Në vendimin e tij të fundit për rishikimin e paraburgimit të datës 10 prill 2026, Trupi Gjykues në çështjen kundër Thaçit, Veselit, Selimit dhe Krasniqit, urdhëroi vazhdimin e paraburgimit të Hashim Thaçit.
“Trupi Gjykues konstatoj se vazhdojnë të ekzistojnë rreziqet që të akuzuarit të pengojnë ecurinë e procesit ose të kryejnë vepra penale të tjera”, njofton Specialja.
Një rast i rëndë raportohet të ketë ndodhur në Fushë-Krujë, pasditen e kësja të premteje, 10 prill, në fshatin Nikël.
Sipas informacioneve paraprake, të mësuara nga TvKlan, kunati ka vrarë me armë zjarri kunatin.
Ngjarja ka ndodhur në fshatin Verjon, rreth orës 18:15, teksa viktima raportohet të jetë shtetasi Artur Çangu.
“Në sallën operative të komisariatit të policisë Krujë është kryer një telefonatë nga një shtetas i cili është prezantuar si E.A dhe ka thënë që disa shtetas me çifte kanë qëlluar në drejtim A.Ç. policia mendon se është vrarë nga kunati por ende nuk e kanë konfirmuar plotësisht”, mëson gazetari.
Sakaq, sipas informacionit paraprak të uniformave blu, vijon kërkimi për arrestimin e autorit të dyshuar.
“Rreth orës 18:15, në fshatin Vrion, Nikël, dyshohet se shtetasi E. A, gjatë një konflikti për motive të dobëta ka vrarë me armë shtetasin A. C. Shërbimet e Policisë vijojnë kontrollet për kapjen e autorit të dyshuar shtetasit E. A. Grupi hetimor ndodhet në vendngjarje dhe punon për sqarimin e plotë e rrethanave të rastit dhe dokumentimin e plotë ligjor të tij“, njofton policia.
Shkak dyshohet të jetë bërë një konflikt mes tyre, i disa ditëve më parë.
U.D. presidentja e Kosovës, Albulena Haxhiu, ka bërë të ditur se ka ndërruar jetë babai i saj.
Kryetrja e Kuvendit të Kosovës, Albulena Haxhiu njofton për kohën e varrimit të babait të saj.
Sipas saj, ceremonia e varrimit bëhet sot në varrezat e fshatit Lupç të Podujevës, në orën 17:00.
Ajo fillimisht pati një një mesazh prekës, ajo u shpreh se kjo është një humbje e madhe për familjen e saj, duke e përshkruar të ndjerin si shtyllën më të fortë dhe mbështetësin më të madh në jetën e saj, transmeton KosovaPress.
“Me zemër të thyer e dhimbje të thellë, njoftoj për ndarjen nga jeta të babit. Ai ishte shtylla jonë më e fortë, mbështetësi im më i madh, njeriu që na mësoi respektin për të tjerët dhe që, me dashuri të pastër, dinte të na mbante gjithmonë të bashkuar”, ka shkruar Haxhiu.
Ajo shtoi se dashuria dhe kujtimi për të atin do të mbeten të përhershme.
“Do të dua përherë dhe nuk do të harroj kurrë, babë. Do të më mungosh shumë”, përfundon mesazhi i saj.
Ka vdekur babai i U.D së presidentes së Kosovës, Albulena Haxhiut.
Lajmin e ka bërë të ditur vetë Haxhiu, e cila me çrast shprehu dashuri e mirënjohje për figurën e të ndjerit.
Teksa tregoi për lidhjen e fortë që kishte me të atin, Haxhiu tha se prezenca e tij do t’i mungojë përherë.
“Me zemër të thyer e dhimbje të thellë, njoftoj për ndarjen nga jeta të babit.
Ai ishte shtylla jonë më e fortë, mbështetësi im më i madh, njeriu që na mësoi respektin për të tjerët dhe që, me dashuri të pastër, dinte të na mbante gjithmonë të bashkuar.
Do të dua përherë dhe nuk do të harroj kurrë, babë. Do të më mungosh shumë”, thuhet në njoftim.
Një ngjarje e rëndë ka ndodhur mbrëmjen e së premtes në Ferizaj, ku një i ri ka plagosur me armë zjarri një vajzë dhe më pas ka qëlluar veten.
Bëhet fjalë për Valon Krasniqin, rreth 32-vjeçar, i cili dyshohet se ka shtënë ndaj L. U., rreth 24-vjeçare në një barnatore në rrugën “Driton Islami”.
Ngjarja ka ndodhur rreth orës 22:00, kur viktima kishte hyrë në barnatore dhe kishte kërkuar ndihmë nga stafi, duke njoftuar se personi që ishte me të kishte armë.
Pak më pas, i dyshuari kishte hyrë brenda dhe kishte tentuar ta marrë me forcë viktimën, por pasi ajo kishte refuzuar, ai kishte dalë jashtë, kishte marrë armën nga vetura dhe kishte shtënë në drejtim të saj.
Viktima ishte plagosur në këmbë dhe kishte arritur të strehohej në depon e barnatores, mirëpo i dyshuari e kishte ndjekur dhe kishte shtënë edhe një herë në drejtim të saj.
Menjëherë pas kësaj, ai kishte qëlluar veten në kokë me të njëjtën armë.
Të dy janë dërguar në emergjencë dhe më pas në QKUK në Prishtinë, ku sipas mjekëve, viktima është jashtë rrezikut për jetë, ndërsa i dyshuari ka ndërruar jetë si pasojë e plagëve.
Në vendin e ngjarjes janë gjetur arma e përdorur, gëzhoja dhe prova të tjera materiale, ndërsa rasti është iniciuar si “Vrasje në tentativë”.
Hetimet janë në vazhdim.
Dy persona, një burrë dhe një grua, kanë mbetur të plagosur nga të shtënat me armë këtë të premte në rrugën “Driton Islami” në Ferizaj.
Të plagosurit janë dërguar për trajtim mjekësor në Qendrën Emergjente në Ferizaj, njofton Dukagjini.
Rastin për Dukagjinin e ka konfirmuar edhe zëdhënësi i Policisë për rajonin e Ferizajt, Kanun Veseli.
“Me datën 10.04.2026, rreth orës 22:00, kemi pranuar një informatë se në rrugën “Driton Islami”, në afërsi të rreth-rrotullimit, ka pasur të shtëna me armë zjarri. Sipas informatave të para, dyshohet se dy persona janë plagosur, të cilët janë dërguar në Qendrën Emergjente në Ferizaj për trajtim mjekësor. Për detaje të tjera do të njoftoheni me raport vijues”, ka Veseli.
Një plagosje me armë zjarri ka ndodhur sot, rreth orës 22:00 në rrugën “Driton Islami”, në afërsi të rreth-rrotullimit në Ferizaj.
Rastin e ka konfirmuar për Sinjalin, Kanun Veseli, zëdhënës i Policisë për Rajonin e Ferizajit, i cili bëri të ditur se dyshohet se dy persona janë plagosur, të cilët janë dërguar në Qendrën Emergjente në Ferizaj për trajtim mjekësor.
Deputeti i Lëvizjes Vetëvendosje, Egzon Azemi, ka arsyetuar përdorimin e automjeteve të blinduara nga kryeministri Albin Kurti, duke thënë se të parit të qeverisë i kanosen rreziqe të shumta, sidomos prej Serbisë.
Sipas Azemit, Kurti është një nga figurat më të rrezikuara shtetërore.
“Kryeministri Kurti është një nga figurat më të rrezikuara shtetërore, sidomos nga Serbia. Dhe e vlerësoj si të frikshme këtë debat që po përmendet javëve të fundit. Vetëm tri javë më herët, zyrtarë shumë të lartë shtetërorë serbë kanë paralajmëru dhe kanë legjitimu ndërhyrjen edhe ushtarake edhe policore, njësoj si ka vepru Trumpi, duke iu referu arrestimit të Nicolás Maduro në Venezuelë. Të njëjtit kanë deklaru se mbase edhe Serbia duhet t’i shqyrtoj këto mundësi për operacione të tilla. E në këso situata, kur ka kërcënime publike, mund të ketë edhe veprime të tilla”, ka deklaruar ai.
Ish-presidenti i Kosovës, Hashim Thaçi së fundi ka dhënë një intervistë për gazetën e njohur gjermane, FAZ. Ai aty flet për vdekjen e babait të tij, politikën në Kosovë, procesin gjyqësor e shumë të tjera.
Një prej pyetjeve të para që iu bë Thaçit në këtë intervistë, ka të bëjë me rikthimin e tij të mundshëm në politikë, nëse shpallet i pafajshëm.
Ish-presidenti u shpreh se garën politike e sheh pas vetës, por jo edhe jetën politike. Ai ka shtuar se do të vazhdojë t’i shërbejë publikut, por se ndihet i përmbushur në karrierën politike.
“Ju pyesni nëse jeta ime politike ka përfunduar. E shoh garën politike pas vetes, por jo jetën time politike. Si qytetar i lirë i Kosovës do të vazhdoj t’i shërbej publikut dhe shtetit edhe në të ardhmen. Përulem paa popullit të Kosovës që më ka dhënë besim, respekt dhe mbështetje për dy dekada. Shpreh mirënjohje të thellë edhe për partnerët tanë ndërkombëtarë që bashkëpunuan me mua për të realizuar vullnetin e qytetarëve për liri dhe pavarësi. Ndihem i përmbushur në karrierën time politike”, tha ai.
Ish-kreu i Ushtrisë Çlirimtare të Kosovës foli edhe për vdekjen e babait të tij, duke thënë se fakti që nuk mori pjesë në varrim, e ka lënduar thellë.
“I vlerësoj shumë fjalët tuaja të mira për vdekjen e babait tim. Ishte një humbje e madhe për familjen time dhe për mua personalisht. Tani ndodhem në vitin e gjashtë të paraburgimit dhe ende pres një vendim gjykate. Fakti që nuk munda të marr pjesë në varrimin e babait tim dhe t’i jap lamtumirën e fundit më ka lënduar thellë, një dhimbje që do ta mbaj gjithë jetën”.
Thaçi foli edhe për dëshminë e gjeneralit Wesley Clark:
“Unë mbështes plotësisht argumentet e ekipit tim mbrojtës. Dhomat e Specializuara të Kosovës janë mekanizmi i katërt ndërkombëtar pas ICTY, UNMIK dhe EULEX. Secili prej këtyre mekanizmave ka hetuar ngjarjet e viteve 1998–1999 dhe ka nxjerrë përfundime për përgjegjësitë. Qëllimi i krijimit të kësaj gjykate ishte hetimi i pretendimeve të raportit të Dick Marty-t, veçanërisht për trafikim organesh – pretendime të ngritura nga përfaqësues rusë në Këshillin e Evropës. Por në aktakuzën tonë nuk ka asnjë referencë për këto akuza. Ato rezultuan të pavërteta. Edhe gjeneral Clark i cilësoi si dezinformim rus. Shpresojmë që ky proces të sjellë të vërtetën, drejtësinë dhe dinjitetin”.
Negociatat me Shtetet e Bashkuara nuk mund të fillojnë derisa Washingtoni të përmbushë dy kushte kryesore, sipas kryetarit të parlamentit të Iranit, Mohammad Bagher Ghalibaf, për të cilin disa media iraniane thonë se pritet të udhëheqë delegacionin e Teheranit gjatë bisedimeve të fundjavës në Pakistan.
Ghalibaf tha se një armëpushim në Liban dhe lirimi i aseteve të bllokuara të Iranit duhet të përmbushen përpara se të fillojnë negociatat.
Kërkesa për lirimin e aseteve të bllokuara ka qenë një çështje e përsëritur në negociatat e kaluara, por kjo është hera e parë që është ngritur si parakusht për bisedimet e ardhshme të armëpushimit.
Presidenti amerikan, Donald Trump, shpesh përdor rrjetet sociale për të njoftuar ndryshime në politika, për të bërë deklarata, dhe – herë pas here, siç bëri më parë këtë javë – për të kërcënuar me shkatërrimin e një qytetërimi të tërë.
Postimi i fundit nga presidenti amerikan vjen në prag të bisedimeve të paqes midis delegacioneve amerikane dhe iraniane në Pakistan.
Duke ia lënë më shumë imagjinatës, aty thjesht shkruhet: “Fillimi më i fuqishëm në botë”.
