që vjedhin. Mos i votoni ata që nuk dinë dhe nuk duan punën, e as ata që dinë e duan vjedhjen’’, ka thënë ai mes tjerash. /Reporteri.net/

Albin “humoristi” del në skenë, këto janë foret që ua tregoi mërgimtarëve në Zvicër

Kryeministri në detyrë i Kosovës, Albin Kurti, ka marrë pjesë mbrëmë në festivalin “Shqip Up Komedi” që u mbajt në Zvicër.

Kurti ka provuar që t’i bëjë për të qeshur të pranishmit, duke thënë se bazuar në numrin e të pranishmëve në sallë, duke se në Zvicër i ka numrat më mirë se në Kosovë.

“Edhe kuorum paska, numrat këtu i kam më mirë se në Kosovë”, ka thënë Kurti, duke e rikujtuar dështimin e tij për t’i siguruar 61 vota për Qeverinë e re.

Ndërkohë në të hyrë në skenën e përgatitur për eventin, dy prej të pranishmëve, Kurti iu ka thënë se “s’di pse po më dukeni si Albulena me Dimalin”.

Tutje Kurti ka treguar edhe për një pyetje që ia ka bërë një bashkatdhetar sapo ka arritur në Zvicër, duke i thënë se si mbërrive kaq shpejt.

“Në fakt s’ka qenë vështirë, për shkak se ka më shumë fluturime prej Prishtinës për Zvicër, sesa autobusa prej Prishtinës për Prizren, Gjakovë e Pejë”, ka deklaruar Kurti.

Ermal Mamaqi: Njerëzit që janë të varfër, e meritojnë të jenë të varfër!

Në një bisedë pa filtra në “Live From Tirana” me Ronaldo Sharkën, aktori dhe producenti i njohur Ermal Mamaqi ka ndarë mendimet e tij mbi jetën, karrierën dhe përgjegjësitë personale.

Mamaqi ka folur mbi konceptin e meritës dhe pasojat e zgjedhjeve që bëjmë në jetë, duke theksuar se ajo që përjetojmë shpesh është pasojë e asaj që pranojmë ose tolerojmë:

“Nëse dikush është në të 40-at e tij dhe është ende i varfër, a e meriton që të jetë i varfër? Unë besoj se po, e meriton. Ne meritojmë shokët që kemi, qeverinë që kemi, punën që kemi. Marrim atë që tolerojmë. Ti e toleron shefin të sillet keq, ajo që merr është kjo. Ti toleron partnerin të sillet ashtu, ajo që merr është kjo. Ti toleron veten të hash një tortë, ajo që merr është kalori”.

– YouTube youtu.be

Mesazhi i tij është i qartë: jeta nuk është vetëm çështje rrethanash apo moshë, por edhe reflektim i zgjedhjeve tona dhe i kufijve që vendosim për veten dhe për të tjerët.

Ermal Mamaqi, i njohur për humorin dhe energjinë e tij pozitive, i fton të gjithë të marrin përgjegjësi për jetën e tyre dhe të kuptojnë se çdo gjë që tolerojmë ka pasoja, qofshin ato pozitive apo negative.

Ky reflektim i tij për jetën dhe suksesin, i dhënë në një intervistë të hapur, rikthen në vëmendje vizionin e tij për një jetë aktive dhe të ndërgjegjshme, ku çdo zgjedhje ka peshë.

Kurti e nis fushatën për balotazh me “kuletë” të shtetit: S’ju jap para kryetarëve që s’dinë të punojnë, as atyre që vjedhin

Kryeministri në detyrë, Albin Kurti, në tubimin e fushatës për balotazhin e zgjedhjeve lokale, ka folur edhe për buxhetin e vendit, duke thënë se ai s’i jep paratë e shtetit për ‘’ata kryetarë që nuk dinë të punojnë apo për ata që vjedhin’’.

Kurti u ka kërkuar qytetarëve që të mos t’i votojnë ata që ‘’nuk dinë dhe nuk e duan punën’’.

‘’Ne duam që Kosova të jetë e banuar në të gjitha anët e saj cep me cep, nuk e duam braktisjen e fshatrave dhe as qytezave, këtë gjë në Evropa kanë arritur ta bëjnë Gjermania dhe vendet skandinave si askush tjetër. Populli i Kosovës e ka një pjekuri të rrallë, patriotizëm shembullor dhe një rini moderne, keni për ta parë se ky popull do t’i befasoj në balotazh dhe do të votojë kundër bllokimeve dhe blloqeve të prapaskenës.

Ju e dini unë nuk e jap buxhetin e shtetit dhe paratë e taksave për ata kryetarë të cilët nuk dinë të punojnë mirë apo për ata që vjedhin. Mos i votoni ata që nuk dinë dhe nuk duan punën, e as ata që dinë e duan vjedhjen’’, ka thënë ai mes tjerash.

Ymeri: Bllokimi i qëllimshëm i LVV ndaj partive të tjera nuk prodhoi rezultat – Në zgjedhjet e reja Vetëvendosje do të ketë rënie

Analisti politik Visar Ymeri ka vlerësuar se dështimi i mandatit për formimin e qeverisë ishte plotësisht i pritshëm, pasi, sipas tij, tashmë për një kohë të gjatë ishte e qartë që Lëvizja Vetëvendosje nuk i kishte votat e nevojshme për ta siguruar shumicën parlamentare.

“Fakti që nuk i ka votat e mjaftueshme për qeveri është ditë për një kohë të gjatë, me përjashtim të tentim mashtrimit të opinionit nga eksponentët e Vetëvendosjes përfshirë edhe ish kryeministrin Kurti të cilët vazhdimisht thonin se i kanë votat ku shihej qartë se nuk i kanë votat sepse metoda e përdorur nga LVV për ta krijuar shumicën në parlament ka qenë abuslutisht e paefektshme por edhe e padrejtë dhe e papranueshme. Meqë ne e dimë që në situata kur ka nevojë për bashkëqeverisje e siç e kemi këtë situata atëherë marrëveshja politike është ajo që e zgjidh problemin dhe nuk ka kurfar mundësie dhe as nuk do të kishte me qenë e dobishme po të bëhej përmes peshkimit të deputetëve individual e tentim kontrabandimit të them ashtu të votës së tyre”, tha ai.

Ymeri në një intervsitë për dokumentarin ‘Expose’, thotë se metoda e përdorur nga LVV për të siguruar shumicën, ka qenë e dështuar.

Ai vlerëson se zhvillimet pas zgjedhjeve dhe seancës konstituive të Kuvendit kanë qenë qartazi bllokim i qëllimshëm i Lëvizjes Vetëvendosje, duke shpresuar se partitë do të lodhen dhe do të votojnë për qeveri.

“Në këtë drejtim mendoj se si metodë ka qenë e dështuar që nga fillimi dhe uroj që ta kenë marrë këtë mësim edhe LVV siç e dinë edhe partitë tjera që në situata të tilla gjëja më e rëndësishme është një marrëveshje transparente mes partive politike në të cilat merren vesh për cka do të bëjnë si qeveri për mandatin për të cilin po dakordohen, kush cilin post ministror do ta merrë dhe me ec tutje. Krejt kjo cka ka ndodh deri tash, prej momentit që kanë përfundu zgjedhjet e ka fillu seanca konstituive e Kuvendit, qartazi ka qenë bllokim i qëllimshëm nga LVV me shpresën që bllokimi do ti lodhë partitë tjera ose deputetët individual në mënyrë që pastaj tua marrë votën për qeveri”, u shpreh tutje.

Ymeri ka reaguar edhe ndaj deklaratës së Kusari – Lilës, ku ka deklarurar se ka deputet të partive tjera të cilët e dinë se nuk zgjedhen dhe rrjedhimisht duhet ta votojnë qeverinë Kurti, që sipas tij kjo është absurde ku e konsideron si një lloj kërcënim të butë ndaj deputetëve.

“E kemi së fundmi këtë deklarimin skandaloz të Mimoza Kusari – Lilës, e cila tha se ka deputet të partive tjera të cilët e dinë që nuk zgjedhen dhe rrjedhimisht duhet ta votojnë qeverinë Kurti, që për mua është absurde sepse deputet të tillë ka edhe te LVV, por mendoj që kjo është një lloj kërcënimi i butë ndaj deputetëve në mënyrë që ta themeloj një qeveri përmes mjeteve jodemoraktike”, theksoi ai.

Sipas tij zgjedhjet janë opsioni më i mundësh në këtë situatë, ku thekson se gjasat janë që të jenë diku ka mesi i muajit dhjetor.

“Në këtë drejtim konsideroj se qartazi zgjedhjet janë opsioni gati se më i mundshëm në këtë situatë, tash varësisht edhe kur thirren ato por gjasat janë që të jenë diku ka mesi i dhjetorit. Problemin që e kam është që këto zgjedhje mund të mos prodhojnë rezultat shumë të ndryshëm, në kuptimin e numrave në Kuvend, që nënkupton që këto zgjedhje duhen shfrytëzuar nga partitë politike që të prodhojnë një mentalitet tjetër politik”, shtoi Ymeri.

Ndër të tjera analisti politik thekson se ka mundësi që Lëvizja Vetëvendosje të dal prap e para si parti, por thekson se mund ta ketë edhe një rënie.
“E mentaliteti tjetër politk është që ka mundësi që LVV të dal prap e para si parti, unë uroj dhe mendoj që ka me pas një rënie meqë shihet qartë se një pjesë e konsiderueshme e përgjegjësisë për bllokadën e deritashme i është faturu LVV me të drejtë dhe Albin Kurtit dhe në këtë drejtim pres reflektim të qytetarëve karshi kësaj, por pavarësisht rezultatit në zgjedhje mendoj që secila parti politike e ka për obligim që tash gjatë fushatës të na tregoj edhe një gjë shtesë jo vetëm se cka mendojnë ata se do të bëjnë në formën e programit mirëpo edhe si do ta zhbllokojnë një situatë potencialisht bllokuese pas rezultatit të zgjedhjeve duke e marrë për shkasë këtë që e pamë gjatë këtyre muajve të këtij viti”, vlerësoi ai.

Ymeri pret që në zgjedhjet e reja të jashtëzakonshme Vetëvendosje të ketë një rënie, ku dhe ka treguar dy arsye.

“Nuk e di se si ka me qenë rezultati, unë pres që LVV me pas një rënie për dy arsye kryesore. E para është që LVV nuk është se ka pas kushedi cfarë performance gjatë qeverisjes dhe e tërë qeverisja e LVV është e përqendruar tek një çështje që është dmth atë që ata e kanë quajtur si çlirim të veriut i cili tash së paku në aspektin elektoral qartazi po del të jetë i pavërtetë, meqë jemi tash pas zgjedhjeve lokale dmth rikthimin e kryetarëve të komunave nga Lista Serbe në katër komunat në veri sic e kemi parë edhe një fitore jashtëzakonisht problematike do të thosha unë në të gjitha komunat me shumicë serbe të Listës Serbe në përjashtim të Kllokotit që shkon në raundin e dytë”, u shpreh ai.

Për fund, analisti vlerëson se rezultati zgjedhor mund të ndikohet edhe nga përfundimi i zgjedhjeve lokale.

“Në këtë drejtim edhe ky adut i LVV nuk është se ka kuptim tashmë në këtë fushatë të re, ndërkohë që natyrisht që rezultati zgjedhor mund të ndikohet edhe nga përfundimi i zgjedhjeve lokale, pra nga përfundmi i garave nëpër balotazh vecanarisht gara të rëndësishme janë Prishtina, Mitrovica, Prizreni, Gjakova, Peja e kështu me radhë. Fajtorë tjerë që mendoj që mund ta ndikojnë votën e LVV është fajësimi i LVV-së ose përgjegjësia e LVV për bllokadën disamuajshe që tash në fund doli se ka qenë e qëllimshme për ta shmangur votën për qeveri duke pasur parasysh se nuk i kishin numrat si dhe qartazi edhe marrëdhëniet e rënduara me ShBA-të të cilët në deklarimin e tyre të fundit për suspendimin e dialogut strategjik, këtë suspendim ia faturojnë si përgjegjësi të drejtëpërdrejtë Albin Kurtit, pra as partisë e qeverisë jo por drejtëpërdrejtë ish kryeminsitrit. Dhe në këtë drejtim mendoj që qytetarët e Republikës së Kosovës tash e kanë më të qartë se sa problematike do të kishte me qenë një Kosvoë e qeverisur vetëm nga LVV”, përfundoi Ymeri për GazetaBlic.

Ky është personi që vdiq si pasojë e plagëve nga arma e zjarrit

Një ngjarje tragjike ka ndodhur sot në fshatin Fushiticë të Drenasit, ku një burrë ka humbur jetën pasi është plagosur në rrethana ende të paqarta.

Zëdhënësja e Policisë për rajonin e Prishtinës, Flora Ahmeti, ka konfirmuar për Insajderin se policia është njoftuar për rastin rreth orës 13:30.

“Rreth orës 13:30, policia është njoftuar për një burrë të plagosur në fshatin Fushiticë të Drenasit. I njëjti është dërguar menjëherë në QKMF-në e Komoranit, ku nga ana e stafit mjekësor është konstatuar vdekja”, ka deklaruar Ahmeti.

Forcat policore kanë dalë menjëherë në vendin e ngjarjes dhe, në bashkërendim me prokurorin e rastit, po zhvillojnë hetimet për të sqaruar rrethanat dhe motivet që çuan në këtë ngjarje.

Insajderi merr vesh se viktima me incialet R.SH. kishte ardhur nga Suedia në Kosovë për pushime.